න්යාසඃ
අංගන්යාසඃ
ඕං ඕං පාදයෝඃ නමඃ ।
ඕං නං ජානුනෝඃ නමඃ ।
ඕං මෝං ඌර්වෝඃ නමඃ ।
ඕං නාං උදරේ නමඃ ।
ඕං රාං හෘදි නමඃ ।
ඕං යං උරසි නමඃ ।
ඕං ණාං මුඛේ නමඃ ।
ඕං යං ශිරසි නමඃ ।
කරන්යාසඃ
ඕං ඕං දක්ෂිණතර්ජන්යාම් නමඃ ।
ඕං නං දක්ෂිණමධ්යමායාම් නමඃ ।
ඕං මෝං දක්ෂිණානාමිකායාම් නමඃ ।
ඕං භං දක්ෂිණකනිෂ්ඨිකායාම් නමඃ ।
ඕං ගං වාමකනිෂ්ඨිකායාම් නමඃ ।
ඕං වං වාමානිකායාම් නමඃ ।
ඕං තේං වාමමධ්යමායාම් නමඃ ।
ඕං වාං වාමතර්ජන්යාම් නමඃ ।
ඕං සුං දක්ෂිණාංගුෂ්ඨෝර්ධ්වපර්වණි නමඃ ।
ඕං දේං දක්ෂිණාංගුෂ්ඨාධඃ පර්වණි නමඃ ।
ඕං වාං වාමාංගුෂ්ඨෝර්ධ්වපර්වණි නමඃ ।
ඕං යං වාමාංගුෂ්ඨාධඃ පර්වණි නමඃ ।
විෂ්ණුෂඩක්ෂරන්යාසඃ
ඕං ඕං හෘදයේ නමඃ ।
ඕං විං මූර්ධ්නෛ නමඃ ।
ඕං ෂං භ්රුර්වෝර්මධ්යේ නමඃ ।
ඕං ණං ශිඛායාම් නමඃ ।
ඕං වේං නේත්රයෝඃ නමඃ ।
ඕං නං සර්වසංධිෂු නමඃ ।
ඕං මඃ ප්රාච්යාම් අස්ත්රාය ඵට් ।
ඕං මඃ ආග්නේය්යාම් අස්ත්රාය ඵට් ।
ඕං මඃ දක්ෂිණස්යාම් අස්ත්රාය ඵට් ।
ඕං මඃ නෛඍත්යේ අස්ත්රාය ඵට් ।
ඕං මඃ ප්රතීච්යාම් අස්ත්රාය ඵට් ।
ඕං මඃ වායව්යේ අස්ත්රාය ඵට් ।
ඕං මඃ උදීච්යාම් අස්ත්රාය ඵට් ।
ඕං මඃ ඓශාන්යාම් අස්ත්රාය ඵට් ।
ඕං මඃ ඌර්ධ්වායාම් අස්ත්රාය ඵට් ।
ඕං මඃ අධරායාම් අස්ත්රාය ඵට් ।
ශ්රී හරිඃ
අථ ශ්රීනාරායණකවච
॥රාජෝවාච॥
යයා ගුප්තඃ සහස්ත්රාක්ෂඃ සවාහාන් රිපුසෛනිකාන්।
ක්රීඩන්නිව විනිර්ජිත්ය ත්රිලෝක්යා බුභුජේ ශ්රියම්॥1॥
භගවංස්තන්මමාඛ්යාහි වර්ම නාරායණාත්මකම්।
යථාස්ස්තතායිනඃ ශත්රූන් යේන ගුප්තෝස්ජයන්මෘධේ॥2॥
॥ශ්රීශුක උවාච॥
වෘතඃ පුරෝහිතෝස්ත්වාෂ්ට්රෝ මහේංද්රායානුපෘච්ඡතේ।
නාරායණාඛ්යං වර්මාහ තදිහෛකමනාඃ ශෘණු॥3॥
විශ්වරූප උවාචධෞතාංඝ්රිපාණිරාචම්ය සපවිත්ර උදඞ් මුඛඃ।
කෘතස්වාංගකරන්යාසෝ මංත්රාභ්යාං වාග්යතඃ ශුචිඃ॥4॥
නාරායණමයං වර්ම සංනහ්යේද් භය ආගතේ।
පාදයෝර්ජානුනෝරූර්වෝරූදරේ හෘද්යථෝරසි॥5॥
මුඛේ ශිරස්යානුපූර්ව්යාදෝංකාරාදීනි වින්යසේත්।
ඕං නමෝ නාරායණායේති විපර්යයමථාපි වා॥6॥
කරන්යාසං තතඃ කුර්යාද් ද්වාදශාක්ෂරවිද්යයා।
ප්රණවාදියකාරංතමංගුල්යංගුෂ්ඨපර්වසු॥7॥
න්යසේද් හෘදය ඕංකාරං විකාරමනු මූර්ධනි।
ෂකාරං තු භ්රුවෝර්මධ්යේ ණකාරං ශිඛයා දිශේත්॥8॥
වේකාරං නේත්රයෝර්යුංජ්යාන්නකාරං සර්වසංධිෂු।
මකාරමස්ත්රමුද්දිශ්ය මංත්රමූර්තිර්භවේද් බුධඃ॥9॥
සවිසර්ගං ඵඩංතං තත් සර්වදික්ෂු විනිර්දිශේත්।
ඕං විෂ්ණවේ නම ඉති ॥10॥
ආත්මානං පරමං ධ්යායේද ධ්යේයං ෂට්ශක්තිභිර්යුතම්।
විද්යාතේජස්තපෝමූර්තිමිමං මංත්රමුදාහරේත ॥11॥
ඕං හරිර්විදධ්යාන්මම සර්වරක්ෂාං න්යස්තාංඝ්රිපද්මඃ පතගේංද්රපෘෂ්ඨේ।
දරාරිචර්මාසිගදේෂුචාපාශාන් දධානෝස්ෂ්ටගුණෝස්ෂ්ටබාහුඃ ॥12॥
ජලේෂු මාං රක්ෂතු මත්ස්යමූර්තිර්යාදෝගණේභ්යෝ වරූණස්ය පාශාත්।
ස්ථලේෂු මායාවටුවාමනෝස්ව්යාත් ත්රිවික්රමඃ ඛේऽවතු විශ්වරූපඃ ॥13॥
දුර්ගේෂ්වටව්යාජිමුඛාදිෂු ප්රභුඃ පායාන්නෘසිංහෝऽසුරයුථපාරිඃ।
විමුංචතෝ යස්ය මහාට්ටහාසං දිශෝ විනේදුර්න්යපතංශ්ච ගර්භාඃ ॥14॥
රක්ෂත්වසෞ මාධ්වනි යජ්ඤකල්පඃ ස්වදංෂ්ට්රයෝන්නීතධරෝ වරාහඃ।
රාමෝऽද්රිකූටේෂ්වථ විප්රවාසේ සලක්ෂ්මණෝස්ව්යාද් භරතාග්රජෝස්ස්මාන් ॥15॥
මාමුග්රධර්මාදඛිලාත් ප්රමාදාන්නාරායණඃ පාතු නරශ්ච හාසාත්।
දත්තස්ත්වයෝගාදථ යෝගනාථඃ පායාද් ගුණේශඃ කපිලඃ කර්මබංධාත් ॥16॥
සනත්කුමාරෝ වතු කාමදේවාද්ධයශීර්ෂා මාං පථි දේවහේලනාත්।
දේවර්ෂිවර්යඃ පුරූෂාර්චනාංතරාත් කූර්මෝ හරිර්මාං නිරයාදශේෂාත් ॥17॥
ධන්වංතරිර්භගවාන් පාත්වපථ්යාද් ද්වංද්වාද් භයාදෘෂභෝ නිර්ජිතාත්මා।
යජ්ඤශ්ච ලෝකාදවතාජ්ජනාංතාද් බලෝ ගණාත් ක්රෝධවශාදහීංද්රඃ ॥18॥
ද්වෛපායනෝ භගවානප්රබෝධාද් බුද්ධස්තු පාඛංඩගණාත් ප්රමාදාත්।
කල්කිඃ කලේ කාලමලාත් ප්රපාතු ධර්මාවනායෝරූකෘතාවතාරඃ ॥19॥
මාං කේශවෝ ගදයා ප්රාතරව්යාද් ගෝවිංද ආසංගවමාත්තවේණුඃ।
නාරායණ ප්රාහ්ණ උදාත්තශක්තිර්මධ්යංදිනේ විෂ්ණුරරීංද්රපාණිඃ ॥20॥
දේවෝස්පරාහ්ණේ මධුහෝග්රධන්වා සායං ත්රිධාමාවතු මාධවෝ මාම්।
දෝෂේ හෘෂීකේශ උතාර්ධරාත්රේ නිශීථ ඒකෝස්වතු පද්මනාභඃ ॥21॥
ශ්රීවත්සධාමාපරරාත්ර ඊශඃ ප්රත්යූෂ ඊශෝऽසිධරෝ ජනාර්දනඃ।
දාමෝදරෝऽව්යාදනුසංධ්යං ප්රභාතේ විශ්වේශ්වරෝ භගවාන් කාලමූර්තිඃ ॥22॥
චක්රං යුගාංතානලතිග්මනේමි භ්රමත් සමංතාද් භගවත්ප්රයුක්තම්।
දංදග්ධි දංදග්ධ්යරිසෛන්යමාසු කක්ෂං යථා වාතසඛෝ හුතාශඃ ॥23॥
ගදේऽශනිස්පර්ශනවිස්ඵුලිංගේ නිෂ්පිංඪි නිෂ්පිංඪ්යජිතප්රියාසි।
කූෂ්මාංඩවෛනායකයක්ෂරක්ෂෝභූතග්රහාංශ්චූර්ණය චූර්ණයාරීන් ॥24॥
ත්වං යාතුධානප්රමථප්රේතමාතෘපිශාචවිප්රග්රහඝෝරදෘෂ්ටීන්।
දරේංද්ර විද්රාවය කෘෂ්ණපූරිතෝ භීමස්වනෝऽරේර්හෘදයානි කංපයන් ॥25॥
ත්වං තිග්මධාරාසිවරාරිසෛන්යමීශප්රයුක්තෝ මම ඡිංධි ඡිංධි।
චර්මංඡතචංද්ර ඡාදය ද්විෂාමඝෝනාං හර පාපචක්ෂුෂාම් ॥26॥
යන්නෝ භයං ග්රහේභ්යෝ භූත් කේතුභ්යෝ නෘභ්ය ඒව ච।
සරීසෘපේභ්යෝ දංෂ්ට්රිභ්යෝ භූතේභ්යෝංऽහෝභ්ය ඒව වා ॥27॥
සර්වාණ්යේතානි භගන්නාමරූපාස්ත්රකීර්තනාත්।
ප්රයාංතු සංක්ෂයං සද්යෝ යේ නඃ ශ්රේයඃ ප්රතීපකාඃ ॥28॥
ගරූඩ්ක්ෂෝ භගවාන් ස්තෝත්රස්තෝභශ්ඡංදෝමයඃ ප්රභුඃ।
රක්ෂත්වශේෂකෘච්ඡ්රේභ්යෝ විෂ්වක්සේනඃ ස්වනාමභිඃ ॥29॥
සර්වාපද්භ්යෝ හරේර්නාමරූපයානායුධානි නඃ।
බුද්ධිංද්රියමනඃ ප්රාණාන් පාංතු පාර්ෂදභූෂණාඃ ॥30॥
යථා හි භගවානේව වස්තුතඃ සද්සච්ච යත්।
සත්යනානේන නඃ සර්වේ යාංතු නාශමුපාද්රවාඃ ॥31॥
යථෛකාත්ම්යානුභාවානාං විකල්පරහිතඃ ස්වයම්।
භූෂණායුද්ධලිංගාඛ්යා ධත්තේ ශක්තීඃ ස්වමායයා ॥32॥
තේනෛව සත්යමානේන සර්වජ්ඤෝ භගවාන් හරිඃ।
පාතු සර්වෛඃ ස්වරූපෛර්නඃ සදා සර්වත්ර සර්වගඃ ॥33
විදික්ෂු දික්ෂූර්ධ්වමධඃ සමංතාදංතර්බහිර්භගවාන් නාරසිංහඃ।
ප්රහාපයංල්ලෝකභයං ස්වනේන ග්රස්තසමස්තතේජාඃ ॥34॥
මඝවන්නිදමාඛ්යාතං වර්ම නාරයණාත්මකම්।
විජේෂ්යස්යංජසා යේන දංශිතෝऽසුරයූථපාන් ॥35॥
ඒතද් ධාරයමාණස්තු යං යං පශ්යති චක්ෂුෂා।
පදා වා සංස්පෘශේත් සද්යඃ සාධ්වසාත් ස විමුච්යතේ ॥36॥
න කුතශ්චිත භයං තස්ය විද්යාං ධාරයතෝ භවේත්।
රාජදස්යුග්රහාදිභ්යෝ ව්යාඝ්රාදිභ්යශ්ච කර්හිචිත් ॥37॥
ඉමාං විද්යාං පුරා කශ්චිත් කෞශිකෝ ධාරයන් ද්විජඃ।
යෝගධාරණයා ස්වාංගං ජහෞ ස මරූධන්වනි ॥38॥
තස්යෝපරි විමානේන ගංධර්වපතිරේකදා।
යයෞ චිත්රරථඃ ස්ත්රීර්භිවෘතෝ යත්ර ද්විජක්ෂයඃ ॥39॥
ගගනාන්න්යපතත් සද්යඃ සවිමානෝ හ්යවාක් ශිරාඃ।
ස වාලඛිල්යවචනාදස්ථීන්යාදාය විස්මිතඃ।
ප්රාස්ය ප්රාචීසරස්වත්යාං ස්නාත්වා ධාම ස්වමන්වගාත් ॥40॥
॥ශ්රීශුක උවාච॥
ය ඉදං ශෘණුයාත් කාලේ යෝ ධාරයති චාදෘතඃ।
තං නමස්යංති භූතානි මුච්යතේ සර්වතෝ භයාත් ॥41॥
ඒතාං විද්යාමධිගතෝ විශ්වරූපාච්ඡතක්රතුඃ।
ත්රෛලෝක්යලක්ෂ්මීං බුභුජේ විනිර්ජිත්යऽමෘධේසුරාන් ॥42॥
॥ඉති ශ්රීනාරායණකවචං සංපූර්ණම්॥
( ශ්රීමද්භාගවත ස්කංධ 6,අ। 8 )
Browse Related Categories:
