॥ ଶ୍ରୀଶଂକରାଚାର୍ଯସ୍ତଵଃ ॥
ଶ୍ରୀଶଂକରାଚାର୍ଯଵର୍ଯଂ ସର୍ଵଲୋକୈକଵଂଦ୍ଯଂ ଭଜେ ଦେଶିକେଂଦ୍ରମ୍
ଧର୍ମପ୍ରଚାରେଽତିଦକ୍ଷଂ ଯୋଗିଗୋଵିଂଦପାଦାପ୍ତସନ୍ଯାସଦୀକ୍ଷମ୍ ।
ଦୁର୍ଵାଦିଗର୍ଵାପନୋଦଂ ପଦ୍ମପାଦାଦିଶିଷ୍ଯାଲିସଂସେଵ୍ଯପାଦମ୍ ॥1॥
(ଶ୍ରୀଶଂକରାଚାର୍ଯଵର୍ଯଂ)
ଶଂକାଦ୍ରିଦଂଭୋଲିଲୀଲଂ କିଂକରାଶେଷଶିଷ୍ଯାଲି ସଂତ୍ରାଣଶୀଲମ୍ ।
ବାଲାର୍କନୀକାଶଚେଲଂ ବୋଧିତାଶେଷଵେଦାଂତ ଗୂଢାର୍ଥଜାଲମ୍ ॥2॥
(ଶ୍ରୀଶଂକରାଚାର୍ଯଵର୍ଯଂ)
ରୁଦ୍ରାକ୍ଷମାଲାଵିଭୂଷଂ ଚଂଦ୍ରମୌଲୀଶ୍ଵରାରାଧନାଵାପ୍ତତୋଷମ୍ ।
ଵିଦ୍ରାଵିତାଶେଷଦୋଷଂ ଭଦ୍ରପୂଗପ୍ରଦଂ ଭକ୍ତଲୋକସ୍ଯ ନିତ୍ଯମ୍ ॥3॥
(ଶ୍ରୀଶଂକରାଚାର୍ଯଵର୍ଯଂ)
ପାପାଟଵୀଚିତ୍ରଭାନୁଂ ଜ୍ଞାନଦୀପେନ ହାର୍ଦଂ ତମୋ ଵାରଯଂତମ୍ ।
ଦ୍ଵୈପାଯନପ୍ରୀତିଭାଜଂ ସର୍ଵତାପାପହାମୋଘବୋଧପ୍ରଦଂ ତମ୍ ॥4॥
(ଶ୍ରୀଶଂକରାଚାର୍ଯଵର୍ଯଂ)
ରାଜାଧିରାଜାଭିପୂଜ୍ଯଂ ରମ୍ଯଶୃଂଗାଦ୍ରିଵାସୈକଲୋଲଂ ଯତୀଡ୍ଯମ୍ ।
ରାକେଂଦୁସଂକାଶଵକ୍ତ୍ରଂ ରତ୍ନଗର୍ଭେଭଵକ୍ତ୍ରାଂଘ୍ରିପୂଜାନୁରକ୍ତମ୍ ॥5॥
(ଶ୍ରୀଶଂକରାଚାର୍ଯଵର୍ଯଂ)
ଶ୍ରୀଭାରତୀତୀର୍ଥଗୀତଂ ଶଂକରାର୍ଯସ୍ତଵଂ ଯଃ ପଠେଦ୍ଭକ୍ତିଯୁକ୍ତଃ ।
ସୋଽଵାପ୍ନୁଯାତ୍ସର୍ଵମିଷ୍ଟଂ ଶଂକରାଚାର୍ଯଵର୍ଯପ୍ରସାଦେନ ତୂର୍ଣମ୍ ॥6॥
(ଶ୍ରୀଶଂକରାଚାର୍ଯଵର୍ଯଂ)
Browse Related Categories:
