ଅଂବା ଶାଂଭଵି ଚଂଦ୍ରମୌଳିରବଲାଽପର୍ଣା ଉମା ପାର୍ଵତୀ
କାଳୀ ହୈମଵତୀ ଶିଵା ତ୍ରିନଯନୀ କାତ୍ଯାଯନୀ ଭୈରଵୀ
ସାଵିତ୍ରୀ ନଵଯୌଵନା ଶୁଭକରୀ ସାମ୍ରାଜ୍ଯଲକ୍ଷ୍ମୀପ୍ରଦା
ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ 1 ॥
ଅଂବା ମୋହିନି ଦେଵତା ତ୍ରିଭୁଵନୀ ଆନଂଦସଂଦାଯିନୀ
ଵାଣୀ ପଲ୍ଲଵପାଣି ଵେଣୁମୁରଳୀଗାନପ୍ରିଯା ଲୋଲିନୀ
କଳ୍ଯାଣୀ ଉଡୁରାଜବିଂବଵଦନା ଧୂମ୍ରାକ୍ଷସଂହାରିଣୀ
ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ 2 ॥
ଅଂବା ନୂପୁରରତ୍ନକଂକଣଧରୀ କେଯୂରହାରାଵଳୀ
ଜାତୀଚଂପକଵୈଜଯଂତିଲହରୀ ଗ୍ରୈଵେଯକୈରାଜିତା
ଵୀଣାଵେଣୁଵିନୋଦମଂଡିତକରା ଵୀରାସନେସଂସ୍ଥିତା
ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ 3 ॥
ଅଂବା ରୌଦ୍ରିଣି ଭଦ୍ରକାଳୀ ବଗଲା ଜ୍ଵାଲାମୁଖୀ ଵୈଷ୍ଣଵୀ
ବ୍ରହ୍ମାଣୀ ତ୍ରିପୁରାଂତକୀ ସୁରନୁତା ଦେଦୀପ୍ଯମାନୋଜ୍ଜ୍ଵଲା
ଚାମୁଂଡା ଶ୍ରିତରକ୍ଷପୋଷଜନନୀ ଦାକ୍ଷାଯଣୀ ପଲ୍ଲଵୀ
ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ 4 ॥
ଅଂବା ଶୂଲ ଧନୁଃ କୁଶାଂକୁଶଧରୀ ଅର୍ଧେଂଦୁବିଂବାଧରୀ
ଵାରାହୀ ମଧୁକୈଟଭପ୍ରଶମନୀ ଵାଣୀରମାସେଵିତା
ମଲ୍ଲଦ୍ଯାସୁରମୂକଦୈତ୍ଯମଥନୀ ମାହେଶ୍ଵରୀ ଅଂବିକା
ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ 5 ॥
ଅଂବା ସୃଷ୍ଟଵିନାଶପାଲନକରୀ ଆର୍ଯା ଵିସଂଶୋଭିତା
ଗାଯତ୍ରୀ ପ୍ରଣଵାକ୍ଷରାମୃତରସଃ ପୂର୍ଣାନୁସଂଧୀକୃତା
ଓଂକାରୀ ଵିନୁତାସୁତାର୍ଚିତପଦା ଉଦ୍ଦଂଡଦୈତ୍ଯାପହା
ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ 6 ॥
ଅଂବା ଶାଶ୍ଵତ ଆଗମାଦିଵିନୁତା ଆର୍ଯା ମହାଦେଵତା
ଯା ବ୍ରହ୍ମାଦିପିପୀଲିକାଂତଜନନୀ ଯା ଵୈ ଜଗନ୍ମୋହିନୀ
ଯା ପଂଚପ୍ରଣଵାଦିରେଫଜନନୀ ଯା ଚିତ୍କଳାମାଲିନୀ
ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ 7 ॥
ଅଂବାପାଲିତ ଭକ୍ତରାଜଦନିଶଂ ଅଂବାଷ୍ଟକଂ ଯଃ ପଠେତ୍
ଅଂବାଲୋକକଟାକ୍ଷଵୀକ୍ଷ ଲଲିତଂ ଚୈଶ୍ଵର୍ଯମଵ୍ଯାହତମ୍
ଅଂବା ପାଵନମଂତ୍ରରାଜପଠନାଦଂତେ ଚ ମୋକ୍ଷପ୍ରଦା
ଚିଦ୍ରୂପୀ ପରଦେଵତା ଭଗଵତୀ ଶ୍ରୀରାଜରାଜେଶ୍ଵରୀ ॥ 8 ॥
Browse Related Categories:
