ରାମାନୁଜାଯ ମୁନଯେ ନମ ଉକ୍ତି ମାତ୍ରଂ
କାମାତୁରୋଽପି କୁମତିଃ କଲଯନ୍ନଭୀକ୍ଷମ୍ ।
ଯାମାମନଂତି ଯମିନାଂ ଭଗଵଜ୍ଜନାନାଂ
ତାମେଵ ଵିଂଦତି ଗତିଂ ତମସଃ ପରସ୍ତାତ୍ ॥ 1 ॥
ସୋମାଵଚୂଡସୁରଶେଖରଦୁଷ୍କରେଣ
କାମାତିଗୋଽପି ତପସା କ୍ଷପଯନ୍ନଘାନି ।
ରାମାନୁଜାଯ ମୁନଯେ ନମ ଇତ୍ଯନୁକ୍ତ୍ଵା
କୋଵା ମହୀସହଚରେ କୁରୁତେଽନୁରାଗମ୍ ॥ 2 ॥
ରାମାନୁଜାଯ ନମ ଇତ୍ଯସକୃଦ୍ଗୃଣୀତେ
ଯୋ ମାନ ମାତ୍ସର ମଦସ୍ମର ଦୂଷିତୋଽପି ।
ପ୍ରେମାତୁରଃ ପ୍ରିଯତମାମପହାଯ ପଦ୍ମାଂ
ଭୂମା ଭୁଜଂଗଶଯନସ୍ତମନୁପ୍ରଯାତି ॥ 3 ॥
ଵାମାଲକାନଯନଵାଗୁରିକାଗୃହୀତଂ
କ୍ଷେମାଯ କିଂଚିଦପି କର୍ତୁମନୀହମାନମ୍ ।
ରାମାନୁଜୋ ଯତିପତିର୍ଯଦି ନେକ୍ଷତେ ମାଂ
ମା ମାମକୋଽଯମିତି ମୁଂଚତି ମାଧଵୋଽପି ॥ 4 ॥
ରାମାନୁଜେତି ଯଦିତଂ ଵିଦିତଂ ଜଗତ୍ଯାଂ
ନାମୀପି ନ ଶ୍ରୁତିସମୀପମୁପୈତି ଯେଷାମ୍ ।
ମା ମା ମଦୀଯ ଇତି ସଦ୍ଭିରୁପେକ୍ଷିତାସ୍ତେ
କାମାନୁଵିଦ୍ଧମନସୋ ନିପତଂତ୍ଯଧୋଽଧଃ ॥ 5 ॥
ନାମାନୁକୀର୍ତ୍ଯ ନରକାର୍ତିହରଂ ଯଦୀଯଂ
ଵ୍ଯୋମାଧିରୋହତି ପଦଂ ସକଲୋଽପି ଲୋକଃ ।
ରାମାନୁଜୋ ଯତିପତିର୍ଯଦି ନାଵିରାସୀତ୍
କୋ ମାଦୃଶଃ ପ୍ରଭଵିତା ଭଵମୁତ୍ତରୀତୁମ୍ ॥ 6 ॥
ସୀମାମହୀଧ୍ରପରିଧିଂ ପୃଥିଵୀମଵାପ୍ତୁଂ
ଵୈମାନିକେଶ୍ଵରପୁରୀମଧିଵାସିତୁଂ ଵା ।
ଵ୍ଯୋମାଧିରୋଢୁମପି ନ ସ୍ପୃହଯଂତି ନିତ୍ଯଂ
ରାମାନୁଜାଂଘ୍ରିଯୁଗଳଂ ଶରଣଂ ପ୍ରପନ୍ନାଃ ॥ 7 ॥
ମା ମା ଧୁନୋତି ମନସୋଽପି ନ ଗୋଚରଂ ଯତ୍
ଭୂମାସଖେନ ପୁରୁଷେଣ ସହାନୁଭୂଯ ।
ପ୍ରେମାନୁଵିଦ୍ଧହୃଦଯପ୍ରିଯଭକ୍ତଲଭ୍ଯେ
ରାମାନୁଜାଂଘ୍ରିକମଲେ ରମତାଂ ମନୋ ମେ ॥ 8 ॥
ଶ୍ଲୋକାଷ୍ଟକମିଦଂ ପୁଣ୍ଯଂ ଯୋ ଭକ୍ତ୍ଯା ପ୍ରତ୍ଯହଂ ପଠେତ୍ ।
ଆକାରତ୍ରଯସଂପନ୍ନଃ ଶୋକାବ୍ଧିଂ ତରତି ଦ୍ରୁତମ୍ ॥
Browse Related Categories:
