லகு4 ஸ்தோத்ரம்
ஸௌராஷ்ட்ரே ஸோமனாத4ஞ்ச ஶ்ரீஶைலே மல்லிகார்ஜுனம் ।
உஜ்ஜயின்யாம் மஹாகாலம் ஓங்காரேத்வமாமலேஶ்வரம் ॥
பர்ல்யாம் வைத்3யனாத4ஞ்ச டா4கின்யாம் பீ4ம ஶங்கரம் ।
ஸேதுப3ன்தே4து ராமேஶம் நாகே3ஶம் தா3ருகாவனே ॥
வாரணாஶ்யான்து விஶ்வேஶம் த்ரயம்ப3கம் கௌ3தமீதடே ।
ஹிமாலயேது கேதா3ரம் க்4ருஷ்ணேஶன்து விஶாலகே ॥
ஏதானி ஜ்யோதிர்லிங்கா3னி ஸாயம் ப்ராத: படே2ன்னர: ।
ஸப்த ஜன்ம க்ருதம் பாபம் ஸ்மரணேன வினஶ்யதி ॥
ஸம்பூர்ண ஸ்தோத்ரம்
ஸௌராஷ்ட்ரதே3ஶே விஶதே3திரம்யே ஜ்யோதிர்மயம் சன்த்3ரகல்தா3வதம்ஸம் ।
ப4க்தப்ரதா3னாய க்ருபாவதீர்ணம் தம் ஸோமனாத2ம் ஶரணம் ப்ரபத்3யே ॥ 1 ॥
ஶ்ரீஶைலஶ்ருங்கே3 விவித4ப்ரஸங்கே3 ஶேஷாத்3ரிஶ்ருங்கே3பி ஸதா3 வஸன்தம் ।
தமர்ஜுனம் மல்லிகபூர்வமேனம் நமாமி ஸம்ஸாரஸமுத்3ரஸேதும் ॥ 2 ॥
அவன்திகாயாம் விஹிதாவதாரம் முக்திப்ரதா3னாய ச ஸஜ்ஜனானாம் ।
அகாலம்ருத்யோ: பரிரக்ஷணார்த2ம் வன்தே3 மஹாகாலமஹாஸுரேஶம் ॥ 3 ॥
காவேரிகானர்மத3யோ: பவித்ரே ஸமாக3மே ஸஜ்ஜனதாரணாய ।
ஸதை3வ மான்தா4த்ருபுரே வஸன்தம் ஓங்காரமீஶம் ஶிவமேகமீடே3 ॥ 4 ॥
பூர்வோத்தரே ப்ரஜ்வலிகானிதா4னே ஸதா3 வஸம் தம் கி3ரிஜாஸமேதம் ।
ஸுராஸுராராதி4தபாத3பத்3மம் ஶ்ரீவைத்3யனாத2ம் தமஹம் நமாமி ॥ 5 ॥
யம் டா3கினிஶாகினிகாஸமாஜே நிஷேவ்யமாணம் பிஶிதாஶனைஶ்ச ।
ஸதை3வ பீ4மாதி3பத3ப்ரஸித்3த4ம் தம் ஶங்கரம் ப4க்தஹிதம் நமாமி ॥ 6 ॥
ஶ்ரீதாம்ரபர்ணீஜலராஶியோகே3 நிப3த்4ய ஸேதும் விஶிகை2ரஸங்க்3யை: ।
ஶ்ரீராமசன்த்3ரேண ஸமர்பிதம் தம் ராமேஶ்வராக்2யம் நியதம் நமாமி ॥ 7 ॥
யாம்யே ஸத3ங்கே3 நக3ரேதிரம்யே விபூ4ஷிதாங்க3ம் விவிதை4ஶ்ச போ4கை3: ।
ஸத்3ப4க்திமுக்திப்ரத3மீஶமேகம் ஶ்ரீனாக3னாத2ம் ஶரணம் ப்ரபத்3யே ॥ 8 ॥
ஸானந்த3மானந்த3வனே வஸன்தம் ஆனந்த3கன்த3ம் ஹதபாபப்3ருன்த3ம் ।
வாராணஸீனாத2மனாத2னாத2ம் ஶ்ரீவிஶ்வனாத2ம் ஶரணம் ப்ரபத்3யே ॥ 9 ॥
ஸஹ்யாத்3ரிஶீர்ஷே விமலே வஸன்தம் கோ3தா3வரிதீரபவித்ரதே3ஶே ।
யத்3த3ர்ஶனாத் பாதகம் பாஶு நாஶம் ப்ரயாதி தம் த்ர்யம்ப3கமீஶமீடே3 ॥ 1௦ ॥
மஹாத்3ரிபார்ஶ்வே ச தடே ரமன்தம் ஸம்பூஜ்யமானம் ஸததம் முனீன்த்3ரை: ।
ஸுராஸுரைர்யக்ஷ மஹோரகா3ட்4யை: கேதா3ரமீஶம் ஶிவமேகமீடே3 ॥ 11 ॥
இலாபுரே ரம்யவிஶாலகேஸ்மின் ஸமுல்லஸன்தம் ச ஜக3த்3வரேண்யம் ।
வன்தே3 மஹோதா3ரதரஸ்வபா4வம் க்4ருஷ்ணேஶ்வராக்2யம் ஶரணம் ப்ரபத்3யே ॥ 12 ॥
ஜ்யோதிர்மயத்3வாத3ஶலிங்க3கானாம் ஶிவாத்மனாம் ப்ரோக்தமித3ம் க்ரமேண ।
ஸ்தோத்ரம் படி2த்வா மனுஜோதிப4க்த்யா ப2லம் ததா3லோக்ய நிஜம் பஜ4ேச்ச ॥
Browse Related Categories:
