භ॒ද්රං කර්ණේ॑භිඃ ශෘණු॒යාම॑ දේවාඃ । භ॒ද්රං ප॑ශ්යේමා॒ක්ෂභි॒ර්යජ॑ත්රාඃ । ස්ථි॒රෛරංගෛ᳚ස්තුෂ්ටු॒වාග්-ම්ස॑ස්ත॒නූභිඃ॑ । ව්යශේ॑ම දේ॒වහි॑තං॒ යදායුඃ॑ ॥ ස්ව॒ස්ති න॒ ඉංද්රෝ॑ වෘ॒ද්ධශ්ර॑වාඃ । ස්ව॑ස්ති නඃ॑ පූ॒ෂා වි॒ශ්වවේ॑දාඃ । ස්ව॒॒ස්තින॒ස්තාර්ක්ෂ්යෝ॒ අරි॑ෂ්ටනේමිඃ । ස්ව॒ස්ති නෝ॒ බෘහ॒ස්පති॑ර්දධාතු ॥ ඕං ශාංතිඃ॒ ශාංතිඃ॒ ශාංතිඃ॑ ॥

යෝ॑ऽපාං පුෂ්පං॒ වේද॑ පුෂ්ප॑වාන් ප්ර॒ජාවා᳚න් පශු॒මාන් භ॑වති । චං॒ද්රමා॒ වා අ॒පාං පුෂ්පම්᳚ । පුෂ්ප॑වාන් ප්ර॒ජාවා᳚න් පශු॒මාන් භ॑වති । ය ඒ॒වං වේද॑ । යෝ॑ऽපාමා॒යත॑නං॒ වේද॑ । ආ॒යත॑නවාන් භවති ।

අ॒ග්නිර්වා අ॒පාමා॒යත॑නම් । ආ॒යත॑නවාන් භවති । යෝ᳚ऽග්නේරා॒යත॑නං॒ වේද॑ । ආ॒යත॑නවාන් භවති । ආපෝ॒වා අ॒ග්නේරා॒යත॑නම් । ආ॒යත॑නවාන් භවති । ය ඒ॒වං වේද॑ । යෝ॑ऽපාමා॒යත॑නං॒ වේද॑ । ආ॒යත॑නවාන් භවති ।

වා॒යුර්වා අ॒පාමා॒යත॑නම් । ආ॒යත॑නවාන් භවති । යෝ වා॒යෝරා॒යත॑නං॒ වේද॑ । ආ॒යත॑නවාන් භවති । ආපෝ॒ වෛ වා॒යෝරා॒යත॑නම් । ආ॒යත॑නවාන් භවති । ය ඒ॒වං වේද॑ । යෝ॑ऽපාමා॒යත॑නං॒ වේද॑ । ආ॒යත॑නවාන් භවති ।

අ॒සෞ වෛ තප॑න්න॒පාමා॒යත॑නම් । ආ॒යත॑නවාන් භවති । යෝ॑ऽමුෂ්ය॒තප॑ත ආ॒යත॑නං॒ වේද॑ । ආ॒යත॑නවාන් භවති । ආපෝ॒ වා අ॒මුෂ්ය॒තප॑ත ආ॒යත॑නම් ।ආ॒යත॑නවාන් භවති । ය ඒ॒වං වේද॑ । යෝ॑ऽපාමා॒යත॑නං॒ වේද॑ । ආ॒යත॑නවාන් භවති ।

චං॒ද්රමා॒ වා අ॒පාමා॒යත॑නම් । ආ॒යත॑නවාන් භවති । යශ්චං॒ද්රම॑ස ආ॒යත॑නං වේද॑ । ආ॒යත॑නවාන් භවති । ආපෝ॒ වෛ චං॒ද්රම॑ස ආ॒යත॑න॒ම් । ආ॒යත॑නවාන් භවති । ය ඒ॒වං වේද॑ । යෝ॑ऽපාමා॒යත॑නං॒ වේද॑ । ආ॒යත॑නවාන් භවති ।

නක්ෂත්ර॑ත්රාණි॒ වා අ॒පාමා॒යත॑න॒ම් । ආ॒යත॑නවාන් භවති । යෝ නක්ෂත්ර॑ත්රාණාමා॒යත॑නං॒ වේද॑ । ආ॒යත॑නවාන් භවති । ආපෝ॒ වෛ නක්ෂ॑ත්රාණාමා॒යත॑න॒ම් । ආ॒යත॑නවාන් භවති । ය ඒ॒වං වේද॑ । යෝ॑ऽපාමා॒යත॑නං॒ වේද॑ । ආ॒යත॑නවාන් භවති ।

ප॒ර්ජන්යෝ॒ වා අ॒පාමා॒යත॑නම් । ආ॒යත॑නවාන් භවති । යඃ ප॒ර්ජන්ය॑ස්යා॒යත॑නං॒ වේද॑ । ආ॒යත॑නවාන් භවති । ආපෝ॒ වෛ ප॒ර්ජන්ය॑ස්යා॒යත॑න॒ම් । ආ॒යත॑නවාන් භවති । ය ඒ॒වං වේද॑ । යෝ॑ऽපාමා॒යත॑නං॒ වේද॑ । ආ॒යත॑නවාන් භවති ।

සං॒ව॒ත්ස॒රෝ වා අ॒පාමා॒යත॑න॒ම් । ආ॒යත॑නවාන් භවති । යඃ සං॑වත්ස॒රස්යා॒යත॑නං॒ වේද॑ । ආ॒යත॑නවාන් භවති । ආපෝ॒ වෛ සං॑වත්ස॒රස්යා॒යත॑න॒ම් । ආ॒යත॑නවාන් භවති । ය ඒවං වේද॑ । යෝ᳚ऽප්සු නාවං॒ ප්රති॑ෂ්ඨිතාං॒ වේද॑ । ප්රත්යේ॒ව ති॑ෂ්ඨති ।

ඕං රා॒ජා॒ධි॒රා॒ජාය॑ ප්රසහ්ය සා॒හිනේ᳚ । නමෝ॑ ව॒යං වෛ᳚ශ්රව॒ණාය॑ කුර්මහේ । ස මේ॒ කාමා॒න් කාම॒ කාමා॑ය॒ මහ්යම්᳚ । කා॒මේ॒ශ්ව॒රෝ වෛ᳚ශ්රව॒ණෝ ද॑දාතු । කු॒බේ॒රාය॑ වෛශ්රව॒ණාය॑ । ම॒හා॒රාජාය॒ නමඃ॑ ।

ඕං᳚ තද්බ්ර॒හ්ම । ඕං᳚ තද්වා॒යුඃ । ඕං᳚ තදා॒ත්මා ।
ඕං᳚ තථ්ස॒ත්යම් । ඕං᳚ තත්සර්වම්᳚ । ඕං᳚ තත්පුරෝ॒ර්නමඃ ॥

අංතශ්චරති॑ භූතේ॒ෂු ගුහායාං වි॑ශ්වමූ॒ර්තිෂු ।
ත්වං යජ්ඤස්ත්වං වෂට්කාරස්ත්ව-මිංද්රස්ත්වග්-ම්
රුද්රස්ත්වං විෂ්ණුස්ත්වං බ්රහ්මත්වං॑ ප්රජා॒පතිඃ ।
ත්වං ත॑දාප॒ ආපෝ॒ ජ්යෝතී॒රසෝ॒ऽමෘතං බ්රහ්ම॒ භූර්භුව॒ස්සුව॒රෝම් ।

ඊශානස්සර්ව॑ විද්යා॒නාමී॒ශ්වරස්සර්ව॑භූතා॒නාං
බ්රහ්මාධි॑පති॒-ර්බ්රහ්ම॒ණෝऽධි॑පති॒-ර්බ්රහ්මා॑ ශිවෝ මේ॑ අස්තු॒ සදාශි॒වෝම් ।

තද්විෂ්ණෝඃ᳚ පර॒මං ප॒දග්-ම් සදා॑ පශ්යංති
සූ॒රයඃ॑ । දි॒වීව॒ චක්ෂු॒රාත॑තම් । තද්විප්රා॑සෝ
විප॒න්යවෝ॑ ජාගෘ॒වාග්-ම් සස්සමිං॑ධතේ ।
විෂ්නෝ॒ර්යත්ප॑ර॒මං ප॒දම් ।

ඍතග්-ම් ස॒ත්යං ප॑රං බ්ර॒හ්ම॒ පු॒රුෂං॑ කෘෂ්ණ॒පිංග॑ලම් ।
ඌ॒ර්ධ්වරේ॑තං වි॑රූපා॒ක්ෂං॒ වි॒ශ්වරූ॑පාය॒ වෛ නමෝ॒ නමඃ॑ ॥

ඕං නා॒රා॒ය॒ණාය॑ වි॒ද්මහේ॑ වාසුදේ॒වාය॑ ධීමහි ।
තන්නෝ॑ විෂ්ණුඃ ප්රචෝ॒දයා᳚ත් ॥

ඕං ශාංතිඃ॒ ශාංතිඃ॒ ශාංතිඃ॑ ।