ශාංතිපාඨඃ
ඕං යෝ බ්රහ්මාණං විදධාති පූර්වං
යෝ වෛ වේදාංශ්ච ප්රහිණෝති තස්මෛ ।
තංහදේවමාත්ම බුද්ධිප්රකාශං
මුමුක්ෂුර්වෛ ශරණමහං ප්රපද්යේ ॥
ධ්යානම්
ඕං මෞනව්යාඛ්යා ප්රකටිතපරබ්රහ්මතත්වංයුවානං
වර්ශිෂ්ඨාංතේවසදෘෂිගණෛරාවෘතං බ්රහ්මනිෂ්ඨෛඃ ।
ආචාර්යේංද්රං කරකලිත චින්මුද්රමානංදමූර්තිං
ස්වාත්මරාමං මුදිතවදනං දක්ෂිණාමූර්තිමීඩේ ॥
වටවිටපිසමීපේ භූමිභාගේ නිෂණ්ණං
සකලමුනිජනානාං ජ්ඤානදාතාරමාරාත් ।
ත්රිභුවනගුරුමීශං දක්ෂිණාමූර්තිදේවං
ජනනමරණදුඃඛච්ඡේද දක්ෂං නමාමි ॥
චිත්රං වටතරෝර්මූලේ වෘද්ධාඃ ශිෂ්යාඃ ගුරුර්යුවා ।
ගුරෝස්තු මෞනව්යාඛ්යානං ශිෂ්යාස්තුච්ඡින්නසංශයාඃ ॥
ඕං නමඃ ප්රණවාර්ථාය ශුද්ධජ්ඤානෛකමූර්තයේ ।
නිර්මලාය ප්රශාංතාය දක්ෂිණාමූර්තයේ නමඃ ॥
ගුරුර්බ්රහ්මා ගුරුර්විෂ්ණුඃ ගුරුර්දේවෝ මහේශ්වරඃ ।
ගුරුස්සාක්ෂාත් පරං බ්රහ්මා තස්මෛ ශ්රී ගුරවේ නමඃ ॥
නිධයේ සර්වවිද්යානාං භිෂජේ භවරෝගිණාම් ।
ගුරවේ සර්වලෝකානාං දක්ෂිණාමූර්තයේ නමඃ ॥
චිදෝඝනාය මහේශාය වටමූලනිවාසිනේ ।
සච්චිදානංද රූපාය දක්ෂිණාමූර්තයේ නමඃ ॥
ඊශ්වරෝ ගුරුරාත්මේති මූර්තිභේද විභාගිනේ ।
ව්යෝමවද්-ව්යාප්තදේහාය දක්ෂිණාමූර්තයේ නමඃ ॥
අංගුෂ්ඨතර්ජනී යෝගමුද්රා ව්යාජේනයෝගිනාම් ।
ශෘත්යර්ථං බ්රහ්මජීවෛක්යං දර්ශයන්යෝගතා ශිවඃ ॥
ඕං ශාංතිඃ ශාංතිඃ ශාංතිඃ ॥
ස්තෝත්රම්
විශ්වංදර්පණ දෘශ්යමාන නගරී තුල්යං නිජාංතර්ගතං
පශ්යන්නාත්මනි මායයා බහිරිවෝද්භූතං යථානිද්රයා ।
යස්සාක්ෂාත්කුරුතේ ප්රභෝධසමයේ ස්වාත්මානමේ වාද්වයං
තස්මෛ ශ්රීගුරුමූර්තයේ නම ඉදං ශ්රී දක්ෂිණාමූර්තයේ ॥ 1 ॥
බීජස්යාංතති වාංකුරෝ ජගදිතං ප්රාඞ්නර්විකල්පං පුනඃ
මායාකල්පිත දේශකාලකලනා වෛචිත්ර්යචිත්රීකෘතම් ।
මායාවීව විජෘංභයත්යපි මහායෝගීව යඃ ස්වේච්ඡයා
තස්මෛ ශ්රීගුරුමූර්තයේ නම ඉදං ශ්රී දක්ෂිණාමූර්තයේ ॥ 2 ॥
යස්යෛව ස්ඵුරණං සදාත්මකමසත්කල්පාර්ථකං භාසතේ
සාක්ෂාත්තත්වමසීති වේදවචසා යෝ බෝධයත්යාශ්රිතාන් ।
යස්සාක්ෂාත්කරණාද්භවේන්න පුරනාවෘත්තිර්භවාංභෝනිධෞ
තස්මෛ ශ්රීගුරුමූර්තයේ නම ඉදං ශ්රී දක්ෂිණාමූර්තයේ ॥ 3 ॥
නානාච්ඡිද්ර ඝටෝදර ස්ථිත මහාදීප ප්රභාභාස්වරං
ජ්ඤානං යස්ය තු චක්ෂුරාදිකරණ ද්වාරා බහිඃ ස්පංදතේ ।
ජානාමීති තමේව භාංතමනුභාත්යේතත්සමස්තං ජගත්
තස්මෛ ශ්රී ගුරුමූර්තයේ නම ඉදං ශ්රී දක්ෂිණාමූර්තයේ ॥ 4 ॥
දේහං ප්රාණමපීංද්රියාණ්යපි චලාං බුද්ධිං ච ශූන්යං විදුඃ
ස්ත්රී බාලාංධ ජඩෝපමාස්ත්වහමිති භ්රාංතාභෘශං වාදිනඃ ।
මායාශක්ති විලාසකල්පිත මහාව්යාමෝහ සංහාරිණේ
තස්මෛ ශ්රී ගුරුමූර්තයේ නම ඉදං ශ්රී දක්ෂිණාමූර්තයේ ॥ 5 ॥
රාහුග්රස්ත දිවාකරේංදු සදෘශෝ මායා සමාච්ඡාදනාත්
සන්මාත්රඃ කරණෝප සංහරණතෝ යෝऽභූත්සුෂුප්තඃ පුමාන් ।
ප්රාගස්වාප්සමිති ප්රභෝදසමයේ යඃ ප්රත්යභිජ්ඤායතේ
තස්මෛ ශ්රී ගුරුමූර්තයේ නම ඉදං ශ්රී දක්ෂිණාමූර්තයේ ॥ 6 ॥
බාල්යාදිෂ්වපි ජාග්රදාදිෂු තථා සර්වාස්වවස්ථාස්වපි
ව්යාවෘත්තා ස්වනු වර්තමාන මහමිත්යංතඃ ස්ඵුරංතං සදා ।
ස්වාත්මානං ප්රකටීකරෝති භජතාං යෝ මුද්රයා භද්රයා
තස්මෛ ශ්රී ගුරුමූර්තයේ නම ඉදං ශ්රී දක්ෂිණාමූර්තයේ ॥ 7 ॥
විශ්වං පශ්යති කාර්යකාරණතයා ස්වස්වාමිසංබංධතඃ
ශිෂ්යචාර්යතයා තථෛව පිතෘ පුත්රාද්යාත්මනා භේදතඃ ।
ස්වප්නේ ජාග්රති වා ය ඒෂ පුරුෂෝ මායා පරිභ්රාමිතඃ
තස්මෛ ශ්රී ගුරුමූර්තයේ නම ඉදං ශ්රී දක්ෂිණාමූර්තයේ ॥ 8 ॥
භූරංභාංස්යනලෝऽනිලෝංබර මහර්නාථෝ හිමාංශුඃ පුමාන්
ඉත්යාභාති චරාචරාත්මකමිදං යස්යෛව මූර්ත්යෂ්ටකම් ।
නාන්යත්කිංචන විද්යතේ විමෘශතාං යස්මාත්පරස්මාද්විභෝ
තස්මෛ ගුරුමූර්තයේ නම ඉදං ශ්රී දක්ෂිණාමූර්තයේ ॥ 9 ॥
සර්වාත්මත්වමිති ස්ඵුටීකෘතමිදං යස්මාදමුෂ්මින් ස්තවේ
තේනාස්ව ශ්රවණාත්තදර්ථ මනනාද්ධ්යානාච්ච සංකීර්තනාත් ।
සර්වාත්මත්වමහාවිභූති සහිතං ස්යාදීශ්වරත්වං ස්වතඃ
සිද්ධ්යේත්තත්පුනරෂ්ටධා පරිණතං චෛශ්වර්ය මව්යාහතම් ॥ 10 ॥
॥ ඉති ශ්රීමච්ඡංකරාචාර්යවිරචිතං දක්ෂිණාමුර්තිස්තෝත්රං සංපූර්ණම් ॥
Browse Related Categories:
