ଵଂଦେ ଭାରତମାତରଂ ଵଦ, ଭାରତ ! ଵଂଦେ ମାତରଂ
ଵଂଦେ ମାତରଂ, ଵଂଦେ ମାତରଂ, ଵଂଦେ ମାତରମ୍ ॥

ଜନ୍ମଭୂରିଯଂ ଵୀରଵରାଣାଂ ତ୍ଯାଗଧନାନାଂ ଧୀରାଣାଂ
ମାତୃଭୂମଯେ ଲୋକହିତାଯ ଚ ନିତ୍ଯସମର୍ପିତଚିତ୍ତାନାମ୍ ।
ଜିତକୋପାନାଂ କୃତକୃତ୍ଯାନାଂ ଵିତ୍ତଂ ତୃଣଵଦ୍ ଦୃଷ୍ଟଵତାଂ
ମାତୃସେଵନାଦାତ୍ମଜୀଵନେ ସାର୍ଥକତାମାନୀତଵତାମ୍ ॥ 1 ॥

ଗ୍ରାମେ ଗ୍ରାମେ କର୍ମଦେଶିକାସ୍ତତ୍ତ୍ଵଵେଦିନୋ ଧର୍ମରତାଃ ।
ଅର୍ଥସଂଚଯସ୍ତ୍ଯାଗହେତୁକୋ ଧର୍ମସମ୍ମତଃ କାମ ଇହ ।
ନଶ୍ଵରବୁଦ୍ଧିଃ କ୍ଷଣପରିଵର୍ତିନି କାଯେ, ଆତ୍ମନ୍ଯାଦରଧୀଃ
ଜାତୋ ଯତ୍ର ହି ସ୍ଵସ୍ଯ ଜନ୍ମନା ଧନ୍ଯଂ ମନ୍ଯତ ଆତ୍ମାନମ୍ ॥ 2 ॥

ମାତସ୍ତ୍ଵତ୍ତୋ ଵିତ୍ତଂ ଚିତ୍ତଂ ସ୍ଵତ୍ଵଂ ପ୍ରତିଭା ଦେହବଲଂ
ନାହଂ କର୍ତା, କାରଯସି ତ୍ଵଂ, ନିଃସ୍ପୃହତା ମମ କର୍ମଫଲେ ।
ଅର୍ପିତମେତଜ୍ଜୀଵନପୁଷ୍ପଂ ମାତସ୍ତଵ ଶୁଭପାଦପଲେ
ନାନ୍ଯୋ ମଂତ୍ରୋ ନାନ୍ଯଚିଂତନଂ ନାନ୍ଯଦ୍ଦେଶହିତାଦ୍ଧି ୠତେ ॥ 3 ॥

ରଚନ: ଶ୍ରୀ ଜନାର୍ଦନ ହେଗ୍ଡେ