ଓମ୍ ॥ ହିର॑ଣ୍ଯଵର୍ଣାଂ॒ ହରି॑ଣୀଂ ସୁ॒ଵର୍ଣ॑ରଜ॒ତସ୍ର॑ଜାମ୍ ।
ଚଂ॒ଦ୍ରାଂ ହି॒ରଣ୍ମ॑ଯୀଂ ଲ॒କ୍ଷ୍ମୀଂ ଜାତ॑ଵେଦୋ ମ॒ ଆଵ॑ହ ॥
ତାଂ ମ॒ ଆଵ॑ହ॒ ଜାତ॑ଵେଦୋ ଲ॒କ୍ଷ୍ମୀମନ॑ପଗା॒ମିନୀ᳚ମ୍ ।
ଯସ୍ଯାଂ॒ ହିର॑ଣ୍ଯଂ ଵିଂ॒ଦେଯଂ॒ ଗାମଶ୍ଵଂ॒ ପୁରୁ॑ଷାନ॒ହମ୍ ॥
ଅ॒ଶ୍ଵ॒ପୂ॒ର୍ଵାଂ ର॑ଥମ॒ଧ୍ଯାଂ ହ॒ସ୍ତିନା॑ଦ-ପ୍ର॒ବୋଧି॑ନୀମ୍ ।
ଶ୍ରିଯଂ॑ ଦେ॒ଵୀମୁପ॑ହ୍ଵଯେ॒ ଶ୍ରୀର୍ମା॑ ଦେ॒ଵୀର୍ଜୁ॑ଷତାମ୍ ॥
କାଂ॒ସୋ᳚ସ୍ମି॒ ତାଂ ହିର॑ଣ୍ଯପ୍ରା॒କାରା॑ମା॒ର୍ଦ୍ରାଂ ଜ୍ଵଲଂ॑ତୀଂ ତୃ॒ପ୍ତାଂ ତ॒ର୍ପଯଂ॑ତୀମ୍ ।
ପ॒ଦ୍ମେ॒ ସ୍ଥି॒ତାଂ ପ॒ଦ୍ମଵ॑ର୍ଣାଂ॒ ତାମି॒ହୋପ॑ହ୍ଵଯେ॒ ଶ୍ରିଯମ୍ ॥
ଚଂ॒ଦ୍ରାଂ ପ୍ର॑ଭା॒ସାଂ ଯ॒ଶସା॒ ଜ୍ଵଲଂ॑ତୀଂ॒ ଶ୍ରିଯଂ॑ ଲୋ॒କେ ଦେ॒ଵଜୁ॑ଷ୍ଟାମୁଦା॒ରାମ୍ ।
ତାଂ ପ॒ଦ୍ମିନୀ॑ମୀଂ॒ ଶର॑ଣମ॒ହଂ ପ୍ରପ॑ଦ୍ଯେଽଲ॒କ୍ଷ୍ମୀର୍ମେ॑ ନଶ୍ଯତାଂ॒ ତ୍ଵାଂ ଵୃ॑ଣେ ॥
ଆ॒ଦି॒ତ୍ଯଵ॑ର୍ଣେ॒ ତପ॒ସୋଽଧି॑ଜା॒ତୋ ଵନ॒ସ୍ପତି॒ସ୍ତଵ॑ ଵୃ॒କ୍ଷୋଽଥ॑ ବି॒ଲ୍ଵଃ ।
ତସ୍ଯ॒ ଫଲା॑ନି॒ ତପ॒ସାନୁ॑ଦଂତୁ ମା॒ଯାଂତ॑ରା॒ଯାଶ୍ଚ॑ ବା॒ହ୍ଯା ଅ॑ଲ॒କ୍ଷ୍ମୀଃ ॥
ଉପୈ॑ତୁ॒ ମାଂ ଦେ॑ଵସ॒ଖଃ କୀ॒ର୍ତିଶ୍ଚ॒ ମଣି॑ନା ସ॒ହ ।
ପ୍ରା॒ଦୁ॒ର୍ଭୂ॒ତୋଽସ୍ମି॑ ରାଷ୍ଟ୍ରେ॒ଽସ୍ମିନ୍ କୀ॒ର୍ତି॒ମୃ॑ଦ୍ଧିଂ ଦ॒ଦାତୁ॑ ମେ ॥
କ୍ଷୁ॒ତ୍ପି॒ପା॒ସାମ॑ଲାଂ ଜ୍ଯେ॒ଷ୍ଠାମ॒ଲ॒କ୍ଷୀଂ ନା॑ଶଯା॒ମ୍ଯହମ୍ ।
ଅଭୂ॑ତି॒ମସ॑ମୃଦ୍ଧିଂ॒ ଚ ସ॒ର୍ଵାଂ॒ ନିର୍ଣୁ॑ଦ ମେ॒ ଗୃହାତ୍ ॥
ଗଂ॒ଧ॒ଦ୍ଵା॒ରାଂ ଦୁ॑ରାଧ॒ର୍ଷାଂ॒ ନି॒ତ୍ଯପୁ॑ଷ୍ଟାଂ କରୀ॒ଷିଣୀ᳚ମ୍ ।
ଈ॒ଶ୍ଵରୀଗ୍-ମ୍॑ ସର୍ଵ॑ଭୂତା॒ନାଂ॒ ତାମି॒ହୋପ॑ହ୍ଵଯେ॒ ଶ୍ରିଯମ୍ ॥
ଶ୍ରୀ᳚ର୍ମେ ଭ॒ଜତୁ । ଅଲ॒କ୍ଷୀ᳚ର୍ମେ ନ॒ଶ୍ଯତୁ ।
ମନ॑ସଃ॒ କାମ॒ମାକୂ॑ତିଂ ଵା॒ଚଃ ସ॒ତ୍ଯମ॑ଶୀମହି ।
ପ॒ଶୂ॒ନାଗ୍-ମ୍ ରୂ॒ପମନ୍ଯ॑ସ୍ଯ॒ ମଯି॒ ଶ୍ରୀଃ ଶ୍ର॑ଯତାଂ॒ ଯଶଃ॑ ॥
କ॒ର୍ଦମେ॑ନ ପ୍ର॑ଜାଭୂ॒ତା॒ ମ॒ଯି॒ ସଂଭ॑ଵ କ॒ର୍ଦମ ।
ଶ୍ରିଯଂ॑ ଵା॒ସଯ॑ ମେ କୁ॒ଲେ॒ ମା॒ତରଂ॑ ପଦ୍ମ॒ମାଲି॑ନୀମ୍ ॥
ଆପଃ॑ ସୃ॒ଜଂତୁ॑ ସ୍ନି॒ଗ୍ଧା॒ନି॒ ଚି॒କ୍ଲୀ॒ତ ଵ॑ସ ମେ॒ ଗୃହେ ।
ନି ଚ॑ ଦେ॒ଵୀଂ ମା॒ତରଂ॒ ଶ୍ରିଯଂ॑ ଵା॒ସଯ॑ ମେ କୁ॒ଲେ ॥
ଆ॒ର୍ଦ୍ରାଂ ପୁ॒ଷ୍କରି॑ଣୀଂ ପୁ॒ଷ୍ଟିଂ॒ ପିଂ॒ଗ॒ଳାଂ ପ॑ଦ୍ମମା॒ଲିନୀମ୍ ।
ଚଂ॒ଦ୍ରାଂ ହି॒ରଣ୍ମ॑ଯୀଂ ଲ॒କ୍ଷ୍ମୀଂ ଜାତ॑ଵେଦୋ ମ॒ ଆଵ॑ହ ॥
ଆ॒ର୍ଦ୍ରାଂ ଯଃ॒ କରି॑ଣୀଂ ଯ॒ଷ୍ଟିଂ॒ ସୁ॒ଵ॒ର୍ଣାଂ ହେ॑ମମା॒ଲିନୀମ୍ ।
ସୂ॒ର୍ଯାଂ ହି॒ରଣ୍ମ॑ଯୀଂ ଲ॒କ୍ଷ୍ମୀଂ॒ ଜାତ॑ଵେଦୋ ମ॒ ଆଵ॑ହ ॥
ତାଂ ମ॒ ଆଵ॑ହ॒ ଜାତ॑ଵେଦୋ ଲ॒କ୍ଷୀମନ॑ପଗା॒ମିନୀ᳚ମ୍ ।
ଯସ୍ଯାଂ॒ ହିର॑ଣ୍ଯଂ॒ ପ୍ରଭୂ॑ତଂ॒ ଗାଵୋ॑ ଦା॒ସ୍ଯୋଽଶ୍ଵା᳚ନ୍, ଵିଂ॒ଦେଯଂ॒ ପୁରୁ॑ଷାନ॒ହମ୍ ॥
ଯଶ୍ଶୁଚିଃ॑ ପ୍ରଯତୋ ଭୂ॒ତ୍ଵା॒ ଜୁ॒ହୁଯା॑-ଦାଜ୍ଯ॒-ମନ୍ଵ॑ହମ୍ ।
ଶ୍ରିଯଃ॑ ପଂ॒ଚଦ॑ଶର୍ଚଂ ଚ ଶ୍ରୀ॒କାମ॑ସ୍ସତ॒ତଂ॒ ଜ॑ପେତ୍ ॥
ଆନଂଦଃ କର୍ଦ॑ମଶ୍ଚୈ॒ଵ ଚିକ୍ଲୀ॒ତ ଇ॑ତି ଵି॒ଶ୍ରୁତାଃ ।
ଋଷ॑ଯ॒ସ୍ତେ ତ୍ର॑ଯଃ ପୁତ୍ରାଃ ସ୍ଵ॒ଯଂ॒ ଶ୍ରୀରେ॑ଵ ଦେ॒ଵତା ॥
ପଦ୍ମାନନେ ପ॑ଦ୍ମ ଊ॒ରୂ॒ ପ॒ଦ୍ମାକ୍ଷୀ ପ॑ଦ୍ମସଂ॒ଭଵେ ।
ତ୍ଵଂ ମାଂ᳚ ଭ॒ଜସ୍ଵ॑ ପଦ୍ମା॒କ୍ଷୀ ଯେ॒ନ ସୌଖ୍ଯଂ॑ ଲଭା॒ମ୍ଯହମ୍ ॥
ଅ॒ଶ୍ଵଦା॑ଯୀ ଚ ଗୋଦା॒ଯୀ॒ ଧ॒ନଦା॑ଯୀ ମ॒ହାଧ॑ନେ ।
ଧନଂ॑ ମେ॒ ଜୁଷ॑ତାଂ ଦେ॒ଵୀଂ ସ॒ର୍ଵକା॑ମାର୍ଥ॒ ସିଦ୍ଧ॑ଯେ ॥
ପୁତ୍ରପୌତ୍ର ଧନଂ ଧାନ୍ଯଂ ହସ୍ତ୍ଯଶ୍ଵାଜାଵିଗୋ ରଥମ୍ ।
ପ୍ରଜାନାଂ ଭଵସି ମାତା ଆଯୁଷ୍ମଂତଂ କରୋତୁ ମାମ୍ ॥
ଚଂଦ୍ରାଭାଂ ଲକ୍ଷ୍ମୀମୀଶାନାଂ ସୂର୍ଯାଭାଂ᳚ ଶ୍ରିଯମୀଶ୍ଵରୀମ୍ ।
ଚଂଦ୍ର ସୂର୍ଯାଗ୍ନି ସର୍ଵାଭାଂ ଶ୍ରୀ ମହାଲକ୍ଷ୍ମୀ-ମୁପାସ୍ମହେ ॥
ଧନ-ମଗ୍ନି-ର୍ଧନଂ ଵାଯୁ-ର୍ଧନଂ ସୂର୍ଯୋ॑ ଧନଂ ଵସୁଃ ।
ଧନମିଂଦ୍ରୋ ବୃହସ୍ପତି-ର୍ଵରୁ॑ଣଂ ଧନମ॑ଶ୍ନୁତେ ॥
ଵୈନତେଯ ସୋମଂ ପିବ ସୋମଂ॑ ପିବତୁ ଵୃତ୍ରହା ।
ସୋମଂ॒ ଧନସ୍ଯ ସୋମିନୋ॒ ମହ୍ଯଂ॑ ଦଦାତୁ ସୋମିନୀ॑ ॥
ନ କ୍ରୋଧୋ ନ ଚ ମାତ୍ସ॒ର୍ଯଂ ନ ଲୋଭୋ॑ ନାଶୁଭା ମତିଃ ।
ଭଵଂତି କୃତ ପୁଣ୍ଯାନାଂ ଭ॒କ୍ତାନାଂ ଶ୍ରୀ ସୂ᳚କ୍ତଂ ଜପେତ୍ସଦା ॥
ଵର୍ଷଂ᳚ତୁ॒ ତେ ଵି॑ଭାଵ॒ରି॒ ଦି॒ଵୋ ଅଭ୍ରସ୍ଯ ଵିଦ୍ଯୁ॑ତଃ ।
ରୋହଂ᳚ତୁ ସର୍ଵ॑ବୀଜାନ୍ଯଵ ବ୍ରହ୍ମ ଦ୍ଵି॒ଷୋ᳚ ଜ॑ହି ॥
ପଦ୍ମପ୍ରିଯେ ପଦ୍ମିନି ପଦ୍ମହସ୍ତେ ପଦ୍ମାଲଯେ ପଦ୍ମ-ଦଳାଯତାକ୍ଷୀ ।
ଵିଶ୍ଵପ୍ରିଯେ ଵିଷ୍ଣୁ ମନୋନୁକୂଲେ ତ୍ଵତ୍ପାଦପଦ୍ମଂ ମଯି ସନ୍ନିଧତ୍ସ୍ଵ ॥
ଯା ସା ପଦ୍ମାସନସ୍ଥା ଵିପୁଲକଟିତଟୀ ପଦ୍ମପତ୍ରାଯତାକ୍ଷୀ ।
ଗଂଭୀରା ଵର୍ତନାଭିଃ ସ୍ତନଭରନମିତା ଶୁଭ୍ର ଵସ୍ତୋତ୍ତରୀଯା ॥
ଲକ୍ଷ୍ମୀ-ର୍ଦିଵ୍ଯୈ-ର୍ଗଜେଂଦ୍ରୈ-ର୍ମଣିଗଣ ଖଚିତୈ-ସ୍ସ୍ନାପିତା ହେମକୁଂଭୈଃ ।
ନିତ୍ଯଂ ସା ପଦ୍ମହସ୍ତା ମମ ଵସତୁ ଗୃହେ ସର୍ଵ ମାଂଗଳ୍ଯଯୁକ୍ତା ॥
ଲକ୍ଷ୍ମୀଂ କ୍ଷୀର ସମୁଦ୍ର ରାଜତନଯାଂ ଶ୍ରୀରଂଗ ଧାମେଶ୍ଵରୀମ୍ ।
ଦାସୀଭୂତ ସମସ୍ତ ଦେଵ ଵନିତାଂ ଲୋକୈକ ଦୀପାଂକୁରାମ୍ ।
ଶ୍ରୀମନ୍ମଂଦ କଟାକ୍ଷ ଲବ୍ଧ ଵିଭଵ ବ୍ରହ୍ମେଂଦ୍ର ଗଂଗାଧରାମ୍ ।
ତ୍ଵାଂ ତ୍ରୈଲୋକ୍ଯ କୁଟୁଂବିନୀଂ ସରସିଜାଂ ଵଂଦେ ମୁକୁଂଦପ୍ରିଯାମ୍ ॥
ସିଦ୍ଧଲକ୍ଷ୍ମୀ-ର୍ମୋକ୍ଷଲକ୍ଷ୍ମୀ-ର୍ଜଯଲକ୍ଷ୍ମୀ-ସ୍ସରସ୍ଵତୀ ।
ଶ୍ରୀଲକ୍ଷ୍ମୀ-ର୍ଵରଲକ୍ଷ୍ମୀଶ୍ଚ ପ୍ରସନ୍ନା ମମ ସର୍ଵଦା ॥
ଵରାଂକୁଶୌ ପାଶମଭୀତି ମୁଦ୍ରାମ୍ ।
କରୈର୍ଵହଂତୀଂ କମଲାସନସ୍ଥାମ୍ ।
ବାଲର୍କକୋଟି ପ୍ରତିଭାଂ ତ୍ରିନେତ୍ରାମ୍ ।
ଭଜେଽହମଂବାଂ ଜଗଦୀଶ୍ଵରୀଂ ତାମ୍ ॥
ସର୍ଵମଂଗଳ ମାଂଗଳ୍ଯେ ଶିଵେ ସର୍ଵାର୍ଥ ସାଧିକେ ।
ଶରଣ୍ଯେ ତ୍ଯ୍ରଂବକେ ଦେଵୀ ନାରାଯଣି ନମୋସ୍ତୁତେ ॥
ଓଂ ମ॒ହା॒ଦେ॒ଵ୍ଯୈ ଚ॑ ଵି॒ଦ୍ମହେ॑ ଵିଷ୍ଣୁପ॒ତ୍ନୀ ଚ॑ ଧୀମହି । ତନ୍ନୋ॑ ଲକ୍ଷ୍ମୀଃ ପ୍ରଚୋ॒ଦଯା᳚ତ୍ ॥
ଶ୍ରୀ-ର୍ଵର୍ଚ॑ସ୍ଵ॒-ମାଯୁ॑ଷ୍ଯ॒-ମାରୋ᳚ଗ୍ଯ॒-ମାଵୀ॑ଧା॒ତ୍ ପଵ॑ମାନଂ ମହୀ॒ଯତେ᳚ ।
ଧା॒ନ୍ଯଂ ଧ॒ନଂ ପ॒ଶୁଂ ବ॒ହୁପୁ॑ତ୍ରଲା॒ଭଂ ଶ॒ତସଂ᳚ଵତ୍ସ॒ରଂ ଦୀ॒ର୍ଘମାଯୁଃ॑ ॥
ଓଂ ଶାଂତିଃ॒ ଶାଂତିଃ॒ ଶାଂତିଃ॑ ॥
