චංද්රශේඛර චංද්රශේඛර චංද්රශේඛර පාහිමාම් ।
චංද්රශේඛර චංද්රශේඛර චංද්රශේඛර රක්ෂමාම් ॥
රත්නසානු ශරාසනං රජතාද්රි ශෘංග නිකේතනං
ශිංජිනීකෘත පන්නගේශ්වර මච්යුතානල සායකම් ।
ක්ෂිප්රදග්ද පුරත්රයං ත්රිදශාලයෛ රභිවංදිතං
චංද්රශේඛරමාශ්රයේ මම කිං කරිෂ්යති වෛ යමඃ ॥ 1 ॥
මත්තවාරණ මුඛ්යචර්ම කෘතෝත්තරීය මනෝහරං
පංකජාසන පද්මලෝචන පූජිතාංඝ්රි සරෝරුහං ।
දේව සිංධු තරංග ශ්රීකර සික්ත ශුභ්ර ජටාධරං
චංද්රශේඛරමාශ්රයේ මම කිං කරිෂ්යති වෛ යමඃ ॥ 2 ॥
කුංඩලීකෘත කුංඩලීශ්වර කුංඩලං වෘෂවාහනං
නාරදාදි මුනීශ්වර ස්තුතවෛභවං භුවනේශ්වරං ।
අංධකාංතක මාශ්රිතාමර පාදපං ශමනාංතකං
චංද්රශේඛරමාශ්රයේ මම කිං කරිෂ්යති වෛ යමඃ ॥ 3 ॥
පංචපාදප පුෂ්පගංධ පදාංබුජ ද්වයශෝභිතං
ඵාලලෝචන ජාතපාවක දග්ධ මන්මධ විග්රහං ।
භස්මදිග්ද කළේබරං භවනාශනං භව මව්යයං
චංද්රශේඛරමාශ්රයේ මම කිං කරිෂ්යති වෛ යමඃ ॥ 4 ॥
යක්ෂ රාජසඛං භගාක්ෂ හරං භුජංග විභූෂණම්
ශෛලරාජ සුතා පරිෂ්කෘත චාරුවාම කළේබරම් ।
ක්ෂේළ නීලගළං පරශ්වධ ධාරිණං මෘගධාරිණම්
චංද්රශේඛරමාශ්රයේ මම කිං කරිෂ්යති වෛ යමඃ ॥ 5 ॥
භේෂජං භවරෝගිණා මඛිලාපදා මපහාරිණං
දක්ෂයජ්ඤ විනාශනං ත්රිගුණාත්මකං ත්රිවිලෝචනං ।
භුක්ති මුක්ති ඵලප්රදං සකලාඝ සංඝ නිබර්හණං
චංද්රශේඛරමාශ්රයේ මම කිං කරිෂ්යති වෛ යමඃ ॥ 6 ॥
විශ්වසෘෂ්ටි විධායකං පුනරේවපාලන තත්පරං
සංහරං තමපි ප්රපංච මශේෂලෝක නිවාසිනං ।
ක්රීඩයංත මහර්නිශං ගණනාථ යූථ සමන්විතං
චංද්රශේඛරමාශ්රයේ මම කිං කරිෂ්යති වෛ යමඃ ॥ 7 ॥
භක්තවත්සල මර්චිතං නිධිමක්ෂයං හරිදංබරං
සර්වභූත පතිං පරාත්පර මප්රමේය මනුත්තමං ।
සෝමවාරින භෝහුතාශන සෝම පාද්යඛිලාකෘතිං
චංද්රශේඛර ඒව තස්ය දදාති මුක්ති මයත්නතඃ ॥ 8 ॥
ඵලශෘති
විශ්වසෘෂ්ටිවිධායිනං පුනරේව පාලනතත්පරං
සංහරංතමපිප්රපංචමශේෂලෝකනිවාසිනම් ।
ක්රීඩයංතමහර්නිශං ගණනාථයූථසමන්විතං
චංද්රශේඛරමාශ්රයේ මම කිං කරිෂ්යති වෛ යමඃ ॥ 9 ॥
මෘත්යුභීත මෘකංඩුසූනුකෘතස්තවං ශිවසන්නිධෞ
යත්ර කුත්ර ච යඃ පඨේන්න හි තස්ය මෘත්යුභයං භවේත් ।
පූර්ණමායුරරෝගතාමඛිලාර්ථසංපදමාදරං
චංද්රශේඛර ඒව තස්ය දදාති මුක්තිමයත්නතඃ ॥ 10 ॥
Browse Related Categories:
