දේවරාජ සේව්යමාන පාවනාංඝ්රි පංකජං
ව්යාළයජ්ඤ සූත්රමිංදු ශේඛරං කෘපාකරම් ।
නාරදාදි යෝගිබෘංද වංදිතං දිගංබරං
කාශිකාපුරාධිනාථ කාලභෛරවං භජේ ॥ 1 ॥
භානුකෝටි භාස්වරං භවබ්ධිතාරකං පරං
නීලකංඨ මීප්සිතාර්ධ දායකං ත්රිලෝචනං ।
කාලකාල මංබුජාක්ෂ මස්තශූන්ය මක්ෂරං
කාශිකාපුරාධිනාථ කාලභෛරවං භජේ ॥ 2 ॥
ශූලටංක පාශදංඩ පාණිමාදි කාරණං
ශ්යාමකාය මාදිදේව මක්ෂරං නිරාමයම් ।
භීමවික්රමං ප්රභුං විචිත්ර තාංඩව ප්රියං
කාශිකාපුරාධිනාථ කාලභෛරවං භජේ ॥ 3 ॥
භුක්ති මුක්ති දායකං ප්රශස්තචාරු විග්රහං
භක්තවත්සලං ස්ථිතං සමස්තලෝක විග්රහම් ।
නික්වණන්-මනෝජ්ඤ හේම කිංකිණී ලසත්කටිං
කාශිකාපුරාධිනාථ කාලභෛරවං භජේ ॥ 4 ॥
ධර්මසේතු පාලකං ත්වධර්මමාර්ග නාශකං
කර්මපාශ මෝචකං සුශර්ම දායකං විභුම් ।
ස්වර්ණවර්ණ කේශපාශ Sඔභිතාංග නිර්මලං
කාශිකාපුරාධිනාථ කාලභෛරවං භජේ ॥ 5 ॥
රත්න පාදුකා ප්රභාභිරාම පාදයුග්මකං
නිත්ය මද්විතීය මිෂ්ට දෛවතං නිරංජනම් ।
මෘත්යුදර්ප නාශනං කරාළදංෂ්ට්ර භූෂණං
කාශිකාපුරාධිනාථ කාලභෛරවං භජේ ॥ 6 ॥
අට්ටහාස භින්න පද්මජාංඩකෝශ සංතතිං
දෘෂ්ටිපාත නෂ්ටපාප ජාලමුග්ර ශාසනම් ।
අෂ්ටසිද්ධි දායකං කපාලමාලිකා ධරං
කාශිකාපුරාධිනාථ කාලභෛරවං භජේ ॥ 7 ॥
භූතසංඝ නායකං විශාලකීර්ති දායකං
කාශිවාසි ලෝක පුණ්යපාප ශෝධකං විභුම් ।
නීතිමාර්ග කෝවිදං පුරාතනං ජගත්පතිං
කාශිකාපුරාධිනාථ කාලභෛරවං භජේ ॥ 8 ॥
කාලභෛරවාෂ්ටකං පඨංති යේ මනෝහරං
ජ්ඤානමුක්ති සාධකං විචිත්ර පුණ්ය වර්ධනම් ।
ශෝකමෝහ ලෝභදෛන්ය කෝපතාප නාශනං
තේ ප්රයාංති කාලභෛරවාංඝ්රි සන්නිධිං ධ්රුවම් ॥
ඉති ශ්රීමච්චංකරාචාර්ය විරචිතං කාලභෛරවාෂ්ටකං සංපූර්ණම් ।
Browse Related Categories:
