සුරථවෛශ්යයෝර්වරප්රදානං නාම ත්රයෝදශෝऽධ්යායඃ ॥
ධ්යානං
ඕං බාලාර්ක මංඩලාභාසාං චතුර්බාහුං ත්රිලෝචනාං ।
පාශාංකුශ වරාභීතීර්ධාරයංතීං ශිවාං භජේ ॥
ඍෂිරුවාච ॥ 1 ॥
ඒතත්තේ කථිතං භූප දේවීමාහාත්ම්යමුත්තමම් ।
ඒවංප්රභාවා සා දේවී යයේදං ධාර්යතේ ජගත් ॥2॥
විද්යා තථෛව ක්රියතේ භගවද්විෂ්ණුමායයා ।
තයා ත්වමේෂ වෛශ්යශ්ච තථෛවාන්යේ විවේකිනඃ ॥3॥
තයා ත්වමේෂ වෛශ්යශ්ච තථෛවාන්යේ විවේකිනඃ।
මෝහ්යංතේ මෝහිතාශ්චෛව මෝහමේෂ්යංති චාපරේ ॥4॥
තාමුපෛහි මහාරාජ ශරණං පරමේශ්වරීං।
ආරාධිතා සෛව නෘණාං භෝගස්වර්ගාපවර්ගදා ॥5॥
මාර්කංඩේය උවාච ॥6॥
ඉති තස්ය වචඃ ශෘත්වා සුරථඃ ස නරාධිපඃ।
ප්රණිපත්ය මහාභාගං තමෘෂිං සංශිතව්රතම් ॥7॥
නිර්විණ්ණෝතිමමත්වේන රාජ්යාපහරේණන ච।
ජගාම සද්යස්තපසේ සච වෛශ්යෝ මහාමුනේ ॥8॥
සංදර්ශනාර්ථමංභායා න#006ඡ්;පුලින මාස්ථිතඃ।
ස ච වෛශ්යස්තපස්තේපේ දේවී සූක්තං පරං ජපන් ॥9॥
තෞ තස්මින් පුලිනේ දේව්යාඃ කෘත්වා මූර්තිං මහීමයීම්।
අර්හණාං චක්රතුස්තස්යාඃ පුෂ්පධූපාග්නිතර්පණෛඃ ॥10॥
නිරාහාරෞ යතාහාරෞ තන්මනස්කෞ සමාහිතෞ।
දදතුස්තෞ බලිංචෛව නිජගාත්රාසෘගුක්ෂිතම් ॥11॥
ඒවං සමාරාධයතෝස්ත්රිභිර්වර්ෂෛර්යතාත්මනෝඃ।
පරිතුෂ්ටා ජගද්ධාත්රී ප්රත්යක්ෂං ප්රාහ චංඩිකා ॥12॥
දේව්යුවාචා॥13॥
යත්ප්රාර්ථ්යතේ ත්වයා භූප ත්වයා ච කුලනංදන।
මත්තස්තත්ප්රාප්යතාං සර්වං පරිතුෂ්ටා දදාමිතේ॥14॥
මාර්කංඩේය උවාච॥15॥
තතෝ වව්රේ නෘපෝ රාජ්යමවිභ්රංශ්යන්යජන්මනි।
අත්රෛවච ච නිජම් රාජ්යං හතශත්රුබලං බලාත්॥16॥
සෝऽපි වෛශ්යස්තතෝ ජ්ඤානං වව්රේ නිර්විණ්ණමානසඃ।
මමේත්යහමිති ප්රාජ්ඤඃ සජ්ගවිච්යුති කාරකම්॥17॥
දේව්යුවාච॥18॥
ස්වල්පෛරහෝභිර් නෘපතේ ස්වං රාජ්යං ප්රාප්ස්යතේ භවාන්।
හත්වා රිපූනස්ඛලිතං තව තත්ර භවිෂ්යති॥19॥
මෘතශ්ච භූයඃ සංප්රාප්ය ජන්ම දේවාද්විවස්වතඃ।
සාවර්ණිකෝ මනුර්නාම භවාන්භුවි භවිෂ්යති॥20॥
වෛශ්ය වර්ය ත්වයා යශ්ච වරෝऽස්මත්තෝऽභිවාංචිතඃ।
තං ප්රයච්ඡාමි සංසිද්ධ්යෛ තව ජ්ඤානං භවිෂ්යති॥21॥
මාර්කංඩේය උවාච
ඉති දත්වා තයෝර්දේවී යථාඛිලෂිතං වරං।
භභූවාංතර්හිතා සද්යෝ භක්ත්යා තාභ්යාමභිෂ්ටුතා॥22॥
ඒවං දේව්යා වරං ලබ්ධ්වා සුරථඃ ක්ෂත්රියර්ෂභඃ।
සූර්යාජ්ජන්ම සමාසාද්ය සාවර්ණිර්භවිතා මනුඃ॥23॥
ඉති දත්වා තයෝර්දේවී යථභිලෂිතං වරම්।
බභූවාංතර්හිතා සධ්යෝ භක්ත්යා තාභ්යාමභිෂ්ටුතා॥24॥
ඒවං දේව්යා වරං ලබ්ධ්වා සුරථඃ ක්ෂත්රියර්ෂභඃ।
සූර්යාජ්ජන්ම සමාසාද්ය සාවර්ණිර්භවිතා මනුඃ॥25॥
।ක්ලීං ඕං।
॥ ජය ජය ශ්රී මාර්කංඩේයපුරාණේ සාවර්ණිකේ මන්වංතරේ දේවීමහත්ය්මේ සුරථවෛශ්ය යෝර්වර ප්රදානං නාම ත්රයෝදශෝධ්යායසමාප්තං ॥
॥ශ්රී සප්ත ශතී දේවීමහත්ම්යම් සමාප්තං ॥
। ඕං තත් සත් ।
ආහුති
ඕං ක්ලීං ජයංතී සාංගායෛ සශක්තිකායෛ සපරිවාරායෛ සවාහනායෛ ශ්රී මහාත්රිපුරසුංදර්යෛ මහාහුතිං සමර්පයාමි නමඃ ස්වාහා ॥
ඕං ඛඩ්ගිනී ශූලිනී Gඔරා ගදිනී චක්රිණී තථා
ශංඛිණී චාපිනී බාණා භුශුංඩීපරිඝායුධා । හෘදයාය නමඃ ।
ඕං ශූලේන පාහිනෝ දේවි පාහි ඛඩ්ගේන චාංබිකේ।
ඝංටාස්වනේන නඃ පාහි චාපජ්යානිස්වනේන ච ශිරශේස්වාහා ।
ඕං ප්රාච්යාං රක්ෂ ප්රතීච්යාං ච චංඩිකේ දක්ෂරක්ෂිණේ
භ්රාමරේ නාත්ම ශුලස්ය උත්තරස්යාං තථේශ්වරි । ශිඛායෛ වෂට් ।
ඕං සොඋම්යානි යානිරූපාණි ත්රෛලෝක්යේ විචරංතිතේ
යානි චාත්යංත ඝෝරාණි තෛ රක්ෂාස්මාං ස්තථා භුවං කවචාය හුං ।
ඕං ඛඩ්ග ශූල ගදා දීනි යානි චාස්තාණි තේංබිකේ
කරපල්ලවසංගීනි තෛරස්මා න්රක්ෂ සර්වතඃ නේත්රත්රයාය වෂට් ।
ඕං සර්වස්වරූපේ සර්වේශේ සර්ව ශක්ති සමන්විතේ
භයේභ්යස්ත්රාහිනෝ දේවි දුර්ගේ දේවි නමෝස්තුතේ । කරතල කරපෘෂ්ටාභ්යාං නමඃ ।
ඕං භූර්භුව ස්සුවඃ ඉති දිග්විමිකඃ ।
Browse Related Categories:
