තෛත්තිරීය බ්රහ්මණම් । අෂ්ටකම් - 3 ප්රශ්නඃ - 1
තෛත්තිරීය සංහිතාඃ । කාංඩ 3 ප්රපාඨකඃ - 5 අනුවාකම් - 1

ඕම් ॥ අ॒ග්නිර්නඃ॑ පාතු॒ කෘත්ති॑කාඃ । නක්ෂ॑ත්රං දේ॒වමිං॑ද්රි॒යම් । ඉ॒දමා॑සාං විචක්ෂ॒ණම් । හ॒විරා॒සං ජු॑හෝතන । යස්ය॒ භාංති॑ ර॒ශ්මයෝ॒ යස්ය॑ කේ॒තවඃ॑ । යස්යේ॒මා විශ්වා॒ භුව॑නානි॒ සර්වා᳚ । ස කෘත්ති॑කාභිර॒භිසං॒වසා॑නඃ । අ॒ග්නිර්නෝ॑ දේ॒වස්සු॑වි॒තේ ද॑ධාතු ॥ 1 ॥

ප්ර॒ජාප॑තේ රෝහි॒ණීවේ॑තු॒ පත්නී᳚ । වි॒ශ්වරූ॑පා බෘහ॒තී චි॒ත්රභා॑නුඃ । සා නෝ॑ ය॒ජ්ඤස්ය॑ සුවි॒තේ ද॑ධාතු । යථා॒ ජීවේ॑ම ශ॒රද॒ස්සවී॑රාඃ । රෝ॒හි॒ණී දේ॒ව්යුද॑ගාත්පු॒රස්තා᳚ත් । විශ්වා॑ රූ॒පාණි॑ ප්රති॒මෝද॑මානා । ප්ර॒ජාප॑තිග්-ම් හ॒විෂා॑ ව॒ර්ධයං॑තී । ප්රි॒යා දේ॒වානා॒මුප॑යාතු ය॒ජ්ඤම් ॥ 2 ॥

සෝමෝ॒ රාජා॑ මෘගශී॒ර්॒ෂේණ॒ ආගන්න්॑ । ශි॒වං නක්ෂ॑ත්රං ප්රි॒යම॑ස්ය॒ ධාම॑ । ආ॒ප්යාය॑මානෝ බහු॒ධා ජනේ॑ෂු । රේතඃ॑ ප්ර॒ජාං යජ॑මානේ දධාතු । යත්තේ॒ නක්ෂ॑ත්රං මෘගශී॒ර්॒ෂමස්ති॑ । ප්රි॒යග්-ම් රා॑ජන් ප්රි॒යත॑මං ප්රි॒යාණා᳚ම් । තස්මෛ॑ තේ සෝම හ॒විෂා॑ විධේම । ශන්න॑ ඒධි ද්වි॒පදේ॒ ශං චතු॑ෂ්පදේ ॥ 3 ॥

ආ॒ර්ද්රයා॑ රු॒ද්රඃ ප්රථ॑මා න ඒති । ශ්රේෂ්ඨෝ॑ දේ॒වානාං॒ පති॑රඝ්නි॒යානා᳚ම් । නක්ෂ॑ත්රමස්ය හ॒විෂා॑ විධේම । මා නඃ॑ ප්ර॒ජාග්-ම් රී॑රිෂ॒න්මෝත වී॒රාන් । හේ॒ති රු॒ද්රස්ය॒ පරි॑ණෝ වෘණක්තු । ආ॒ර්ද්රා නක්ෂ॑ත්රං ජුෂතාග්-ම් හ॒විර්නඃ॑ । ප්ර॒මුං॒චමා॑නෞ දුරි॒තානි॒ විශ්වා᳚ । අපා॒ඝශග්-ම්॑ සන්නුදතා॒මරා॑තිම් । ॥ 4॥

පුන॑ර්නෝ දේ॒ව්යදි॑තිස්පෘණෝතු । පුන॑ර්වසූනඃ॒ පුන॒රේතාං᳚ ය॒ජ්ඤම් । පුන॑ර්නෝ දේ॒වා අ॒භියං॑තු॒ සර්වේ᳚ । පුනඃ॑ පුනර්වෝ හ॒විෂා॑ යජාමඃ । ඒ॒වා න දේ॒ව්යදි॑තිරන॒ර්වා । විශ්ව॑ස්ය භ॒ර්ත්රී ජග॑තඃ ප්රති॒ෂ්ඨා । පුන॑ර්වසූ හ॒විෂා॑ ව॒ර්ධයං॑තී । ප්රි॒යං දේ॒වානා॒-මප්යේ॑තු॒ පාථඃ॑ ॥ 5॥

බෘහ॒ස්පතිඃ॑ ප්රථ॒මං ජාය॑මානඃ । ති॒ෂ්යං॑ නක්ෂ॑ත්රම॒භි සංබ॑භූව । ශ්රේෂ්ඨෝ॑ දේ॒වානාං॒ පෘත॑නාසුජි॒ෂ්ණුඃ । දි॒ශෝऽනු॒ සර්වා॒ අභ॑යන්නෝ අස්තු । ති॒ෂ්යඃ॑ පු॒රස්තා॑දු॒ත ම॑ධ්ය॒තෝ නඃ॑ । බෘහ॒ස්පති॑ර්නඃ॒ පරි॑පාතු ප॒ශ්චාත් । බාධේ॑තාං॒ද්වේෂෝ॒ අභ॑යං කෘණුතාම් । සු॒වීර්ය॑ස්ය॒ පත॑යස්යාම ॥ 6 ॥

ඉ॒දග්-ම් ස॒ර්පේභ්යෝ॑ හ॒විර॑ස්තු॒ ජුෂ්ටම්᳚ । ආ॒ශ්රේ॒ෂා යේෂා॑මනු॒යංති॒ චේතඃ॑ । යේ අං॒තරි॑ක්ෂං පෘථි॒වීං ක්ෂි॒යංති॑ । තේ න॑ස්ස॒ර්පාසෝ॒ හව॒මාග॑මිෂ්ඨාඃ । යේ රෝ॑ච॒නේ සූර්ය॒ස්යාපි॑ ස॒ර්පාඃ । යේ දිවං॑ දේ॒වීමනු॑සං॒චරං॑ති । යේෂා॑මශ්රේ॒ෂා අ॑නු॒යංති॒ කාමම්᳚ । තේභ්ය॑ස්ස॒ර්පේභ්යෝ॒ මධු॑මජ්ජුහෝමි ॥ 7 ॥

උප॑හූතාඃ පි॒තරෝ॒ යේ ම॒ඝාසු॑ । මනෝ॑ජවසස්සු॒කෘත॑ස්සුකෘ॒ත්යාඃ । තේ නෝ॒ නක්ෂ॑ත්රේ॒ හව॒මාග॑මිෂ්ඨාඃ । ස්ව॒ධාභි॑ර්ය॒ජ්ඤං ප්රය॑තං ජුෂංතාම් । යේ අ॑ග්නිද॒ග්ධා යේऽන॑ග්නිදග්ධාඃ । යේ॑ऽමුල්ලෝ॒කං පි॒තරඃ॑ ක්ෂි॒යංති॑ । යාග්-ශ්ච॑ වි॒ද්මයාග්-ම් උ॑ ච॒ න ප්ර॑වි॒ද්ම । ම॒ඝාසු॑ ය॒ජ්ඤග්-ම් සුකෘ॑තං ජුෂංතාම් ॥ 8॥

ගවාං॒ පතිඃ॒ ඵල්ගු॑නීනාමසි॒ ත්වම් । තද॑ර්යමන් වරුණමිත්ර॒ චාරු॑ । තං ත්වා॑ ව॒යග්-ම් ස॑නි॒තාරග්-ම්॑ සනී॒නාම් । ජී॒වා ජීව॑ංත॒මුප॒ සංවි॑ශේම । යේනේ॒මා විශ්වා॒ භුව॑නානි॒ සංජි॑තා । යස්ය॑ දේ॒වා අ॑නුසං॒යංති॒ චේතඃ॑ । අ॒ර්ය॒මා රාජා॒ऽජර॒ස්තු වි॑ෂ්මාන් । ඵල්ගු॑නීනාමෘෂ॒භෝ රෝ॑රවීති ॥ 9 ॥

ශ්රේෂ්ඨෝ॑ දේ॒වානාං᳚ භගවෝ භගාසි । තත්ත්වා॑ විදුඃ॒ ඵල්ගු॑නී॒ස්තස්ය॑ විත්තාත් । අ॒ස්මභ්යං॑ ක්ෂ॒ත්රම॒ජරග්-ම්॑ සු॒වීර්යම්᳚ । ගෝම॒දශ්ව॑ව॒දුප॒සන්නු॑දේ॒හ । භගෝ॑හ දා॒තා භග ඉත්ප්ර॑දා॒තා । භගෝ॑ දේ॒වීඃ ඵල්ගු॑නී॒රාවි॑වේශ । භග॒ස්යේත්තං ප්ර॑ස॒වං ග॑මේම । යත්ර॑ දේ॒වෛස්ස॑ධ॒මාදං॑ මදේම । ॥ 10 ॥

ආයා॒තු දේ॒වස්ස॑වි॒තෝප॑යාතු । හි॒ර॒ණ්යයේ॑න සු॒වෘතා॒ රථේ॑න । වහ॒න්॒, හස්තග්-ම්॑ සුභග්-ම්॑ විද්ම॒නාප॑සම් । ප්රයච්ඡං॑තං॒ පපු॑රිං॒ පුණ්ය॒මච්ඡ॑ । හස්තඃ॒ ප්රය॑ච්ඡ ත්ව॒මෘතං॒ වසී॑යඃ । දක්ෂි॑ණේන॒ ප්රති॑ගෘභ්ණීම ඒනත් । දා॒තාර॑ම॒ද්ය ස॑වි॒තා වි॑දේය । යෝ නෝ॒ හස්තා॑ය ප්රසු॒වාති॑ ය॒ජ්ඤම් ॥11 ॥

ත්වෂ්ටා॒ නක්ෂ॑ත්රම॒භ්යේ॑ති චි॒ත්රාම් । සු॒භග්-ම් ස॑සංයුව॒තිග්-ම් රාච॑මානාම් । නි॒වේ॒ශය॑න්න॒මෘතා॒න්මර්ත්යාග්॑ශ්ච । රූ॒පාණි॑ පි॒ග්-ම්॒ශන් භුව॑නානි॒ විශ්වා᳚ । තන්න॒ස්ත්වෂ්ටා॒ තදු॑ චි॒ත්රා විච॑ෂ්ටාම් । තන්නක්ෂ॑ත්රං භූරි॒දා අ॑ස්තු॒ මහ්යම්᳚ । තන්නඃ॑ ප්ර॒ජාං වී॒රව॑තීග්-ම් සනෝතු । ගෝභි॑ර්නෝ॒ අශ්වෛ॒ස්සම॑නක්තු යජ්ඤම් ॥ 12 ॥

වා॒යුර්නක්ෂ॑ත්රම॒භ්යේ॑ති॒ නිෂ්ට්යා᳚ම් । ති॒ග්මශෘං॑ගෝ වෘෂ॒භෝ රෝරු॑වාණඃ । ස॒මී॒රය॒න් භුව॑නා මාත॒රිශ්වා᳚ । අප॒ ද්වේෂාග්-ම්॑සි නුදතා॒මරා॑තීඃ । තන්නෝ॑ වා॒යස්තදු॒ නිෂ්ට්යා॑ ශෘණෝතු । තන්නක්ෂ॑ත්රං භූරි॒දා අ॑ස්තු॒ මහ්යම්᳚ । තන්නෝ॑ දේ॒වාසෝ॒ අනු॑ජානංතු॒ කාමම්᳚ । යථා॒ තරේ॑ම දුරි॒තානි॒ විශ්වා᳚ ॥ 13 ॥

දූ॒රම॒ස්මච්ඡත්ර॑වෝ යංතු භී॒තාඃ । තදිං॑ද්රා॒ග්නී කෘ॑ණුතාං॒ තද්විශා॑ඛේ । තන්නෝ॑ දේ॒වා අනු॑මදංතු ය॒ජ්ඤම් । ප॒ශ්චාත් පු॒රස්තා॒දභ॑යන්නෝ අස්තු । නක්ෂ॑ත්රාණා॒මධි॑පත්නී॒ විශා॑ඛේ । ශ්රේෂ්ඨා॑විංද්රා॒ග්නී භුව॑නස්ය ගෝ॒පෞ । විෂූ॑ච॒ශ්ශත්රූ॑නප॒බාධ॑මානෞ । අප॒ක්ෂුධ॑න්නුදතා॒මරා॑තිම් । ॥ 14 ॥

පූ॒ර්ණා ප॒ශ්චාදු॒ත පූ॒ර්ණා පු॒රස්තා᳚ත් । උන්ම॑ධ්ය॒තඃ පෞ᳚ර්ණමා॒සී ජි॑ගාය । තස්යාං᳚ දේ॒වා අධි॑සං॒වසං॑තඃ । උ॒ත්ත॒මේ නාක॑ ඉ॒හ මා॑දයංතාම් । පෘ॒ථ්වී සු॒වර්චා॑ යුව॒තිඃ ස॒ජෝෂාඃ᳚ । පෞ॒ර්ණ॒මා॒ස්යුද॑ගා॒ච්ඡෝභ॑මානා । ආ॒ප්යා॒යයං॑තී දුරි॒තානි॒ විශ්වා᳚ । උ॒රුං දුහාං॒ යජ॑මානාය ය॒ජ්ඤම් ।

ඍ॒ද්ධ්යාස්ම॑ හ॒ව්යෛර්නම॑සෝප॒සද්ය॑ । මි॒ත්රං දේ॒වං මි॑ත්ර॒ධේයං॑ නෝ අස්තු । අ॒නූ॒රා॒ධාන්, හ॒විෂා॑ ව॒ර්ධයං॑තඃ । ශ॒තං ජී॑වේම॒ ශ॒රදඃ॒ සවී॑රාඃ । චි॒ත්රං නක්ෂ॑ත්ර॒මුද॑ගාත්පු॒රස්තා᳚ත් । අ॒නූ॒රා॒ධා ස॒ ඉති॒ යද්වද॑ංති । තන්මි॒ත්ර ඒ॑ති ප॒ථිභි॑ර්දේව॒යානෛඃ᳚ । හි॒ර॒ණ්යයෛ॒ර්විත॑තෛරං॒තරි॑ක්ෂේ ॥ 16 ॥

ඉංද්රෝ᳚ ජ්යේ॒ෂ්ඨාමනු॒ නක්ෂ॑ත්රමේති । යස්මි॑න් වෘ॒ත්රං වෘ॑ත්ර॒ තූර්යේ॑ ත॒තාර॑ । තස්මි॑න්ව॒ය-ම॒මෘතං॒ දුහා॑නාඃ । ක්ෂුධං॑තරේම॒ දුරි॑තිං॒ දුරි॑ෂ්ටිම් । පු॒ර॒ංද॒රාය॑ වෘෂ॒භාය॑ ධෘ॒ෂ්ණවේ᳚ । අෂා॑ඪාය॒ සහ॑මානාය මී॒ඪුෂේ᳚ । ඉංද්රා॑ය ජ්යේ॒ෂ්ඨා මධු॑ම॒ද්දුහා॑නා । උ॒රුං කෘ॑ණෝතු॒ යජ॑මානාය ලෝ॒කම් । ॥ 17 ॥

මූලං॑ ප්ර॒ජාං වී॒රව॑තීං විදේය । පරා᳚ච්යේතු॒ නිරෘ॑තිඃ පරා॒චා । ගෝභි॒ර්නක්ෂ॑ත්රං ප॒ශුභි॒ස්සම॑ක්තම් । අහ॑ර්භූයා॒ද්යජ॑මානාය॒ මහ්යම්᳚ । අහ॑ර්නෝ අ॒ද්ය සු॑වි॒තේ ද॑දාතු । මූලං॒ නක්ෂ॑ත්ර॒මිති॒ යද්වද॑ංති । පරා॑චීං වා॒චා නිරෘ॑තිං නුදාමි । ශි॒වං ප්ර॒ජායෛ॑ ශි॒වම॑ස්තු॒ මහ්යම්᳚ ॥ 18 ॥

යා දි॒ව්යා ආපඃ॒ පය॑සා සංබභූ॒වුඃ । යා අං॒තරි॑ක්ෂ උ॒ත පාර්ථි॑වී॒ර්යාඃ । යාසා॑මෂා॒ඪා අ॑නු॒යංති॒ කාමම්᳚ । තා න॒ ආපඃ॒ ශග්ග් ස්යෝ॒නා භ॑වංතු । යාශ්ච॒ කූප්යා॒ යාශ්ච॑ නා॒ද්යා᳚ස්සමු॒ද්රියාඃ᳚ । යාශ්ච॑ වෛශ॒ංතීරුත ප්රා॑ස॒චීර්යාඃ । යාසා॑මෂා॒ඪා මධු॑ භ॒ක්ෂය॑ංති । තා න॒ ආපඃ॒ ශග්ග් ස්යෝ॒නා භ॑වංතු ॥19 ॥

තන්නෝ॒ විශ්වේ॒ උප॑ ශෘණ්වංතු දේ॒වාඃ । තද॑ෂා॒ඪා අ॒භිසංයං॑තු ය॒ජ්ඤම් । තන්නක්ෂ॑ත්රං ප්රථතාං ප॒ශුභ්යඃ॑ । කෘ॒ෂිර්වෘ॒ෂ්ටිර්යජ॑මානාය කල්පතාම් । ශු॒භ්රාඃ ක॒න්යා॑ යුව॒තය॑ස්සු॒පේශ॑සඃ । ක॒ර්ම॒කෘත॑ස්සු॒කෘතෝ॑ වී॒ර්යා॑වතීඃ । විශ්වා᳚න් දේ॒වාන්, හ॒විෂා॑ ව॒ර්ධයං॑තීඃ । අ॒ෂා॒ඪාඃ කාම॒මුපා॑යංතු ය॒ජ්ඤම් ॥ 20 ॥

යස්මි॒න් බ්රහ්මා॒භ්යජ॑ය॒ත්සර්ව॑මේ॒තත් । අ॒මුංච॑ ලෝ॒කමි॒දමූ॑ච॒ සර්වම්᳚ । තන්නෝ॒ නක්ෂ॑ත්රමභි॒ජිද්වි॒ජිත්ය॑ । ශ්රියං॑ දධා॒ත්වහෘ॑ණීයමානම් । උ॒භෞ ලෝ॒කෞ බ්රහ්ම॑ණා॒ සංජි॑තේ॒මෞ । තන්නෝ॒ නක්ෂ॑ත්රමභි॒ජිද්විච॑ෂ්ටාම් । තස්මි॑න්ව॒යං පෘත॑නා॒ස්සංජ॑යේම । තන්නෝ॑ දේ॒වාසෝ॒ අනු॑ජානංතු॒ කාමම්᳚ ॥ 21 ॥

ශෘ॒ණ්වංති॑ ශ්රෝ॒ණාම॒මෘත॑ස්ය ගෝ॒පාම් । පුණ්යා॑මස්යා॒ උප॑ශෘණෝමි॒ වාචම්᳚ । ම॒හීං දේ॒වීං විෂ්ණු॑පත්නීමජූ॒ර්යාම් । ප්ර॒තීචී॑ මේනාග්-ම් හ॒විෂා॑ යජාමඃ । ත්රේ॒ධා විෂ්ණු॑රුරුගා॒යෝ විච॑ක්රමේ । ම॒හීං දිවං॑ පෘථි॒වීමං॒තරි॑ක්ෂම් । තච්ඡ්රෝ॒ණෛති॒ශ්රව॑-ඉ॒ච්ඡමා॑නා । පුණ්ය॒ග්ග්॒ ශ්ලෝකං॒ යජ॑මානාය කෘණ්ව॒තී ॥ 22 ॥

අ॒ෂ්ටෞ දේ॒වා වස॑වස්සෝ॒ම්යාසඃ॑ । චත॑ස්රෝ දේ॒වීර॒ජරාඃ॒ ශ්රවි॑ෂ්ඨාඃ । තේ ය॒ජ්ඤං පාං᳚තු॒ රජ॑සඃ පු॒රස්තා᳚ත් । සං॒ව॒ත්ස॒රීණ॑ම॒මෘතග්ග්॑ ස්ව॒ස්ති । ය॒ජ්ඤං නඃ॑ පාංතු॒ වස॑වඃ පු॒රස්තා᳚ත් । ද॒ක්ෂි॒ණ॒තෝ॑ऽභිය॑ංතු॒ ශ්රවි॑ෂ්ඨාඃ । පුණ්ය॒න්නක්ෂ॑ත්රම॒භි සංවි॑ශාම । මා නෝ॒ අරා॑තිර॒ඝශ॒ග්-ම්॒සාऽගන්න්॑ ॥ 23 ॥

ක්ෂ॒ත්රස්ය॒ රාජා॒ වරු॑ණෝऽධිරා॒ජඃ । නක්ෂ॑ත්රාණාග්-ම් ශ॒තභි॑ෂ॒ග්වසි॑ෂ්ඨඃ । තෞ දේ॒වේභ්යඃ॑ කෘණුතෝ දී॒ර්ඝමායුඃ॑ । ශ॒තග්-ම් ස॒හස්රා॑ භේෂ॒ජානි॑ ධත්තඃ । ය॒ජ්ඤන්නෝ॒ රාජා॒ වරු॑ණ॒ උප॑යාතු । තන්නෝ॒ විශ්වේ॑ අ॒භි සංය॑ංතු දේ॒වාඃ । තන්නෝ॒ නක්ෂ॑ත්රග්-ම් ශ॒තභි॑ෂග්ජුෂා॒ණම් । දී॒ර්ඝමායුඃ॒ ප්රති॑රද්භේෂ॒ජානි॑ ॥ 24 ॥

අ॒ජ ඒක॑පා॒දුද॑ගාත්පු॒රස්තා᳚ත් । විශ්වා॑ භූ॒තානි॑ ප්රති॒ මෝද॑මානඃ । තස්ය॑ දේ॒වාඃ ප්ර॑ස॒වං යං॑ති॒ සර්වේ᳚ । ප්රෝ॒ෂ්ඨ॒ප॒දාසෝ॑ අ॒මෘත॑ස්ය ගෝ॒පාඃ । වි॒භ්රාජ॑මානස්සමිධා॒ න උ॒ග්රඃ । ආऽංතරි॑ක්ෂමරුහ॒දග॒ංද්යාම් । තග්-ම් සූර්යං॑ දේ॒වම॒ජමේක॑පාදම් । ප්රෝ॒ෂ්ඨ॒ප॒දාසෝ॒ අනු॑යංති॒ සර්වේ᳚ ॥ 25 ॥

අහි॑ර්බු॒ධ්නියඃ॒ ප්රථ॑මා න ඒති । ශ්රේෂ්ඨෝ॑ දේ॒වානා॑මු॒ත මානු॑ෂාණාම් । තං බ්රා᳚හ්ම॒ණාස්සෝ॑ම॒පාස්සෝ॒ම්යාසඃ॑ । ප්රෝ॒ෂ්ඨ॒ප॒දාසෝ॑ අ॒භිර॑ක්ෂංති॒ සර්වේ᳚ । ච॒ත්වාර॒ ඒක॑ම॒භි කර්ම॑ දේ॒වාඃ । ප්රෝ॒ෂ්ඨ॒ප॒දා ස॒ ඉති॒ යාන්, වද॑ංති । තේ බු॒ධ්නියං॑ පරි॒ෂද්යග්ග්॑ ස්තු॒වංතඃ॑ । අහිග්-ම්॑ රක්ෂංති॒ නම॑සෝප॒සද්ය॑ ॥ 26 ॥

පූ॒ෂා රේ॒වත්යන්වේ॑ති॒ පංථා᳚ම් । පු॒ෂ්ටි॒පතී॑ පශු॒පා වාජ॑බස්ත්යෞ । ඉ॒මානි॑ හ॒ව්යා ප්රය॑තා ජුෂා॒ණා । සු॒ගෛර්නෝ॒ යානෛ॒රුප॑යාතාං ය॒ජ්ඤම් । ක්ෂු॒ද්රාන් ප॒ශූන් ර॑ක්ෂතු රේ॒වතී॑ නඃ । ගාවෝ॑ නෝ॒ අශ්වා॒ග්-ම්॒ අන්වේ॑තු පූ॒ෂා । අන්න॒ග්-ම්॒ රක්ෂං॑තෞ බහු॒ධා විරූ॑පම් । වාජග්-ම්॑ සනුතාං॒ යජ॑මානාය ය॒ජ්ඤම් ॥ 27 ॥

තද॒ශ්විනා॑වශ්ව॒යුජෝප॑යාතාම් । ශුභං॒ගමි॑ෂ්ඨෞ සු॒යමේ॑භි॒රශ්වෛඃ᳚ । ස්වං නක්ෂ॑ත්රග්-ම් හ॒විෂා॒ යජං॑තෞ । මධ්වා॒සංපෘ॑ක්තෞ॒ යජු॑ෂා॒ සම॑ක්තෞ । යෞ දේ॒වානාං᳚ භි॒ෂජෞ᳚ හව්යවා॒හෞ । විශ්ව॑ස්ය දූ॒තාව॒මෘත॑ස්ය ගෝ॒පෞ । තෞ නක්ෂ॒ත්රං ජුජුෂා॒ණෝප॑යාතාම් । නමෝ॒ऽශ්විභ්යාං᳚ කෘණුමෝऽශ්ව॒යුග්භ්යා᳚ම් ॥ 28 ॥

අප॑ පා॒ප්මානං॒ භර॑ණීර්භරංතු । තද්ය॒මෝ රාජා॒ භග॑වා॒න්॒, විච॑ෂ්ටාම් । ලෝ॒කස්ය॒ රාජා॑ මහ॒තෝ ම॒හාන්, හි । සු॒ගං නඃ॒ පංථා॒මභ॑යං කෘණෝතු । යස්මි॒න්නක්ෂ॑ත්රේ ය॒ම ඒති॒ රාජා᳚ । යස්මි॑න්නේනම॒භ්යෂිං॑චංත දේ॒වාඃ । තද॑ස්ය චි॒ත්රග්-ම් හ॒විෂා॑ යජාම । අප॑ පා॒ප්මානං॒ භර॑ණීර්භරංතු ॥ 29 ॥

නි॒වේශ॑නී සං॒ගම॑නී॒ වසූ॑නාං॒ විශ්වා॑ රූ॒පාණි॒ වසූ᳚න්යාවේ॒ශය॑ංතී । ස॒හ॒ස්ර॒පෝ॒ෂග්-ම් සු॒භගා॒ රරා॑ණා॒ සා න॒ ආග॒න්වර්ච॑සා සංවිදා॒නා । යත්තේ॑ දේ॒වා අද॑ධුර්භාග॒ධේය॒මමා॑වාස්යේ සං॒වසං॑තෝ මහි॒ත්වා । සා නෝ॑ ය॒ජ්ඤං පි॑පෘහි විශ්වවාරේ ර॒යින්නෝ॑ ධේහි සුභගේ සු॒වීරම්᳚ ॥ 30 ॥

ඕං ශාංතිඃ॒ ශාංතිඃ॒ ශාංතිඃ॑ ।