କଂଠେ ଯସ୍ଯ ଲସତ୍କରାଲଗରଲଂ ଗଂଗାଜଲଂ ମସ୍ତକେ
ଵାମାଂଗେ ଗିରିରାଜରାଜତନଯା ଜାଯା ଭଵାନୀ ସତୀ ।
ନଂଦିସ୍କଂଦଗଣାଧିରାଜସହିତା ଶ୍ରୀଵିଶ୍ଵନାଥପ୍ରଭୁଃ
କାଶୀମଂଦିରସଂସ୍ଥିତୋଽଖିଲଗୁରୁର୍ଦେଯାତ୍ସଦା ମଂଗଲମ୍ ॥ 1॥
ଯୋ ଦେଵୈରସୁରୈର୍ମୁନୀଂଦ୍ରତନଯୈର୍ଗଂଧର୍ଵଯକ୍ଷୋରଗୈ-
ର୍ନାଗୈର୍ଭୂତଲଵାସିଭିର୍ଦ୍ଵିଜଵରୈଃ ସଂସେଵିତଃ ସିଦ୍ଧଯେ ।
ଯା ଗଂଗୋତ୍ତରଵାହିନୀ ପରିସରେ ତୀର୍ଥେରସଂଖ୍ଯୈର୍ଵୃତା
ସା କାଶୀ ତ୍ରିପୁରାରିରାଜନଗରୀ ଦେଯାତ୍ସଦା ମଂଗଲମ୍ ॥ 2॥
ତୀର୍ଥାନାଂ ପ୍ରଵରା ମନୋରଥକରୀ ସଂସାରପାରାପରା-
ନଂଦା ନଂଦିଗଣେଶ୍ଵରୈରୁପହିତା ଦେଵୈରଶେଷୈଃ ସ୍ତୁତା ।
ଯା ଶଂଭୋର୍ମଣିକୁଂଡଲୈକକଣିକା ଵିଷ୍ଣୋସ୍ତପୋଦୀର୍ଘିକା
ସେଯଂ ଶ୍ରୀମଣିକର୍ଣିକା ଭଗଵତୀ ଦେଯାତ୍ସଦା ମଂଗଲମ୍ ॥ 3॥
ଏଷା ଧର୍ମପତାକିନୀ ତଟରୁହାସେଵାଵସନ୍ନାକିନୀ
ପଶ୍ଯନ୍ପାତକିନୀ ଭଗୀରଥତପଃସାଫଲ୍ଯଦେଵାକିନୀ ।
ପ୍ରେମାରୂଢପତାକିନୀ ଗିରିସୁତା ସା କେକରାସ୍ଵାକିନୀ
କାଶ୍ଯାମୁତ୍ତରଵାହିନୀ ସୁରନଦୀ ଦେଯାତ୍ସଦା ମଂଗଲମ୍ ॥ 4॥
ଵିଘ୍ନାଵାସନିଵାସକାରଣମହାଗଂଡସ୍ଥଲାଲଂବିତଃ
ସିଂଦୂରାରୁଣପୁଂଜଚଂଦ୍ରକିରଣପ୍ରଚ୍ଛାଦିନାଗଚ୍ଛଵିଃ ।
ଶ୍ରୀଵିଶ୍ଵେଶ୍ଵରଵଲ୍ଲଭୋ ଗିରିଜଯା ସାନଂଦକାନଂଦିତଃ
ସ୍ମେରାସ୍ଯସ୍ତଵ ଢୁଂଢିରାଜମୁଦିତୋ ଦେଯାତ୍ସଦା ମଂଗଲମ୍ ॥। 5॥ ।
କେଦାରଃ କଲଶେଶ୍ଵରଃ ପଶୁପତିର୍ଧର୍ମେଶ୍ଵରୋ ମଧ୍ଯମୋ
ଜ୍ଯେଷ୍ଠେଶୋ ପଶୁପଶ୍ଚ କଂଦୁକଶିଵୋ ଵିଘ୍ନେଶ୍ଵରୋ ଜଂବୁକଃ ।
ଚଂଦ୍ରେଶୋ ହ୍ଯମୃତେଶ୍ଵରୋ ଭୃଗୁଶିଵଃ ଶ୍ରୀଵୃଦ୍ଧକାଲେଶ୍ଵରୋ
ମଧ୍ଯେଶୋ ମଣିକର୍ଣିକେଶ୍ଵରଶିଵୋ ଦେଯାତ୍ସଦା ମଂଗଲମ୍ ॥ 6॥
ଗୋକର୍ଣସ୍ତ୍ଵଥ ଭାରଭୂତନୁଦନୁଃ ଶ୍ରୀଚିତ୍ରଗୁପ୍ତେଶ୍ଵରୋ
ଯକ୍ଷେଶସ୍ତିଲପର୍ଣସଂଗମଶିଵୋ ଶୈଲେଶ୍ଵରଃ କଶ୍ଯପଃ ।
ନାଗେଶୋଽଗ୍ନିଶିଵୋ ନିଧୀଶ୍ଵରଶିଵୋଽଗସ୍ତୀଶ୍ଵରସ୍ତାରକ-
ଜ୍ଞାନେଶୋଽପି ପିତାମହେଶ୍ଵରଶିଵୋ ଦେଯାତ୍ସଦା ମଂଗଲମ୍ ॥ 7॥
ବ୍ରହ୍ମାଂଡଂ ସକଲଂ ମନୋଷିତରସୈ ରତ୍ନୈଃ ପଯୋଭିର୍ହରଂ
ଖେଲୈଃ ପୂରଯତେ କୁଟୁଂବନିଲଯାନ୍ ଶଂଭୋର୍ଵିଲାସପ୍ରଦା ।
ନାନାଦିଵ୍ଯଲତାଵିଭୂଷିତଵପୁଃ କାଶୀପୁରାଧୀଶ୍ଵରୀ
ଶ୍ରୀଵିଶ୍ଵେଶ୍ଵରସୁଂଦରୀ ଭଗଵତୀ ଦେଯାତ୍ସଦା ମଂଗଲମ୍ ॥ 8॥
ଯା ଦେଵୀ ମହିଷାସୁରପ୍ରମଥନୀ ଯା ଚଂଡମୁଂଡାପହା
ଯା ଶୁଂଭାସୁରରକ୍ତବୀଜଦମନୀ ଶକ୍ରାଦିଭିଃ ସଂସ୍ତୁତା ।
ଯା ଶୂଲାସିଧନୁଃଶରାଭଯକରା ଦୁର୍ଗାଦିସଂଦକ୍ଷିଣା-
ମାଶ୍ରିତ୍ଯାଶ୍ରିତଵିଘ୍ନଶଂସମଯତୁ ଦେଯାତ୍ସଦା ମଂଗଲମ୍ ॥ 9॥
ଆଦ୍ଯା ଶ୍ରୀର୍ଵିକଟା ତତସ୍ତୁ ଵିରଜା ଶ୍ରୀମଂଗଲା ପାର୍ଵତୀ
ଵିଖ୍ଯାତା କମଲା ଵିଶାଲନଯନା ଜ୍ଯେଷ୍ଠା ଵିଶିଷ୍ଟାନନା ।
କାମାକ୍ଷୀ ଚ ହରିପ୍ରିଯା ଭଗଵତୀ ଶ୍ରୀଘଂଟଘଂଟାଦିକା
ମୌର୍ଯା ଷଷ୍ଟିସହସ୍ରମାତୃସହିତା ଦେଯାତ୍ସଦା ମଂଗଲମ୍ ॥ 10॥
ଆଦୌ ପଂଚନଦଂ ପ୍ରଯାଗମପରଂ କେଦାରକୁଂଡଂ କୁରୁ-
କ୍ଷେତ୍ରଂ ମାନସକଂ ସରୋଽମୃତଜଲଂ ଶାଵସ୍ଯ ତୀର୍ଥଂ ପରମ୍ ।
ମତ୍ସ୍ଯୋଦର୍ଯଥ ଦଂଡଖାଂଡସଲିଲଂ ମଂଦାକିନୀ ଜଂବୁକଂ
ଘଂଟାକର୍ଣସମୁଦ୍ରକୂପସହିତୋ ଦେଯାତ୍ସଦା ମଂଗଲମ୍ ॥ 11॥
ରେଵାକୁଂଡଜଲଂ ସରସ୍ଵତିଜଲଂ ଦୁର୍ଵାସକୁଂଡଂ ତତୋ
ଲକ୍ଷ୍ମୀତୀର୍ଥଲଵାଂକୁଶସ୍ଯ ସଲିଲଂ କଂଦର୍ପକୁଂଡଂ ତଥା ।
ଦୁର୍ଗାକୁଂଡମସୀଜଲଂ ହନୁମତଃ କୁଂଡପ୍ରତାପୋର୍ଜିତଃ
ପ୍ରଜ୍ଞାନପ୍ରମୁଖାନି ଵଃ ପ୍ରତିଦିନଂ ଦେଯାତ୍ସଦା ମଂଗଲମ୍ ॥ 12॥
ଆଦ୍ଯଃ କୂପଵରସ୍ତୁ କାଲଦମନଃ ଶ୍ରୀଵୃଦ୍ଧକୂପୋଽପରୋ
ଵିଖ୍ଯାତସ୍ତୁ ପରାଶରସ୍ତୁ ଵିଦିତଃ କୂପଃ ସରୋ ମାନସଃ ।
ଜୈଗୀଷଵ୍ଯମୁନେଃ ଶଶାଂକନୃପତେଃ କୂପସ୍ତୁ ଧର୍ମୋଦ୍ଭଵଃ
ଖ୍ଯାତଃ ସପ୍ତସମୁଦ୍ରକୂପସହିତୋ ଦେଯାତ୍ସଦା ମଂଗଲମ୍ ॥ 13॥
ଲକ୍ଷ୍ଯୀନାଯକବିଂଦୁମାଧଵହରିର୍ଲକ୍ଷ୍ମୀନୃସିଂହସ୍ତତୋ
ଗୋଵିଂଦସ୍ତ୍ଵଥ ଗୋପିକାପ୍ରିଯତମଃ ଶ୍ରୀନାରଦଃ କେଶଵଃ ।
ଗଂଗାକେଶଵଵାମନାଖ୍ଯତଦନୁ ଶ୍ଵେତୋ ହରିଃ କେଶଵଃ
ପ୍ରହ୍ଲାଦାଦିସମସ୍ତକେଶଵଗଣୋ ଦେଯାତ୍ସଦା ମଂଗଲମ୍ ॥ 14॥
ଲୋଲାର୍କୋ ଵିମଲାର୍କମାଯୁଖରଵିଃ ସଂଵର୍ତସଂଜ୍ଞୋ ରଵି-
ର୍ଵିଖ୍ଯାତୋ ଦ୍ରୁପଦୁଃଖଖୋଲ୍କମରୁଣଃ ପ୍ରୋକ୍ତୋତ୍ତରାର୍କୋ ରଵିଃ ।
ଗଂଗାର୍କସ୍ତ୍ଵଥ ଵୃଦ୍ଧଵୃଦ୍ଧିଵିବୁଧା କାଶୀପୁରୀସଂସ୍ଥିତାଃ
ସୂର୍ଯା ଦ୍ଵାଦଶସଂଜ୍ଞକାଃ ପ୍ରତିଦିନଂ ଦେଯାତ୍ସଦା ମଂଗଲମ୍ ॥ 15॥
ଆଦ୍ଯୋ ଢୁଂଢିଵିନାଯକୋ ଗଣପତିଶ୍ଚିଂତାମଣିଃ ସିଦ୍ଧିଦଃ
ସେନାଵିଘ୍ନପତିସ୍ତୁ ଵକ୍ତ୍ରଵଦନଃ ଶ୍ରୀପାଶପାଣିଃ ପ୍ରଭୁଃ ।
ଆଶାପକ୍ଷଵିନାଯକାପ୍ରଷକରୋ ମୋଦାଦିକଃ ଷଡ୍ଗୁଣୋ
ଲୋଲାର୍କାଦିଵିନାଯକାଃ ପ୍ରତିଦିନଂ ଦେଯାତ୍ସଦା ମଂଗଲମ୍ ॥ 16॥।
ହେରଂବୋ ନଲକୂବରୋ ଗଣପତିଃ ଶ୍ରୀଭୀମଚଂଡୀଗଣୋ
ଵିଖ୍ଯାତୋ ମଣିକର୍ଣିକାଗଣପତିଃ ଶ୍ରୀସିଦ୍ଧିଦୋ ଵିଘ୍ନପଃ ।
ମୁଂଡଶ୍ଚଂଡମୁଖଶ୍ଚ କଷ୍ଟହରଣଃ ଶ୍ରୀଦଂଡହସ୍ତୋ ଗଣଃ
ଶ୍ରୀଦୁର୍ଗାଖ୍ଯଗଣାଧିପଃ ପ୍ରତିଦିନଂ ଦେଯାତ୍ସଦା ମଂଗଲମ୍ ॥ 17॥
ଆଦ୍ଯୋ ଭୈରଵଭୀଷଣସ୍ତଦପରଃ ଶ୍ରୀକାଲରାଜଃ କ୍ରମା-
ଚ୍ଛ୍ରୀସଂହାରକଭୈରଵସ୍ତ୍ଵଥ ରୁରୁଶ୍ଚୋନ୍ମତ୍ତକୋ ଭୈରଵଃ ।
କ୍ରୋଧଶ୍ଚଂଡକପାଲଭୈରଵଵରଃ ଶ୍ରୀଭୂତନାଥାଦଯୋ
ହ୍ଯଷ୍ଟୌ ଭୈରଵମୂର୍ତଯଃ ପ୍ରତିଦିନଂ ଦେଯାତ୍ସଦା ମଂଗଲମ୍ ॥ 18॥
ଆଧାତୋଽଂବିକଯା ସହ ତ୍ରିନଯନଃ ସାର୍ଧଂ ଗଣୈର୍ନଂଦିତାଂ
କାଶୀମାଶୁ ଵିଶନ୍ ହରଃ ପ୍ରଥମତୋ ଵାର୍ଷଧ୍ଵଜେଽଵସ୍ଥିତଃ ।
ଆଯାତା ଦଶ ଧେନଵଃ ସୁକପିଲା ଦିଵ୍ଯୈଃ ପଯୋଭିର୍ହରଂ
ଖ୍ଯାତଂ ତଦ୍ଵୃଷଭଧ୍ଵଜେନ କପିଲଂ ଦେଯାତ୍ସଦା ମଂଗଲମ୍ ॥ 19॥
ଆନଂଦାଖ୍ଯଵନଂ ହି ଚଂପକଵନଂ ଶ୍ରୀନୈମିଷଂ ଖାଂଡଵଂ
ପୁଣ୍ଯଂ ଚୈତ୍ରରଥଂ ତ୍ଵଶାକଵିପିନଂ ରଂଭାଵନଂ ପାଵନମ୍ ।
ଦୁର୍ଗାରଣ୍ଯମଥୋଽପି କୈରଵଵନଂ ଵୃଂଦାଵନଂ ପାଵନଂ
ଵିଖ୍ଯାତାନି ଵନାନି ଵଃ ପ୍ରତିଦିନଂ ଦେଯାତ୍ସଦା ମଂଗଲମ୍ ॥ 20॥
ଅଲିକୁଲଦଲନୀଲଃ କାଲଦଂଷ୍ଟ୍ରାକରାଲଃ
ସଜଲଜଲଦନୀଲୋ ଵ୍ଯାଲଯଜ୍ଞୋପଵୀତଃ ।
ଅଭଯଵରଦହସ୍ତୋ ଡାମରୋଦ୍ଦାମନାଦଃ
ସକଲଦୁରିତଭକ୍ଷୋ ମଂଗଲଂ ଵୋ ଦଦାତୁ ॥ 21॥
ଅର୍ଧାଂଗେ ଵିକଟା ଗିରୀଂଦ୍ରତନଯା ଗୌରୀ ସତୀ ସୁଂଦରୀ
ସର୍ଵାଂଗେ ଵିଲସଦ୍ଵିଭୂତିଧଵଲୋ କାଲୋ ଵିଶାଲେକ୍ଷଣଃ ।
ଵୀରେଶଃ ସହନଂଦିଭୃଂଗିସହିତଃ ଶ୍ରୀଵିଶ୍ଵନାଥଃ ପ୍ରଭୁଃ
କାଶୀମଂଦିରସଂସ୍ଥିତୋଽଖିଲଗୁରୁର୍ଦେଯାତ୍ସଦା ମଂଗଲମ୍ ॥ 22॥
ଯଃ ପ୍ରାତଃ ପ୍ରଯତଃ ପ୍ରସନ୍ନମନସା ପ୍ରେମପ୍ରମୋଦାକୁଲଃ
ଖ୍ଯାତଂ ତତ୍ର ଵିଶିଷ୍ଟପାଦଭୁଵନେଶେଂଦ୍ରାଦିଭିର୍ଯତ୍ସ୍ତୁତମ୍ ।
ପ୍ରାତଃ ପ୍ରାଙ୍ମୁଖମାସନୋତ୍ତମଗତୋ ବ୍ରୂଯାଚ୍ଛୃଣୋତ୍ଯାଦରାତ୍
କାଶୀଵାସମୁଖାନ୍ଯଵାପ୍ଯ ସତତଂ ପ୍ରୀତେ ଶିଵେ ଧୂର୍ଜଟି ॥ 23॥
ଇତି ଶ୍ରୀମଚ୍ଛଂକରାଚାର୍ଯଵିରଚିତଂ କାଶୀଵିଶ୍ଵନାଥସ୍ତୋତ୍ରମ୍ ॥
Browse Related Categories:
