ଜ୍ଞାନାନଂଦମଯଂ ଦେଵଂ ନିର୍ମଲସ୍ଫଟିକାକୃତିଂ
ଆଧାରଂ ସର୍ଵଵିଦ୍ଯାନାଂ ହଯଗ୍ରୀଵମୁପାସ୍ମହେ ॥1॥
ସ୍ଵତସ୍ସିଦ୍ଧଂ ଶୁଦ୍ଧସ୍ଫଟିକମଣିଭୂ ଭୃତ୍ପ୍ରତିଭଟଂ
ସୁଧାସଧ୍ରୀଚୀଭିର୍ଦ୍ଯୁତିଭିରଵଦାତତ୍ରିଭୁଵନଂ
ଅନଂତୈସ୍ତ୍ରଯ୍ଯଂତୈରନୁଵିହିତ ହେଷାହଲହଲଂ
ହତାଶେଷାଵଦ୍ଯଂ ହଯଵଦନମୀଡେମହିମହଃ ॥2॥
ସମାହାରସ୍ସାମ୍ନାଂ ପ୍ରତିପଦମୃଚାଂ ଧାମ ଯଜୁଷାଂ
ଲଯଃ ପ୍ରତ୍ଯୂହାନାଂ ଲହରିଵିତତିର୍ବୋଧଜଲଧେଃ
କଥାଦର୍ପକ୍ଷୁଭ୍ଯତ୍କଥକକୁଲକୋଲାହଲଭଵଂ
ହରତ୍ଵଂତର୍ଧ୍ଵାଂତଂ ହଯଵଦନହେଷାହଲହଲଃ ॥3॥
ପ୍ରାଚୀ ସଂଧ୍ଯା କାଚିଦଂତର୍ନିଶାଯାଃ
ପ୍ରଜ୍ଞାଦୃଷ୍ଟେ ରଂଜନଶ୍ରୀରପୂର୍ଵା
ଵକ୍ତ୍ରୀ ଵେଦାନ୍ ଭାତୁ ମେ ଵାଜିଵକ୍ତ୍ରା
ଵାଗୀଶାଖ୍ଯା ଵାସୁଦେଵସ୍ଯ ମୂର୍ତିଃ ॥4॥
ଵିଶୁଦ୍ଧଵିଜ୍ଞାନଘନସ୍ଵରୂପଂ
ଵିଜ୍ଞାନଵିଶ୍ରାଣନବଦ୍ଧଦୀକ୍ଷଂ
ଦଯାନିଧିଂ ଦେହଭୃତାଂ ଶରଣ୍ଯଂ
ଦେଵଂ ହଯଗ୍ରୀଵମହଂ ପ୍ରପଦ୍ଯେ ॥5॥
ଅପୌରୁଷେଯୈରପି ଵାକ୍ପ୍ରପଂଚୈଃ
ଅଦ୍ଯାପି ତେ ଭୂତିମଦୃଷ୍ଟପାରାଂ
ସ୍ତୁଵନ୍ନହଂ ମୁଗ୍ଧ ଇତି ତ୍ଵଯୈଵ
କାରୁଣ୍ଯତୋ ନାଥ କଟାକ୍ଷଣୀଯଃ ॥6॥
ଦାକ୍ଷିଣ୍ଯରମ୍ଯା ଗିରିଶସ୍ଯ ମୂର୍ତିଃ-
ଦେଵୀ ସରୋଜାସନଧର୍ମପତ୍ନୀ
ଵ୍ଯାସାଦଯୋଽପି ଵ୍ଯପଦେଶ୍ଯଵାଚଃ
ସ୍ଫୁରଂତି ସର୍ଵେ ତଵ ଶକ୍ତିଲେଶୈଃ ॥7॥
ମଂଦୋଽଭଵିଷ୍ଯନ୍ନିଯତଂ ଵିରିଂଚଃ
ଵାଚାଂ ନିଧେର୍ଵାଂଛିତଭାଗଧେଯଃ
ଦୈତ୍ଯାପନୀତାନ୍ ଦଯଯୈନ ଭୂଯୋଽପି
ଅଧ୍ଯାପଯିଷ୍ଯୋ ନିଗମାନ୍ନଚେତ୍ତ୍ଵମ୍ ॥8॥
ଵିତର୍କଡୋଲାଂ ଵ୍ଯଵଧୂଯ ସତ୍ତ୍ଵେ
ବୃହସ୍ପତିଂ ଵର୍ତଯସେ ଯତସ୍ତ୍ଵଂ
ତେନୈଵ ଦେଵ ତ୍ରିଦେଶେଶ୍ଵରାଣା
ଅସ୍ପୃଷ୍ଟଡୋଲାଯିତମାଧିରାଜ୍ଯମ୍ ॥9॥
ଅଗ୍ନୌ ସମିଦ୍ଧାର୍ଚିଷି ସପ୍ତତଂତୋଃ
ଆତସ୍ଥିଵାନ୍ମଂତ୍ରମଯଂ ଶରୀରଂ
ଅଖଂଡସାରୈର୍ହଵିଷାଂ ପ୍ରଦାନୈଃ
ଆପ୍ଯାଯନଂ ଵ୍ଯୋମସଦାଂ ଵିଧତ୍ସେ ॥10॥
ଯନ୍ମୂଲ ମୀଦୃକ୍ପ୍ରତିଭାତତ୍ତ୍ଵଂ
ଯା ମୂଲମାମ୍ନାଯମହାଦ୍ରୁମାଣାଂ
ତତ୍ତ୍ଵେନ ଜାନଂତି ଵିଶୁଦ୍ଧସତ୍ତ୍ଵାଃ
ତ୍ଵାମକ୍ଷରାମକ୍ଷରମାତୃକାଂ ତ୍ଵାଂ ॥11॥
ଅଵ୍ଯାକୃତାଦ୍ଵ୍ଯାକୃତଵାନସି ତ୍ଵଂ
ନାମାନି ରୂପାଣି ଚ ଯାନି ପୂର୍ଵଂ
ଶଂସଂତି ତେଷାଂ ଚରମାଂ ପ୍ରତିଷ୍ଠାଂ
ଵାଗୀଶ୍ଵର ତ୍ଵାଂ ତ୍ଵଦୁପଜ୍ଞଵାଚଃ ॥12॥
ମୁଗ୍ଧେଂଦୁନିଷ୍ଯଂଦଵିଲୋଭନୀଯାଂ
ମୂର୍ତିଂ ତଵାନଂଦସୁଧାପ୍ରସୂତିଂ
ଵିପଶ୍ଚିତଶ୍ଚେତସି ଭାଵଯଂତେ
ଵେଲାମୁଦାରାମିଵ ଦୁଗ୍ଧ ସିଂଧୋଃ ॥13॥
ମନୋଗତଂ ପଶ୍ଯତି ଯସ୍ସଦା ତ୍ଵାଂ
ମନୀଷିଣାଂ ମାନସରାଜହଂସଂ
ସ୍ଵଯଂପୁରୋଭାଵଵିଵାଦଭାଜଃ
କିଂକୁର୍ଵତେ ତସ୍ଯ ଗିରୋ ଯଥାର୍ହମ୍ ॥14॥
ଅପି କ୍ଷଣାର୍ଧଂ କଲଯଂତି ଯେ ତ୍ଵାଂ
ଆପ୍ଲାଵଯଂତଂ ଵିଶଦୈର୍ମଯୂଖୈଃ
ଵାଚାଂ ପ୍ରଵାହୈରନିଵାରିତୈସ୍ତେ
ମଂଦାକିନୀଂ ମଂଦଯିତୁଂ କ୍ଷମଂତେ ॥15॥
ସ୍ଵାମିନ୍ଭଵଦ୍ଦ୍ଯାନସୁଧାଭିଷେକାତ୍
ଵହଂତି ଧନ୍ଯାଃ ପୁଲକାନୁବଂଦଂ
ଅଲକ୍ଷିତେ କ୍ଵାପି ନିରୂଢ ମୂଲଂ
ଅଂଗ୍ଵେଷ୍ଵି ଵାନଂଦଥୁମଂକୁରଂତମ୍ ॥16॥
ସ୍ଵାମିନ୍ପ୍ରତୀଚା ହୃଦଯେନ ଧନ୍ଯାଃ
ତ୍ଵଦ୍ଧ୍ଯାନଚଂଦ୍ରୋଦଯଵର୍ଧମାନଂ
ଅମାଂତମାନଂଦପଯୋଧିମଂତଃ
ପଯୋଭି ରକ୍ଷ୍ଣାଂ ପରିଵାହଯଂତି ॥17॥
ସ୍ଵୈରାନୁଭାଵାସ୍ ତ୍ଵଦଧୀନଭାଵାଃ
ସମୃଦ୍ଧଵୀର୍ଯାସ୍ତ୍ଵଦନୁଗ୍ରହେଣ
ଵିପଶ୍ଚିତୋନାଥ ତରଂତି ମାଯାଂ
ଵୈହାରିକୀଂ ମୋହନପିଂଛିକାଂ ତେ ॥18॥
ପ୍ରାଙ୍ନିର୍ମିତାନାଂ ତପସାଂ ଵିପାକାଃ
ପ୍ରତ୍ଯଗ୍ରନିଶ୍ଶ୍ରେଯସସଂପଦୋ ମେ
ସମେଧିଷୀରଂ ସ୍ତଵ ପାଦପଦ୍ମେ
ସଂକଲ୍ପଚିଂତାମଣଯଃ ପ୍ରଣାମାଃ ॥19॥
ଵିଲୁପ୍ତମୂର୍ଧନ୍ଯଲିପିକ୍ରମାଣା
ସୁରେଂଦ୍ରଚୂଡାପଦଲାଲିତାନାଂ
ତ୍ଵଦଂଘ୍ରି ରାଜୀଵରଜଃକଣାନାଂ
ଭୂଯାନ୍ପ୍ରସାଦୋ ମଯି ନାଥ ଭୂଯାତ୍ ॥20॥
ପରିସ୍ଫୁରନ୍ନୂପୁରଚିତ୍ରଭାନୁ –
ପ୍ରକାଶନିର୍ଧୂତତମୋନୁଷଂଗା
ପଦଦ୍ଵଯୀଂ ତେ ପରିଚିନ୍ମହେଽଂତଃ
ପ୍ରବୋଧରାଜୀଵଵିଭାତସଂଧ୍ଯାମ୍ ॥21॥
ତ୍ଵତ୍କିଂକରାଲଂକରଣୋଚିତାନାଂ
ତ୍ଵଯୈଵ କଲ୍ପାଂତରପାଲିତାନାଂ
ମଂଜୁପ୍ରଣାଦଂ ମଣିନୂପୁରଂ ତେ
ମଂଜୂଷିକାଂ ଵେଦଗିରାଂ ପ୍ରତୀମଃ ॥22॥
ସଂଚିଂତଯାମି ପ୍ରତିଭାଦଶାସ୍ଥାନ୍
ସଂଧୁକ୍ଷଯଂତଂ ସମଯପ୍ରଦୀପାନ୍
ଵିଜ୍ଞାନକଲ୍ପଦ୍ରୁମପଲ୍ଲଵାଭଂ
ଵ୍ଯାଖ୍ଯାନମୁଦ୍ରାମଧୁରଂ କରଂ ତେ ॥23॥
ଚିତ୍ତେ କରୋମି ସ୍ଫୁରିତାକ୍ଷମାଲଂ
ସଵ୍ଯେତରଂ ନାଥ କରଂ ତ୍ଵଦୀଯଂ
ଜ୍ଞାନାମୃତୋଦଂଚନଲଂପଟାନାଂ
ଲୀଲାଘଟୀଯଂତ୍ରମିଵାଽଽଶ୍ରିତାନାମ୍ ॥24॥
ପ୍ରବୋଧସିଂଧୋରରୁଣୈଃ ପ୍ରକାଶୈଃ
ପ୍ରଵାଳସଂଘାତମିଵୋଦ୍ଵହଂତଂ
ଵିଭାଵଯେ ଦେଵ ସ ପୁସ୍ତକଂ ତେ
ଵାମଂ କରଂ ଦକ୍ଷିଣମାଶ୍ରିତାନାମ୍ ॥25॥
ତମାଂ ସିଭିତ୍ତ୍ଵାଵିଶଦୈର୍ମଯୂଖୈଃ
ସଂପ୍ରୀଣଯଂତଂ ଵିଦୁଷଶ୍ଚକୋରାନ୍
ନିଶାମଯେ ତ୍ଵାଂ ନଵପୁଂଡରୀକେ
ଶରଦ୍ଘନେଚଂଦ୍ରମିଵ ସ୍ଫୁରଂତମ୍ ॥26॥
ଦିଶଂତୁ ମେ ଦେଵ ସଦା ତ୍ଵଦୀଯାଃ
ଦଯାତରଂଗାନୁଚରାଃ କଟାକ୍ଷାଃ
ଶ୍ରୋତ୍ରେଷୁ ପୁଂସାମମୃତଂକ୍ଷରଂତୀଂ
ସରସ୍ଵତୀଂ ସଂଶ୍ରିତକାମଧେନୁମ୍ ॥27॥
ଵିଶେଷଵିତ୍ପାରିଷଦେଷୁ ନାଥ
ଵିଦଗ୍ଧଗୋଷ୍ଠୀ ସମରାଂଗଣେଷୁ
ଜିଗୀଷତୋ ମେ କଵିତାର୍କିକେଂଦ୍ରାନ୍
ଜିହ୍ଵାଗ୍ରସିଂହାସନମଭ୍ଯୁପେଯାଃ ॥28॥
ତ୍ଵାଂ ଚିଂତଯନ୍ ତ୍ଵନ୍ମଯତାଂ ପ୍ରପନ୍ନଃ
ତ୍ଵାମୁଦ୍ଗୃଣନ୍ ଶବ୍ଦମଯେନ ଧାମ୍ନା
ସ୍ଵାମିନ୍ସମାଜେଷୁ ସମେଧିଷୀଯ
ସ୍ଵଚ୍ଛଂଦଵାଦାହଵବଦ୍ଧଶୂରଃ ॥29॥
ନାନାଵିଧାନାମଗତିଃ କଲାନାଂ
ନ ଚାପି ତୀର୍ଥେଷୁ କୃତାଵତାରଃ
ଧ୍ରୁଵଂ ତଵାଽନାଧ ପରିଗ୍ରହାଯାଃ
ନଵ ନଵଂ ପାତ୍ରମହଂ ଦଯାଯାଃ ॥30॥
ଅକଂପନୀଯାନ୍ଯପନୀତିଭେଦୈଃ
ଅଲଂକୃଷୀରନ୍ ହୃଦଯଂ ମଦୀଯମ୍
ଶଂକା କଳଂକା ପଗମୋଜ୍ଜ୍ଵଲାନି
ତତ୍ତ୍ଵାନି ସମ୍ଯଂଚି ତଵ ପ୍ରସାଦାତ୍ ॥31॥
ଵ୍ଯାଖ୍ଯାମୁଦ୍ରାଂ କରସରସିଜୈଃ ପୁସ୍ତକଂ ଶଂଖଚକ୍ରେ
ଭିଭ୍ରଦ୍ଭିନ୍ନ ସ୍ଫଟିକରୁଚିରେ ପୁଂଡରୀକେ ନିଷଣ୍ଣଃ ।
ଅମ୍ଲାନଶ୍ରୀରମୃତଵିଶଦୈରଂଶୁଭିଃ ପ୍ଲାଵଯନ୍ମାଂ
ଆଵିର୍ଭୂଯାଦନଘମହିମାମାନସେ ଵାଗଧୀଶଃ ॥32॥
ଵାଗର୍ଥସିଦ୍ଧିହେତୋଃପଠତ ହଯଗ୍ରୀଵସଂସ୍ତୁତିଂ ଭକ୍ତ୍ଯା
କଵିତାର୍କିକକେସରିଣା ଵେଂକଟନାଥେନ ଵିରଚିତାମେତାମ୍ ॥33॥
Browse Related Categories:
