ମୁନିରୁଵାଚ
କଥଂ ନାମ୍ନାଂ ସହସ୍ରଂ ତଂ ଗଣେଶ ଉପଦିଷ୍ଟଵାନ୍ ।
ଶିଵଦଂ ତନ୍ମମାଚକ୍ଷ୍ଵ ଲୋକାନୁଗ୍ରହତତ୍ପର ॥ 1 ॥
ବ୍ରହ୍ମୋଵାଚ
ଦେଵଃ ପୂର୍ଵଂ ପୁରାରାତିଃ ପୁରତ୍ରଯଜଯୋଦ୍ଯମେ ।
ଅନର୍ଚନାଦ୍ଗଣେଶସ୍ଯ ଜାତୋ ଵିଘ୍ନାକୁଲଃ କିଲ ॥ 2 ॥
ମନସା ସ ଵିନିର୍ଧାର୍ଯ ଦଦୃଶେ ଵିଘ୍ନକାରଣମ୍ ।
ମହାଗଣପତିଂ ଭକ୍ତ୍ଯା ସମଭ୍ଯର୍ଚ୍ଯ ଯଥାଵିଧି ॥ 3 ॥
ଵିଘ୍ନପ୍ରଶମନୋପାଯମପୃଚ୍ଛଦପରିଶ୍ରମମ୍ ।
ସଂତୁଷ୍ଟଃ ପୂଜଯା ଶଂଭୋର୍ମହାଗଣପତିଃ ସ୍ଵଯମ୍ ॥ 4 ॥
ସର୍ଵଵିଘ୍ନପ୍ରଶମନଂ ସର୍ଵକାମଫଲପ୍ରଦମ୍ ।
ତତସ୍ତସ୍ମୈ ସ୍ଵଯଂ ନାମ୍ନାଂ ସହସ୍ରମିଦମବ୍ରଵୀତ୍ ॥ 5 ॥
ଅସ୍ଯ ଶ୍ରୀମହାଗଣପତିସହସ୍ରନାମସ୍ତୋତ୍ରମାଲାମଂତ୍ରସ୍ଯ ।
ଗଣେଶ ଋଷିଃ, ମହାଗଣପତିର୍ଦେଵତା, ନାନାଵିଧାନିଚ୍ଛଂଦାଂସି ।
ହୁମିତି ବୀଜମ୍, ତୁଂଗମିତି ଶକ୍ତିଃ, ସ୍ଵାହାଶକ୍ତିରିତି କୀଲକମ୍ ।
ସକଲଵିଘ୍ନଵିନାଶନଦ୍ଵାରା ଶ୍ରୀମହାଗଣପତିପ୍ରସାଦସିଦ୍ଧ୍ଯର୍ଥେ ଜପେ ଵିନିଯୋଗଃ ।
ଅଥ କରନ୍ଯାସଃ
ଗଣେଶ୍ଵରୋ ଗଣକ୍ରୀଡ ଇତ୍ଯଂଗୁଷ୍ଠାଭ୍ଯାଂ ନମଃ ।
କୁମାରଗୁରୁରୀଶାନ ଇତି ତର୍ଜନୀଭ୍ଯାଂ ନମଃ ॥
ବ୍ରହ୍ମାଂଡକୁଂଭଶ୍ଚିଦ୍ଵ୍ଯୋମେତି ମଧ୍ଯମାଭ୍ଯାଂ ନମଃ ।
ରକ୍ତୋ ରକ୍ତାଂବରଧର ଇତ୍ଯନାମିକାଭ୍ଯାଂ ନମଃ
ସର୍ଵସଦ୍ଗୁରୁସଂସେଵ୍ଯ ଇତି କନିଷ୍ଠିକାଭ୍ଯାଂ ନମଃ ।
ଲୁପ୍ତଵିଘ୍ନଃ ସ୍ଵଭକ୍ତାନାମିତି କରତଲକରପୃଷ୍ଠାଭ୍ଯାଂ ନମଃ ॥
ଅଥ ଅଂଗନ୍ଯାସଃ
ଛଂଦଶ୍ଛଂଦୋଦ୍ଭଵ ଇତି ହୃଦଯାଯ ନମଃ ।
ନିଷ୍କଲୋ ନିର୍ମଲ ଇତି ଶିରସେ ସ୍ଵାହା ।
ସୃଷ୍ଟିସ୍ଥିତିଲଯକ୍ରୀଡ ଇତି ଶିଖାଯୈ ଵଷଟ୍ ।
ଜ୍ଞାନଂ ଵିଜ୍ଞାନମାନଂଦ ଇତି କଵଚାଯ ହୁମ୍ ।
ଅଷ୍ଟାଂଗଯୋଗଫଲଭୃଦିତି ନେତ୍ରତ୍ରଯାଯ ଵୌଷଟ୍ ।
ଅନଂତଶକ୍ତିସହିତ ଇତ୍ଯସ୍ତ୍ରାଯ ଫଟ୍ ।
ଭୂର୍ଭୁଵଃ ସ୍ଵରୋମ୍ ଇତି ଦିଗ୍ବଂଧଃ ।
ଅଥ ଧ୍ଯାନମ୍
ଗଜଵଦନମଚିଂତ୍ଯଂ ତୀକ୍ଷ୍ଣଦଂଷ୍ଟ୍ରଂ ତ୍ରିନେତ୍ରଂ
ବୃହଦୁଦରମଶେଷଂ ଭୂତିରାଜଂ ପୁରାଣମ୍ ।
ଅମରଵରସୁପୂଜ୍ଯଂ ରକ୍ତଵର୍ଣଂ ସୁରେଶଂ
ପଶୁପତିସୁତମୀଶଂ ଵିଘ୍ନରାଜଂ ନମାମି ॥
ଶ୍ରୀଗଣପତିରୁଵାଚ
ଓଂ ଗଣେଶ୍ଵରୋ ଗଣକ୍ରୀଡୋ ଗଣନାଥୋ ଗଣାଧିପଃ ।
ଏକଦଂତୋ ଵକ୍ରତୁଂଡୋ ଗଜଵକ୍ତ୍ରୋ ମହୋଦରଃ ॥ 1 ॥
ଲଂବୋଦରୋ ଧୂମ୍ରଵର୍ଣୋ ଵିକଟୋ ଵିଘ୍ନନାଶନଃ ।
ସୁମୁଖୋ ଦୁର୍ମୁଖୋ ବୁଦ୍ଧୋ ଵିଘ୍ନରାଜୋ ଗଜାନନଃ ॥ 2 ॥
ଭୀମଃ ପ୍ରମୋଦ ଆମୋଦଃ ସୁରାନଂଦୋ ମଦୋତ୍କଟଃ ।
ହେରଂବଃ ଶଂବରଃ ଶଂଭୁର୍ଲଂବକର୍ଣୋ ମହାବଲଃ ॥ 3 ॥
ନଂଦନୋ ଲଂପଟୋ ଭୀମୋ ମେଘନାଦୋ ଗଣଂଜଯଃ ।
ଵିନାଯକୋ ଵିରୂପାକ୍ଷୋ ଵୀରଃ ଶୂରଵରପ୍ରଦଃ ॥ 4 ॥
ମହାଗଣପତିର୍ବୁଦ୍ଧିପ୍ରିଯଃ କ୍ଷିପ୍ରପ୍ରସାଦନଃ ।
ରୁଦ୍ରପ୍ରିଯୋ ଗଣାଧ୍ଯକ୍ଷ ଉମାପୁତ୍ରୋଽଘନାଶନଃ ॥ 5 ॥
କୁମାରଗୁରୁରୀଶାନପୁତ୍ରୋ ମୂଷକଵାହନଃ ।
ସିଦ୍ଧିପ୍ରିଯଃ ସିଦ୍ଧିପତିଃ ସିଦ୍ଧଃ ସିଦ୍ଧିଵିନାଯକଃ ॥ 6 ॥
ଅଵିଘ୍ନସ୍ତୁଂବୁରୁଃ ସିଂହଵାହନୋ ମୋହିନୀପ୍ରିଯଃ ।
କଟଂକଟୋ ରାଜପୁତ୍ରଃ ଶାକଲଃ ସଂମିତୋମିତଃ ॥ 7 ॥
କୂଷ୍ମାଂଡସାମସଂଭୂତିର୍ଦୁର୍ଜଯୋ ଧୂର୍ଜଯୋ ଜଯଃ ।
ଭୂପତିର୍ଭୁଵନପତିର୍ଭୂତାନାଂ ପତିରଵ୍ଯଯଃ ॥ 8 ॥
ଵିଶ୍ଵକର୍ତା ଵିଶ୍ଵମୁଖୋ ଵିଶ୍ଵରୂପୋ ନିଧିର୍ଗୁଣଃ ।
କଵିଃ କଵୀନାମୃଷଭୋ ବ୍ରହ୍ମଣ୍ଯୋ ବ୍ରହ୍ମଵିତ୍ପ୍ରିଯଃ ॥ 9 ॥
ଜ୍ଯେଷ୍ଠରାଜୋ ନିଧିପତିର୍ନିଧିପ୍ରିଯପତିପ୍ରିଯଃ ।
ହିରଣ୍ମଯପୁରାଂତଃସ୍ଥଃ ସୂର୍ଯମଂଡଲମଧ୍ଯଗଃ ॥ 10 ॥
କରାହତିଧ୍ଵସ୍ତସିଂଧୁସଲିଲଃ ପୂଷଦଂତଭିତ୍ ।
ଉମାଂକକେଲିକୁତୁକୀ ମୁକ୍ତିଦଃ କୁଲପାଵନଃ ॥ 11 ॥
କିରୀଟୀ କୁଂଡଲୀ ହାରୀ ଵନମାଲୀ ମନୋମଯଃ ।
ଵୈମୁଖ୍ଯହତଦୈତ୍ଯଶ୍ରୀଃ ପାଦାହତିଜିତକ୍ଷିତିଃ ॥ 12 ॥
ସଦ୍ଯୋଜାତଃ ସ୍ଵର୍ଣମୁଂଜମେଖଲୀ ଦୁର୍ନିମିତ୍ତହୃତ୍ ।
ଦୁଃସ୍ଵପ୍ନହୃତ୍ପ୍ରସହନୋ ଗୁଣୀ ନାଦପ୍ରତିଷ୍ଠିତଃ ॥ 13 ॥
ସୁରୂପଃ ସର୍ଵନେତ୍ରାଧିଵାସୋ ଵୀରାସନାଶ୍ରଯଃ ।
ପୀତାଂବରଃ ଖଂଡରଦଃ ଖଂଡଵୈଶାଖସଂସ୍ଥିତଃ ॥ 14 ॥
ଚିତ୍ରାଂଗଃ ଶ୍ଯାମଦଶନୋ ଭାଲଚଂଦ୍ରୋ ହଵିର୍ଭୁଜଃ ।
ଯୋଗାଧିପସ୍ତାରକସ୍ଥଃ ପୁରୁଷୋ ଗଜକର୍ଣକଃ ॥ 15 ॥
ଗଣାଧିରାଜୋ ଵିଜଯଃ ସ୍ଥିରୋ ଗଜପତିଧ୍ଵଜୀ ।
ଦେଵଦେଵଃ ସ୍ମରଃ ପ୍ରାଣଦୀପକୋ ଵାଯୁକୀଲକଃ ॥ 16 ॥
ଵିପଶ୍ଚିଦ୍ଵରଦୋ ନାଦୋ ନାଦଭିନ୍ନମହାଚଲଃ ।
ଵରାହରଦନୋ ମୃତ୍ଯୁଂଜଯୋ ଵ୍ଯାଘ୍ରାଜିନାଂବରଃ ॥ 17 ॥
ଇଚ୍ଛାଶକ୍ତିଭଵୋ ଦେଵତ୍ରାତା ଦୈତ୍ଯଵିମର୍ଦନଃ ।
ଶଂଭୁଵକ୍ତ୍ରୋଦ୍ଭଵଃ ଶଂଭୁକୋପହା ଶଂଭୁହାସ୍ଯଭୂଃ ॥ 18 ॥
ଶଂଭୁତେଜାଃ ଶିଵାଶୋକହାରୀ ଗୌରୀସୁଖାଵହଃ ।
ଉମାଂଗମଲଜୋ ଗୌରୀତେଜୋଭୂଃ ସ୍ଵର୍ଧୁନୀଭଵଃ ॥ 19 ॥
ଯଜ୍ଞକାଯୋ ମହାନାଦୋ ଗିରିଵର୍ଷ୍ମା ଶୁଭାନନଃ ।
ସର୍ଵାତ୍ମା ସର୍ଵଦେଵାତ୍ମା ବ୍ରହ୍ମମୂର୍ଧା କକୁପ୍ଶ୍ରୁତିଃ ॥ 20 ॥
ବ୍ରହ୍ମାଂଡକୁଂଭଶ୍ଚିଦ୍ଵ୍ଯୋମଭାଲଃସତ୍ଯଶିରୋରୁହଃ ।
ଜଗଜ୍ଜନ୍ମଲଯୋନ୍ମେଷନିମେଷୋଽଗ୍ନ୍ଯର୍କସୋମଦୃକ୍ ॥ 21 ॥
ଗିରୀଂଦ୍ରୈକରଦୋ ଧର୍ମାଧର୍ମୋଷ୍ଠଃ ସାମବୃଂହିତଃ ।
ଗ୍ରହର୍କ୍ଷଦଶନୋ ଵାଣୀଜିହ୍ଵୋ ଵାସଵନାସିକଃ ॥ 22 ॥
ଭ୍ରୂମଧ୍ଯସଂସ୍ଥିତକରୋ ବ୍ରହ୍ମଵିଦ୍ଯାମଦୋଦକଃ ।
କୁଲାଚଲାଂସଃ ସୋମାର୍କଘଂଟୋ ରୁଦ୍ରଶିରୋଧରଃ ॥ 23 ॥
ନଦୀନଦଭୁଜଃ ସର୍ପାଂଗୁଲୀକସ୍ତାରକାନଖଃ ।
ଵ୍ଯୋମନାଭିଃ ଶ୍ରୀହୃଦଯୋ ମେରୁପୃଷ୍ଠୋଽର୍ଣଵୋଦରଃ ॥ 24 ॥
କୁକ୍ଷିସ୍ଥଯକ୍ଷଗଂଧର୍ଵରକ୍ଷଃକିନ୍ନରମାନୁଷଃ ।
ପୃଥ୍ଵୀକଟିଃ ସୃଷ୍ଟିଲିଂଗଃ ଶୈଲୋରୁର୍ଦସ୍ରଜାନୁକଃ ॥ 25 ॥
ପାତାଲଜଂଘୋ ମୁନିପାତ୍କାଲାଂଗୁଷ୍ଠସ୍ତ୍ରଯୀତନୁଃ ।
ଜ୍ଯୋତିର୍ମଂଡଲଲାଂଗୂଲୋ ହୃଦଯାଲାନନିଶ୍ଚଲଃ ॥ 26 ॥
ହୃତ୍ପଦ୍ମକର୍ଣିକାଶାଲୀ ଵିଯତ୍କେଲିସରୋଵରଃ ।
ସଦ୍ଭକ୍ତଧ୍ଯାନନିଗଡଃ ପୂଜାଵାରିନିଵାରିତଃ ॥ 27 ॥
ପ୍ରତାପୀ କାଶ୍ଯପୋ ମଂତା ଗଣକୋ ଵିଷ୍ଟପୀ ବଲୀ ।
ଯଶସ୍ଵୀ ଧାର୍ମିକୋ ଜେତା ପ୍ରଥମଃ ପ୍ରମଥେଶ୍ଵରଃ ॥ 28 ॥
ଚିଂତାମଣିର୍ଦ୍ଵୀପପତିଃ କଲ୍ପଦ୍ରୁମଵନାଲଯଃ ।
ରତ୍ନମଂଡପମଧ୍ଯସ୍ଥୋ ରତ୍ନସିଂହାସନାଶ୍ରଯଃ ॥ 29 ॥
ତୀଵ୍ରାଶିରୋଦ୍ଧୃତପଦୋ ଜ୍ଵାଲିନୀମୌଲିଲାଲିତଃ ।
ନଂଦାନଂଦିତପୀଠଶ୍ରୀର୍ଭୋଗଦୋ ଭୂଷିତାସନଃ ॥ 30 ॥
ସକାମଦାଯିନୀପୀଠଃ ସ୍ଫୁରଦୁଗ୍ରାସନାଶ୍ରଯଃ ।
ତେଜୋଵତୀଶିରୋରତ୍ନଂ ସତ୍ଯାନିତ୍ଯାଵତଂସିତଃ ॥ 31 ॥
ସଵିଘ୍ନନାଶିନୀପୀଠଃ ସର୍ଵଶକ୍ତ୍ଯଂବୁଜାଲଯଃ ।
ଲିପିପଦ୍ମାସନାଧାରୋ ଵହ୍ନିଧାମତ୍ରଯାଲଯଃ ॥ 32 ॥
ଉନ୍ନତପ୍ରପଦୋ ଗୂଢଗୁଲ୍ଫଃ ସଂଵୃତପାର୍ଷ୍ଣିକଃ ।
ପୀନଜଂଘଃ ଶ୍ଲିଷ୍ଟଜାନୁଃ ସ୍ଥୂଲୋରୁଃ ପ୍ରୋନ୍ନମତ୍କଟିଃ ॥ 33 ॥
ନିମ୍ନନାଭିଃ ସ୍ଥୂଲକୁକ୍ଷିଃ ପୀନଵକ୍ଷା ବୃହଦ୍ଭୁଜଃ ।
ପୀନସ୍କଂଧଃ କଂବୁକଂଠୋ ଲଂବୋଷ୍ଠୋ ଲଂବନାସିକଃ ॥ 34 ॥
ଭଗ୍ନଵାମରଦସ୍ତୁଂଗସଵ୍ଯଦଂତୋ ମହାହନୁଃ ।
ହ୍ରସ୍ଵନେତ୍ରତ୍ରଯଃ ଶୂର୍ପକର୍ଣୋ ନିବିଡମସ୍ତକଃ ॥ 35 ॥
ସ୍ତବକାକାରକୁଂଭାଗ୍ରୋ ରତ୍ନମୌଲିର୍ନିରଂକୁଶଃ ।
ସର୍ପହାରକଟୀସୂତ୍ରଃ ସର୍ପଯଜ୍ଞୋପଵୀତଵାନ୍ ॥ 36 ॥
ସର୍ପକୋଟୀରକଟକଃ ସର୍ପଗ୍ରୈଵେଯକାଂଗଦଃ ।
ସର୍ପକକ୍ଷୋଦରାବଂଧଃ ସର୍ପରାଜୋତ୍ତରଚ୍ଛଦଃ ॥ 37 ॥
ରକ୍ତୋ ରକ୍ତାଂବରଧରୋ ରକ୍ତମାଲାଵିଭୂଷଣଃ ।
ରକ୍ତେକ୍ଷନୋ ରକ୍ତକରୋ ରକ୍ତତାଲ୍ଵୋଷ୍ଠପଲ୍ଲଵଃ ॥ 38 ॥
ଶ୍ଵେତଃ ଶ୍ଵେତାଂବରଧରଃ ଶ୍ଵେତମାଲାଵିଭୂଷଣଃ ।
ଶ୍ଵେତାତପତ୍ରରୁଚିରଃ ଶ୍ଵେତଚାମରଵୀଜିତଃ ॥ 39 ॥
ସର୍ଵାଵଯଵସଂପୂର୍ଣଃ ସର୍ଵଲକ୍ଷଣଲକ୍ଷିତଃ ।
ସର୍ଵାଭରଣଶୋଭାଢ୍ଯଃ ସର୍ଵଶୋଭାସମନ୍ଵିତଃ ॥ 40 ॥
ସର୍ଵମଂଗଲମାଂଗଲ୍ଯଃ ସର୍ଵକାରଣକାରଣମ୍ ।
ସର୍ଵଦେଵଵରଃ ଶାରଂଗୀ ବୀଜପୂରୀ ଗଦାଧରଃ ॥ 41 ॥
ଶୁଭାଂଗୋ ଲୋକସାରଂଗଃ ସୁତଂତୁସ୍ତଂତୁଵର୍ଧନଃ ।
କିରୀଟୀ କୁଂଡଲୀ ହାରୀ ଵନମାଲୀ ଶୁଭାଂଗଦଃ ॥ 42 ॥
ଇକ୍ଷୁଚାପଧରଃ ଶୂଲୀ ଚକ୍ରପାଣିଃ ସରୋଜଭୃତ୍ ।
ପାଶୀ ଧୃତୋତ୍ପଲଃ ଶାଲିମଂଜରୀଭୃତ୍ସ୍ଵଦଂତଭୃତ୍ ॥ 43 ॥
କଲ୍ପଵଲ୍ଲୀଧରୋ ଵିଶ୍ଵାଭଯଦୈକକରୋ ଵଶୀ ।
ଅକ୍ଷମାଲାଧରୋ ଜ୍ଞାନମୁଦ୍ରାଵାନ୍ ମୁଦ୍ଗରାଯୁଧଃ ॥ 44 ॥
ପୂର୍ଣପାତ୍ରୀ କଂବୁଧରୋ ଵିଧୃତାଂକୁଶମୂଲକଃ ।
କରସ୍ଥାମ୍ରଫଲଶ୍ଚୂତକଲିକାଭୃତ୍କୁଠାରଵାନ୍ ॥ 45 ॥
ପୁଷ୍କରସ୍ଥସ୍ଵର୍ଣଘଟୀପୂର୍ଣରତ୍ନାଭିଵର୍ଷକଃ ।
ଭାରତୀସୁଂଦରୀନାଥୋ ଵିନାଯକରତିପ୍ରିଯଃ ॥ 46 ॥
ମହାଲକ୍ଷ୍ମୀପ୍ରିଯତମଃ ସିଦ୍ଧଲକ୍ଷ୍ମୀମନୋରମଃ ।
ରମାରମେଶପୂର୍ଵାଂଗୋ ଦକ୍ଷିଣୋମାମହେଶ୍ଵରଃ ॥ 47 ॥
ମହୀଵରାହଵାମାଂଗୋ ରତିକଂଦର୍ପପଶ୍ଚିମଃ ।
ଆମୋଦମୋଦଜନନଃ ସପ୍ରମୋଦପ୍ରମୋଦନଃ ॥ 48 ॥
ସଂଵର୍ଧିତମହାଵୃଦ୍ଧିରୃଦ୍ଧିସିଦ୍ଧିପ୍ରଵର୍ଧନଃ ।
ଦଂତସୌମୁଖ୍ଯସୁମୁଖଃ କାଂତିକଂଦଲିତାଶ୍ରଯଃ ॥ 49 ॥
ମଦନାଵତ୍ଯାଶ୍ରିତାଂଘ୍ରିଃ କୃତଵୈମୁଖ୍ଯଦୁର୍ମୁଖଃ ।
ଵିଘ୍ନସଂପଲ୍ଲଵଃ ପଦ୍ମଃ ସର୍ଵୋନ୍ନତମଦଦ୍ରଵଃ ॥ 50 ॥
ଵିଘ୍ନକୃନ୍ନିମ୍ନଚରଣୋ ଦ୍ରାଵିଣୀଶକ୍ତିସତ୍କୃତଃ ।
ତୀଵ୍ରାପ୍ରସନ୍ନନଯନୋ ଜ୍ଵାଲିନୀପାଲିତୈକଦୃକ୍ ॥ 51 ॥
ମୋହିନୀମୋହନୋ ଭୋଗଦାଯିନୀକାଂତିମଂଡନଃ ।
କାମିନୀକାଂତଵକ୍ତ୍ରଶ୍ରୀରଧିଷ୍ଠିତଵସୁଂଧରଃ ॥ 52 ॥
ଵସୁଧାରାମଦୋନ୍ନାଦୋ ମହାଶଂଖନିଧିପ୍ରିଯଃ ।
ନମଦ୍ଵସୁମତୀମାଲୀ ମହାପଦ୍ମନିଧିଃ ପ୍ରଭୁଃ ॥ 53 ॥
ସର୍ଵସଦ୍ଗୁରୁସଂସେଵ୍ଯଃ ଶୋଚିଷ୍କେଶହୃଦାଶ୍ରଯଃ ।
ଈଶାନମୂର୍ଧା ଦେଵେଂଦ୍ରଶିଖଃ ପଵନନଂଦନଃ ॥ 54 ॥
ପ୍ରତ୍ଯୁଗ୍ରନଯନୋ ଦିଵ୍ଯୋ ଦିଵ୍ଯାସ୍ତ୍ରଶତପର୍ଵଧୃକ୍ ।
ଐରାଵତାଦିସର୍ଵାଶାଵାରଣୋ ଵାରଣପ୍ରିଯଃ ॥ 55 ॥
ଵଜ୍ରାଦ୍ଯସ୍ତ୍ରପରୀଵାରୋ ଗଣଚଂଡସମାଶ୍ରଯଃ ।
ଜଯାଜଯପରିକରୋ ଵିଜଯାଵିଜଯାଵହଃ ॥ 56 ॥
ଅଜଯାର୍ଚିତପାଦାବ୍ଜୋ ନିତ୍ଯାନଂଦଵନସ୍ଥିତଃ ।
ଵିଲାସିନୀକୃତୋଲ୍ଲାସଃ ଶୌଂଡୀ ସୌଂଦର୍ଯମଂଡିତଃ ॥ 57 ॥
ଅନଂତାନଂତସୁଖଦଃ ସୁମଂଗଲସୁମଂଗଲଃ ।
ଜ୍ଞାନାଶ୍ରଯଃ କ୍ରିଯାଧାର ଇଚ୍ଛାଶକ୍ତିନିଷେଵିତଃ ॥ 58 ॥
ସୁଭଗାସଂଶ୍ରିତପଦୋ ଲଲିତାଲଲିତାଶ୍ରଯଃ ।
କାମିନୀପାଲନଃ କାମକାମିନୀକେଲିଲାଲିତଃ ॥ 59 ॥
ସରସ୍ଵତ୍ଯାଶ୍ରଯୋ ଗୌରୀନଂଦନଃ ଶ୍ରୀନିକେତନଃ ।
ଗୁରୁଗୁପ୍ତପଦୋ ଵାଚାସିଦ୍ଧୋ ଵାଗୀଶ୍ଵରୀପତିଃ ॥ 60 ॥
ନଲିନୀକାମୁକୋ ଵାମାରାମୋ ଜ୍ଯେଷ୍ଠାମନୋରମଃ ।
ରୌଦ୍ରୀମୁଦ୍ରିତପାଦାବ୍ଜୋ ହୁଂବୀଜସ୍ତୁଂଗଶକ୍ତିକଃ ॥ 61 ॥
ଵିଶ୍ଵାଦିଜନନତ୍ରାଣଃ ସ୍ଵାହାଶକ୍ତିଃ ସକୀଲକଃ ।
ଅମୃତାବ୍ଧିକୃତାଵାସୋ ମଦଘୂର୍ଣିତଲୋଚନଃ ॥ 62 ॥
ଉଚ୍ଛିଷ୍ଟୋଚ୍ଛିଷ୍ଟଗଣକୋ ଗଣେଶୋ ଗଣନାଯକଃ ।
ସାର୍ଵକାଲିକସଂସିଦ୍ଧିର୍ନିତ୍ଯସେଵ୍ଯୋ ଦିଗଂବରଃ ॥ 63 ॥
ଅନପାଯୋଽନଂତଦୃଷ୍ଟିରପ୍ରମେଯୋଽଜରାମରଃ ।
ଅନାଵିଲୋଽପ୍ରତିହତିରଚ୍ଯୁତୋଽମୃତମକ୍ଷରଃ ॥ 64 ॥
ଅପ୍ରତର୍କ୍ଯୋଽକ୍ଷଯୋଽଜଯ୍ଯୋଽନାଧାରୋଽନାମଯୋମଲଃ ।
ଅମେଯସିଦ୍ଧିରଦ୍ଵୈତମଘୋରୋଽଗ୍ନିସମାନନଃ ॥ 65 ॥
ଅନାକାରୋଽବ୍ଧିଭୂମ୍ଯଗ୍ନିବଲଘ୍ନୋଽଵ୍ଯକ୍ତଲକ୍ଷଣଃ ।
ଆଧାରପୀଠମାଧାର ଆଧାରାଧେଯଵର୍ଜିତଃ ॥ 66 ॥
ଆଖୁକେତନ ଆଶାପୂରକ ଆଖୁମହାରଥଃ ।
ଇକ୍ଷୁସାଗରମଧ୍ଯସ୍ଥ ଇକ୍ଷୁଭକ୍ଷଣଲାଲସଃ ॥ 67 ॥
ଇକ୍ଷୁଚାପାତିରେକଶ୍ରୀରିକ୍ଷୁଚାପନିଷେଵିତଃ ।
ଇଂଦ୍ରଗୋପସମାନଶ୍ରୀରିଂଦ୍ରନୀଲସମଦ୍ଯୁତିଃ ॥ 68 ॥
ଇଂଦୀଵରଦଲଶ୍ଯାମ ଇଂଦୁମଂଡଲମଂଡିତଃ ।
ଇଧ୍ମପ୍ରିଯ ଇଡାଭାଗ ଇଡାଵାନିଂଦିରାପ୍ରିଯଃ ॥ 69 ॥
ଇକ୍ଷ୍ଵାକୁଵିଘ୍ନଵିଧ୍ଵଂସୀ ଇତିକର୍ତଵ୍ଯତେପ୍ସିତଃ ।
ଈଶାନମୌଲିରୀଶାନ ଈଶାନପ୍ରିଯ ଈତିହା ॥ 70 ॥
ଈଷଣାତ୍ରଯକଲ୍ପାଂତ ଈହାମାତ୍ରଵିଵର୍ଜିତଃ ।
ଉପେଂଦ୍ର ଉଡୁଭୃନ୍ମୌଲିରୁଡୁନାଥକରପ୍ରିଯଃ ॥ 71 ॥
ଉନ୍ନତାନନ ଉତ୍ତୁଂଗ ଉଦାରସ୍ତ୍ରିଦଶାଗ୍ରଣୀଃ ।
ଊର୍ଜସ୍ଵାନୂଷ୍ମଲମଦ ଊହାପୋହଦୁରାସଦଃ ॥ 72 ॥
ଋଗ୍ଯଜୁଃସାମନଯନ ଋଦ୍ଧିସିଦ୍ଧିସମର୍ପକଃ ।
ଋଜୁଚିତ୍ତୈକସୁଲଭୋ ଋଣତ୍ରଯଵିମୋଚନଃ ॥ 73 ॥
ଲୁପ୍ତଵିଘ୍ନଃ ସ୍ଵଭକ୍ତାନାଂ ଲୁପ୍ତଶକ୍ତିଃ ସୁରଦ୍ଵିଷାମ୍ ।
ଲୁପ୍ତଶ୍ରୀର୍ଵିମୁଖାର୍ଚାନାଂ ଲୂତାଵିସ୍ଫୋଟନାଶନଃ ॥ 74 ॥
ଏକାରପୀଠମଧ୍ଯସ୍ଥ ଏକପାଦକୃତାସନଃ ।
ଏଜିତାଖିଲଦୈତ୍ଯଶ୍ରୀରେଧିତାଖିଲସଂଶ୍ରଯଃ ॥ 75 ॥
ଐଶ୍ଵର୍ଯନିଧିରୈଶ୍ଵର୍ଯମୈହିକାମୁଷ୍ମିକପ୍ରଦଃ ।
ଐରଂମଦସମୋନ୍ମେଷ ଐରାଵତସମାନନଃ ॥ 76 ॥
ଓଂକାରଵାଚ୍ଯ ଓଂକାର ଓଜସ୍ଵାନୋଷଧୀପତିଃ ।
ଔଦାର୍ଯନିଧିରୌଦ୍ଧତ୍ଯଧୈର୍ଯ ଔନ୍ନତ୍ଯନିଃସମଃ ॥ 77 ॥
ଅଂକୁଶଃ ସୁରନାଗାନାମଂକୁଶାକାରସଂସ୍ଥିତଃ ।
ଅଃ ସମସ୍ତଵିସର୍ଗାଂତପଦେଷୁ ପରିକୀର୍ତିତଃ ॥ 78 ॥
କମଂଡଲୁଧରଃ କଲ୍ପଃ କପର୍ଦୀ କଲଭାନନଃ ।
କର୍ମସାକ୍ଷୀ କର୍ମକର୍ତା କର୍ମାକର୍ମଫଲପ୍ରଦଃ ॥ 79 ॥
କଦଂବଗୋଲକାକାରଃ କୂଷ୍ମାଂଡଗଣନାଯକଃ ।
କାରୁଣ୍ଯଦେହଃ କପିଲଃ କଥକଃ କଟିସୂତ୍ରଭୃତ୍ ॥ 80 ॥
ଖର୍ଵଃ ଖଡ୍ଗପ୍ରିଯଃ ଖଡ୍ଗଃ ଖାଂତାଂତଃସ୍ଥଃ ଖନିର୍ମଲଃ ।
ଖଲ୍ଵାଟଶୃଂଗନିଲଯଃ ଖଟ୍ଵାଂଗୀ ଖଦୁରାସଦଃ ॥ 81 ॥
ଗୁଣାଢ୍ଯୋ ଗହନୋ ଗଦ୍ଯୋ ଗଦ୍ଯପଦ୍ଯସୁଧାର୍ଣଵଃ ।
ଗଦ୍ଯଗାନପ୍ରିଯୋ ଗର୍ଜୋ ଗୀତଗୀର୍ଵାଣପୂର୍ଵଜଃ ॥ 82 ॥
ଗୁହ୍ଯାଚାରରତୋ ଗୁହ୍ଯୋ ଗୁହ୍ଯାଗମନିରୂପିତଃ ।
ଗୁହାଶଯୋ ଗୁଡାବ୍ଧିସ୍ଥୋ ଗୁରୁଗମ୍ଯୋ ଗୁରୁର୍ଗୁରୁଃ ॥ 83 ॥
ଘଂଟାଘର୍ଘରିକାମାଲୀ ଘଟକୁଂଭୋ ଘଟୋଦରଃ ।
ଙକାରଵାଚ୍ଯୋ ଙାକାରୋ ଙକାରାକାରଶୁଂଡଭୃତ୍ ॥ 84 ॥
ଚଂଡଶ୍ଚଂଡେଶ୍ଵରଶ୍ଚଂଡୀ ଚଂଡେଶଶ୍ଚଂଡଵିକ୍ରମଃ ।
ଚରାଚରପିତା ଚିଂତାମଣିଶ୍ଚର୍ଵଣଲାଲସଃ ॥ 85 ॥
ଛଂଦଶ୍ଛଂଦୋଦ୍ଭଵଶ୍ଛଂଦୋ ଦୁର୍ଲକ୍ଷ୍ଯଶ୍ଛଂଦଵିଗ୍ରହଃ ।
ଜଗଦ୍ଯୋନିର୍ଜଗତ୍ସାକ୍ଷୀ ଜଗଦୀଶୋ ଜଗନ୍ମଯଃ ॥ 86 ॥
ଜପ୍ଯୋ ଜପପରୋ ଜାପ୍ଯୋ ଜିହ୍ଵାସିଂହାସନପ୍ରଭୁଃ ।
ସ୍ରଵଦ୍ଗଂଡୋଲ୍ଲସଦ୍ଧାନଝଂକାରିଭ୍ରମରାକୁଲଃ ॥ 87 ॥
ଟଂକାରସ୍ଫାରସଂରାଵଷ୍ଟଂକାରମଣିନୂପୁରଃ ।
ଠଦ୍ଵଯୀପଲ୍ଲଵାଂତସ୍ଥସର୍ଵମଂତ୍ରେଷୁ ସିଦ୍ଧିଦଃ ॥ 88 ॥
ଡିଂଡିମୁଂଡୋ ଡାକିନୀଶୋ ଡାମରୋ ଡିଂଡିମପ୍ରିଯଃ ।
ଢକ୍କାନିନାଦମୁଦିତୋ ଢୌଂକୋ ଢୁଂଢିଵିନାଯକଃ ॥ 89 ॥
ତତ୍ତ୍ଵାନାଂ ପ୍ରକୃତିସ୍ତତ୍ତ୍ଵଂ ତତ୍ତ୍ଵଂପଦନିରୂପିତଃ ।
ତାରକାଂତରସଂସ୍ଥାନସ୍ତାରକସ୍ତାରକାଂତକଃ ॥ 90 ॥
ସ୍ଥାଣୁଃ ସ୍ଥାଣୁପ୍ରିଯଃ ସ୍ଥାତା ସ୍ଥାଵରଂ ଜଂଗମଂ ଜଗତ୍ ।
ଦକ୍ଷଯଜ୍ଞପ୍ରମଥନୋ ଦାତା ଦାନଂ ଦମୋ ଦଯା ॥ 91 ॥
ଦଯାଵାଂଦିଵ୍ଯଵିଭଵୋ ଦଂଡଭୃଦ୍ଦଂଡନାଯକଃ ।
ଦଂତପ୍ରଭିନ୍ନାଭ୍ରମାଲୋ ଦୈତ୍ଯଵାରଣଦାରଣଃ ॥ 92 ॥
ଦଂଷ୍ଟ୍ରାଲଗ୍ନଦ୍ଵୀପଘଟୋ ଦେଵାର୍ଥନୃଗଜାକୃତିଃ ।
ଧନଂ ଧନପତେର୍ବଂଧୁର୍ଧନଦୋ ଧରଣୀଧରଃ ॥ 93 ॥
ଧ୍ଯାନୈକପ୍ରକଟୋ ଧ୍ଯେଯୋ ଧ୍ଯାନଂ ଧ୍ଯାନପରାଯଣଃ ।
ଧ୍ଵନିପ୍ରକୃତିଚୀତ୍କାରୋ ବ୍ରହ୍ମାଂଡାଵଲିମେଖଲଃ ॥ 94 ॥
ନଂଦ୍ଯୋ ନଂଦିପ୍ରିଯୋ ନାଦୋ ନାଦମଧ୍ଯପ୍ରତିଷ୍ଠିତଃ ।
ନିଷ୍କଲୋ ନିର୍ମଲୋ ନିତ୍ଯୋ ନିତ୍ଯାନିତ୍ଯୋ ନିରାମଯଃ ॥ 95 ॥
ପରଂ ଵ୍ଯୋମ ପରଂ ଧାମ ପରମାତ୍ମା ପରଂ ପଦମ୍ ॥ 96 ॥
ପରାତ୍ପରଃ ପଶୁପତିଃ ପଶୁପାଶଵିମୋଚନଃ ।
ପୂର୍ଣାନଂଦଃ ପରାନଂଦଃ ପୁରାଣପୁରୁଷୋତ୍ତମଃ ॥ 97 ॥
ପଦ୍ମପ୍ରସନ୍ନଵଦନଃ ପ୍ରଣତାଜ୍ଞାନନାଶନଃ ।
ପ୍ରମାଣପ୍ରତ୍ଯଯାତୀତଃ ପ୍ରଣତାର୍ତିନିଵାରଣଃ ॥ 98 ॥
ଫଣିହସ୍ତଃ ଫଣିପତିଃ ଫୂତ୍କାରଃ ଫଣିତପ୍ରିଯଃ ।
ବାଣାର୍ଚିତାଂଘ୍ରିଯୁଗଲୋ ବାଲକେଲିକୁତୂହଲୀ ।
ବ୍ରହ୍ମ ବ୍ରହ୍ମାର୍ଚିତପଦୋ ବ୍ରହ୍ମଚାରୀ ବୃହସ୍ପତିଃ ॥ 99 ॥
ବୃହତ୍ତମୋ ବ୍ରହ୍ମପରୋ ବ୍ରହ୍ମଣ୍ଯୋ ବ୍ରହ୍ମଵିତ୍ପ୍ରିଯଃ ।
ବୃହନ୍ନାଦାଗ୍ର୍ଯଚୀତ୍କାରୋ ବ୍ରହ୍ମାଂଡାଵଲିମେଖଲଃ ॥ 100 ॥
ଭ୍ରୂକ୍ଷେପଦତ୍ତଲକ୍ଷ୍ମୀକୋ ଭର୍ଗୋ ଭଦ୍ରୋ ଭଯାପହଃ ।
ଭଗଵାନ୍ ଭକ୍ତିସୁଲଭୋ ଭୂତିଦୋ ଭୂତିଭୂଷଣଃ ॥ 101 ॥
ଭଵ୍ଯୋ ଭୂତାଲଯୋ ଭୋଗଦାତା ଭ୍ରୂମଧ୍ଯଗୋଚରଃ ।
ମଂତ୍ରୋ ମଂତ୍ରପତିର୍ମଂତ୍ରୀ ମଦମତ୍ତୋ ମନୋ ମଯଃ ॥ 102 ॥
ମେଖଲାହୀଶ୍ଵରୋ ମଂଦଗତିର୍ମଂଦନିଭେକ୍ଷଣଃ ।
ମହାବଲୋ ମହାଵୀର୍ଯୋ ମହାପ୍ରାଣୋ ମହାମନାଃ ॥ 103 ॥
ଯଜ୍ଞୋ ଯଜ୍ଞପତିର୍ଯଜ୍ଞଗୋପ୍ତା ଯଜ୍ଞଫଲପ୍ରଦଃ ।
ଯଶସ୍କରୋ ଯୋଗଗମ୍ଯୋ ଯାଜ୍ଞିକୋ ଯାଜକପ୍ରିଯଃ ॥ 104 ॥
ରସୋ ରସପ୍ରିଯୋ ରସ୍ଯୋ ରଂଜକୋ ରାଵଣାର୍ଚିତଃ ।
ରାଜ୍ଯରକ୍ଷାକରୋ ରତ୍ନଗର୍ଭୋ ରାଜ୍ଯସୁଖପ୍ରଦଃ ॥ 105 ॥
ଲକ୍ଷୋ ଲକ୍ଷପତିର୍ଲକ୍ଷ୍ଯୋ ଲଯସ୍ଥୋ ଲଡ୍ଡୁକପ୍ରିଯଃ ।
ଲାସପ୍ରିଯୋ ଲାସ୍ଯପରୋ ଲାଭକୃଲ୍ଲୋକଵିଶ୍ରୁତଃ ॥ 106 ॥
ଵରେଣ୍ଯୋ ଵହ୍ନିଵଦନୋ ଵଂଦ୍ଯୋ ଵେଦାଂତଗୋଚରଃ ।
ଵିକର୍ତା ଵିଶ୍ଵତଶ୍ଚକ୍ଷୁର୍ଵିଧାତା ଵିଶ୍ଵତୋମୁଖଃ ॥ 107 ॥
ଵାମଦେଵୋ ଵିଶ୍ଵନେତା ଵଜ୍ରିଵଜ୍ରନିଵାରଣଃ ।
ଵିଵସ୍ଵଦ୍ବଂଧନୋ ଵିଶ୍ଵାଧାରୋ ଵିଶ୍ଵେଶ୍ଵରୋ ଵିଭୁଃ ॥ 108 ॥
ଶବ୍ଦବ୍ରହ୍ମ ଶମପ୍ରାପ୍ଯଃ ଶଂଭୁଶକ୍ତିଗଣେଶ୍ଵରଃ ।
ଶାସ୍ତା ଶିଖାଗ୍ରନିଲଯଃ ଶରଣ୍ଯଃ ଶଂବରେଶ୍ଵରଃ ॥ 109 ॥
ଷଡୃତୁକୁସୁମସ୍ରଗ୍ଵୀ ଷଡାଧାରଃ ଷଡକ୍ଷରଃ ।
ସଂସାରଵୈଦ୍ଯଃ ସର୍ଵଜ୍ଞଃ ସର୍ଵଭେଷଜଭେଷଜମ୍ ॥ 110 ॥
ସୃଷ୍ଟିସ୍ଥିତିଲଯକ୍ରୀଡଃ ସୁରକୁଂଜରଭେଦକଃ ।
ସିଂଦୂରିତମହାକୁଂଭଃ ସଦସଦ୍ଭକ୍ତିଦାଯକଃ ॥ 111 ॥
ସାକ୍ଷୀ ସମୁଦ୍ରମଥନଃ ସ୍ଵଯଂଵେଦ୍ଯଃ ସ୍ଵଦକ୍ଷିଣଃ ।
ସ୍ଵତଂତ୍ରଃ ସତ୍ଯସଂକଲ୍ପଃ ସାମଗାନରତଃ ସୁଖୀ ॥ 112 ॥
ହଂସୋ ହସ୍ତିପିଶାଚୀଶୋ ହଵନଂ ହଵ୍ଯକଵ୍ଯଭୁକ୍ ।
ହଵ୍ଯଂ ହୁତପ୍ରିଯୋ ହୃଷ୍ଟୋ ହୃଲ୍ଲେଖାମଂତ୍ରମଧ୍ଯଗଃ ॥ 113 ॥
କ୍ଷେତ୍ରାଧିପଃ କ୍ଷମାଭର୍ତା କ୍ଷମାକ୍ଷମପରାଯଣଃ ।
କ୍ଷିପ୍ରକ୍ଷେମକରଃ କ୍ଷେମାନଂଦଃ କ୍ଷୋଣୀସୁରଦ୍ରୁମଃ ॥ 114 ॥
ଧର୍ମପ୍ରଦୋଽର୍ଥଦଃ କାମଦାତା ସୌଭାଗ୍ଯଵର୍ଧନଃ ।
ଵିଦ୍ଯାପ୍ରଦୋ ଵିଭଵଦୋ ଭୁକ୍ତିମୁକ୍ତିଫଲପ୍ରଦଃ ॥ 115 ॥
ଆଭିରୂପ୍ଯକରୋ ଵୀରଶ୍ରୀପ୍ରଦୋ ଵିଜଯପ୍ରଦଃ ।
ସର୍ଵଵଶ୍ଯକରୋ ଗର୍ଭଦୋଷହା ପୁତ୍ରପୌତ୍ରଦଃ ॥ 116 ॥
ମେଧାଦଃ କୀର୍ତିଦଃ ଶୋକହାରୀ ଦୌର୍ଭାଗ୍ଯନାଶନଃ ।
ପ୍ରତିଵାଦିମୁଖସ୍ତଂଭୋ ରୁଷ୍ଟଚିତ୍ତପ୍ରସାଦନଃ ॥ 117 ॥
ପରାଭିଚାରଶମନୋ ଦୁଃଖହା ବଂଧମୋକ୍ଷଦଃ ।
ଲଵସ୍ତ୍ରୁଟିଃ କଲା କାଷ୍ଠା ନିମେଷସ୍ତତ୍ପରକ୍ଷଣଃ ॥ 118 ॥
ଘଟୀ ମୁହୂର୍ତଃ ପ୍ରହରୋ ଦିଵା ନକ୍ତମହର୍ନିଶମ୍ ।
ପକ୍ଷୋ ମାସର୍ତ୍ଵଯନାବ୍ଦଯୁଗଂ କଲ୍ପୋ ମହାଲଯଃ ॥ 119 ॥
ରାଶିସ୍ତାରା ତିଥିର୍ଯୋଗୋ ଵାରଃ କରଣମଂଶକମ୍ ।
ଲଗ୍ନଂ ହୋରା କାଲଚକ୍ରଂ ମେରୁଃ ସପ୍ତର୍ଷଯୋ ଧ୍ରୁଵଃ ॥ 120 ॥
ରାହୁର୍ମଂଦଃ କଵିର୍ଜୀଵୋ ବୁଧୋ ଭୌମଃ ଶଶୀ ରଵିଃ ।
କାଲଃ ସୃଷ୍ଟିଃ ସ୍ଥିତିର୍ଵିଶ୍ଵଂ ସ୍ଥାଵରଂ ଜଂଗମଂ ଜଗତ୍ ॥ 121 ॥
ଭୂରାପୋଽଗ୍ନିର୍ମରୁଦ୍ଵ୍ଯୋମାହଂକୃତିଃ ପ୍ରକୃତିଃ ପୁମାନ୍ ।
ବ୍ରହ୍ମା ଵିଷ୍ଣୁଃ ଶିଵୋ ରୁଦ୍ର ଈଶଃ ଶକ୍ତିଃ ସଦାଶିଵଃ ॥ 122 ॥
ତ୍ରିଦଶାଃ ପିତରଃ ସିଦ୍ଧା ଯକ୍ଷା ରକ୍ଷାଂସି କିନ୍ନରାଃ ।
ସିଦ୍ଧଵିଦ୍ଯାଧରା ଭୂତା ମନୁଷ୍ଯାଃ ପଶଵଃ ଖଗାଃ ॥ 123 ॥
ସମୁଦ୍ରାଃ ସରିତଃ ଶୈଲା ଭୂତଂ ଭଵ୍ଯଂ ଭଵୋଦ୍ଭଵଃ ।
ସାଂଖ୍ଯଂ ପାତଂଜଲଂ ଯୋଗଂ ପୁରାଣାନି ଶ୍ରୁତିଃ ସ୍ମୃତିଃ ॥ 124 ॥
ଵେଦାଂଗାନି ସଦାଚାରୋ ମୀମାଂସା ନ୍ଯାଯଵିସ୍ତରଃ ।
ଆଯୁର୍ଵେଦୋ ଧନୁର୍ଵେଦୋ ଗାଂଧର୍ଵଂ କାଵ୍ଯନାଟକମ୍ ॥ 125 ॥
ଵୈଖାନସଂ ଭାଗଵତଂ ମାନୁଷଂ ପାଂଚରାତ୍ରକମ୍ ।
ଶୈଵଂ ପାଶୁପତଂ କାଲାମୁଖଂଭୈରଵଶାସନମ୍ ॥ 126 ॥
ଶାକ୍ତଂ ଵୈନାଯକଂ ସୌରଂ ଜୈନମାର୍ହତସଂହିତା ।
ସଦସଦ୍ଵ୍ଯକ୍ତମଵ୍ଯକ୍ତଂ ସଚେତନମଚେତନମ୍ ॥ 127 ॥
ବଂଧୋ ମୋକ୍ଷଃ ସୁଖଂ ଭୋଗୋ ଯୋଗଃ ସତ୍ଯମଣୁର୍ମହାନ୍ ।
ସ୍ଵସ୍ତି ହୁଂଫଟ୍ ସ୍ଵଧା ସ୍ଵାହା ଶ୍ରୌଷଟ୍ ଵୌଷଟ୍ ଵଷଣ୍ ନମଃ 128 ॥
ଜ୍ଞାନଂ ଵିଜ୍ଞାନମାନଂଦୋ ବୋଧଃ ସଂଵିତ୍ସମୋଽସମଃ ।
ଏକ ଏକାକ୍ଷରାଧାର ଏକାକ୍ଷରପରାଯଣଃ ॥ 129 ॥
ଏକାଗ୍ରଧୀରେକଵୀର ଏକୋଽନେକସ୍ଵରୂପଧୃକ୍ ।
ଦ୍ଵିରୂପୋ ଦ୍ଵିଭୁଜୋ ଦ୍ଵ୍ଯକ୍ଷୋ ଦ୍ଵିରଦୋ ଦ୍ଵୀପରକ୍ଷକଃ ॥ 130 ॥
ଦ୍ଵୈମାତୁରୋ ଦ୍ଵିଵଦନୋ ଦ୍ଵଂଦ୍ଵହୀନୋ ଦ୍ଵଯାତିଗଃ ।
ତ୍ରିଧାମା ତ୍ରିକରସ୍ତ୍ରେତା ତ୍ରିଵର୍ଗଫଲଦାଯକଃ ॥ 131 ॥
ତ୍ରିଗୁଣାତ୍ମା ତ୍ରିଲୋକାଦିସ୍ତ୍ରିଶକ୍ତୀଶସ୍ତ୍ରିଲୋଚନଃ ।
ଚତୁର୍ଵିଧଵଚୋଵୃତ୍ତିପରିଵୃତ୍ତିପ୍ରଵର୍ତକଃ ॥ 132 ॥
ଚତୁର୍ବାହୁଶ୍ଚତୁର୍ଦଂତଶ୍ଚତୁରାତ୍ମା ଚତୁର୍ଭୁଜଃ ।
ଚତୁର୍ଵିଧୋପାଯମଯଶ୍ଚତୁର୍ଵର୍ଣାଶ୍ରମାଶ୍ରଯଃ 133 ॥
ଚତୁର୍ଥୀପୂଜନପ୍ରୀତଶ୍ଚତୁର୍ଥୀତିଥିସଂଭଵଃ ॥
ପଂଚାକ୍ଷରାତ୍ମା ପଂଚାତ୍ମା ପଂଚାସ୍ଯଃ ପଂଚକୃତ୍ତମଃ ॥ 134 ॥
ପଂଚାଧାରଃ ପଂଚଵର୍ଣଃ ପଂଚାକ୍ଷରପରାଯଣଃ ।
ପଂଚତାଲଃ ପଂଚକରଃ ପଂଚପ୍ରଣଵମାତୃକଃ ॥ 135 ॥
ପଂଚବ୍ରହ୍ମମଯସ୍ଫୂର୍ତିଃ ପଂଚାଵରଣଵାରିତଃ ।
ପଂଚଭକ୍ଷପ୍ରିଯଃ ପଂଚବାଣଃ ପଂଚଶିଖାତ୍ମକଃ ॥ 136 ॥
ଷଟ୍କୋଣପୀଠଃ ଷଟ୍ଚକ୍ରଧାମା ଷଡ୍ଗ୍ରଂଥିଭେଦକଃ ।
ଷଡଂଗଧ୍ଵାଂତଵିଧ୍ଵଂସୀ ଷଡଂଗୁଲମହାହ୍ରଦଃ ॥ 137 ॥
ଷଣ୍ମୁଖଃ ଷଣ୍ମୁଖଭ୍ରାତା ଷଟ୍ଶକ୍ତିପରିଵାରିତଃ ।
ଷଡ୍ଵୈରିଵର୍ଗଵିଧ୍ଵଂସୀ ଷଡୂର୍ମିଭଯଭଂଜନଃ ॥ 138 ॥
ଷଟ୍ତର୍କଦୂରଃ ଷଟ୍କର୍ମା ଷଡ୍ଗୁଣଃ ଷଡ୍ରସାଶ୍ରଯଃ ।
ସପ୍ତପାତାଲଚରଣଃ ସପ୍ତଦ୍ଵୀପୋରୁମଂଡଲଃ ॥ 139 ॥
ସପ୍ତସ୍ଵର୍ଲୋକମୁକୁଟଃ ସପ୍ତସପ୍ତିଵରପ୍ରଦଃ ।
ସପ୍ତାଂଗରାଜ୍ଯସୁଖଦଃ ସପ୍ତର୍ଷିଗଣଵଂଦିତଃ ॥ 140 ॥
ସପ୍ତଚ୍ଛଂଦୋନିଧିଃ ସପ୍ତହୋତ୍ରଃ ସପ୍ତସ୍ଵରାଶ୍ରଯଃ ।
ସପ୍ତାବ୍ଧିକେଲିକାସାରଃ ସପ୍ତମାତୃନିଷେଵିତଃ ॥ 141 ॥
ସପ୍ତଚ୍ଛଂଦୋ ମୋଦମଦଃ ସପ୍ତଚ୍ଛଂଦୋ ମଖପ୍ରଭୁଃ ।
ଅଷ୍ଟମୂର୍ତିର୍ଧ୍ଯେଯମୂର୍ତିରଷ୍ଟପ୍ରକୃତିକାରଣମ୍ ॥ 142 ॥
ଅଷ୍ଟାଂଗଯୋଗଫଲଭୃଦଷ୍ଟପତ୍ରାଂବୁଜାସନଃ ।
ଅଷ୍ଟଶକ୍ତିସମାନଶ୍ରୀରଷ୍ଟୈଶ୍ଵର୍ଯପ୍ରଵର୍ଧନଃ ॥ 143 ॥
ଅଷ୍ଟପୀଠୋପପୀଠଶ୍ରୀରଷ୍ଟମାତୃସମାଵୃତଃ ।
ଅଷ୍ଟଭୈରଵସେଵ୍ଯୋଽଷ୍ଟଵସୁଵଂଦ୍ଯୋଽଷ୍ଟମୂର୍ତିଭୃତ୍ ॥ 144 ॥
ଅଷ୍ଟଚକ୍ରସ୍ଫୁରନ୍ମୂର୍ତିରଷ୍ଟଦ୍ରଵ୍ଯହଵିଃପ୍ରିଯଃ ।
ଅଷ୍ଟଶ୍ରୀରଷ୍ଟସାମଶ୍ରୀରଷ୍ଟୈଶ୍ଵର୍ଯପ୍ରଦାଯକଃ ।
ନଵନାଗାସନାଧ୍ଯାସୀ ନଵନିଧ୍ଯନୁଶାସିତଃ ॥ 145 ॥
ନଵଦ୍ଵାରପୁରାଵୃତ୍ତୋ ନଵଦ୍ଵାରନିକେତନଃ ।
ନଵନାଥମହାନାଥୋ ନଵନାଗଵିଭୂଷିତଃ ॥ 146 ॥
ନଵନାରାଯଣସ୍ତୁଲ୍ଯୋ ନଵଦୁର୍ଗାନିଷେଵିତଃ ।
ନଵରତ୍ନଵିଚିତ୍ରାଂଗୋ ନଵଶକ୍ତିଶିରୋଦ୍ଧୃତଃ ॥ 147 ॥
ଦଶାତ୍ମକୋ ଦଶଭୁଜୋ ଦଶଦିକ୍ପତିଵଂଦିତଃ ।
ଦଶାଧ୍ଯାଯୋ ଦଶପ୍ରାଣୋ ଦଶେଂଦ୍ରିଯନିଯାମକଃ ॥ 148 ॥
ଦଶାକ୍ଷରମହାମଂତ୍ରୋ ଦଶାଶାଵ୍ଯାପିଵିଗ୍ରହଃ ।
ଏକାଦଶମହାରୁଦ୍ରୈଃସ୍ତୁତଶ୍ଚୈକାଦଶାକ୍ଷରଃ ॥ 149 ॥
ଦ୍ଵାଦଶଦ୍ଵିଦଶାଷ୍ଟାଦିଦୋର୍ଦଂଡାସ୍ତ୍ରନିକେତନଃ ।
ତ୍ରଯୋଦଶଭିଦାଭିନ୍ନୋ ଵିଶ୍ଵେଦେଵାଧିଦୈଵତମ୍ ॥ 150 ॥
ଚତୁର୍ଦଶେଂଦ୍ରଵରଦଶ୍ଚତୁର୍ଦଶମନୁପ୍ରଭୁଃ ।
ଚତୁର୍ଦଶାଦ୍ଯଵିଦ୍ଯାଢ୍ଯଶ୍ଚତୁର୍ଦଶଜଗତ୍ପତିଃ ॥ 151 ॥
ସାମପଂଚଦଶଃ ପଂଚଦଶୀଶୀତାଂଶୁନିର୍ମଲଃ ।
ତିଥିପଂଚଦଶାକାରସ୍ତିଥ୍ଯା ପଂଚଦଶାର୍ଚିତଃ ॥ 152 ॥
ଷୋଡଶାଧାରନିଲଯଃ ଷୋଡଶସ୍ଵରମାତୃକଃ ।
ଷୋଡଶାଂତପଦାଵାସଃ ଷୋଡଶେଂଦୁକଲାତ୍ମକଃ ॥ 153 ॥
କଲାସପ୍ତଦଶୀ ସପ୍ତଦଶସପ୍ତଦଶାକ୍ଷରଃ ।
ଅଷ୍ଟାଦଶଦ୍ଵୀପପତିରଷ୍ଟାଦଶପୁରାଣକୃତ୍ ॥ 154 ॥
ଅଷ୍ଟାଦଶୌଷଧୀସୃଷ୍ଟିରଷ୍ଟାଦଶଵିଧିଃ ସ୍ମୃତଃ ।
ଅଷ୍ଟାଦଶଲିପିଵ୍ଯଷ୍ଟିସମଷ୍ଟିଜ୍ଞାନକୋଵିଦଃ ॥ 155 ॥
ଅଷ୍ଟାଦଶାନ୍ନସଂପତ୍ତିରଷ୍ଟାଦଶଵିଜାତିକୃତ୍ ।
ଏକଵିଂଶଃ ପୁମାନେକଵିଂଶତ୍ଯଂଗୁଲିପଲ୍ଲଵଃ ॥ 156 ॥
ଚତୁର୍ଵିଂଶତିତତ୍ତ୍ଵାତ୍ମା ପଂଚଵିଂଶାଖ୍ଯପୂରୁଷଃ ।
ସପ୍ତଵିଂଶତିତାରେଶଃ ସପ୍ତଵିଂଶତିଯୋଗକୃତ୍ ॥ 157 ॥
ଦ୍ଵାତ୍ରିଂଶଦ୍ଭୈରଵାଧୀଶଶ୍ଚତୁସ୍ତ୍ରିଂଶନ୍ମହାହ୍ରଦଃ ।
ଷଟ୍ତ୍ରିଂଶତ୍ତତ୍ତ୍ଵସଂଭୂତିରଷ୍ଟତ୍ରିଂଶତ୍କଲାତ୍ମକଃ ॥ 158 ॥
ପଂଚାଶଦ୍ଵିଷ୍ଣୁଶକ୍ତୀଶଃ ପଂଚାଶନ୍ମାତୃକାଲଯଃ ।
ଦ୍ଵିପଂଚାଶଦ୍ଵପୁଃଶ୍ରେଣୀତ୍ରିଷଷ୍ଟ୍ଯକ୍ଷରସଂଶ୍ରଯଃ ।
ପଂଚାଶଦକ୍ଷରଶ୍ରେଣୀପଂଚାଶଦ୍ରୁଦ୍ରଵିଗ୍ରହଃ ॥ 159 ॥
ଚତୁଃଷଷ୍ଟିମହାସିଦ୍ଧିଯୋଗିନୀଵୃଂଦଵଂଦିତଃ ।
ନମଦେକୋନପଂଚାଶନ୍ମରୁଦ୍ଵର୍ଗନିରର୍ଗଲଃ ॥ 160 ॥
ଚତୁଃଷଷ୍ଟ୍ଯର୍ଥନିର୍ଣେତା ଚତୁଃଷଷ୍ଟିକଲାନିଧିଃ ।
ଅଷ୍ଟଷଷ୍ଟିମହାତୀର୍ଥକ୍ଷେତ୍ରଭୈରଵଵଂଦିତଃ ॥ 161 ॥
ଚତୁର୍ନଵତିମଂତ୍ରାତ୍ମା ଷଣ୍ଣଵତ୍ଯଧିକପ୍ରଭୁଃ ।
ଶତାନଂଦଃ ଶତଧୃତିଃ ଶତପତ୍ରାଯତେକ୍ଷଣଃ ॥ 162 ॥
ଶତାନୀକଃ ଶତମଖଃ ଶତଧାରାଵରାଯୁଧଃ ।
ସହସ୍ରପତ୍ରନିଲଯଃ ସହସ୍ରଫଣିଭୂଷଣଃ ॥ 163 ॥
ସହସ୍ରଶୀର୍ଷା ପୁରୁଷଃ ସହସ୍ରାକ୍ଷଃ ସହସ୍ରପାତ୍ ।
ସହସ୍ରନାମସଂସ୍ତୁତ୍ଯଃ ସହସ୍ରାକ୍ଷବଲାପହଃ ॥ 164 ॥
ଦଶସାହସ୍ରଫଣିଭୃତ୍ଫଣିରାଜକୃତାସନଃ ।
ଅଷ୍ଟାଶୀତିସହସ୍ରାଦ୍ଯମହର୍ଷିସ୍ତୋତ୍ରପାଠିତଃ ॥ 165 ॥
ଲକ୍ଷାଧାରଃ ପ୍ରିଯାଧାରୋ ଲକ୍ଷାଧାରମନୋମଯଃ ।
ଚତୁର୍ଲକ୍ଷଜପପ୍ରୀତଶ୍ଚତୁର୍ଲକ୍ଷପ୍ରକାଶକଃ ॥ 166 ॥
ଚତୁରଶୀତିଲକ୍ଷାଣାଂ ଜୀଵାନାଂ ଦେହସଂସ୍ଥିତଃ ।
କୋଟିସୂର୍ଯପ୍ରତୀକାଶଃ କୋଟିଚଂଦ୍ରାଂଶୁନିର୍ମଲଃ ॥ 167 ॥
ଶିଵୋଦ୍ଭଵାଦ୍ଯଷ୍ଟକୋଟିଵୈନାଯକଧୁରଂଧରଃ ।
ସପ୍ତକୋଟିମହାମଂତ୍ରମଂତ୍ରିତାଵଯଵଦ୍ଯୁତିଃ ॥ 168 ॥
ତ୍ରଯସ୍ତ୍ରିଂଶତ୍କୋଟିସୁରଶ୍ରେଣୀପ୍ରଣତପାଦୁକଃ ।
ଅନଂତଦେଵତାସେଵ୍ଯୋ ହ୍ଯନଂତଶୁଭଦାଯକଃ ॥ 169 ॥
ଅନଂତନାମାନଂତଶ୍ରୀରନଂତୋଽନଂତସୌଖ୍ଯଦଃ ।
ଅନଂତଶକ୍ତିସହିତୋ ହ୍ଯନଂତମୁନିସଂସ୍ତୁତଃ ॥ 170 ॥
ଇତି ଵୈନାଯକଂ ନାମ୍ନାଂ ସହସ୍ରମିଦମୀରିତମ୍ ।
ଇଦଂ ବ୍ରାହ୍ମେ ମୁହୂର୍ତେ ଯଃ ପଠତି ପ୍ରତ୍ଯହଂ ନରଃ ॥ 171 ॥
କରସ୍ଥଂ ତସ୍ଯ ସକଲମୈହିକାମୁଷ୍ମିକଂ ସୁଖମ୍ ।
ଆଯୁରାରୋଗ୍ଯମୈଶ୍ଵର୍ଯଂ ଧୈର୍ଯଂ ଶୌର୍ଯଂ ବଲଂ ଯଶଃ ॥ 172 ॥
ମେଧା ପ୍ରଜ୍ଞା ଧୃତିଃ କାଂତିଃ ସୌଭାଗ୍ଯମଭିରୂପତା ।
ସତ୍ଯଂ ଦଯା କ୍ଷମା ଶାଂତିର୍ଦାକ୍ଷିଣ୍ଯଂ ଧର୍ମଶୀଲତା ॥ 173 ॥
ଜଗତ୍ସଂଵନନଂ ଵିଶ୍ଵସଂଵାଦୋ ଵେଦପାଟଵମ୍ ।
ସଭାପାଂଡିତ୍ଯମୌଦାର୍ଯଂ ଗାଂଭୀର୍ଯଂ ବ୍ରହ୍ମଵର୍ଚସମ୍ ॥ 174 ॥
ଓଜସ୍ତେଜଃ କୁଲଂ ଶୀଲଂ ପ୍ରତାପୋ ଵୀର୍ଯମାର୍ଯତା ।
ଜ୍ଞାନଂ ଵିଜ୍ଞାନମାସ୍ତିକ୍ଯଂ ସ୍ଥୈର୍ଯଂ ଵିଶ୍ଵାସତା ତଥା ॥ 175 ॥
ଧନଧାନ୍ଯାଦିଵୃଦ୍ଧିଶ୍ଚ ସକୃଦସ୍ଯ ଜପାଦ୍ଭଵେତ୍ ।
ଵଶ୍ଯଂ ଚତୁର୍ଵିଧଂ ଵିଶ୍ଵଂ ଜପାଦସ୍ଯ ପ୍ରଜାଯତେ ॥ 176 ॥
ରାଜ୍ଞୋ ରାଜକଲତ୍ରସ୍ଯ ରାଜପୁତ୍ରସ୍ଯ ମଂତ୍ରିଣଃ ।
ଜପ୍ଯତେ ଯସ୍ଯ ଵଶ୍ଯାର୍ଥେ ସ ଦାସସ୍ତସ୍ଯ ଜାଯତେ ॥ 177 ॥
ଧର୍ମାର୍ଥକାମମୋକ୍ଷାଣାମନାଯାସେନ ସାଧନମ୍ ।
ଶାକିନୀଡାକିନୀରକ୍ଷୋଯକ୍ଷଗ୍ରହଭଯାପହମ୍ ॥ 178 ॥
ସାମ୍ରାଜ୍ଯସୁଖଦଂ ସର୍ଵସପତ୍ନମଦମର୍ଦନମ୍ ।
ସମସ୍ତକଲହଧ୍ଵଂସି ଦଗ୍ଧବୀଜପ୍ରରୋହଣମ୍ ॥ 179 ॥
ଦୁଃସ୍ଵପ୍ନଶମନଂ କ୍ରୁଦ୍ଧସ୍ଵାମିଚିତ୍ତପ୍ରସାଦନମ୍ ।
ଷଡ୍ଵର୍ଗାଷ୍ଟମହାସିଦ୍ଧିତ୍ରିକାଲଜ୍ଞାନକାରଣମ୍ ॥ 180 ॥
ପରକୃତ୍ଯପ୍ରଶମନଂ ପରଚକ୍ରପ୍ରମର୍ଦନମ୍ ।
ସଂଗ୍ରାମମାର୍ଗେ ସଵେଷାମିଦମେକଂ ଜଯାଵହମ୍ ॥ 181 ॥
ସର୍ଵଵଂଧ୍ଯତ୍ଵଦୋଷଘ୍ନଂ ଗର୍ଭରକ୍ଷୈକକାରଣମ୍ ।
ପଠ୍ଯତେ ପ୍ରତ୍ଯହଂ ଯତ୍ର ସ୍ତୋତ୍ରଂ ଗଣପତେରିଦମ୍ ॥ 182 ॥
ଦେଶେ ତତ୍ର ନ ଦୁର୍ଭିକ୍ଷମୀତଯୋ ଦୁରିତାନି ଚ ।
ନ ତଦ୍ଗେହଂ ଜହାତି ଶ୍ରୀର୍ଯତ୍ରାଯଂ ଜପ୍ଯତେ ସ୍ତଵଃ ॥ 183 ॥
କ୍ଷଯକୁଷ୍ଠପ୍ରମେହାର୍ଶଭଗଂଦରଵିଷୂଚିକାଃ ।
ଗୁଲ୍ମଂ ପ୍ଲୀହାନମଶମାନମତିସାରଂ ମହୋଦରମ୍ ॥ 184 ॥
କାସଂ ଶ୍ଵାସମୁଦାଵର୍ତଂ ଶୂଲଂ ଶୋଫାମଯୋଦରମ୍ ।
ଶିରୋରୋଗଂ ଵମିଂ ହିକ୍କାଂ ଗଂଡମାଲାମରୋଚକମ୍ ॥ 185 ॥
ଵାତପିତ୍ତକଫଦ୍ଵଂଦ୍ଵତ୍ରିଦୋଷଜନିତଜ୍ଵରମ୍ ।
ଆଗଂତୁଵିଷମଂ ଶୀତମୁଷ୍ଣଂ ଚୈକାହିକାଦିକମ୍ ॥ 186 ॥
ଇତ୍ଯାଦ୍ଯୁକ୍ତମନୁକ୍ତଂ ଵା ରୋଗଦୋଷାଦିସଂଭଵମ୍ ।
ସର୍ଵଂ ପ୍ରଶମଯତ୍ଯାଶୁ ସ୍ତୋତ୍ରସ୍ଯାସ୍ଯ ସକୃଜ୍ଜପଃ ॥ 187 ॥
ପ୍ରାପ୍ଯତେଽସ୍ଯ ଜପାତ୍ସିଦ୍ଧିଃ ସ୍ତ୍ରୀଶୂଦ୍ରୈଃ ପତିତୈରପି ।
ସହସ୍ରନାମମଂତ୍ରୋଽଯଂ ଜପିତଵ୍ଯଃ ଶୁଭାପ୍ତଯେ ॥ 188 ॥
ମହାଗଣପତେଃ ସ୍ତୋତ୍ରଂ ସକାମଃ ପ୍ରଜପନ୍ନିଦମ୍ ।
ଇଚ୍ଛଯା ସକଲାନ୍ ଭୋଗାନୁପଭୁଜ୍ଯେହ ପାର୍ଥିଵାନ୍ ॥ 189 ॥
ମନୋରଥଫଲୈର୍ଦିଵ୍ଯୈର୍ଵ୍ଯୋମଯାନୈର୍ମନୋରମୈଃ ।
ଚଂଦ୍ରେଂଦ୍ରଭାସ୍କରୋପେଂଦ୍ରବ୍ରହ୍ମଶର୍ଵାଦିସଦ୍ମସୁ ॥ 190 ॥
କାମରୂପଃ କାମଗତିଃ କାମଦଃ କାମଦେଶ୍ଵରଃ ।
ଭୁକ୍ତ୍ଵା ଯଥେପ୍ସିତାନ୍ଭୋଗାନଭୀଷ୍ଟୈଃ ସହ ବଂଧୁଭିଃ ॥ 191 ॥
ଗଣେଶାନୁଚରୋ ଭୂତ୍ଵା ଗଣୋ ଗଣପତିପ୍ରିଯଃ ।
ନଂଦୀଶ୍ଵରାଦିସାନଂଦୈର୍ନଂଦିତଃ ସକଲୈର୍ଗଣୈଃ ॥ 192 ॥
ଶିଵାଭ୍ଯାଂ କୃପଯା ପୁତ୍ରନିର୍ଵିଶେଷଂ ଚ ଲାଲିତଃ ।
ଶିଵଭକ୍ତଃ ପୂର୍ଣକାମୋ ଗଣେଶ୍ଵରଵରାତ୍ପୁନଃ ॥ 193 ॥
ଜାତିସ୍ମରୋ ଧର୍ମପରଃ ସାର୍ଵଭୌମୋଽଭିଜାଯତେ ।
ନିଷ୍କାମସ୍ତୁ ଜପନ୍ନିତ୍ଯଂ ଭକ୍ତ୍ଯା ଵିଘ୍ନେଶତତ୍ପରଃ ॥ 194 ॥
ଯୋଗସିଦ୍ଧିଂ ପରାଂ ପ୍ରାପ୍ଯ ଜ୍ଞାନଵୈରାଗ୍ଯସଂଯୁତଃ ।
ନିରଂତରେ ନିରାବାଧେ ପରମାନଂଦସଂଜ୍ଞିତେ ॥ 195 ॥
ଵିଶ୍ଵୋତ୍ତୀର୍ଣେ ପରେ ପୂର୍ଣେ ପୁନରାଵୃତ୍ତିଵର୍ଜିତେ ।
ଲୀନୋ ଵୈନାଯକେ ଧାମ୍ନି ରମତେ ନିତ୍ଯନିର୍ଵୃତେ ॥ 196 ॥
ଯୋ ନାମଭିର୍ହୁତୈର୍ଦତ୍ତୈଃ ପୂଜଯେଦର୍ଚଯେ^^ଏନ୍ନରଃ ।
ରାଜାନୋ ଵଶ୍ଯତାଂ ଯାଂତି ରିପଵୋ ଯାଂତି ଦାସତାମ୍ ॥ 197 ॥
ତସ୍ଯ ସିଧ୍ଯଂତି ମଂତ୍ରାଣାଂ ଦୁର୍ଲଭାଶ୍ଚେଷ୍ଟସିଦ୍ଧଯଃ ।
ମୂଲମଂତ୍ରାଦପି ସ୍ତୋତ୍ରମିଦଂ ପ୍ରିଯତମଂ ମମ ॥ 198 ॥
ନଭସ୍ଯେ ମାସି ଶୁକ୍ଲାଯାଂ ଚତୁର୍ଥ୍ଯାଂ ମମ ଜନ୍ମନି ।
ଦୂର୍ଵାଭିର୍ନାମଭିଃ ପୂଜାଂ ତର୍ପଣଂ ଵିଧିଵଚ୍ଚରେତ୍ ॥ 199 ॥
ଅଷ୍ଟଦ୍ରଵ୍ଯୈର୍ଵିଶେଷେଣ କୁର୍ଯାଦ୍ଭକ୍ତିସୁସଂଯୁତଃ ।
ତସ୍ଯେପ୍ସିତଂ ଧନଂ ଧାନ୍ଯମୈଶ୍ଵର୍ଯଂ ଵିଜଯୋ ଯଶଃ ॥ 200 ॥
ଭଵିଷ୍ଯତି ନ ସଂଦେହଃ ପୁତ୍ରପୌତ୍ରାଦିକଂ ସୁଖମ୍ ।
ଇଦଂ ପ୍ରଜପିତଂ ସ୍ତୋତ୍ରଂ ପଠିତଂ ଶ୍ରାଵିତଂ ଶ୍ରୁତମ୍ ॥ 201 ॥
ଵ୍ଯାକୃତଂ ଚର୍ଚିତଂ ଧ୍ଯାତଂ ଵିମୃଷ୍ଟମଭିଵଂଦିତମ୍ ।
ଇହାମୁତ୍ର ଚ ଵିଶ୍ଵେଷାଂ ଵିଶ୍ଵୈଶ୍ଵର୍ଯପ୍ରଦାଯକମ୍ ॥ 202 ॥
ସ୍ଵଚ୍ଛଂଦଚାରିଣାପ୍ଯେଷ ଯେନ ସଂଧାର୍ଯତେ ସ୍ତଵଃ ।
ସ ରକ୍ଷ୍ଯତେ ଶିଵୋଦ୍ଭୂତୈର୍ଗଣୈରଧ୍ଯଷ୍ଟକୋଟିଭିଃ ॥ 203 ॥
ଲିଖିତଂ ପୁସ୍ତକସ୍ତୋତ୍ରଂ ମଂତ୍ରଭୂତଂ ପ୍ରପୂଜଯେତ୍ ।
ତତ୍ର ସର୍ଵୋତ୍ତମା ଲକ୍ଷ୍ମୀଃ ସନ୍ନିଧତ୍ତେ ନିରଂତରମ୍ ॥ 204 ॥
ଦାନୈରଶେଷୈରଖିଲୈର୍ଵ୍ରତୈଶ୍ଚ ତୀର୍ଥୈରଶେଷୈରଖିଲୈର୍ମଖୈଶ୍ଚ ।
ନ ତତ୍ଫଲଂ ଵିଂଦତି ଯଦ୍ଗଣେଶସହସ୍ରନାମସ୍ମରଣେନ ସଦ୍ଯଃ ॥ 205 ॥
ଏତନ୍ନାମ୍ନାଂ ସହସ୍ରଂ ପଠତି ଦିନମଣୌ ପ୍ରତ୍ଯହଂପ୍ରୋଜ୍ଜିହାନେ
ସାଯଂ ମଧ୍ଯଂଦିନେ ଵା ତ୍ରିଷଵଣମଥଵା ସଂତତଂ ଵା ଜନୋ ଯଃ ।
ସ ସ୍ଯାଦୈଶ୍ଵର୍ଯଧୁର୍ଯଃ ପ୍ରଭଵତି ଵଚସାଂ କୀର୍ତିମୁଚ୍ଚୈସ୍ତନୋତି
ଦାରିଦ୍ର୍ଯଂ ହଂତି ଵିଶ୍ଵଂ ଵଶଯତି ସୁଚିରଂ ଵର୍ଧତେ ପୁତ୍ରପୌତ୍ରୈଃ ॥ 206 ॥
ଅକିଂଚନୋପ୍ଯେକଚିତ୍ତୋ ନିଯତୋ ନିଯତାସନଃ ।
ପ୍ରଜପଂଶ୍ଚତୁରୋ ମାସାନ୍ ଗଣେଶାର୍ଚନତତ୍ପରଃ ॥ 207 ॥
ଦରିଦ୍ରତାଂ ସମୁନ୍ମୂଲ୍ଯ ସପ୍ତଜନ୍ମାନୁଗାମପି ।
ଲଭତେ ମହତୀଂ ଲକ୍ଷ୍ମୀମିତ୍ଯାଜ୍ଞା ପାରମେଶ୍ଵରୀ ॥ 208 ॥
ଆଯୁଷ୍ଯଂ ଵୀତରୋଗଂ କୁଲମତିଵିମଲଂ ସଂପଦଶ୍ଚାର୍ତିନାଶଃ
କୀର୍ତିର୍ନିତ୍ଯାଵଦାତା ଭଵତି ଖଲୁ ନଵା କାଂତିରଵ୍ଯାଜଭଵ୍ଯା ।
ପୁତ୍ରାଃ ସଂତଃ କଲତ୍ରଂ ଗୁଣଵଦଭିମତଂ ଯଦ୍ଯଦନ୍ଯଚ୍ଚ ତତ୍ତ -
ନ୍ନିତ୍ଯଂ ଯଃ ସ୍ତୋତ୍ରମେତତ୍ ପଠତି ଗଣପତେସ୍ତସ୍ଯ ହସ୍ତେ ସମସ୍ତମ୍ ॥ 209 ॥
ଗଣଂଜଯୋ ଗଣପତିର୍ହେରଂବୋ ଧରଣୀଧରଃ ।
ମହାଗଣପତିର୍ବୁଦ୍ଧିପ୍ରିଯଃ କ୍ଷିପ୍ରପ୍ରସାଦନଃ ॥ 210 ॥
ଅମୋଘସିଦ୍ଧିରମୃତମଂତ୍ରଶ୍ଚିଂତାମଣିର୍ନିଧିଃ ।
ସୁମଂଗଲୋ ବୀଜମାଶାପୂରକୋ ଵରଦଃ କଲଃ ॥ 211 ॥
କାଶ୍ଯପୋ ନଂଦନୋ ଵାଚାସିଦ୍ଧୋ ଢୁଂଢିର୍ଵିନାଯକଃ ।
ମୋଦକୈରେଭିରତ୍ରୈକଵିଂଶତ୍ଯା ନାମଭିଃ ପୁମାନ୍ ॥ 212 ॥
ଉପାଯନଂ ଦଦେଦ୍ଭକ୍ତ୍ଯା ମତ୍ପ୍ରସାଦଂ ଚିକୀର୍ଷତି ।
ଵତ୍ସରଂ ଵିଘ୍ନରାଜୋଽସ୍ଯ ତଥ୍ଯମିଷ୍ଟାର୍ଥସିଦ୍ଧଯେ ॥ 213 ॥
ଯଃ ସ୍ତୌତି ମଦ୍ଗତମନା ମମାରାଧନତତ୍ପରଃ ।
ସ୍ତୁତୋ ନାମ୍ନା ସହସ୍ରେଣ ତେନାହଂ ନାତ୍ର ସଂଶଯଃ ॥ 214 ॥
ନମୋ ନମଃ ସୁରଵରପୂଜିତାଂଘ୍ରଯେ
ନମୋ ନମୋ ନିରୁପମମଂଗଲାତ୍ମନେ ।
ନମୋ ନମୋ ଵିପୁଲଦଯୈକସିଦ୍ଧଯେ
ନମୋ ନମଃ କରିକଲଭାନନାଯ ତେ ॥ 215 ॥
କିଂକିଣୀଗଣରଚିତଚରଣଃ
ପ୍ରକଟିତଗୁରୁମିତଚାରୁକରଣଃ ।
ମଦଜଲଲହରୀକଲିତକପୋଲଃ
ଶମଯତୁ ଦୁରିତଂ ଗଣପତିନାମ୍ନା ॥ 216 ॥
॥ ଇତି ଶ୍ରୀଗଣେଶପୁରାଣେ ଉପାସନାଖଂଡେ ଈଶ୍ଵରଗଣେଶସଂଵାଦେ
ଗଣେଶସହସ୍ରନାମସ୍ତୋତ୍ରଂ ନାମ ଷଟ୍ଚତ୍ଵାରିଂଶୋଧ୍ଯାଯଃ ॥
Browse Related Categories:
