හරිඃ ඕම් ॥ ස॒හ නා॑ වවතු । ස॒හ නෞ॑ භුනක්තු । ස॒හ වී॒ර්යං॑ කරවාවහෛ । තේ॒ජ॒ස්වි නා॒වධී॑තමස්තු॒ මා වි॑ද්විෂා॒වහෛ᳚ । ඕං ශාංතිඃ॒ ශාංතිඃ॒ ශාංතිඃ॑ ॥

බ්ර॒හ්ම॒විදා᳚ප්නෝති॒ පරම්᳚ ॥ තදේ॒ෂාऽභ්යු॑ක්තා । ස॒ත්යං ජ්ඤා॒නම॑නං॒තං බ්රහ්ම॑ । යෝ වේද॒ නිහි॑තං॒ ගුහා॑යාං පර॒මේ ව්යෝ॑මන්න් । සෝ᳚ऽශ්නු॒තේ॒ සර්වා॒න්කාමාං᳚ථ්ස॒හ । බ්රහ්ම॑ණා විප॒ශ්චිතේති॑ ॥ තස්මා॒ද්වා ඒ॒තස්මා॑දා॒ත්මන॑ ආකා॒ශස්සංභූ॑තඃ । ආ॒කා॒ශාද්වා॒යුඃ । වා॒යෝර॒ග්නිඃ । අ॒ග්නේරාපඃ॑ । අ॒ද්භ්යඃ පෘ॑ථි॒වී । පෘ॒ථි॒ව්යා ඕෂ॑ධයඃ । ඕෂ॑ධී॒භ්යෝන්නම්᳚ । අන්නා॒ත්පුරු॑ෂඃ । ස වා ඒෂ පුරුෂෝऽන්න॑රස॒මයඃ । තස්යේද॑මේව॒ ශිරඃ । අයං දක්ෂි॑ණඃ ප॒ක්ෂඃ । අයමුත්ත॑රඃ ප॒ක්ෂඃ । අයමාත්මා᳚ । ඉදං පුච්ඡම්॑ ප්රති॒ෂ්ඨා । තදප්යේෂ ශ්ලෝ॑කෝ භ॒වති ॥ 1 ॥

අන්නා॒ද්වෛ ප්ර॒ජාඃ ප්ර॒ජායං॑තේ । යාඃ කාශ්ච॑ පෘථි॒වීග් ශ්රි॒තාඃ । අථෝ॒ අන්නේ॑නෛ॒ව ජී॑වංති। අථෛ॑න॒දපි॑ යංත්යංත॒තඃ । අන්න॒ග්-ම්॒ හි භු॒තානාං॒ ජ්යේෂ්ඨම්᳚ । තස්මා᳚ථ්සර්වෞෂ॒ධමු॑ච්යතේ । සර්වං॒ වෛ තේऽන්න॑මාප්නුවංති । යේऽන්නං॒ බ්රහ්මෝ॒පාස॑තේ । අන්න॒ග්-ම්॒ හි භු॒තානාං॒ ජ්යේෂ්ඨම්᳚ । තස්මා᳚ථ්සර්වෞෂ॒ධමු॑ච්යතේ । අන්නා᳚ද්භූ॒තානි॒ ජායං॑තේ । ජාතා॒න්යන්නේන॑ වර්ධංතේ । අද්යතේऽත්ති ච॑ භූතා॒නි । තස්මාදන්නං තදුච්ය॑ත ඉ॒ති । තස්මාද්වා ඒතස්මාදන්න॑රස॒මයාත් । අන්යෝංතර ආත්මා᳚ ප්රාණ॒මයඃ । තේනෛ॑ෂ පූ॒ර්ණඃ । ස වා ඒෂ පුරුෂවි॑ධ ඒ॒ව । තස්ය පුරු॑ෂවි॒ධතාම් । අන්වයං॑ පුරුෂ॒විධඃ । තස්ය ප්රාණ॑ ඒව॒ ශිරඃ । ව්යානෝ දක්ෂි॑ණඃ ප॒ක්ෂඃ । අපාන උත්ත॑රඃ ප॒ක්ෂඃ । ආකා॑ශ ආ॒ත්මා । පෘථිවී පුච්ඡං॑ ප්රති॒ෂ්ඨා । තදප්යේෂ ශ්ලෝ॑කෝ භ॒වති ॥ 2 ॥

ප්රා॒ණං දේ॒වා අනු॒ප්රාණං॑ති । ම॒නු॒ෂ්යාඃ᳚ ප॒ශව॑ශ්ච॒ යේ । ප්රා॒ණෝ හි භූ॒තනා॒මායුඃ॑ । තස්මා᳚ථ්සර්වායු॒ෂමු॑ච්යතේ । සර්ව॑මේ॒ව ත॒ ආයු॑ර්යංති । යේ ප්රා॒ණං බ්රහ්මෝ॒පාස॑තේ । ප්රාණෝ හි භූතා॑නාමා॒යුඃ । තස්මාථ්සර්වායුෂමුච්ය॑ත ඉ॒ති । තස්යෛෂ ඒව ශාරී॑ර ආ॒ත්මා । යඃ॑ පූර්ව॒ස්ය । තස්මාද්වා ඒතස්මා᳚ත්-ප්රාණ॒මයාත් । අන්යෝऽංතර ආත්මා॑ මනෝ॒මයඃ । තේනෛ॑ෂ පූ॒ර්ණඃ । ස වා ඒෂ පුරුෂවි॑ධ ඒ॒ව। තස්ය පුරු॑ෂවි॒ධතාම් । අන්වයං॑ පුරුෂ॒විධඃ । තස්ය යජු॑රේව॒ ශිරඃ । ඍග්-දක්ෂි॑ණඃ ප॒ක්ෂඃ । සාමෝත්ත॑රඃ ප॒ක්ෂඃ । ආදේ॑ශ ආ॒ත්මා । අථර්වාංගිරසඃ පුච්ඡං॑ ප්රති॒ෂ්ඨා । තදප්යේෂ ශ්ලෝ॑කෝ භ॒වති ॥ 3 ॥

යතෝ॒ වාචෝ॒ නිව॑ර්තංතේ । අප්රා᳚ප්ය॒ මන॑සා ස॒හ । ආනංදං බ්රහ්ම॑ණෝ වි॒ද්වාන් । න බිභේති කදා॑චනේ॒ති । තස්යෛෂ ඒව ශාරී॑ර ආ॒ත්මා । යඃ॑ පූර්ව॒ස්ය । තස්මාද්වා ඒතස්මා᳚න්-මනෝ॒මයාත් । අන්යෝऽංතර ආත්මා වි॑ජ්ඤාන॒මයඃ । තේනෛ॑ෂ පූ॒ර්ණඃ । ස වා ඒෂ පුරුෂවි॑ධ ඒ॒ව । තස්ය පුරු॑ෂවි॒ධතාම් । අන්වයං॑ පුරුෂ॒විධඃ । තස්ය ශ්ර॑ද්ධෛව॒ ශිරඃ । ඍතං දක්ෂි॑ණඃ ප॒ක්ෂඃ । සත්යමුත්ත॑රඃ ප॒ක්ෂඃ । යෝ॑ග ආ॒ත්මා । මහඃ පුච්ඡං॑ ප්රති॒ෂ්ඨා । තදප්යේෂ ශ්ලෝ॑කෝ භ॒වති ॥ 4 ॥

වි॒ජ්ඤානං॑ ය॒ජ්ඤං ත॑නුතේ । කර්මා॑ණී තනු॒තේऽපි॑ ච । වි॒ජ්ඤානං॑ දේ॒වාස්සර්වේ᳚ । බ්රහ්ම॒ ජ්යේෂ්ඨ॒මුපා॑සතේ । වි॒ජ්ඤානං॒ බ්රහ්ම॒ චේද්වේද॑ । තස්මා॒ච්චේන්න ප්ර॒මාද්ය॑ති । ශරීරේ॑ පාප්ම॑නෝ හි॒ත්වා । සර්වාන් කාමාංථ්සමශ්නු॑ත ඉ॒ති । තස්යෛෂ ඒව ශාරී॑ර ආ॒ත්මා । යඃ॑ පූර්ව॒ස්ය । තස්මාද්වා ඒතස්මාද්වි॑ජ්ඤාන॒මයාත් । අන්යෝऽංතර ආත්මා॑ऽऽනංද॒මයඃ । තේනෛ॑ෂ පූ॒ර්ණඃ । ස වා ඒෂ පුරුෂවි॑ධ ඒ॒ව । තස්ය පුරු॑ෂවි॒ධතාම් । අන්වයං॑ පුරුෂ॒විධඃ । තස්ය ප්රිය॑මේව॒ ශිරඃ । මෝදෝ දක්ෂි॑ණඃ ප॒ක්ෂඃ । ප්රමෝද උත්ත॑රඃ ප॒ක්ෂඃ । ආනං॑ද ආ॒ත්මා । බ්රහ්ම පුච්ඡං॑ ප්රති॒ෂ්ඨා । තදප්යේෂ ශ්ලෝ॑කෝ භ॒වති ॥ 5 ॥

අස॑න්නේ॒ව ස॑ භවති । අස॒ද්බ්රහ්මේති॒ වේද॒ චේත් । අස්ති බ්රහ්මේති॑ චේද්වේ॒ද । සංතමේනං තතෝ වි॑දුරි॒ති । තස්යෛෂ ඒව ශාරී॑ර ආ॒ත්මා । යඃ॑ පූර්ව॒ස්ය । අථාතෝ॑ऽනුප්ර॒ශ්නාඃ । උ॒තාවි॒ද්වාන॒මුං ලෝ॒කං ප්රේත්ය॑ । කශ්ච॒න ග॑ච්ච॒තී(3) । ආහෝ॑ වි॒ද්වාන॒මුං ලෝ॒කං ප්රේත්ය॑ । කස්චි॒ථ්සම॑ශ්නු॒තා(3) උ॒ । සෝ॑ऽකාමයත । බ॒හු ස්යාං॒ ප්රජා॑යේ॒යේති॑ । ස තපෝ॑ऽතප්යත । ස තප॑ස්ත॒ප්ත්වා । ඉදග්-ම් සර්ව॑මසෘජත । යදි॒දං කිංච॑ । තථ්සෘ॒ෂ්ට්වා । තදේ॒වානු॒ප්රාවි॑ශත් । තද॑නුප්ර॒විශ්ය॑ । සච්ච॒ ත්යච්චා॑භවත් । නි॒රුක්තං॒ චානි॑රුක්තං ච । නි॒ලය॑නං॒ චානි॑ලයනං ච । වි॒ජ්ඤානං॒ චාවි॑ජ්ඤනං ච । සත්යං චානෘතං ච ස॑ත්යම॒භවත් । යදි॑දං කිං॒ච । තථ්සත්යමි॑ත්යාච॒ක්ෂතේ । තදප්යේෂ ශ්ලෝ॑කෝ භ॒වති ॥ 6 ॥

අස॒ද්වා ඉ॒දමග්ර॑ ආසීත් । තතෝ॒ වෛ සද॑ජායත । තදාත්මානග්ග් ස්වය॑මකු॒රුත । තස්මාත්තථ්සුකෘතමුච්ය॑ත ඉ॒ති । යද්වෛ॑ තථ්සු॒කෘතම් । ර॑සෝ වෛ॒ සඃ । රසග්ග් හ්යේවායං ලබ්ධ්වාऽऽනං॑දී භ॒වති । කෝ හ්යේවාන්යා᳚ත්කඃ ප්රා॒ණ්යාත් । යදේෂ ආකාශ ආනං॑දෝ න॒ ස්යාත් । ඒෂ හ්යේවාऽऽනං॑දයා॒ති । ය॒දා හ්යේ॑වෛෂ॒ ඒතස්මින්නදෘශ්යේऽනාත්ම්යේऽනිරුක්තේऽනිලයනේऽභයං ප්රති॑ෂ්ඨාං විං॒දතේ । අථ සෝऽභයං ග॑තෝ භ॒වති । ය॒දා හ්යේ॑වෛෂ॒ ඒතස්මින්නුදරමංත॑රං කු॒රුතේ । අථ තස්ය භ॑යං භ॒වති । තත්වේව භයං විදුෂෝऽම॑න්වාන॒ස්ය । තදප්යේෂ ශ්ලෝ॑කෝ භ॒වති ॥ 7 ॥

භී॒ෂාऽස්මා॒ද්වාතඃ॑ පවතේ । භී॒ෂෝදේ॑ති॒ සූර්යඃ॑ । භී॒ෂාऽස්මාදග්නි॑ශ්චේංද්ර॒ශ්ච । මෘත්යුර්ධාවති පංච॑ම ඉ॒ති । සෛෂාऽऽනංදස්ය මීමාග්-ම්॑සා භ॒වති । යුවා ස්යාථ්සාධුයු॑වාऽධ්යා॒යකඃ । ආශිෂ්ඨෝ දෘඩිෂ්ඨෝ॑ බලි॒ෂ්ඨඃ । තස්යේයං පෘථිවී සර්වා විත්තස්ය॑ පූර්ණා॒ ස්යාත් । ස ඒකෝ මානුෂ॑ ආනං॒දඃ । තේ යේ ශතං මානුෂා॑ ආනං॒දාඃ । ස ඒකෝ මනුෂ්යගංධර්වාණා॑මානං॒දඃ । ශ්රෝත්රියස්ය චාකාම॑හත॒ස්ය । තේ යේ ශතං දේවගංධර්වාණා॑මානං॒දාඃ । ස ඒකඃ පිතෘණාං චිරලෝකලෝකානා॑මානං॒දඃ । ශ්රෝත්රියස්ය චාකාම॑හත॒ස්ය । තේ යේ ශතං පිතෘණාං චිරලෝකලෝකානා॑මානං॒දාඃ । ස ඒක ආජානජානාං දේවානා॑මානං॒දඃ । ශ්රෝත්රියස්ය චාකාම॑හත॒ස්ය । තේ යේ ශතමාජානජානාං දේවානා॑මානං॒දාඃ । ස ඒකඃ කර්මදේවානාං දේවානා॑මානං॒දඃ । යේ කර්මණා දේවාන॑පි යං॒ති । ශ්රෝත්රියස්ය චාකාම॑හත॒ස්ය । තේ යේ ශතං කර්මදේවානාං දේවානා॑මානං॒දාඃ । ස ඒකෝ දේවානා॑මානං॒දඃ । ශ්රෝත්රියස්ය චාකාම॑හත॒ස්ය । තේ යේ ශතං දේවානා॑මානං॒දාඃ । ස ඒක ඉංද්ර॑ස්යාऽऽනංං॒දඃ । ශ්රෝත්රියස්ය චාකාම॑හත॒ස්ය । තේ යේ ශතමිංද්ර॑ස්යාऽऽනං॒දාඃ । ස ඒකෝ බෘහස්පතේ॑රානං॒දඃ । ශ්රෝත්රියස්ය චාකාම॑හත॒ස්ය । තේ යේ ශතං බෘහස්පතේ॑රානං॒දාඃ । ස ඒකඃ ප්රජාපතේ॑රානං॒දඃ । ශ්රෝත්රියස්ය චාකාම॑හත॒ස්ය । තේ යේ ශතං ප්රජාපතේ॑රානං॒දාඃ । ස ඒකෝ බ්රහ්මණ॑ ආනං॒දඃ । ශ්රෝත්රියස්ය චාකාම॑හත॒ස්ය । තේ යේ ශතං පජාපතේ॑රානං॒දාඃ । ස ඒකෝ බ්රහ්මණ॑ ආනං॒දඃ । ශ්රෝත්රියස්ය චාකාම॑හත॒ස්ය । ස යශ්චා॑යං පු॒රුෂේ । යශ්චාසා॑වාදි॒ත්යේ । ස ඒකඃ॑ । ස ය॑ ඒවං॒ විත් । අස්මාල්ලෝ॑කාත්ප්රේ॒ත්ය । ඒතමන්නමයමාත්මානමුප॑සංක්රා॒මති । ඒතං ප්රාණමයමාත්මානමුප॑සංක්රා॒මති । ඒතං මනෝමයමාත්මානමුප॑සංක්රා॒මති। ඒතං විජ්ඤානමයමාත්මානමුප॑සංක්රා॒මති । ඒතමානංදමයමාත්මානමුප॑සංක්රා॒මති । තදප්යේෂ ශ්ලෝ॑කෝ භ॒වති ॥ 8 ॥

යතෝ॒ වාචෝ॒ නිව॑ර්තංතේ । අප්රා᳚ප්ය॒ මන॑සා ස॒හ । ආනංදං බ්රහ්ම॑ණෝ වි॒ද්වාන් । න බිභේති කුත॑ශ්චනේ॒ති । ඒතග්-ම් හ වාව॑ න ත॒පති । කිමහග්-ම් සාධු॑ නාක॒රවම් । කිමහං පාපමකර॑වමි॒ති । ස ය ඒවං විද්වානේතේ ආත්මා॑නග්ග් ස්පෘ॒ණුතේ । උ॒භේ හ්යේ॑වෛෂ॒ ඒතේ ආත්මා॑නග්ග් ස්පෘ॒ණුතේ । ය ඒ॒වං වේද॑ । ඉත්යු॑ප॒නිෂ॑ත් ॥ 9 ॥

ස॒හ නා॑ වවතු । ස॒හ නෞ॑ භුනක්තු । ස॒හ වී॒ර්යං॑ කරවාවහෛ । තේ॒ජ॒ස්වි නා॒වධී॑තමස්තු॒ මා වි॑ද්විෂා॒වහෛ᳚ । ඕං ශාංතිඃ॒ ශාංතිඃ॒ ශාංතිඃ॑ ॥

॥ හරිඃ॑ ඕම් ॥
॥ ශ්රී කෘෂ්ණාර්පණමස්තු ॥