Uma Maheswara Stotram - Sinhala

Collection of Spiritual and Devotional Literature in Various Indian Languages

View this in:

උමා මහේශ්වර ස්තෝත්රම්

නමඃ ශිවාභ්යාං නවයෞවනාභ්යාං
පරස්පරාශ්ලිෂ්ටවපුර්ධරාභ්යාං ।
නගේංද්රකන්යාවෘෂකේතනාභ්යාං
නමෝ නමඃ ශංකරපාර්වතීභ්යාං ॥ 1 ॥

නමඃ ශිවාභ්යාං සරසෝත්සවාභ්යාං
නමස්කෘතාභීෂ්ටවරප්රදාභ්යාං ।
නාරායණේනාර්චිතපාදුකාභ්යාං
නමෝ නමඃ ශංකරපාර්වතීභ්යාං ॥ 2 ॥

නමඃ ශිවාභ්යාං වෘෂවාහනාභ්යාං
විරිංචිවිෂ්ණ්විංද්රසුපූජිතාභ්යාං ।
විභූතිපාටීරවිලේපනාභ්යාං
නමෝ නමඃ ශංකරපාර්වතීභ්යාං ॥ 3 ॥

නමඃ ශිවාභ්යාං ජගදීශ්වරාභ්යාං
ජගත්පතිභ්යාං ජයවිග්රහාභ්යාං ।
ජංභාරිමුඛ්යෛරභිවංදිතාභ්යාං
නමෝ නමඃ ශංකරපාර්වතීභ්යාං ॥ 4 ॥

නමඃ ශිවාභ්යාං පරමෞෂධාභ්යාං
පංචාක්ෂරීපංජරරංජිතාභ්යාං ।
ප්රපංචසෘෂ්ටිස්ථිතිසංහෘතාභ්යාං
නමෝ නමඃ ශංකරපාර්වතීභ්යාං ॥ 5 ॥

නමඃ ශිවාභ්යාමතිසුංදරාභ්යාං
අත්යංතමාසක්තහෘදංබුජාභ්යාං ।
අශේෂලෝකෛකහිතංකරාභ්යාං
නමෝ නමඃ ශංකරපාර්වතීභ්යාං ॥ 6 ॥

නමඃ ශිවාභ්යාං කලිනාශනාභ්යාං
කංකාළකල්යාණවපුර්ධරාභ්යාං ।
කෛලාසශෛලස්ථිතදේවතාභ්යාං
නමෝ නමඃ ශංකරපාර්වතීභ්යාං ॥ 7 ॥

නමඃ ශිවාභ්යාමශුභාපහාභ්යාං
අශේෂලෝකෛකවිශේෂිතාභ්යාං ।
අකුංඨිතාභ්යාං ස්මෘතිසංභෘතාභ්යාං
නමෝ නමඃ ශංකරපාර්වතීභ්යාං ॥ 8 ॥

නමඃ ශිවාභ්යාං රථවාහනාභ්යාං
රවීංදුවෛශ්වානරලෝචනාභ්යාං ।
රාකාශශාංකාභමුඛාංබුජාභ්යාං
නමෝ නමඃ ශංකරපාර්වතීභ්යාං ॥ 9 ॥

නමඃ ශිවාභ්යාං ජටිලංධරාභ්යාං
ජරාමෘතිභ්යාං ච විවර්ජිතාභ්යාං ।
ජනාර්දනාබ්ජෝද්භවපූජිතාභ්යාං
නමෝ නමඃ ශංකරපාර්වතීභ්යාං ॥ 10 ॥

නමඃ ශිවාභ්යාං විෂමේක්ෂණාභ්යාං
බිල්වච්ඡදාමල්ලිකදාමභෘද්භ්යාං ।
ශෝභාවතීශාංතවතීශ්වරාභ්යාං
නමෝ නමඃ ශංකරපාර්වතීභ්යාං ॥ 11 ॥

නමඃ ශිවාභ්යාං පශුපාලකාභ්යාං
ජගත්රයීරක්ෂණබද්ධහෘද්භ්යාං ।
සමස්තදේවාසුරපූජිතාභ්යාං
නමෝ නමඃ ශංකරපාර්වතීභ්යාං ॥ 12 ॥

ස්තෝත්රං ත්රිසංධ්යං ශිවපාර්වතීභ්යාං
භක්ත්යා පඨේද්ද්වාදශකං නරෝ යඃ ।
ස සර්වසෞභාග්යඵලානි
භුංක්තේ ශතායුරාංතේ ශිවලෝකමේති ॥ 13 ॥

Browse Related Categories: