Bhavani Ashtakam - Sinhala | Vaidika Vignanam

Collection of Spiritual and Devotional Literature in Various Indian Languages

View this in:

භවානී අෂ්ටකම්

න තාතෝ න මාතා න බංධුර්න දාතා
න පුත්රෝ න පුත්රී න භෘත්යෝ න භර්තා
න ජායා න විද්යා න වෘත්තිර්මමෛව
ගතිස්ත්වං ගතිස්ත්වං ත්වමේකා භවානි ॥ 1 ॥

භවාබ්ධාවපාරේ මහාදුඃඛභීරු
පපාත ප්රකාමී ප්රලෝභී ප්රමත්තඃ
කුසංසාරපාශප්රබද්ධඃ සදාහං
ගතිස්ත්වං ගතිස්ත්වං ත්වමේකා භවානි ॥ 2 ॥

න ජානාමි දානං න ච ධ්යානයෝගං
න ජානාමි තංත්රං න ච ස්තෝත්රමංත්රම්
න ජානාමි පූජාං න ච න්යාසයෝගං
ගතිස්ත්වං ගතිස්ත්වං ත්වමේකා භවානි ॥ 3 ॥

න ජානාමි පුණ්යං න ජානාමි තීර්ථං
න ජානාමි මුක්තිං ලයං වා කදාචිත්
න ජානාමි භක්තිං ව්රතං වාපි මාතඃ
ගතිස්ත්වං ගතිස්ත්වං ත්වමේකා භවානි ॥ 4 ॥

කුකර්මී කුසංගී කුබුද්ධිඃ කුදාසඃ
කුලාචාරහීනඃ කදාචාරලීනඃ
කුදෘෂ්ටිඃ කුවාක්යප්රබංධඃ සදාහං
ගතිස්ත්වං ගතිස්ත්වං ත්වමේකා භවානි ॥ 5 ॥

ප්රජේශං රමේශං මහේශං සුරේශං
දිනේශං නිශීථේශ්වරං වා කදාචිත්
න ජානාමි චාන්යත් සදාහං ශරණ්යේ
ගතිස්ත්වං ගතිස්ත්වං ත්වමේකා භවානි ॥ 6 ॥

විවාදේ විෂාදේ ප්රමාදේ ප්රවාසේ
ජලේ චානලේ පර්වතේ ශත්රුමධ්යේ
අරණ්යේ ශරණ්යේ සදා මාං ප්රපාහි
ගතිස්ත්වං ගතිස්ත්වං ත්වමේකා භවානි ॥ 7 ॥

අනාථෝ දරිද්රෝ ජරාරෝගයුක්තෝ
මහාක්ෂීණදීනඃ සදා ජාඩ්යවක්ත්රඃ
විපත්තෞ ප්රවිෂ්ටඃ ප්රනෂ්ටඃ සදාහං
ගතිස්ත්වං ගතිස්ත්වං ත්වමේකා භවානි ॥ 8 ॥

॥ ඉති ශ්රීමදාදිශංකරාචාර්යවිරචිතං භවාන්යෂ්ටකං සංපූර්ණම් ॥

Browse Related Categories: