හරිඃ ඕම් ॥ ශං නෝ॑ මි॒ත්රශ්ශං වරු॑ණඃ । ශං නෝ॑ භවත්වර්ය॒මා । ශං න॒ ඉංද්රෝ॒ බෘහ॒ස්පතිඃ॑ । ශං නෝ॒ විෂ්ණු॑-රුරුක්ර॒මඃ । නමෝ॒ බ්රහ්ම॑ණේ । නම॑ස්තේ වායෝ । ත්වමේ॒ව ප්ර॒ත්යක්ෂං॒ බ්රහ්මා॑සි । ත්වමේ॒ව ප්ර॒ත්යක්ෂං॒ බ්රහ්ම॑ වදිෂ්යාමි । ඍ॒තං ව॑දිෂ්යාමි । ස॒ත්යං ව॑දිෂ්යාමි। තන්මාම॑වතු । තද්ව॒ත්තාර॑මවතු । අව॑තු॒ මාම් । අව॑තු ව॒ක්තාරම්᳚ । ඕං ශාංතිඃ॒ ශාංතිඃ॒ ශාංතිඃ॑ ॥1॥

ඕං ශීක්ෂාං ව්යා᳚ඛ්යාස්යා॒මඃ । වර්ණ॒-ස්ස්වරඃ । මාත්රා॒ බලම් । සාම॑ සංතා॒නඃ । ඉත්යුක්ත-ශ්ශී᳚ක්ෂාධ්යා॒යඃ ॥2॥

ස॒හ නෞ॒ යශඃ । ස॒හ නෞ බ්ර॑හ්මව॒ර්චසම් । අථාතස්සග්-ම්හිතායා උපනිෂදං ව්යා᳚ඛාස්යා॒මඃ । පංචස්වධික॑රණේ॒ෂු । අධිලෝකමධිජ්යෞතිෂ-මධිවිද්ය-මධිප්රජ॑-මධ්යා॒ත්මම් । තා මහාසග්-ම්හිතා ඉ॑ත්යාච॒ක්ෂතේ । අථා॑ධිලෝ॒කම් । පෘථිවී පූ᳚ර්වරූ॒පම් । ද්යෞරුත්ත॑රරූ॒පම් । ආකා॑ශ-ස්සං॒ධිඃ ॥3॥ වායුඃ॑-ස්සංධා॒නම් । ඉත්ය॑ධිලෝ॒කම් । අථා॑ධිජ්යෞ॒තිෂම් । අග්නිඃ පූ᳚ර්වරූ॒පම් । ආදිත්ය උත්ත॑රරූ॒පම් । ආ॑පස්සං॒ධිඃ । වෛද්යුත॑ස්සංධා॒නම් । ඉත්ය॑ධිජ්යෞ॒තිෂම් । අථා॑ධිවි॒ද්යම් । ආචාර්යඃ පූ᳚ර්වරූ॒පම් ॥4। අංතේවාස්යුත්ත॑රරූ॒පම් । වි॑ද්යා සං॒ධිඃ । ප්රවචනග්-ම්॑ සංධා॒නම් । ඉත්ය॑ධිවි॒ද්යම් ॥ අථාධි॒ප්රජම් । මාතා පූ᳚ර්වරූ॒පම් । පිතෝත්ත॑රරූ॒පම් । ප්ර॑ජා සං॒ධිඃ । ප්රජනනග්-ම්॑ සංධා॒නම් । ඉත්යධි॒ප්රජම් ॥5॥ අථාධ්යා॒ත්මම් । අධරා හනුඃ පූ᳚ර්වරූ॒පම් । උත්තරා හනුරුත්ත॑රරූ॒පම් । වාක්සං॒ධිඃ । ජිහ්වා॑ සංධා॒නම් । ඉත්යධ්යා॒ත්මම් । ඉතීමා ම॑හාස॒ග්-ම්॒හි॑තාඃ ॥ ය ඒවමේතා මහාසග්-ම්හිතා ව්යාඛ්යා॑තා වේ॒ද । සංධීයතේ ප්රජ॑යා ප॒ශුභිඃ । බ්රහ්මවර්චසේනාන්නාද්යේන සුවර්ග්යේණ॑ ලෝකේ॒න ॥6॥

යශ්ඡංද॑සාමෘෂ॒භෝ වි॒ශ්වරූ॑පඃ । ඡංදෝ॒භ්යෝऽධ්ය॒මෘතා᳚ථ්සං බ॒භූව॑ । ස මේංද්රෝ॑ මේ॒ධයා᳚ ස්පෘණෝතු । අ॒මෘත॑ස්ය දේව॒ධාර॑ණෝ භූයාසම් । ශරී॑රං මේ॒ විච॑ර්-ෂණම් । ජි॒හ්වා මේ॒ මධු॑මත්තමා । කර්ණා᳚භ්යං॒ භූරි॒විශ්රු॑වම් । බ්රහ්ම॑ණඃ කෝ॒ශෝ॑ऽසි මේ॒ධයාऽපි॑හිතඃ । ශ්රු॒තං මේ॑ ගෝපාය । ආ॒වහං॑තී විතන්වා॒නා ॥7॥ කු॒ර්වා॒ණා චීර॑මා॒ත්මනඃ॑ । වාසාග්-ම්॑සි॒ මම॒ ගාව॑ශ්ච । අ॒න්න॒පා॒නේ ච॑ සර්ව॒දා । තතෝ॑ මේ॒ ශ්රිය॒මාව॑හ । ලෝ॒ම॒ශාං ප॒ශුභි॑ස්ස॒හ ස්වාහා᳚ । ආමා॑යංතු බ්රහ්මචා॒රිණ॒ස්ස්වාහා᳚ । විමා॑ऽऽයංතු බ්රහ්මචා॒රිණ॒ස්ස්වාහා᳚ । ප්රමා॑ऽऽයංතු බ්රහ්මචා॒රිණ॒ස්ස්වාහා᳚ । දමා॑යංතු බ්රහ්මචා॒රිණ॒ස්ස්වාහා᳚ । ශමා॑යංතු බ්රහ්මචා॒රිණ॒ස්ස්වාහා᳚ ॥8॥ යශෝ॒ ජනේ॑ऽසානි॒ ස්වාහා᳚ । ශ්රේයා॒න්॒ වස්ය॑සෝऽසානි॒ ස්වාහා᳚ । තං ත්වා॑ භග॒ ප්රවි॑ශානි॒ ස්වාහා᳚ । ස මා॑ භග॒ ප්රවි॑ශ॒ ස්වාහා᳚ । තස්මිං᳚ථ්ස॒හස්ර॑ශාඛේ । ශ්රේයා॒න්॒ වස්ය॑සෝऽසානි॒ ස්වාහා᳚ । තං ත්වා॑ භග॒ ප්රවි॑ශානි॒ ස්වාහා᳚ । ස මා॑ භග॒ ප්රවි॑ශ॒ ස්වාහා᳚ । තස්මිං᳚ථ්ස॒හස්ර॑ශාඛේ । නි භ॑ගා॒ऽහං ත්වයි॑ මෘජේ॒ ස්වාහා᳚ । යථාऽऽපඃ॒ ප්රව॑තා॒ऽऽයංති॑ । යථා॒ මාසා॑ අහර්ජ॒රම් । ඒවං॒ මාං බ්ර॑හ්මචා॒රිණඃ॑ । ධාත॒රායං॑තු ස॒ර්වත॒ස්ස්වාහා᳚ । ප්ර॒ති॒වේ॒ශෝ॑ऽසි॒ ප්ර මා॑ භාහි॒ ප්ර මා॑ පද්යස්ව ॥9॥

භූර්භුව॒ස්සුව॒රිති॒ වා ඒ॒තාස්ති॒ස්රෝ ව්යාහෘ॑තයඃ । තාසා॑මු හ ස්මෛ॒ තාං ච॑තු॒ර්ථීම් । මාහා॑චමස්යඃ॒ ප්රවේ॑දයතේ । මහ॒ ඉති॑ । තද්බ්රහ්ම॑ । ස ආ॒ත්මා । අංගා᳚න්ය॒න්යා දේ॒වතාඃ᳚ । භූරිති॒ වා අ॒යං ලෝ॒කඃ । භුව॒ ඉත්යං॒තරි॑ක්ෂම් । සුව॒රිත්ය॒සෞ ලෝ॒කඃ ॥10॥ මහ॒ ඉත්යා॑දි॒ත්යඃ । ආ॒දි॒ත්යේන॒ වාව සර්වේ॑ ලෝ॒කා මහී॑යංතේ । භූරිති॒ වා අ॒ග්නිඃ । භුව॒ ඉති॑ වා॒යුඃ । සුව॒රිත්යා॑දි॒ත්යඃ । මහ॒ ඉති॑ චං॒ද්රමාඃ᳚ । චං॒ද්රම॑සා॒ වාව සර්වා॑ණි॒ ජ්යෝතීග්-ම්॑ෂි॒ මහී॑යංතේ । භූරිති॒ වා ඍචඃ॑ । භුව॒ ඉති॒ සාමා॑නි । සුව॒රිති॒ යජූග්-ම්॑ෂි ॥11॥ මහ॒ ඉති॒ බ්රහ්ම॑ । බ්රහ්ම॑ණා॒ වාව සර්වේ॑ වේ॒දා මහී॑යංතේ । භූරිති॒ වෛ ප්රාණඃ । භුව॒ ඉත්ය॑පා॒නඃ । සුව॒රිති॑ ව්යා॒නඃ । මහ॒ ඉත්යන්නම්᳚ । අන්නේ॑න॒ වාව සර්වේ᳚ ප්රා॒ණා මහී॑යංතේ । තා වා ඒ॒තාශ්චත॑ස්රශ්චතු॒ර්ධා । චත॑ස්රශ්චතස්රෝ॒ ව්යාහෘ॑තයඃ । තා යෝ වේද॑ । ස වේ॑ද॒ බ්රහ්ම॑ । සර්වේ᳚ऽස්මෛ දේ॒වා බ॒ලිමාව॑හංති ॥12॥

ස ය ඒ॒ෂෝ᳚ऽංතර්-හෘ॑දය ආකා॒ශඃ । තස්මි॑න්න॒යං පුරු॑ෂෝ මනෝ॒මයඃ॑ । අමෘ॑තෝ හිර॒ණ්මයඃ॑ । අංත॑රේණ॒ තාලු॑කේ । ය ඒ॒ෂ ස්තන॑ ඉවාව॒ලංබ॑තේ । සේං᳚ද්රයෝ॒නිඃ । යත්රා॒සෞ කේ॑ශාං॒තෝ විවර්ත॑තේ । ව්ය॒පෝහ්ය॑ ශීර්-ෂකපා॒ලේ । භූරිත්ය॒ග්නෞ ප්රති॑තිෂ්ඨති । භුව॒ ඉති॑ වා॒යෞ ॥13॥ සුව॒රිත්යා॑දි॒ත්යේ । මහ॒ ඉති॒ බ්රහ්ම॑ණි । ආ॒ප්නෝති॒ ස්වාරා᳚ජ්යම් । ආ॒ප්නෝති॒ මන॑ස॒ස්පතිම්᳚ । වාක්ප॑ති॒ශ්චක්ෂු॑ශ්පතිඃ । ශ්රෝත්ර॑පතිර්වි॒ජ්ඤාන॑පතිඃ । ඒ॒තත්තතෝ॑ භවති । ආ॒කා॒ශශ॑රීරං॒ බ්රහ්ම॑ । ස॒ත්යාත්ම॑ ප්රා॒ණාරා॑මං॒ මන॑ ආනංදම් । ශාංති॑සමෘද්ධ-ම॒මෘතම්᳚ । ඉති॑ ප්රාචීන යෝ॒ග්යෝපා᳚ස්ස්ව ॥14॥

පෘ॒ථි॒ව්යං॑තරි॑ක්ෂං॒ ද්යෞර්දිශෝ॑ऽවාංතරදි॒ශාඃ । අ॒ග්නිර්වා॒යුරා॑දි॒ත්යශ්චං॒ද්රමා॒ නක්ෂ॑ත්රාණි । ආප॒ ඕෂ॑ධයෝ॒ වන॒ස්පත॑ය ආකා॒ශ ආ॒ත්මා । ඉත්ය॑ධිභූ॒තම් । අථාධ්යා॒ත්මම් । ප්රා॒ණෝ ව්යා॒නෝ॑ऽපා॒න උ॑දා॒නස්ස॑මා॒නඃ । චක්ෂු॒ශ්රෝත්රං॒ මනෝ॒ වාක්-ත්වක් । චර්ම॑ මා॒ග්-ම්॒සග්ග් ස්නාවාऽස්ථි॑ ම॒ජ්ජා । ඒ॒තද॑ධිවි॒ධාය॒ ඍෂි॒රවෝ॑චත් । පාංක්තං॒ වා ඉ॒දග්-ම් සර්වම්᳚ । පාංක්තේ॑නෛ॒ව පාංක්තග්ග්॑ ස්පෘණෝ॒තීති॑ ॥15॥

ඕමිති॒ බ්රහ්ම॑ । ඕමිතී॒දග්-ම් සර්වම්᳚ । ඕමිත්යේ॒තද॑නුකෘති හස්ම॒ වා අ॒ප්යෝ ශ්රා॑ව॒යේත්යාශ්රා॑වයංති । ඕමිති॒ සාමා॑නි ගායංති । ඕග්-ම් ශෝමිති॑ ශ॒ස්ත්රාණි॑ ශග්-ම්සංති । ඕමිත්ය॑ධ්ව॒ර්යුඃ ප්ර॑තිග॒රං ප්රති॑ගෘණාති । ඕමිති॒ බ්රහ්මා॒ ප්රසෞ॑ති । ඕමිත්ය॑ග්නිහෝ॒ත්රමනු॑ජානාති । ඕමිති॑ බ්රාහ්ම॒ණඃ ප්ර॑ව॒ක්ෂ්යන්නා॑හ॒ බ්රහ්මෝපා᳚ප්නවා॒නීති॑ । බ්රහ්මෛ॒වෝපා᳚ප්නෝති ॥16॥

ඍතං ච ස්වාධ්යායප්රව॑චනේ॒ ච । සත්යං ච ස්වාධ්යායප්රව॑චනේ॒ ච । තපශ්ච ස්වාධ්යායප්රව॑චනේ॒ ච । දමශ්ච ස්වාධ්යායප්රව॑චනේ॒ ච । ශමශ්ච ස්වාධ්යායප්රව॑චනේ॒ ච । අග්නයශ්ච ස්වාධ්යායප්රව॑චනේ॒ ච । අග්නිහෝත්රං ච ස්වාධ්යායප්රව॑චනේ॒ ච । අතිථයශ්ච ස්වාධ්යායප්රව॑චනේ॒ ච । මානුෂං ච ස්වාධ්යායප්රව॑චනේ॒ ච । ප්රජා ච ස්වාධ්යායප්රව॑චනේ॒ ච । ප්රජනශ්ච ස්වාධ්යායප්රව॑චනේ॒ ච । ප්රජාතිශ්ච ස්වාධ්යායප්රව॑චනේ॒ ච । සත්යමිති සත්යවචා॑ රාථී॒තරඃ । තප ඉති තපෝනිත්යඃ පෞ॑රුශි॒ෂ්ටිඃ । ස්වාධ්යායප්රවචනේ ඒවේති නාකෝ॑ මෞද්ග॒ල්යඃ । තද්ධි තප॑-ස්තද්ධි॒ තපඃ ॥17॥

අ॒හං වෘ॒ක්ෂස්ය॒ රේරි॑වා । කී॒ර්තිඃ පෘ॒ෂ්ඨං ගි॒රේරි॑ව । ඌ॒ර්ධ්වප॑විත්රෝ වා॒ජිනී॑ව ස්ව॒මෘත॑මස්මි । ද්රවි॑ණ॒ග්-ම්॒ සව॑ර්චසම් । සුමේධා අ॑මෘතෝ॒ක්ෂිතඃ । ඉති ත්රිශංකෝර්වේදා॑නුව॒චනම් ॥18॥

වේදමනූච්යාචාර්යෝऽංතේවාසින-ම॑නුශා॒ස්ති । සත්යං॒ වද । ධර්මං॒ චර । ස්වාධ්යායා᳚න්මා ප්ර॒මදඃ । ආචාර්යාය ප්රියං ධනමාහෘත්ය ප්රජාතංතුං මා ව්ය॑වච්ඡේ॒ථ්සීඃ । සත්යාන්න ප්රම॑දිත॒ව්යම් । ධර්මාන්න ප්රම॑දිත॒ව්යම් । කුශලාන්න ප්රම॑දිත॒ව්යම් । භූත්යෛ න ප්රම॑දිත॒ව්යම් । ස්වාධ්යායප්රවචනාභ්යාං න ප්රම॑දිත॒ව්යම් ॥19॥ දේවපිතෘකාර්යාභ්යාං න ප්රම॑දිත॒ව්යම් । මාතෘ॑දේවෝ॒ භව । පිතෘ॑දේවෝ॒ භව । ආචාර්ය॑දේවෝ॒ භව । අතිථි॑දේවෝ॒ භව । යාන්යනවද්යානි॑ කර්මා॒ණි । තානි සේවි॑තව්යා॒නි । නෝ ඉ॑තරා॒ණි । යාන්යස්මාකග්-ම් සුච॑රිතා॒නි । තානි ත්වයෝ॑පාස්යා॒නි ॥20॥ නෝ ඉ॑තරා॒ණි । යේ කේ චාස්මච්ඡ්රේයාග්-ම්॑සෝ බ්රා॒හ්මණාඃ । තේෂාං ත්වයාऽऽසනේ න ප්රශ්ව॑සිත॒ව්යම් । ශ්රද්ධ॑යා දේ॒යම් । අශ්රද්ධ॑යාऽදේ॒යම් । ශ්රි॑යා දේ॒යම් । හ්රි॑යා දේ॒යම් । භි॑යා දේ॒යම් । සංවි॑දා දේ॒යම් । අථ යදි තේ කර්මවිචිකිථ්සා වා වෘත්තවිචිකි॑ථ්සා වා॒ ස්යාත් ॥21॥ යේ තත්ර බ්රාහ්මණා᳚ස්සංම॒ර්-ශිනඃ । යුක්තා॑ ආයු॒ක්තාඃ । අලූක්ෂා॑ ධර්ම॑කාමා॒ස්ස්යුඃ । යථා තේ॑ තත්ර॑ වර්තේ॒රන්න් । තථා තත්ර॑ වර්තේ॒ථාඃ । අථාභ්යා᳚ඛ්යාතේ॒ෂු । යේ තත්ර බ්රාහ්මණා᳚ස්සංම॒ර්-ශිනඃ । යුක්තා॑ ආයු॒ක්තාඃ । අලූක්ෂා॑ ධර්ම॑කාමා॒ස්ස්යුඃ । යථා තේ॑ තේෂු॑ වර්තේ॒රන් । තථා තේෂු॑ වර්තේ॒ථාඃ । ඒෂ॑ ආදේ॒ශඃ । ඒෂ උ॑පදේ॒ශඃ । ඒෂා වේ॑දෝප॒නිෂත් । ඒතද॑නුශා॒සනම් । ඒවමුපා॑සිත॒ව්යම් । ඒවමුචෛත॑දුපා॒ස්යම් ॥22॥

ශං නෝ॑ මි॒ත්රශ්ශං වරු॑ණඃ । ශං නෝ॑ භවත්වර්ය॒මා । ශං න॒ ඉංද්රෝ॒ බෘහ॒ස්පතිඃ॑ । ශං නෝ॒ විෂ්ණු॑රුරුක්ර॒මඃ । නමෝ॒ බ්රහ්ම॑ණේ । නම॑ස්තේ වායෝ । ත්වමේ॒ව ප්ර॒ත්යක්ෂං॒ බ්රහ්මා॑සි । ත්වාමේ॒ව ප්ර॒ත්යක්ෂං॒ බ්රහ්මාවා॑දිෂම් । ඍ॒තම॑වාදිෂම් । ස॒ත්යම॑වාදිෂම් । තන්මාමා॑වීත් । තද්ව॒ක්තාර॑මාවීත් । ආවී॒න්මාම් । ආවී᳚ද්ව॒ක්තාරම්᳚ । ඕං ශාංතිඃ॒ ශාංතිඃ॒ ශාංතිඃ॑ ॥

॥ හරිඃ॑ ඕම් ॥
॥ ශ්රී කෘෂ්ණාර්පණමස්තු ॥