හරිඃ ඕම් । ස॒හ නා॑ වවතු । ස॒හ නෞ॑ භුනක්තු । ස॒හ වී॒ර්යං॑ කරවාවහෛ । තේ॒ජ॒ස්වි නා॒වධී॑තමස්තු॒ මා වි॑ද්විෂා॒වහෛ᳚ । ඕං ශාංතිඃ॒ ශාංතිඃ॒ ශාංතිඃ॑ ।

භ්රුගු॒ර්වෛ වා॑රු॒ණිඃ । වරු॑ණං॒ පිත॑ර॒මුප॑සසාර । අධී॑හි භගවෝ॒ බ්රහ්මේති॑ । තස්මා॑ ඒත॒ත්ප්රෝ॑වාච । අන්නං॑ ප්රා॒ණං චක්ෂු॒ශ්රෝත්රං॒ මනෝ॒ වාච॒මිති॑ । තග්-ම් හෝ॑වාච । යතෝ॒ වා ඉ॒මානි॒ භුතා॑නි॒ ජායං॑තේ । යේන॒ ජාතා॑නි॒ ජීවං॑ති । යත්ප්රයං॑ත්යභිසංවි॑ශංති । තද්විජි॑ජ්ඤාසස්ව । තද්බ්රහ්මේති॑ । ස තපෝ॑ऽතප්යත । ස තප॑ස්ත॒ප්ත්වා । ॥ 1 ॥

අන්නං॒ බ්රහ්මේති॒ ව්ය॑ජානාත් । අ॒න්නාධ්යේ॑ව ඛල්වි॒මානි॒ භූතා॑නි॒ ජායං॑තේ । අන්නේ॑න॒ ජාතා॑නි॒ ජීවං॑ති । අන්නං॒ ප්රයං॑ත්ය॒භිසංවි॑ශං॒තීති॑ । තද්වි॒ජ්ඤාය॑ । පුන॑රේ॒ව වරු॑ණං॒ පිත॑ර॒මුප॑සසාර । අධී॑හි භගවෝ॒ බ්රහ්මේති॑ । තග්-ම් හෝ॑වාච । තප॑සා॒ බ්රහ්ම॒ විජි॑ජ්ඤාසස්ව । තපෝ॒ බ්රහ්මේති॑ । ස තපෝ॑ऽතප්යත । ස තප॑ස්ත॒ප්ත්වා । ॥ 2 ॥

ප්රා॒ණෝ බ්ර॒හ්මේති॒ ව්ය॑ජානාත් । ප්රා॒ණාධ්යේ॑ව ඛල්වි॒මානි॒ භූතා॑නි॒ ජායං॑තේ । ප්රා॒ණේන॒ ජාතා॑නි॒ ජීවං॑ති । ප්රා॒ණං ප්රයං॑ත්ය॒භි සංවි॑ශං॒තීති॑ । පුන॑රේ॒ව වරු॑ණං॒ පිත॑ර॒මුප॑සසාර । අධී॑හි භගවෝ॒ බ්රහ්මේති॑ । තග්-ම් හෝ॑වාච । තප॑සා॒ බ්රහ්ම॒ විජි॑ජ්ඤාසස්ව । තපෝ॒ බ්රහ්මේති॑ । ස තපෝ॑ऽතප්යත । ස තප॑ස්ත॒ප්ත්වා । ॥ 3 ॥

මනෝ॒ බ්රහ්මේති॒ ව්ය॑ජානාත්। මන॑සෝ॒ හ්යේ॑ව ඛල්වි॒මානි॒ භූතා॑නි॒ ජායං॑තේ । මන॑සා॒ ජාතා॑නි॒ ජීවං॑ති । මනඃ॒ ප්රයං॑ත්ය॒භි සංවි॑ශං॒තීති॑ । තද්වි॒ජ්ඤාය॑ । පුන॑රේ॒ව වරු॑ණං॒ පිත॑ර॒මුප॑සසාර । අධී॑හි භගවෝ॒ බ්රහ්මේති॑ । තග්-ම් හෝ॑වාච । තප॑සා॒ බ්රහ්ම॒ විජි॑ජ්ඤාසස්ව । තපෝ॒ බ්රහ්මේති॑ । ස තපෝ॑ऽතප්යත । ස තප॑ස්ත॒ප්ත්වා । ॥ 4 ॥

වි॒ජ්ඤානං॒ බ්රහ්මේති॒ ව්ය॑ජානාත් । වි॒ජ්ඤානා॒ධ්යේ॑ව ඛල්වි॒මානි॒ භූතා॑නි॒ ජායං॑තේ । වි॒ජ්ඤානේ॑න॒ ජාතා॑නි॒ ජීවං॑ති । වි॒ජ්ඤානං॒ ප්රයං॑ත්ය॒භිසංවි॑ශං॒තීති॑ । තද්වි॒ජ්ඤාය॑ । පුන॑රේ॒ව වරු॑ණං॒ පිත॑ර॒මුප॑සසාර । අධී॑හි භගවෝ॒ බ්රහ්මේති॑ । තග්-ම් හෝ॑වාච । තප॑සා॒ බ්රහ්ම॒ විජි॑ජ්ඤාසස්ව । තපෝ॒ බ්රහ්මේති॑ । ස තපෝ॑ऽතප්යත । ස තප॑ස්ත॒ප්ත්වා । ॥ 5 ॥

ආ॒නං॒දෝ බ්ර॒හ්මේති॒ ව්ය॑ජානාත් । ආ॒නංදා॒ධ්යේ॑ව ඛල්වි॒මානි॒ භූතා॑නි॒ ජායං॑තේ । ආ॒නං॒දේන॒ ජාතා॑නි॒ ජීවං॑ති । ආ॒නං॒දං ප්රයං॑ත්ය॒භිසංවි॑ශං॒තීති॑ । සෛෂා භා᳚ර්ග॒වී වා॑රු॒ණී වි॒ද්යා । ප॒ර॒මේ ව්යෝ॑ම॒න් ප්රති॑ෂ්ඨිතා । ස ය ඒ॒වං වේද॒ ප්රති॑තිෂ්ඨති । අන්න॑වානන්නා॒දෝ භ॑වති । ම॒හාන්භ॑වති ප්ර॒ජයා॑ ප॒ශුභි॑ර්බ්රහ්මවර්ච॒සේන॑ । ම॒හාන් කී॒ර්ත්යා । ॥ 6 ॥

අන්නං॒ න නිං॑ද්යාත් । තද්-ව්ර॒තම් । ප්රා॒ණෝ වා අන්නම්᳚ । ශරී॑රමන්නා॒දම් । ප්රා॒ණේ ශරී॑රං॒ ප්රති॑ෂ්ඨිතම් । ශරී॑රේ ප්රා॒ණඃ ප්රති॑ෂ්ඨිතඃ । තදේ॒තදන්න॒මන්නේ॒ ප්රති॑ෂ්ටිතම් । ස ය ඒ॒තදන්න॒මන්නේ॒ ප්රති॑ෂ්ඨිතං॒ වේද॒ ප්රති॑තිෂ්ඨති । අන්න॑වානන්නා॒දෝ භ॑වති । ම॒හාන්භ॑වති ප්ර॒ජයා॑ ප॒ශුභි॑ර්බ්රහ්මවර්ච॒සේන॑ । ම॒හාන් කී॒ර්ත්යා । ॥ 7 ॥

අන්නං॒ න පරි॑චක්ෂීත । තද්-ව්ර॒තම් । ආපෝ॒ වා අන්නම්᳚ । ජ්යෝති॑රන්නා॒දම් । අ॒ප්සු ජ්යෝතිඃ॒ ප්රති॑ෂ්ඨිතම් । ජ්යෝති॒ෂ්යාපඃ॒ ප්රති॑ෂ්ඨිතාඃ। තදේ॒තදන්න॒මන්නේ॒ ප්රති॑ෂ්ඨිතම් । ස ය ඒ॒තදන්න॒මන්නේ॒ ප්රති॑ෂ්ඨිතං॒ වේද॒ ප්රති॑තිෂ්ඨති । අන්න॑වානන්නා॒දෝ භ॑වති । ම॒හාන්භ॑වති ප්ර॒ජයා॑ ප॒ශුභි॑ර්බ්රහ්මවර්ච॒සේන॑ । ම॒හාන් කී॒ර්ත්යා । ॥ 8 ॥

අන්නං॑ බ॒හු කු॑ර්වීත । තද්-ව්ර॒තම් । පෘ॒ථි॒වී වා අන්නම්᳚ । ආ॒කා॒ශෝ᳚ऽන්නා॒දඃ । පෘ॒ථි॒ව්යාමා॑කා॒ශඃ ප්රති॑ෂ්ඨිතඃ । ආ॒කා॒ශේ පෘ॑ථි॒වී ප්රති॑ෂ්ඨිතා । තදේ॒තදන්න॒මන්නේ॒ ප්රති॑ෂ්ඨිතම් । ස ය ඒ॒තදන්න॒මන්නේ॒ ප්රති॑ෂ්ඨිතං॒ වේද॒ ප්රති॑තිෂ්ඨති । අන්න॑වානන්නා॒දෝ භ॑වති । ම॒හාන්භ॑වති ප්ර॒ජයා॑ ප॒ශුභි॑ර්බ්රහ්මවර්ච॒සේන॑ । ම॒හාන් කී॒ර්ත්යා । ॥ 9 ॥

න කංචන වසතෞ ප්රත්යා॑චක්ෂී॒ත । තද්-ව්ර॒තම් । තස්මාද්යයා කයා ච විධයා බහ්ව॑න්නං ප්රා॒ප්නුයාත් । අරාධ්යස්මා අන්නමි॑ත්යාච॒ක්ෂතේ । ඒතද්වෛ මුඛතෝ᳚ऽන්නග්-ම් රා॒ද්ධම් । මුඛතෝऽස්මා අ॑න්නග්-ම් රා॒ධ්යතේ । ඒතද්වෛ මධ්යතෝ᳚ऽන්නග්-ම් රා॒ද්ධම් । මධ්යතෝऽස්මා අ॑න්නග්-ම් රා॒ධ්යතේ । ඒතද්වා අංතතෝ᳚ऽන්නග්-ම් රා॒ද්ධම් । අංතතෝऽස්මා අ॑න්නග්-ම් රා॒ධ්යතේ । ය ඒ॑වං වේ॒ද । ක්ෂේම ඉ॑ති වා॒චි । යෝගක්ෂේම ඉති ප්රා॑ණාපා॒ණයෝඃ । කර්මේ॑ති හ॒ස්තයෝඃ । ගතිරි॑ති පා॒දයෝඃ । විමුක්තිරි॑ති පා॒යෞ । ඉති මානුෂී᳚ස්සමා॒ජ්ඤාඃ । අථ දෛ॒වීඃ । තෘප්තිරි॑ති වෘ॒ෂ්ටෞ । බලමි॑ති වි॒ද්යුති । යශ ඉ॑ති ප॒ශුෂු । ජ්යෝතිරිති න॑ක්ෂත්රේ॒ෂු । ප්රජාතිරමෘතමානංද ඉ॑ත්යුප॒ස්ථේ । සර්වමි॑ත්යාකා॒ශේ । තත්ප්රතිෂ්ඨේත්යු॑පාසී॒ත। ප්රතිෂ්ඨා॑වාන්භ॒වති । තන්මහ ඉත්යු॑පාසී॒ත । ම॑හාන්භ॒වති । තන්මන ඉත්යු॑පාසී॒ත । මාන॑වාන්භ॒වති । තන්නම ඉත්යු॑පාසී॒ත । නම්යංතේ᳚ऽස්මෛ කා॒මාඃ । තද්බ්රහ්මේත්යු॑පාසී॒ත । බ්රහ්ම॑වාන්භ॒වති । තද්බ්රහ්මණඃ පරිමර ඉත්යු॑පාසී॒ත । පර්යේණං ම්රියංතේ ද්වි ෂංත॑ස්සප॒ත්නාඃ । පරි යේ᳚ऽප්රියා᳚ භ්රාතෘ॒ව්යාඃ । ස යශ්චා॑යං පු॒රුෂේ । යශ්චාසා॑වාදි॒ත්යේ । ස ඒකඃ॑ । ස ය॑ ඒවං॒ විත් । අස්මාල්ලෝ॑කාත්ප්රේ॒ත්ය । ඒතමන්නමයමාත්මානමුප॑ සංක්ර॒ම්ය ॥ ඒතං ප්රාණමයමාත්මානමුප॑ සංක්ර॒ම්ය । ඒතං මනෝමයමාත්මානමුප॑ සංක්ර॒ම්ය । ඒතං විජ්ඤානමයමාත්මානමුප॑ සංක්ර॒ම්ය । ඒතමානංදමයමාත්මානමුප॑ සංක්ර॒ම්ය । ඉමාන් ලෝකාන් කාමාන්නී කාමරූප්ය॑නු සං॒චරන්න් । ඒතථ්සාම ගා॑යන්නා॒ස්තේ । හා(3) වු॒ හා(3) වු॒ හා(3) වු॑ । අ॒හමන්නම॒හමන්නම॒හමන්නම් । අ॒හමන්නා॒දෝ(2)ऽ॒හමන්නා॒දෝ(2)ऽ॒හමන්නා॒දඃ । අ॒හග්ග් ශ්ලෝක॒කෘද॒හග්ග් ශ්ලෝක॒කෘද॒හග්ග් ශ්ලෝක॒කෘත් । අ॒හමස්මි ප්රථමජා ඍතා(3) ස්ය॒ । පූර්වං දේවේභ්යෝ අමෘතස්ය නා(3) භා॒යි॒ । යෝ මා දදාති ස ඉදේව මා(3) වාඃ॒ । අ॒හමන්න॒මන්න॑ම॒දංත॒මා(3) ද්මි॒ । අහං॒ විශ්වං॒ භුව॑න॒මභ්ය॑භ॒වාම් । සුව॒ර්න ජ්යෝතීඃ᳚ । ය ඒ॒වං වේද॑ । ඉත්යු॑ප॒නිෂ॑ත් । ॥ 10 ॥

ස॒හ නා॑ වවතු । ස॒හ නෞ॑ භුනක්තු । ස॒හ වී॒ර්යං॑ කරවාවහෛ । තේ॒ජ॒ස්වි නා॒වධී॑තමස්තු॒ මා වි॑ද්විෂා॒වහෛ᳚ ॥ ඕං ශාංතිඃ॒ ශාංතිඃ॒ ශාංතිඃ॑ ॥

॥ හරිඃ॑ ඕම් ॥
॥ ශ්රී කෘෂ්ණාර්පණමස්තු ॥