କମଲାକୁଚ ଚୂଚୁକ କୁଂକମତୋ
ନିଯତାରୁଣି ତାତୁଲ ନୀଲତନୋ ।
କମଲାଯତ ଲୋଚନ ଲୋକପତେ
ଵିଜଯୀଭଵ ଵେଂକଟ ଶୈଲପତେ ॥
ସଚତୁର୍ମୁଖ ଷଣ୍ମୁଖ ପଂଚମୁଖେ
ପ୍ରମୁଖା ଖିଲଦୈଵତ ମୌଳିମଣେ ।
ଶରଣାଗତ ଵତ୍ସଲ ସାରନିଧେ
ପରିପାଲଯ ମାଂ ଵୃଷ ଶୈଲପତେ ॥
ଅତିଵେଲତଯା ତଵ ଦୁର୍ଵିଷହୈ
ରନୁ ଵେଲକୃତୈ ରପରାଧଶତୈଃ ।
ଭରିତଂ ତ୍ଵରିତଂ ଵୃଷ ଶୈଲପତେ
ପରଯା କୃପଯା ପରିପାହି ହରେ ॥
ଅଧି ଵେଂକଟ ଶୈଲ ମୁଦାରମତେ-
ର୍ଜନତାଭି ମତାଧିକ ଦାନରତାତ୍ ।
ପରଦେଵତଯା ଗଦିତାନିଗମୈଃ
କମଲାଦଯିତାନ୍ନ ପରଂକଲଯେ ॥
କଲ ଵେଣୁର ଵାଵଶ ଗୋପଵଧୂ
ଶତ କୋଟି ଵୃତାତ୍ସ୍ମର କୋଟି ସମାତ୍ ।
ପ୍ରତି ପଲ୍ଲଵିକାଭି ମତାତ୍-ସୁଖଦାତ୍
ଵସୁଦେଵ ସୁତାନ୍ନ ପରଂକଲଯେ ॥
ଅଭିରାମ ଗୁଣାକର ଦାଶରଧେ
ଜଗଦେକ ଧନୁର୍ଥର ଧୀରମତେ ।
ରଘୁନାଯକ ରାମ ରମେଶ ଵିଭୋ
ଵରଦୋ ଭଵ ଦେଵ ଦଯା ଜଲଧେ ॥
ଅଵନୀ ତନଯା କମନୀଯ କରଂ
ରଜନୀକର ଚାରୁ ମୁଖାଂବୁରୁହମ୍ ।
ରଜନୀଚର ରାଜତ ମୋମି ହିରଂ
ମହନୀଯ ମହଂ ରଘୁରାମମଯେ ॥
ସୁମୁଖଂ ସୁହୃଦଂ ସୁଲଭଂ ସୁଖଦଂ
ସ୍ଵନୁଜଂ ଚ ସୁକାଯମ ମୋଘଶରମ୍ ।
ଅପହାଯ ରଘୂଦ୍ଵଯ ମନ୍ଯମହଂ
ନ କଥଂଚନ କଂଚନ ଜାତୁଭଜେ ॥
ଵିନା ଵେଂକଟେଶଂ ନ ନାଥୋ ନ ନାଥଃ
ସଦା ଵେଂକଟେଶଂ ସ୍ମରାମି ସ୍ମରାମି ।
ହରେ ଵେଂକଟେଶ ପ୍ରସୀଦ ପ୍ରସୀଦ
ପ୍ରିଯଂ ଵେଂକଟେଶ ପ୍ରଯଚ୍ଛ ପ୍ରଯଚ୍ଛ ॥
ଅହଂ ଦୂରଦସ୍ତେ ପଦାଂ ଭୋଜଯୁଗ୍ମ
ପ୍ରଣାମେଚ୍ଛଯା ଗତ୍ଯ ସେଵାଂ କରୋମି ।
ସକୃତ୍ସେଵଯା ନିତ୍ଯ ସେଵାଫଲଂ ତ୍ଵଂ
ପ୍ରଯଚ୍ଛ ପଯଚ୍ଛ ପ୍ରଭୋ ଵେଂକଟେଶ ॥
ଅଜ୍ଞାନିନା ମଯା ଦୋଷା ନ ଶେଷାନ୍ଵିହିତାନ୍ ହରେ ।
କ୍ଷମସ୍ଵ ତ୍ଵଂ କ୍ଷମସ୍ଵ ତ୍ଵଂ ଶେଷଶୈଲ ଶିଖାମଣେ ॥
Browse Related Categories:
