ଶ୍ରୀମଦକଲଂକ ପରିପୂର୍ଣ ଶଶିକୋଟି-
ଶ୍ରୀଧର ମନୋହର ସଟାପଟଲ କାଂତ।
ପାଲଯ କୃପାଲଯ ଭଵାଂବୁଧି-ନିମଗ୍ନଂ
ଦୈତ୍ଯଵରକାଲ ନରସିଂହ ନରସିଂହ ॥ 1 ॥
ପାଦକମଲାଵନତ ପାତକି-ଜନାନାଂ
ପାତକଦଵାନଲ ପତତ୍ରିଵର-କେତୋ।
ଭାଵନ ପରାଯଣ ଭଵାର୍ତିହରଯା ମାଂ
ପାହି କୃପଯୈଵ ନରସିଂହ ନରସିଂହ ॥ 2 ॥
ତୁଂଗନଖ-ପଂକ୍ତି-ଦଲିତାସୁର-ଵରାସୃକ୍
ପଂକ-ନଵକୁଂକୁମ-ଵିପଂକିଲ-ମହୋରଃ ।
ପଂଡିତନିଧାନ-କମଲାଲଯ ନମସ୍ତେ
ପଂକଜନିଷଣ୍ଣ ନରସିଂହ ନରସିଂହ ॥ 3 ॥
ମୌଲିଷୁ ଵିଭୂଷଣମିଵାମର ଵରାଣାଂ
ଯୋଗିହୃଦଯେଷୁ ଚ ଶିରସ୍ସୁନିଗମାନାମ୍ ।
ରାଜଦରଵିଂଦ-ରୁଚିରଂ ପଦଯୁଗଂ ତେ
ଦେହି ମମ ମୂର୍ଧ୍ନି ନରସିଂହ ନରସିଂହ ॥ 4 ॥
ଵାରିଜଵିଲୋଚନ ମଦଂତିମ-ଦଶାଯାଂ
କ୍ଲେଶ-ଵିଵଶୀକୃତ-ସମସ୍ତ-କରଣାଯାମ୍ ।
ଏହି ରମଯା ସହ ଶରଣ୍ଯ ଵିହଗାନାଂ
ନାଥମଧିରୁହ୍ଯ ନରସିଂହ ନରସିଂହ ॥ 5 ॥
ହାଟକ-କିରୀଟ-ଵରହାର-ଵନମାଲା
ଧାରରଶନା-ମକରକୁଂଡଲ-ମଣୀଂଦ୍ରୈଃ ।
ଭୂଷିତମଶେଷ-ନିଲଯଂ ତଵ ଵପୁର୍ମେ
ଚେତସି ଚକାସ୍ତୁ ନରସିଂହ ନରସିଂହ ॥ 6 ॥
ଇଂଦୁ ରଵି ପାଵକ ଵିଲୋଚନ ରମାଯାଃ
ମଂଦିର ମହାଭୁଜ-ଲସଦ୍ଵର-ରଥାଂଗ।
ସୁଂଦର ଚିରାଯ ରମତାଂ ତ୍ଵଯି ମନୋ ମେ
ନଂଦିତ ସୁରେଶ ନରସିଂହ ନରସିଂହ ॥ 7 ॥
ମାଧଵ ମୁକୁଂଦ ମଧୁସୂଦନ ମୁରାରେ
ଵାମନ ନୃସିଂହ ଶରଣଂ ଭଵ ନତାନାମ୍ ।
କାମଦ ଘୃଣିନ୍ ନିଖିଲକାରଣ ନଯେଯଂ
କାଲମମରେଶ ନରସିଂହ ନରସିଂହ ॥ 8 ॥
ଅଷ୍ଟକମିଦଂ ସକଲ-ପାତକ-ଭଯଘ୍ନଂ
କାମଦଂ ଅଶେଷ-ଦୁରିତାମଯ-ରିପୁଘ୍ନମ୍ ।
ଯଃ ପଠତି ସଂତତମଶେଷ-ନିଲଯଂ ତେ
ଗଚ୍ଛତି ପଦଂ ସ ନରସିଂହ ନରସିଂହ ॥ 9 ॥
Browse Related Categories:
