Dwadasa Arya Stuti - Sinhala | Vaidika Vignanam

Collection of Spiritual and Devotional Literature in Various Indian Languages

View this in:

ද්වාදශ ආර්ය ස්තුති

උද්යන්නද්යවිවස්වානාරෝහන්නුත්තරාං දිවං දේවඃ ।
හෘද්රෝගං මම සූර්යෝ හරිමාණං චාऽऽශු නාශයතු ॥ 1 ॥

නිමිෂාර්ධේනෛකේන ද්වේ ච ශතේ ද්වේ සහස්රේ ද්වේ ।
ක්රමමාණ යෝජනානාං නමෝऽස්තු තේ නළිනනාථාය ॥ 2 ॥

කර්මජ්ඤානඛදශකං මනශ්ච ජීව ඉති විශ්වසර්ගාය ।
ද්වාදශධා යෝ විචරති ස ද්වාදශමූර්තිරස්තු මෝදාය ॥ 3 ॥

ත්වං හි යජූඍක්සාමඃ ත්වමාගමස්ත්වං වෂට්කාරඃ ।
ත්වං විශ්වං ත්වං හංසඃ ත්වං භානෝ පරමහංසශ්ච ॥ 4 ॥

ශිවරූපාත් ජ්ඤානමහං ත්වත්තෝ මුක්තිං ජනාර්දනාකාරාත් ।
ශිඛිරූපාදෛශ්වර්යං ත්වත්තශ්චාරෝග්යමිච්ඡාමි ॥ 5 ॥

ත්වචි දෝෂා දෘශි දෝෂාඃ හෘදි දෝෂා යේऽඛිලේංද්රියජදෝෂාඃ ।
තාන් පූෂා හතදෝෂඃ කිංචිද්රෝෂාග්නිනා දහතු ॥ 6 ॥

ධර්මාර්ථකාමමෝක්ෂප්රතිරෝධානුග්රතාපවේගකරාන් ।
බංදීකෘතේංද්රියගණාන් ගදාන් විඛංඩයතු චංඩාංශුඃ ॥ 7 ॥

යේන විනේදං තිමිරං ජගදේත්ය ග්රසති චරමචරමඛිලම් ।
ධෘතබෝධං තං නළිනීභර්තාරං හර්තාරමාපදාමීඩේ ॥ 8 ॥

යස්ය සහස්රාභීශෝරභීශු ලේශෝ හිමාංශුබිංබගතඃ ।
භාසයති නක්තමඛිලං භේදයතු විපද්ගණානරුණඃ ॥ 9 ॥

තිමිරමිව නේත්රතිමිරං පටලමිවාऽශේෂරෝගපටලං නඃ ।
කාශමිවාධිනිකායං කාලපිතා රෝගයුක්තතාං හරතාත් ॥ 10 ॥

වාතාශ්මරීගදාර්ශස්ත්වග්දෝෂමහෝදරප්රමේහාංශ්ච ।
ග්රහණීභගංධරාඛ්යා මහතීස්ත්වං මේ රුජෝ හංසි ॥ 11 ॥

ත්වං මාතා ත්වං ශරණං ත්වං ධාතා ත්වං ධනං ත්වමාචාර්යඃ ।
ත්වං ත්රාතා ත්වං හර්තා විපදාමර්ක ප්රසීද මම භානෝ ॥ 12 ॥

ඉත්යාර්යාද්වාදශකං සාංබස්ය පුරෝ නභඃස්ථලාත්පතිතම් ।
පඨතාං භාග්යසමෘද්ධිඃ සමස්තරෝගක්ෂයශ්ච ස්යාත් ॥ 13 ॥

ඉති ශ්රීසාංබකෘතද්වාදශාර්යාසූර්යස්තුතිඃ ।

Browse Related Categories: