ଓଂ ଶୁକ୍ଲାଂବରଧରଂ ଵିଷ୍ଣୁଂ ଶଶିଵର୍ଣଂ ଚତୁର୍ଭୁଜମ୍ ।
ପ୍ରସନ୍ନଵଦନଂ ଧ୍ଯାଯେତ୍ ସର୍ଵଵିଘ୍ନୋପଶାଂତଯେ ॥ 1 ॥
ଯସ୍ଯଦ୍ଵିରଦଵକ୍ତ୍ରାଦ୍ଯାଃ ପାରିଷଦ୍ଯାଃ ପରଃ ଶତମ୍ ।
ଵିଘ୍ନଂ ନିଘ୍ନଂତି ସତତଂ ଵିଷ୍ଵକ୍ସେନଂ ତମାଶ୍ରଯେ ॥ 2 ॥
ପୂର୍ଵ ପୀଠିକା
ଵ୍ଯାସଂ ଵସିଷ୍ଠ ନପ୍ତାରଂ ଶକ୍ତେଃ ପୌତ୍ରମକଲ୍ମଷଂ ।
ପରାଶରାତ୍ମଜଂ ଵଂଦେ ଶୁକତାତଂ ତପୋନିଧିଂ ॥ 3 ॥
ଵ୍ଯାସାଯ ଵିଷ୍ଣୁ ରୂପାଯ ଵ୍ଯାସରୂପାଯ ଵିଷ୍ଣଵେ ।
ନମୋ ଵୈ ବ୍ରହ୍ମନିଧଯେ ଵାସିଷ୍ଠାଯ ନମୋ ନମଃ ॥ 4 ॥
ଅଵିକାରାଯ ଶୁଦ୍ଧାଯ ନିତ୍ଯାଯ ପରମାତ୍ମନେ ।
ସଦୈକ ରୂପ ରୂପାଯ ଵିଷ୍ଣଵେ ସର୍ଵଜିଷ୍ଣଵେ ॥ 5 ॥
ଯସ୍ଯ ସ୍ମରଣମାତ୍ରେଣ ଜନ୍ମସଂସାରବଂଧନାତ୍ ।
ଵିମୁଚ୍ଯତେ ନମସ୍ତସ୍ମୈ ଵିଷ୍ଣଵେ ପ୍ରଭଵିଷ୍ଣଵେ ॥ 6 ॥
ଓଂ ନମୋ ଵିଷ୍ଣଵେ ପ୍ରଭଵିଷ୍ଣଵେ ।
ଶ୍ରୀ ଵୈଶଂପାଯନ ଉଵାଚ
ଶ୍ରୁତ୍ଵା ଧର୍ମା ନଶେଷେଣ ପାଵନାନି ଚ ସର୍ଵଶଃ ।
ଯୁଧିଷ୍ଠିରଃ ଶାଂତନଵଂ ପୁନରେଵାଭ୍ଯ ଭାଷତ ॥ 7 ॥
ଯୁଧିଷ୍ଠିର ଉଵାଚ
କିମେକଂ ଦୈଵତଂ ଲୋକେ କିଂ ଵାଽପ୍ଯେକଂ ପରାଯଣଂ
ସ୍ତୁଵଂତଃ କଂ କମର୍ଚଂତଃ ପ୍ରାପ୍ନୁଯୁର୍ମାନଵାଃ ଶୁଭମ୍ ॥ 8 ॥
କୋ ଧର୍ମଃ ସର୍ଵଧର୍ମାଣାଂ ଭଵତଃ ପରମୋ ମତଃ ।
କିଂ ଜପନ୍ମୁଚ୍ଯତେ ଜଂତୁର୍ଜନ୍ମସଂସାର ବଂଧନାତ୍ ॥ 9 ॥
ଶ୍ରୀ ଭୀଷ୍ମ ଉଵାଚ
ଜଗତ୍ପ୍ରଭୁଂ ଦେଵଦେଵ ମନଂତଂ ପୁରୁଷୋତ୍ତମଂ ।
ସ୍ତୁଵନ୍ନାମ ସହସ୍ରେଣ ପୁରୁଷଃ ସତତୋତ୍ଥିତଃ ॥ 10 ॥
ତମେଵ ଚାର୍ଚଯନ୍ନିତ୍ଯଂ ଭକ୍ତ୍ଯା ପୁରୁଷମଵ୍ଯଯଂ ।
ଧ୍ଯାଯନ୍ ସ୍ତୁଵନ୍ନମସ୍ଯଂଶ୍ଚ ଯଜମାନସ୍ତମେଵ ଚ ॥ 11 ॥
ଅନାଦି ନିଧନଂ ଵିଷ୍ଣୁଂ ସର୍ଵଲୋକ ମହେଶ୍ଵରଂ ।
ଲୋକାଧ୍ଯକ୍ଷଂ ସ୍ତୁଵନ୍ନିତ୍ଯଂ ସର୍ଵ ଦୁଃଖାତିଗୋ ଭଵେତ୍ ॥ 12 ॥
ବ୍ରହ୍ମଣ୍ଯଂ ସର୍ଵ ଧର୍ମଜ୍ଞଂ ଲୋକାନାଂ କୀର୍ତି ଵର୍ଧନଂ ।
ଲୋକନାଥଂ ମହଦ୍ଭୂତଂ ସର୍ଵଭୂତ ଭଵୋଦ୍ଭଵମ୍॥ 13 ॥
ଏଷ ମେ ସର୍ଵ ଧର୍ମାଣାଂ ଧର୍ମୋଽଧିକ ତମୋମତଃ ।
ଯଦ୍ଭକ୍ତ୍ଯା ପୁଂଡରୀକାକ୍ଷଂ ସ୍ତଵୈରର୍ଚେନ୍ନରଃ ସଦା ॥ 14 ॥
ପରମଂ ଯୋ ମହତ୍ତେଜଃ ପରମଂ ଯୋ ମହତ୍ତପଃ ।
ପରମଂ ଯୋ ମହଦ୍ବ୍ରହ୍ମ ପରମଂ ଯଃ ପରାଯଣମ୍ । 15 ॥
ପଵିତ୍ରାଣାଂ ପଵିତ୍ରଂ ଯୋ ମଂଗଳାନାଂ ଚ ମଂଗଳଂ ।
ଦୈଵତଂ ଦେଵତାନାଂ ଚ ଭୂତାନାଂ ଯୋଽଵ୍ଯଯଃ ପିତା ॥ 16 ॥
ଯତଃ ସର୍ଵାଣି ଭୂତାନି ଭଵଂତ୍ଯାଦି ଯୁଗାଗମେ ।
ଯସ୍ମିଂଶ୍ଚ ପ୍ରଲଯଂ ଯାଂତି ପୁନରେଵ ଯୁଗକ୍ଷଯେ ॥ 17 ॥
ତସ୍ଯ ଲୋକ ପ୍ରଧାନସ୍ଯ ଜଗନ୍ନାଥସ୍ଯ ଭୂପତେ ।
ଵିଷ୍ଣୋର୍ନାମ ସହସ୍ରଂ ମେ ଶ୍ରୁଣୁ ପାପ ଭଯାପହମ୍ ॥ 18 ॥
ଯାନି ନାମାନି ଗୌଣାନି ଵିଖ୍ଯାତାନି ମହାତ୍ମନଃ ।
ଋଷିଭିଃ ପରିଗୀତାନି ତାନି ଵକ୍ଷ୍ଯାମି ଭୂତଯେ ॥ 19 ॥
ଋଷିର୍ନାମ୍ନାଂ ସହସ୍ରସ୍ଯ ଵେଦଵ୍ଯାସୋ ମହାମୁନିଃ ॥
ଛଂଦୋଽନୁଷ୍ଟୁପ୍ ତଥା ଦେଵୋ ଭଗଵାନ୍ ଦେଵକୀସୁତଃ ॥ 20 ॥
ଅମୃତାଂ ଶୂଦ୍ଭଵୋ ବୀଜଂ ଶକ୍ତିର୍ଦେଵକିନଂଦନଃ ।
ତ୍ରିସାମା ହୃଦଯଂ ତସ୍ଯ ଶାଂତ୍ଯର୍ଥେ ଵିନିଯୁଜ୍ଯତେ ॥ 21 ॥
ଵିଷ୍ଣୁଂ ଜିଷ୍ଣୁଂ ମହାଵିଷ୍ଣୁଂ ପ୍ରଭଵିଷ୍ଣୁଂ ମହେଶ୍ଵରଂ ॥
ଅନେକରୂପ ଦୈତ୍ଯାଂତଂ ନମାମି ପୁରୁଷୋତ୍ତମମ୍ ॥ 22 ॥
ପୂର୍ଵନ୍ଯାସଃ
ଅସ୍ଯ ଶ୍ରୀ ଵିଷ୍ଣୋର୍ଦିଵ୍ଯ ସହସ୍ରନାମ ସ୍ତୋତ୍ର ମହାମଂତ୍ରସ୍ଯ ॥
ଶ୍ରୀ ଵେଦଵ୍ଯାସୋ ଭଗଵାନ୍ ଋଷିଃ ।
ଅନୁଷ୍ଟୁପ୍ ଛଂଦଃ ।
ଶ୍ରୀମହାଵିଷ୍ଣୁଃ ପରମାତ୍ମା ଶ୍ରୀମନ୍ନାରାଯଣୋ ଦେଵତା ।
ଅମୃତାଂଶୂଦ୍ଭଵୋ ଭାନୁରିତି ବୀଜଂ ।
ଦେଵକୀନଂଦନଃ ସ୍ରଷ୍ଟେତି ଶକ୍ତିଃ ।
ଉଦ୍ଭଵଃ, କ୍ଷୋଭଣୋ ଦେଵ ଇତି ପରମୋମଂତ୍ରଃ ।
ଶଂଖଭୃନ୍ନଂଦକୀ ଚକ୍ରୀତି କୀଲକମ୍ ।
ଶାରଂଗଧନ୍ଵା ଗଦାଧର ଇତ୍ଯସ୍ତ୍ରମ୍ ।
ରଥାଂଗପାଣି ରକ୍ଷୋଭ୍ଯ ଇତି ନେତ୍ରଂ ।
ତ୍ରିସାମାସାମଗଃ ସାମେତି କଵଚମ୍ ।
ଆନଂଦଂ ପରବ୍ରହ୍ମେତି ଯୋନିଃ ।
ଋତୁସ୍ସୁଦର୍ଶନଃ କାଲ ଇତି ଦିଗ୍ବଂଧଃ ॥
ଶ୍ରୀଵିଶ୍ଵରୂପ ଇତି ଧ୍ଯାନଂ ।
ଶ୍ରୀ ମହାଵିଷ୍ଣୁ ପ୍ରୀତ୍ଯର୍ଥେ ସହସ୍ରନାମ ଜପେ ପାରାଯଣେ ଵିନିଯୋଗଃ ।
କରନ୍ଯାସଃ
ଵିଶ୍ଵଂ ଵିଷ୍ଣୁର୍ଵଷଟ୍କାର ଇତ୍ଯଂଗୁଷ୍ଠାଭ୍ଯାଂ ନମଃ
ଅମୃତାଂ ଶୂଦ୍ଭଵୋ ଭାନୁରିତି ତର୍ଜନୀଭ୍ଯାଂ ନମଃ
ବ୍ରହ୍ମଣ୍ଯୋ ବ୍ରହ୍ମକୃତ୍ ବ୍ରହ୍ମେତି ମଧ୍ଯମାଭ୍ଯାଂ ନମଃ
ସୁଵର୍ଣବିଂଦୁ ରକ୍ଷୋଭ୍ଯ ଇତି ଅନାମିକାଭ୍ଯାଂ ନମଃ
ନିମିଷୋଽନିମିଷଃ ସ୍ରଗ୍ଵୀତି କନିଷ୍ଠିକାଭ୍ଯାଂ ନମଃ
ରଥାଂଗପାଣି ରକ୍ଷୋଭ୍ଯ ଇତି କରତଲ କରପୃଷ୍ଠାଭ୍ଯାଂ ନମଃ
ଅଂଗନ୍ଯାସଃ
ସୁଵ୍ରତଃ ସୁମୁଖଃ ସୂକ୍ଷ୍ମ ଇତି ଜ୍ଞାନାଯ ହୃଦଯାଯ ନମଃ
ସହସ୍ରମୂର୍ତିଃ ଵିଶ୍ଵାତ୍ମା ଇତି ଐଶ୍ଵର୍ଯାଯ ଶିରସେ ସ୍ଵାହା
ସହସ୍ରାର୍ଚିଃ ସପ୍ତଜିହ୍ଵ ଇତି ଶକ୍ତ୍ଯୈ ଶିଖାଯୈ ଵଷଟ୍
ତ୍ରିସାମା ସାମଗସ୍ସାମେତି ବଲାଯ କଵଚାଯ ହୁଂ
ରଥାଂଗପାଣି ରକ୍ଷୋଭ୍ଯ ଇତି ନେତ୍ରାଭ୍ଯାଂ ଵୌଷଟ୍
ଶାଂଗଧନ୍ଵା ଗଦାଧର ଇତି ଵୀର୍ଯାଯ ଅସ୍ତ୍ରାଯଫଟ୍
ଋତୁଃ ସୁଦର୍ଶନଃ କାଲ ଇତି ଦିଗ୍ଭଂଧଃ
ଧ୍ଯାନମ୍
କ୍ଷୀରୋଧନ୍ଵତ୍ପ୍ରଦେଶେ ଶୁଚିମଣିଵିଲସତ୍ସୈକତେମୌକ୍ତିକାନାଂ
ମାଲାକ୍ଲୁପ୍ତାସନସ୍ଥଃ ସ୍ଫଟିକମଣିନିଭୈର୍ମୌକ୍ତିକୈର୍ମଂଡିତାଂଗଃ ।
ଶୁଭ୍ରୈରଭ୍ରୈରଦଭ୍ରୈରୁପରିଵିରଚିତୈର୍ମୁକ୍ତପୀଯୂଷ ଵର୍ଷୈଃ
ଆନଂଦୀ ନଃ ପୁନୀଯାଦରିନଲିନଗଦା ଶଂଖପାଣିର୍ମୁକୁଂଦଃ ॥ 1 ॥
ଭୂଃ ପାଦୌ ଯସ୍ଯ ନାଭିର୍ଵିଯଦସୁରନିଲଶ୍ଚଂଦ୍ର ସୂର୍ଯୌ ଚ ନେତ୍ରେ
କର୍ଣାଵାଶାଃ ଶିରୋଦ୍ଯୌର୍ମୁଖମପି ଦହନୋ ଯସ୍ଯ ଵାସ୍ତେଯମବ୍ଧିଃ ।
ଅଂତଃସ୍ଥଂ ଯସ୍ଯ ଵିଶ୍ଵଂ ସୁର ନରଖଗଗୋଭୋଗିଗଂଧର୍ଵଦୈତ୍ଯୈଃ
ଚିତ୍ରଂ ରଂ ରମ୍ଯତେ ତଂ ତ୍ରିଭୁଵନ ଵପୁଶଂ ଵିଷ୍ଣୁମୀଶଂ ନମାମି ॥ 2 ॥
ଓଂ ନମୋ ଭଗଵତେ ଵାସୁଦେଵାଯ !
ଶାଂତାକାରଂ ଭୁଜଗଶଯନଂ ପଦ୍ମନାଭଂ ସୁରେଶଂ
ଵିଶ୍ଵାଧାରଂ ଗଗନସଦୃଶଂ ମେଘଵର୍ଣଂ ଶୁଭାଂଗମ୍ ।
ଲକ୍ଷ୍ମୀକାଂତଂ କମଲନଯନଂ ଯୋଗିହୃର୍ଧ୍ଯାନଗମ୍ଯମ୍
ଵଂଦେ ଵିଷ୍ଣୁଂ ଭଵଭଯହରଂ ସର୍ଵଲୋକୈକନାଥମ୍ ॥ 3 ॥
ମେଘଶ୍ଯାମଂ ପୀତକୌଶେଯଵାସଂ
ଶ୍ରୀଵତ୍ସାକଂ କୌସ୍ତୁଭୋଦ୍ଭାସିତାଂଗମ୍ ।
ପୁଣ୍ଯୋପେତଂ ପୁଂଡରୀକାଯତାକ୍ଷଂ
ଵିଷ୍ଣୁଂ ଵଂଦେ ସର୍ଵଲୋକୈକନାଥମ୍ ॥ 4 ॥
ନମଃ ସମସ୍ତ ଭୂତାନାଂ ଆଦି ଭୂତାଯ ଭୂଭୃତେ ।
ଅନେକରୂପ ରୂପାଯ ଵିଷ୍ଣଵେ ପ୍ରଭଵିଷ୍ଣଵେ ॥ 5॥
ସଶଂଖଚକ୍ରଂ ସକିରୀଟକୁଂଡଲଂ
ସପୀତଵସ୍ତ୍ରଂ ସରସୀରୁହେକ୍ଷଣଂ ।
ସହାର ଵକ୍ଷଃସ୍ଥଲ ଶୋଭି କୌସ୍ତୁଭଂ
ନମାମି ଵିଷ୍ଣୁଂ ଶିରସା ଚତୁର୍ଭୁଜମ୍ । 6॥
ଛାଯାଯାଂ ପାରିଜାତସ୍ଯ ହେମସିଂହାସନୋପରି
ଆସୀନମଂବୁଦଶ୍ଯାମମାଯତାକ୍ଷମଲଂକୃତମ୍ ॥ 7 ॥
ଚଂଦ୍ରାନନଂ ଚତୁର୍ବାହୁଂ ଶ୍ରୀଵତ୍ସାଂକିତ ଵକ୍ଷସମ୍
ରୁକ୍ମିଣୀ ସତ୍ଯଭାମାଭ୍ଯାଂ ସହିତଂ କୃଷ୍ଣମାଶ୍ରଯେ ॥ 8 ॥
ପଂଚପୂଜ
ଲଂ - ପୃଥିଵ୍ଯାତ୍ମନେ ଗଂଥଂ ସମର୍ପଯାମି
ହଂ - ଆକାଶାତ୍ମନେ ପୁଷ୍ପୈଃ ପୂଜଯାମି
ଯଂ - ଵାଯ୍ଵାତ୍ମନେ ଧୂପମାଘ୍ରାପଯାମି
ରଂ - ଅଗ୍ନ୍ଯାତ୍ମନେ ଦୀପଂ ଦର୍ଶଯାମି
ଵଂ - ଅମୃତାତ୍ମନେ ନୈଵେଦ୍ଯଂ ନିଵେଦଯାମି
ସଂ - ସର୍ଵାତ୍ମନେ ସର୍ଵୋପଚାର ପୂଜା ନମସ୍କାରାନ୍ ସମର୍ପଯାମି
ସ୍ତୋତ୍ରମ୍
ହରିଃ ଓମ୍
ଵିଶ୍ଵଂ ଵିଷ୍ଣୁର୍ଵଷଟ୍କାରୋ ଭୂତଭଵ୍ଯଭଵତ୍ପ୍ରଭୁଃ ।
ଭୂତକୃଦ୍ଭୂତଭୃଦ୍ଭାଵୋ ଭୂତାତ୍ମା ଭୂତଭାଵନଃ ॥ 1 ॥
ପୂତାତ୍ମା ପରମାତ୍ମା ଚ ମୁକ୍ତାନାଂ ପରମାଗତିଃ ।
ଅଵ୍ଯଯଃ ପୁରୁଷଃ ସାକ୍ଷୀ କ୍ଷେତ୍ରଜ୍ଞୋଽକ୍ଷର ଏଵ ଚ ॥ 2 ॥
ଯୋଗୋ ଯୋଗଵିଦାଂ ନେତା ପ୍ରଧାନ ପୁରୁଷେଶ୍ଵରଃ ।
ନାରସିଂହଵପୁଃ ଶ୍ରୀମାନ୍ କେଶଵଃ ପୁରୁଷୋତ୍ତମଃ ॥ 3 ॥
ସର୍ଵଃ ଶର୍ଵଃ ଶିଵଃ ସ୍ଥାଣୁର୍ଭୂତାଦିର୍ନିଧିରଵ୍ଯଯଃ ।
ସଂଭଵୋ ଭାଵନୋ ଭର୍ତା ପ୍ରଭଵଃ ପ୍ରଭୁରୀଶ୍ଵରଃ ॥ 4 ॥
ସ୍ଵଯଂଭୂଃ ଶଂଭୁରାଦିତ୍ଯଃ ପୁଷ୍କରାକ୍ଷୋ ମହାସ୍ଵନଃ ।
ଅନାଦିନିଧନୋ ଧାତା ଵିଧାତା ଧାତୁରୁତ୍ତମଃ ॥ 5 ॥
ଅପ୍ରମେଯୋ ହୃଷୀକେଶଃ ପଦ୍ମନାଭୋଽମରପ୍ରଭୁଃ ।
ଵିଶ୍ଵକର୍ମା ମନୁସ୍ତ୍ଵଷ୍ଟା ସ୍ଥଵିଷ୍ଠଃ ସ୍ଥଵିରୋ ଧ୍ରୁଵଃ ॥ 6 ॥
ଅଗ୍ରାହ୍ଯଃ ଶାଶ୍ଵତୋ କୃଷ୍ଣୋ ଲୋହିତାକ୍ଷଃ ପ୍ରତର୍ଦନଃ ।
ପ୍ରଭୂତସ୍ତ୍ରିକକୁବ୍ଧାମ ପଵିତ୍ରଂ ମଂଗଳଂ ପରମ୍ ॥ 7 ॥
ଈଶାନଃ ପ୍ରାଣଦଃ ପ୍ରାଣୋ ଜ୍ଯେଷ୍ଠଃ ଶ୍ରେଷ୍ଠଃ ପ୍ରଜାପତିଃ ।
ହିରଣ୍ଯଗର୍ଭୋ ଭୂଗର୍ଭୋ ମାଧଵୋ ମଧୁସୂଦନଃ ॥ 8 ॥
ଈଶ୍ଵରୋ ଵିକ୍ରମୀଧନ୍ଵୀ ମେଧାଵୀ ଵିକ୍ରମଃ କ୍ରମଃ ।
ଅନୁତ୍ତମୋ ଦୁରାଧର୍ଷଃ କୃତଜ୍ଞଃ କୃତିରାତ୍ମଵାନ୍॥ 9 ॥
ସୁରେଶଃ ଶରଣଂ ଶର୍ମ ଵିଶ୍ଵରେତାଃ ପ୍ରଜାଭଵଃ ।
ଅହସ୍ସଂଵତ୍ସରୋ ଵ୍ଯାଳଃ ପ୍ରତ୍ଯଯଃ ସର୍ଵଦର୍ଶନଃ ॥ 10 ॥
ଅଜସ୍ସର୍ଵେଶ୍ଵରଃ ସିଦ୍ଧଃ ସିଦ୍ଧିଃ ସର୍ଵାଦିରଚ୍ଯୁତଃ ।
ଵୃଷାକପିରମେଯାତ୍ମା ସର୍ଵଯୋଗଵିନିସ୍ସୃତଃ ॥ 11 ॥
ଵସୁର୍ଵସୁମନାଃ ସତ୍ଯଃ ସମାତ୍ମା ସମ୍ମିତସ୍ସମଃ ।
ଅମୋଘଃ ପୁଂଡରୀକାକ୍ଷୋ ଵୃଷକର୍ମା ଵୃଷାକୃତିଃ ॥ 12 ॥
ରୁଦ୍ରୋ ବହୁଶିରା ବଭ୍ରୁର୍ଵିଶ୍ଵଯୋନିଃ ଶୁଚିଶ୍ରଵାଃ ।
ଅମୃତଃ ଶାଶ୍ଵତସ୍ଥାଣୁର୍ଵରାରୋହୋ ମହାତପାଃ ॥ 13 ॥
ସର୍ଵଗଃ ସର୍ଵ ଵିଦ୍ଭାନୁର୍ଵିଷ୍ଵକ୍ସେନୋ ଜନାର୍ଦନଃ ।
ଵେଦୋ ଵେଦଵିଦଵ୍ଯଂଗୋ ଵେଦାଂଗୋ ଵେଦଵିତ୍କଵିଃ ॥ 14 ॥
ଲୋକାଧ୍ଯକ୍ଷଃ ସୁରାଧ୍ଯକ୍ଷୋ ଧର୍ମାଧ୍ଯକ୍ଷଃ କୃତାକୃତଃ ।
ଚତୁରାତ୍ମା ଚତୁର୍ଵ୍ଯୂହଶ୍ଚତୁର୍ଦଂଷ୍ଟ୍ରଶ୍ଚତୁର୍ଭୁଜଃ ॥ 15 ॥
ଭ୍ରାଜିଷ୍ଣୁର୍ଭୋଜନଂ ଭୋକ୍ତା ସହିଷ୍ନୁର୍ଜଗଦାଦିଜଃ ।
ଅନଘୋ ଵିଜଯୋ ଜେତା ଵିଶ୍ଵଯୋନିଃ ପୁନର୍ଵସୁଃ ॥ 16 ॥
ଉପେଂଦ୍ରୋ ଵାମନଃ ପ୍ରାଂଶୁରମୋଘଃ ଶୁଚିରୂର୍ଜିତଃ ।
ଅତୀଂଦ୍ରଃ ସଂଗ୍ରହଃ ସର୍ଗୋ ଧୃତାତ୍ମା ନିଯମୋ ଯମଃ ॥ 17 ॥
ଵେଦ୍ଯୋ ଵୈଦ୍ଯଃ ସଦାଯୋଗୀ ଵୀରହା ମାଧଵୋ ମଧୁଃ ।
ଅତୀଂଦ୍ରିଯୋ ମହାମାଯୋ ମହୋତ୍ସାହୋ ମହାବଲଃ ॥ 18 ॥
ମହାବୁଦ୍ଧିର୍ମହାଵୀର୍ଯୋ ମହାଶକ୍ତିର୍ମହାଦ୍ଯୁତିଃ ।
ଅନିର୍ଦେଶ୍ଯଵପୁଃ ଶ୍ରୀମାନମେଯାତ୍ମା ମହାଦ୍ରିଧୃକ୍ ॥ 19 ॥
ମହେଶ୍ଵାସୋ ମହୀଭର୍ତା ଶ୍ରୀନିଵାସଃ ସତାଂଗତିଃ ।
ଅନିରୁଦ୍ଧଃ ସୁରାନଂଦୋ ଗୋଵିଂଦୋ ଗୋଵିଦାଂ ପତିଃ ॥ 20 ॥
ମରୀଚିର୍ଦମନୋ ହଂସଃ ସୁପର୍ଣୋ ଭୁଜଗୋତ୍ତମଃ ।
ହିରଣ୍ଯନାଭଃ ସୁତପାଃ ପଦ୍ମନାଭଃ ପ୍ରଜାପତିଃ ॥ 21 ॥
ଅମୃତ୍ଯୁଃ ସର୍ଵଦୃକ୍ ସିଂହଃ ସଂଧାତା ସଂଧିମାନ୍ ସ୍ଥିରଃ ।
ଅଜୋ ଦୁର୍ମର୍ଷଣଃ ଶାସ୍ତା ଵିଶ୍ରୁତାତ୍ମା ସୁରାରିହା ॥ 22 ॥
ଗୁରୁର୍ଗୁରୁତମୋ ଧାମ ସତ୍ଯଃ ସତ୍ଯପରାକ୍ରମଃ ।
ନିମିଷୋଽନିମିଷଃ ସ୍ରଗ୍ଵୀ ଵାଚସ୍ପତିରୁଦାରଧୀଃ ॥ 23 ॥
ଅଗ୍ରଣୀଗ୍ରାମଣୀଃ ଶ୍ରୀମାନ୍ ନ୍ଯାଯୋ ନେତା ସମୀରଣଃ
ସହସ୍ରମୂର୍ଧା ଵିଶ୍ଵାତ୍ମା ସହସ୍ରାକ୍ଷଃ ସହସ୍ରପାତ୍ ॥ 24 ॥
ଆଵର୍ତନୋ ନିଵୃତ୍ତାତ୍ମା ସଂଵୃତଃ ସଂପ୍ରମର୍ଦନଃ ।
ଅହଃ ସଂଵର୍ତକୋ ଵହ୍ନିରନିଲୋ ଧରଣୀଧରଃ ॥ 25 ॥
ସୁପ୍ରସାଦଃ ପ୍ରସନ୍ନାତ୍ମା ଵିଶ୍ଵଧୃଗ୍ଵିଶ୍ଵଭୁଗ୍ଵିଭୁଃ ।
ସତ୍କର୍ତା ସତ୍କୃତଃ ସାଧୁର୍ଜହ୍ନୁର୍ନାରାଯଣୋ ନରଃ ॥ 26 ॥
ଅସଂଖ୍ଯେଯୋଽପ୍ରମେଯାତ୍ମା ଵିଶିଷ୍ଟଃ ଶିଷ୍ଟକୃଚ୍ଛୁଚିଃ ।
ସିଦ୍ଧାର୍ଥଃ ସିଦ୍ଧସଂକଲ୍ପଃ ସିଦ୍ଧିଦଃ ସିଦ୍ଧି ସାଧନଃ ॥ 27 ॥
ଵୃଷାହୀ ଵୃଷଭୋ ଵିଷ୍ଣୁର୍ଵୃଷପର୍ଵା ଵୃଷୋଦରଃ ।
ଵର୍ଧନୋ ଵର୍ଧମାନଶ୍ଚ ଵିଵିକ୍ତଃ ଶ୍ରୁତିସାଗରଃ ॥ 28 ॥
ସୁଭୁଜୋ ଦୁର୍ଧରୋ ଵାଗ୍ମୀ ମହେଂଦ୍ରୋ ଵସୁଦୋ ଵସୁଃ ।
ନୈକରୂପୋ ବୃହଦ୍ରୂପଃ ଶିପିଵିଷ୍ଟଃ ପ୍ରକାଶନଃ ॥ 29 ॥
ଓଜସ୍ତେଜୋଦ୍ଯୁତିଧରଃ ପ୍ରକାଶାତ୍ମା ପ୍ରତାପନଃ ।
ଋଦ୍ଦଃ ସ୍ପଷ୍ଟାକ୍ଷରୋ ମଂତ୍ରଶ୍ଚଂଦ୍ରାଂଶୁର୍ଭାସ୍କରଦ୍ଯୁତିଃ ॥ 30 ॥
ଅମୃତାଂଶୂଦ୍ଭଵୋ ଭାନୁଃ ଶଶବିଂଦୁଃ ସୁରେଶ୍ଵରଃ ।
ଔଷଧଂ ଜଗତଃ ସେତୁଃ ସତ୍ଯଧର୍ମପରାକ୍ରମଃ ॥ 31 ॥
ଭୂତଭଵ୍ଯଭଵନ୍ନାଥଃ ପଵନଃ ପାଵନୋଽନଲଃ ।
କାମହା କାମକୃତ୍କାଂତଃ କାମଃ କାମପ୍ରଦଃ ପ୍ରଭୁଃ ॥ 32 ॥
ଯୁଗାଦି କୃଦ୍ଯୁଗାଵର୍ତୋ ନୈକମାଯୋ ମହାଶନଃ ।
ଅଦୃଶ୍ଯୋ ଵ୍ଯକ୍ତରୂପଶ୍ଚ ସହସ୍ରଜିଦନଂତଜିତ୍ ॥ 33 ॥
ଇଷ୍ଟୋଽଵିଶିଷ୍ଟଃ ଶିଷ୍ଟେଷ୍ଟଃ ଶିଖଂଡୀ ନହୁଷୋ ଵୃଷଃ ।
କ୍ରୋଧହା କ୍ରୋଧକୃତ୍କର୍ତା ଵିଶ୍ଵବାହୁର୍ମହୀଧରଃ ॥ 34 ॥
ଅଚ୍ଯୁତଃ ପ୍ରଥିତଃ ପ୍ରାଣଃ ପ୍ରାଣଦୋ ଵାସଵାନୁଜଃ ।
ଅପାଂନିଧିରଧିଷ୍ଠାନମପ୍ରମତ୍ତଃ ପ୍ରତିଷ୍ଠିତଃ ॥ 35 ॥
ସ୍କଂଦଃ ସ୍କଂଦଧରୋ ଧୁର୍ଯୋ ଵରଦୋ ଵାଯୁଵାହନଃ ।
ଵାସୁଦେଵୋ ବୃହଦ୍ଭାନୁରାଦିଦେଵଃ ପୁରଂଧରଃ ॥ 36 ॥
ଅଶୋକସ୍ତାରଣସ୍ତାରଃ ଶୂରଃ ଶୌରିର୍ଜନେଶ୍ଵରଃ ।
ଅନୁକୂଲଃ ଶତାଵର୍ତଃ ପଦ୍ମୀ ପଦ୍ମନିଭେକ୍ଷଣଃ ॥ 37 ॥
ପଦ୍ମନାଭୋଽରଵିଂଦାକ୍ଷଃ ପଦ୍ମଗର୍ଭଃ ଶରୀରଭୃତ୍ ।
ମହର୍ଧିରୃଦ୍ଧୋ ଵୃଦ୍ଧାତ୍ମା ମହାକ୍ଷୋ ଗରୁଡଧ୍ଵଜଃ ॥ 38 ॥
ଅତୁଲଃ ଶରଭୋ ଭୀମଃ ସମଯଜ୍ଞୋ ହଵିର୍ହରିଃ ।
ସର୍ଵଲକ୍ଷଣଲକ୍ଷଣ୍ଯୋ ଲକ୍ଷ୍ମୀଵାନ୍ ସମିତିଂଜଯଃ ॥ 39 ॥
ଵିକ୍ଷରୋ ରୋହିତୋ ମାର୍ଗୋ ହେତୁର୍ଦାମୋଦରଃ ସହଃ ।
ମହୀଧରୋ ମହାଭାଗୋ ଵେଗଵାନମିତାଶନଃ ॥ 40 ॥
ଉଦ୍ଭଵଃ, କ୍ଷୋଭଣୋ ଦେଵଃ ଶ୍ରୀଗର୍ଭଃ ପରମେଶ୍ଵରଃ ।
କରଣଂ କାରଣଂ କର୍ତା ଵିକର୍ତା ଗହନୋ ଗୁହଃ ॥ 41 ॥
ଵ୍ଯଵସାଯୋ ଵ୍ଯଵସ୍ଥାନଃ ସଂସ୍ଥାନଃ ସ୍ଥାନଦୋ ଧ୍ରୁଵଃ ।
ପରର୍ଧିଃ ପରମସ୍ପଷ୍ଟଃ ତୁଷ୍ଟଃ ପୁଷ୍ଟଃ ଶୁଭେକ୍ଷଣଃ ॥ 42 ॥
ରାମୋ ଵିରାମୋ ଵିରଜୋ ମାର୍ଗୋନେଯୋ ନଯୋଽନଯଃ ।
ଵୀରଃ ଶକ୍ତିମତାଂ ଶ୍ରେଷ୍ଠୋ ଧର୍ମୋଧର୍ମ ଵିଦୁତ୍ତମଃ ॥ 43 ॥
ଵୈକୁଂଠଃ ପୁରୁଷଃ ପ୍ରାଣଃ ପ୍ରାଣଦଃ ପ୍ରଣଵଃ ପୃଥୁଃ ।
ହିରଣ୍ଯଗର୍ଭଃ ଶତ୍ରୁଘ୍ନୋ ଵ୍ଯାପ୍ତୋ ଵାଯୁରଧୋକ୍ଷଜଃ ॥ 44 ॥
ଋତୁଃ ସୁଦର୍ଶନଃ କାଲଃ ପରମେଷ୍ଠୀ ପରିଗ୍ରହଃ ।
ଉଗ୍ରଃ ସଂଵତ୍ସରୋ ଦକ୍ଷୋ ଵିଶ୍ରାମୋ ଵିଶ୍ଵଦକ୍ଷିଣଃ ॥ 45 ॥
ଵିସ୍ତାରଃ ସ୍ଥାଵର ସ୍ଥାଣୁଃ ପ୍ରମାଣଂ ବୀଜମଵ୍ଯଯଂ ।
ଅର୍ଥୋଽନର୍ଥୋ ମହାକୋଶୋ ମହାଭୋଗୋ ମହାଧନଃ ॥ 46 ॥
ଅନିର୍ଵିଣ୍ଣଃ ସ୍ଥଵିଷ୍ଠୋ ଭୂଦ୍ଧର୍ମଯୂପୋ ମହାମଖଃ ।
ନକ୍ଷତ୍ରନେମିର୍ନକ୍ଷତ୍ରୀ କ୍ଷମଃ, କ୍ଷାମଃ ସମୀହନଃ ॥ 47 ॥
ଯଜ୍ଞ ଇଜ୍ଯୋ ମହେଜ୍ଯଶ୍ଚ କ୍ରତୁଃ ସତ୍ରଂ ସତାଂଗତିଃ ।
ସର୍ଵଦର୍ଶୀ ଵିମୁକ୍ତାତ୍ମା ସର୍ଵଜ୍ଞୋ ଜ୍ଞାନମୁତ୍ତମଂ ॥ 48 ॥
ସୁଵ୍ରତଃ ସୁମୁଖଃ ସୂକ୍ଷ୍ମଃ ସୁଘୋଷଃ ସୁଖଦଃ ସୁହୃତ୍ ।
ମନୋହରୋ ଜିତକ୍ରୋଧୋ ଵୀର ବାହୁର୍ଵିଦାରଣଃ ॥ 49 ॥
ସ୍ଵାପନଃ ସ୍ଵଵଶୋ ଵ୍ଯାପୀ ନୈକାତ୍ମା ନୈକକର୍ମକୃତ୍। ।
ଵତ୍ସରୋ ଵତ୍ସଲୋ ଵତ୍ସୀ ରତ୍ନଗର୍ଭୋ ଧନେଶ୍ଵରଃ ॥ 50 ॥
ଧର୍ମଗୁବ୍ଧର୍ମକୃଦ୍ଧର୍ମୀ ସଦସତ୍କ୍ଷରମକ୍ଷରମ୍॥
ଅଵିଜ୍ଞାତା ସହସ୍ତ୍ରାଂଶୁର୍ଵିଧାତା କୃତଲକ୍ଷଣଃ ॥ 51 ॥
ଗଭସ୍ତିନେମିଃ ସତ୍ତ୍ଵସ୍ଥଃ ସିଂହୋ ଭୂତ ମହେଶ୍ଵରଃ ।
ଆଦିଦେଵୋ ମହାଦେଵୋ ଦେଵେଶୋ ଦେଵଭୃଦ୍ଗୁରୁଃ ॥ 52 ॥
ଉତ୍ତରୋ ଗୋପତିର୍ଗୋପ୍ତା ଜ୍ଞାନଗମ୍ଯଃ ପୁରାତନଃ ।
ଶରୀର ଭୂତଭୃଦ୍ ଭୋକ୍ତା କପୀଂଦ୍ରୋ ଭୂରିଦକ୍ଷିଣଃ ॥ 53 ॥
ସୋମପୋଽମୃତପଃ ସୋମଃ ପୁରୁଜିତ୍ ପୁରୁସତ୍ତମଃ ।
ଵିନଯୋ ଜଯଃ ସତ୍ଯସଂଧୋ ଦାଶାର୍ହଃ ସାତ୍ଵତାଂ ପତିଃ ॥ 54 ॥
ଜୀଵୋ ଵିନଯିତା ସାକ୍ଷୀ ମୁକୁଂଦୋଽମିତ ଵିକ୍ରମଃ ।
ଅଂଭୋନିଧିରନଂତାତ୍ମା ମହୋଦଧି ଶଯୋଂତକଃ ॥ 55 ॥
ଅଜୋ ମହାର୍ହଃ ସ୍ଵାଭାଵ୍ଯୋ ଜିତାମିତ୍ରଃ ପ୍ରମୋଦନଃ ।
ଆନଂଦୋଽନଂଦନୋନଂଦଃ ସତ୍ଯଧର୍ମା ତ୍ରିଵିକ୍ରମଃ ॥ 56 ॥
ମହର୍ଷିଃ କପିଲାଚାର୍ଯଃ କୃତଜ୍ଞୋ ମେଦିନୀପତିଃ ।
ତ୍ରିପଦସ୍ତ୍ରିଦଶାଧ୍ଯକ୍ଷୋ ମହାଶୃଂଗଃ କୃତାଂତକୃତ୍ ॥ 57 ॥
ମହାଵରାହୋ ଗୋଵିଂଦଃ ସୁଷେଣଃ କନକାଂଗଦୀ ।
ଗୁହ୍ଯୋ ଗଭୀରୋ ଗହନୋ ଗୁପ୍ତଶ୍ଚକ୍ର ଗଦାଧରଃ ॥ 58 ॥
ଵେଧାଃ ସ୍ଵାଂଗୋଽଜିତଃ କୃଷ୍ଣୋ ଦୃଢଃ ସଂକର୍ଷଣୋଽଚ୍ଯୁତଃ ।
ଵରୁଣୋ ଵାରୁଣୋ ଵୃକ୍ଷଃ ପୁଷ୍କରାକ୍ଷୋ ମହାମନାଃ ॥ 59 ॥
ଭଗଵାନ୍ ଭଗହାଽଽନଂଦୀ ଵନମାଲୀ ହଲାଯୁଧଃ ।
ଆଦିତ୍ଯୋ ଜ୍ଯୋତିରାଦିତ୍ଯଃ ସହିଷ୍ଣୁର୍ଗତିସତ୍ତମଃ ॥ 60 ॥
ସୁଧନ୍ଵା ଖଂଡପରଶୁର୍ଦାରୁଣୋ ଦ୍ରଵିଣପ୍ରଦଃ ।
ଦିଵଃସ୍ପୃକ୍ ସର୍ଵଦୃଗ୍ଵ୍ଯାସୋ ଵାଚସ୍ପତିରଯୋନିଜଃ ॥ 61 ॥
ତ୍ରିସାମା ସାମଗଃ ସାମ ନିର୍ଵାଣଂ ଭେଷଜଂ ଭିଷକ୍ ।
ସନ୍ଯାସକୃଚ୍ଛମଃ ଶାଂତୋ ନିଷ୍ଠା ଶାଂତିଃ ପରାଯଣମ୍। 62 ॥
ଶୁଭାଂଗଃ ଶାଂତିଦଃ ସ୍ରଷ୍ଟା କୁମୁଦଃ କୁଵଲେଶଯଃ ।
ଗୋହିତୋ ଗୋପତିର୍ଗୋପ୍ତା ଵୃଷଭାକ୍ଷୋ ଵୃଷପ୍ରିଯଃ ॥ 63 ॥
ଅନିଵର୍ତୀ ନିଵୃତ୍ତାତ୍ମା ସଂକ୍ଷେପ୍ତା କ୍ଷେମକୃଚ୍ଛିଵଃ ।
ଶ୍ରୀଵତ୍ସଵକ୍ଷାଃ ଶ୍ରୀଵାସଃ ଶ୍ରୀପତିଃ ଶ୍ରୀମତାଂଵରଃ ॥ 64 ॥
ଶ୍ରୀଦଃ ଶ୍ରୀଶଃ ଶ୍ରୀନିଵାସଃ ଶ୍ରୀନିଧିଃ ଶ୍ରୀଵିଭାଵନଃ ।
ଶ୍ରୀଧରଃ ଶ୍ରୀକରଃ ଶ୍ରେଯଃ ଶ୍ରୀମା~ଂଲ୍ଲୋକତ୍ରଯାଶ୍ରଯଃ ॥ 65 ॥
ସ୍ଵକ୍ଷଃ ସ୍ଵଂଗଃ ଶତାନଂଦୋ ନଂଦିର୍ଜ୍ଯୋତିର୍ଗଣେଶ୍ଵରଃ ।
ଵିଜିତାତ୍ମାଽଵିଧେଯାତ୍ମା ସତ୍କୀର୍ତିଚ୍ଛିନ୍ନସଂଶଯଃ ॥ 66 ॥
ଉଦୀର୍ଣଃ ସର୍ଵତଶ୍ଚକ୍ଷୁରନୀଶଃ ଶାଶ୍ଵତସ୍ଥିରଃ ।
ଭୂଶଯୋ ଭୂଷଣୋ ଭୂତିର୍ଵିଶୋକଃ ଶୋକନାଶନଃ ॥ 67 ॥
ଅର୍ଚିଷ୍ମାନର୍ଚିତଃ କୁଂଭୋ ଵିଶୁଦ୍ଧାତ୍ମା ଵିଶୋଧନଃ ।
ଅନିରୁଦ୍ଧୋଽପ୍ରତିରଥଃ ପ୍ରଦ୍ଯୁମ୍ନୋଽମିତଵିକ୍ରମଃ ॥ 68 ॥
କାଲନେମିନିହା ଵୀରଃ ଶୌରିଃ ଶୂରଜନେଶ୍ଵରଃ ।
ତ୍ରିଲୋକାତ୍ମା ତ୍ରିଲୋକେଶଃ କେଶଵଃ କେଶିହା ହରିଃ ॥ 69 ॥
କାମଦେଵଃ କାମପାଲଃ କାମୀ କାଂତଃ କୃତାଗମଃ ।
ଅନିର୍ଦେଶ୍ଯଵପୁର୍ଵିଷ୍ଣୁର୍ଵୀରୋଽନଂତୋ ଧନଂଜଯଃ ॥ 70 ॥
ବ୍ରହ୍ମଣ୍ଯୋ ବ୍ରହ୍ମକୃଦ୍ ବ୍ରହ୍ମା ବ୍ରହ୍ମ ବ୍ରହ୍ମଵିଵର୍ଧନଃ ।
ବ୍ରହ୍ମଵିଦ୍ ବ୍ରାହ୍ମଣୋ ବ୍ରହ୍ମୀ ବ୍ରହ୍ମଜ୍ଞୋ ବ୍ରାହ୍ମଣପ୍ରିଯଃ ॥ 71 ॥
ମହାକ୍ରମୋ ମହାକର୍ମା ମହାତେଜା ମହୋରଗଃ ।
ମହାକ୍ରତୁର୍ମହାଯଜ୍ଵା ମହାଯଜ୍ଞୋ ମହାହଵିଃ ॥ 72 ॥
ସ୍ତଵ୍ଯଃ ସ୍ତଵପ୍ରିଯଃ ସ୍ତୋତ୍ରଂ ସ୍ତୁତିଃ ସ୍ତୋତା ରଣପ୍ରିଯଃ ।
ପୂର୍ଣଃ ପୂରଯିତା ପୁଣ୍ଯଃ ପୁଣ୍ଯକୀର୍ତିରନାମଯଃ ॥ 73 ॥
ମନୋଜଵସ୍ତୀର୍ଥକରୋ ଵସୁରେତା ଵସୁପ୍ରଦଃ ।
ଵସୁପ୍ରଦୋ ଵାସୁଦେଵୋ ଵସୁର୍ଵସୁମନା ହଵିଃ ॥ 74 ॥
ସଦ୍ଗତିଃ ସତ୍କୃତିଃ ସତ୍ତା ସଦ୍ଭୂତିଃ ସତ୍ପରାଯଣଃ ।
ଶୂରସେନୋ ଯଦୁଶ୍ରେଷ୍ଠଃ ସନ୍ନିଵାସଃ ସୁଯାମୁନଃ ॥ 75 ॥
ଭୂତାଵାସୋ ଵାସୁଦେଵଃ ସର୍ଵାସୁନିଲଯୋଽନଲଃ ।
ଦର୍ପହା ଦର୍ପଦୋ ଦୃପ୍ତୋ ଦୁର୍ଧରୋଽଥାପରାଜିତଃ ॥ 76 ॥
ଵିଶ୍ଵମୂର୍ତିର୍ମହାମୂର୍ତିର୍ଦୀପ୍ତମୂର୍ତିରମୂର୍ତିମାନ୍ ।
ଅନେକମୂର୍ତିରଵ୍ଯକ୍ତଃ ଶତମୂର୍ତିଃ ଶତାନନଃ ॥ 77 ॥
ଏକୋ ନୈକଃ ସଵଃ କଃ କିଂ ଯତ୍ତତ୍ ପଦମନୁତ୍ତମଂ ।
ଲୋକବଂଧୁର୍ଲୋକନାଥୋ ମାଧଵୋ ଭକ୍ତଵତ୍ସଲଃ ॥ 78 ॥
ସୁଵର୍ଣଵର୍ଣୋ ହେମାଂଗୋ ଵରାଂଗଶ୍ଚଂଦନାଂଗଦୀ ।
ଵୀରହା ଵିଷମଃ ଶୂନ୍ଯୋ ଘୃତାଶୀରଚଲଶ୍ଚଲଃ ॥ 79 ॥
ଅମାନୀ ମାନଦୋ ମାନ୍ଯୋ ଲୋକସ୍ଵାମୀ ତ୍ରିଲୋକଧୃକ୍ ।
ସୁମେଧା ମେଧଜୋ ଧନ୍ଯଃ ସତ୍ଯମେଧା ଧରାଧରଃ ॥ 80 ॥
ତେଜୋଽଵୃଷୋ ଦ୍ଯୁତିଧରଃ ସର୍ଵଶସ୍ତ୍ରଭୃତାଂଵରଃ ।
ପ୍ରଗ୍ରହୋ ନିଗ୍ରହୋ ଵ୍ଯଗ୍ରୋ ନୈକଶୃଂଗୋ ଗଦାଗ୍ରଜଃ ॥ 81 ॥
ଚତୁର୍ମୂର୍ତି ଶ୍ଚତୁର୍ବାହୁ ଶ୍ଚତୁର୍ଵ୍ଯୂହ ଶ୍ଚତୁର୍ଗତିଃ ।
ଚତୁରାତ୍ମା ଚତୁର୍ଭାଵଶ୍ଚତୁର୍ଵେଦଵିଦେକପାତ୍ ॥ 82 ॥
ସମାଵର୍ତୋଽନିଵୃତ୍ତାତ୍ମା ଦୁର୍ଜଯୋ ଦୁରତିକ୍ରମଃ ।
ଦୁର୍ଲଭୋ ଦୁର୍ଗମୋ ଦୁର୍ଗୋ ଦୁରାଵାସୋ ଦୁରାରିହା ॥ 83 ॥
ଶୁଭାଂଗୋ ଲୋକସାରଂଗଃ ସୁତଂତୁସ୍ତଂତୁଵର୍ଧନଃ ।
ଇଂଦ୍ରକର୍ମା ମହାକର୍ମା କୃତକର୍ମା କୃତାଗମଃ ॥ 84 ॥
ଉଦ୍ଭଵଃ ସୁଂଦରଃ ସୁଂଦୋ ରତ୍ନନାଭଃ ସୁଲୋଚନଃ ।
ଅର୍କୋ ଵାଜସନଃ ଶୃଂଗୀ ଜଯଂତଃ ସର୍ଵଵିଜ୍ଜଯୀ ॥ 85 ॥
ସୁଵର୍ଣବିଂଦୁରକ୍ଷୋଭ୍ଯଃ ସର୍ଵଵାଗୀଶ୍ଵରେଶ୍ଵରଃ ।
ମହାହୃଦୋ ମହାଗର୍ତୋ ମହାଭୂତୋ ମହାନିଧିଃ ॥ 86 ॥
କୁମୁଦଃ କୁଂଦରଃ କୁଂଦଃ ପର୍ଜନ୍ଯଃ ପାଵନୋଽନିଲଃ ।
ଅମୃତାଶୋଽମୃତଵପୁଃ ସର୍ଵଜ୍ଞଃ ସର୍ଵତୋମୁଖଃ ॥ 87 ॥
ସୁଲଭଃ ସୁଵ୍ରତଃ ସିଦ୍ଧଃ ଶତ୍ରୁଜିଚ୍ଛତ୍ରୁତାପନଃ ।
ନ୍ଯଗ୍ରୋଧୋଽଦୁଂବରୋଽଶ୍ଵତ୍ଥଶ୍ଚାଣୂରାଂଧ୍ର ନିଷୂଦନଃ ॥ 88 ॥
ସହସ୍ରାର୍ଚିଃ ସପ୍ତଜିହ୍ଵଃ ସପ୍ତୈଧାଃ ସପ୍ତଵାହନଃ ।
ଅମୂର୍ତିରନଘୋଽଚିଂତ୍ଯୋ ଭଯକୃଦ୍ଭଯନାଶନଃ ॥ 89 ॥
ଅଣୁର୍ବୃହତ୍କୃଶଃ ସ୍ଥୂଲୋ ଗୁଣଭୃନ୍ନିର୍ଗୁଣୋ ମହାନ୍ ।
ଅଧୃତଃ ସ୍ଵଧୃତଃ ସ୍ଵାସ୍ଯଃ ପ୍ରାଗ୍ଵଂଶୋ ଵଂଶଵର୍ଧନଃ ॥ 90 ॥
ଭାରଭୃତ୍ କଥିତୋ ଯୋଗୀ ଯୋଗୀଶଃ ସର୍ଵକାମଦଃ ।
ଆଶ୍ରମଃ ଶ୍ରମଣଃ, କ୍ଷାମଃ ସୁପର୍ଣୋ ଵାଯୁଵାହନଃ ॥ 91 ॥
ଧନୁର୍ଧରୋ ଧନୁର୍ଵେଦୋ ଦଂଡୋ ଦମଯିତା ଦମଃ ।
ଅପରାଜିତଃ ସର୍ଵସହୋ ନିଯଂତାଽନିଯମୋଽଯମଃ ॥ 92 ॥
ସତ୍ତ୍ଵଵାନ୍ ସାତ୍ତ୍ଵିକଃ ସତ୍ଯଃ ସତ୍ଯଧର୍ମପରାଯଣଃ ।
ଅଭିପ୍ରାଯଃ ପ୍ରିଯାର୍ହୋଽର୍ହଃ ପ୍ରିଯକୃତ୍ ପ୍ରୀତିଵର୍ଧନଃ ॥ 93 ॥
ଵିହାଯସଗତିର୍ଜ୍ଯୋତିଃ ସୁରୁଚିର୍ହୁତଭୁଗ୍ଵିଭୁଃ ।
ରଵିର୍ଵିରୋଚନଃ ସୂର୍ଯଃ ସଵିତା ରଵିଲୋଚନଃ ॥ 94 ॥
ଅନଂତୋ ହୁତଭୁଗ୍ଭୋକ୍ତା ସୁଖଦୋ ନୈକଜୋଽଗ୍ରଜଃ ।
ଅନିର୍ଵିଣ୍ଣଃ ସଦାମର୍ଷୀ ଲୋକଧିଷ୍ଠାନମଦ୍ଭୁତଃ ॥ 95 ॥
ସନାତ୍ସନାତନତମଃ କପିଲଃ କପିରଵ୍ଯଯଃ ।
ସ୍ଵସ୍ତିଦଃ ସ୍ଵସ୍ତିକୃତ୍ସ୍ଵସ୍ତିଃ ସ୍ଵସ୍ତିଭୁକ୍ ସ୍ଵସ୍ତିଦକ୍ଷିଣଃ ॥ 96 ॥
ଅରୌଦ୍ରଃ କୁଂଡଲୀ ଚକ୍ରୀ ଵିକ୍ରମ୍ଯୂର୍ଜିତଶାସନଃ ।
ଶବ୍ଦାତିଗଃ ଶବ୍ଦସହଃ ଶିଶିରଃ ଶର୍ଵରୀକରଃ ॥ 97 ॥
ଅକ୍ରୂରଃ ପେଶଲୋ ଦକ୍ଷୋ ଦକ୍ଷିଣଃ, କ୍ଷମିଣାଂଵରଃ ।
ଵିଦ୍ଵତ୍ତମୋ ଵୀତଭଯଃ ପୁଣ୍ଯଶ୍ରଵଣକୀର୍ତନଃ ॥ 98 ॥
ଉତ୍ତାରଣୋ ଦୁଷ୍କୃତିହା ପୁଣ୍ଯୋ ଦୁଃସ୍ଵପ୍ନନାଶନଃ ।
ଵୀରହା ରକ୍ଷଣଃ ସଂତୋ ଜୀଵନଃ ପର୍ଯଵସ୍ଥିତଃ ॥ 99 ॥
ଅନଂତରୂପୋଽନଂତ ଶ୍ରୀର୍ଜିତମନ୍ଯୁର୍ଭଯାପହଃ ।
ଚତୁରଶ୍ରୋ ଗଭୀରାତ୍ମା ଵିଦିଶୋ ଵ୍ଯାଦିଶୋ ଦିଶଃ ॥ 100 ॥
ଅନାଦିର୍ଭୂର୍ଭୁଵୋ ଲକ୍ଷ୍ମୀଃ ସୁଵୀରୋ ରୁଚିରାଂଗଦଃ ।
ଜନନୋ ଜନଜନ୍ମାଦିର୍ଭୀମୋ ଭୀମପରାକ୍ରମଃ ॥ 101 ॥
ଆଧାରନିଲଯୋଽଧାତା ପୁଷ୍ପହାସଃ ପ୍ରଜାଗରଃ ।
ଊର୍ଧ୍ଵଗଃ ସତ୍ପଥାଚାରଃ ପ୍ରାଣଦଃ ପ୍ରଣଵଃ ପଣଃ ॥ 102 ॥
ପ୍ରମାଣଂ ପ୍ରାଣନିଲଯଃ ପ୍ରାଣଭୃତ୍ ପ୍ରାଣଜୀଵନଃ ।
ତତ୍ତ୍ଵଂ ତତ୍ତ୍ଵଵିଦେକାତ୍ମା ଜନ୍ମମୃତ୍ଯୁଜରାତିଗଃ ॥ 103 ॥
ଭୂର୍ଭୁଵଃ ସ୍ଵସ୍ତରୁସ୍ତାରଃ ସଵିତା ପ୍ରପିତାମହଃ ।
ଯଜ୍ଞୋ ଯଜ୍ଞପତିର୍ଯଜ୍ଵା ଯଜ୍ଞାଂଗୋ ଯଜ୍ଞଵାହନଃ ॥ 104 ॥
ଯଜ୍ଞଭୃଦ୍ ଯଜ୍ଞକୃଦ୍ ଯଜ୍ଞୀ ଯଜ୍ଞଭୁକ୍ ଯଜ୍ଞସାଧନଃ ।
ଯଜ୍ଞାଂତକୃଦ୍ ଯଜ୍ଞଗୁହ୍ଯମନ୍ନମନ୍ନାଦ ଏଵ ଚ ॥ 105 ॥
ଆତ୍ମଯୋନିଃ ସ୍ଵଯଂଜାତୋ ଵୈଖାନଃ ସାମଗାଯନଃ ।
ଦେଵକୀନଂଦନଃ ସ୍ରଷ୍ଟା କ୍ଷିତୀଶଃ ପାପନାଶନଃ ॥ 106 ॥
ଶଂଖଭୃନ୍ନଂଦକୀ ଚକ୍ରୀ ଶାରଂଗଧନ୍ଵା ଗଦାଧରଃ ।
ରଥାଂଗପାଣିରକ୍ଷୋଭ୍ଯଃ ସର୍ଵପ୍ରହରଣାଯୁଧଃ ॥ 107 ॥
ଶ୍ରୀ ସର୍ଵପ୍ରହରଣାଯୁଧ ଓଂ ନମ ଇତି ।
ଵନମାଲୀ ଗଦୀ ଶାରଂଗୀ ଶଂଖୀ ଚକ୍ରୀ ଚ ନଂଦକୀ ।
ଶ୍ରୀମାନ୍ନାରାଯଣୋ ଵିଷ୍ଣୁର୍ଵାସୁଦେଵୋଽଭିରକ୍ଷତୁ ॥ 108 ॥
ଶ୍ରୀ ଵାସୁଦେଵୋଽଭିରକ୍ଷତୁ ଓଂ ନମ ଇତି ।
ଉତ୍ତର ପୀଠିକା
ଫଲଶ୍ରୁତିଃ
ଇତୀଦଂ କୀର୍ତନୀଯସ୍ଯ କେଶଵସ୍ଯ ମହାତ୍ମନଃ ।
ନାମ୍ନାଂ ସହସ୍ରଂ ଦିଵ୍ଯାନାମଶେଷେଣ ପ୍ରକୀର୍ତିତମ୍। ॥ 1 ॥
ଯ ଇଦଂ ଶୃଣୁଯାନ୍ନିତ୍ଯଂ ଯଶ୍ଚାପି ପରିକୀର୍ତଯେତ୍॥
ନାଶୁଭଂ ପ୍ରାପ୍ନୁଯାତ୍ କିଂଚିତ୍ସୋଽମୁତ୍ରେହ ଚ ମାନଵଃ ॥ 2 ॥
ଵେଦାଂତଗୋ ବ୍ରାହ୍ମଣଃ ସ୍ଯାତ୍ କ୍ଷତ୍ରିଯୋ ଵିଜଯୀ ଭଵେତ୍ ।
ଵୈଶ୍ଯୋ ଧନସମୃଦ୍ଧଃ ସ୍ଯାତ୍ ଶୂଦ୍ରଃ ସୁଖମଵାପ୍ନୁଯାତ୍ ॥ 3 ॥
ଧର୍ମାର୍ଥୀ ପ୍ରାପ୍ନୁଯାଦ୍ଧର୍ମମର୍ଥାର୍ଥୀ ଚାର୍ଥମାପ୍ନୁଯାତ୍ ।
କାମାନଵାପ୍ନୁଯାତ୍ କାମୀ ପ୍ରଜାର୍ଥୀ ପ୍ରାପ୍ନୁଯାତ୍ପ୍ରଜାମ୍। ॥ 4 ॥
ଭକ୍ତିମାନ୍ ଯଃ ସଦୋତ୍ଥାଯ ଶୁଚିସ୍ତଦ୍ଗତମାନସଃ ।
ସହସ୍ରଂ ଵାସୁଦେଵସ୍ଯ ନାମ୍ନାମେତତ୍ ପ୍ରକୀର୍ତଯେତ୍ ॥ 5 ॥
ଯଶଃ ପ୍ରାପ୍ନୋତି ଵିପୁଲଂ ଯାତିପ୍ରାଧାନ୍ଯମେଵ ଚ ।
ଅଚଲାଂ ଶ୍ରିଯମାପ୍ନୋତି ଶ୍ରେଯଃ ପ୍ରାପ୍ନୋତ୍ଯନୁତ୍ତମମ୍। ॥ 6 ॥
ନ ଭଯଂ କ୍ଵଚିଦାପ୍ନୋତି ଵୀର୍ଯଂ ତେଜଶ୍ଚ ଵିଂଦତି ।
ଭଵତ୍ଯରୋଗୋ ଦ୍ଯୁତିମାନ୍ ବଲରୂପ ଗୁଣାନ୍ଵିତଃ ॥ 7 ॥
ରୋଗାର୍ତୋ ମୁଚ୍ଯତେ ରୋଗାଦ୍ବଦ୍ଧୋ ମୁଚ୍ଯେତ ବଂଧନାତ୍ ।
ଭଯାନ୍ମୁଚ୍ଯେତ ଭୀତସ୍ତୁ ମୁଚ୍ଯେତାପନ୍ନ ଆପଦଃ ॥ 8 ॥
ଦୁର୍ଗାଣ୍ଯତିତରତ୍ଯାଶୁ ପୁରୁଷଃ ପୁରୁଷୋତ୍ତମମ୍ ।
ସ୍ତୁଵନ୍ନାମସହସ୍ରେଣ ନିତ୍ଯଂ ଭକ୍ତିସମନ୍ଵିତଃ ॥ 9 ॥
ଵାସୁଦେଵାଶ୍ରଯୋ ମର୍ତ୍ଯୋ ଵାସୁଦେଵପରାଯଣଃ ।
ସର୍ଵପାପଵିଶୁଦ୍ଧାତ୍ମା ଯାତି ବ୍ରହ୍ମ ସନାତନମ୍। ॥ 10 ॥
ନ ଵାସୁଦେଵ ଭକ୍ତାନାମଶୁଭଂ ଵିଦ୍ଯତେ କ୍ଵଚିତ୍ ।
ଜନ୍ମମୃତ୍ଯୁଜରାଵ୍ଯାଧିଭଯଂ ନୈଵୋପଜାଯତେ ॥ 11 ॥
ଇମଂ ସ୍ତଵମଧୀଯାନଃ ଶ୍ରଦ୍ଧାଭକ୍ତିସମନ୍ଵିତଃ ।
ଯୁଜ୍ଯେତାତ୍ମ ସୁଖକ୍ଷାଂତି ଶ୍ରୀଧୃତି ସ୍ମୃତି କୀର୍ତିଭିଃ ॥ 12 ॥
ନ କ୍ରୋଧୋ ନ ଚ ମାତ୍ସର୍ଯଂ ନ ଲୋଭୋ ନାଶୁଭାମତିଃ ।
ଭଵଂତି କୃତପୁଣ୍ଯାନାଂ ଭକ୍ତାନାଂ ପୁରୁଷୋତ୍ତମେ ॥ 13 ॥
ଦ୍ଯୌଃ ସଚଂଦ୍ରାର୍କନକ୍ଷତ୍ରା ଖଂ ଦିଶୋ ଭୂର୍ମହୋଦଧିଃ ।
ଵାସୁଦେଵସ୍ଯ ଵୀର୍ଯେଣ ଵିଧୃତାନି ମହାତ୍ମନଃ ॥ 14 ॥
ସସୁରାସୁରଗଂଧର୍ଵଂ ସଯକ୍ଷୋରଗରାକ୍ଷସଂ ।
ଜଗଦ୍ଵଶେ ଵର୍ତତେଦଂ କୃଷ୍ଣସ୍ଯ ସ ଚରାଚରମ୍। ॥ 15 ॥
ଇଂଦ୍ରିଯାଣି ମନୋବୁଦ୍ଧିଃ ସତ୍ତ୍ଵଂ ତେଜୋ ବଲଂ ଧୃତିଃ ।
ଵାସୁଦେଵାତ୍ମକାନ୍ଯାହୁଃ, କ୍ଷେତ୍ରଂ କ୍ଷେତ୍ରଜ୍ଞ ଏଵ ଚ ॥ 16 ॥
ସର୍ଵାଗମାନାମାଚାରଃ ପ୍ରଥମଂ ପରିକଲ୍ପତେ ।
ଆଚାରପ୍ରଭଵୋ ଧର୍ମୋ ଧର୍ମସ୍ଯ ପ୍ରଭୁରଚ୍ଯୁତଃ ॥ 17 ॥
ଋଷଯଃ ପିତରୋ ଦେଵା ମହାଭୂତାନି ଧାତଵଃ ।
ଜଂଗମାଜଂଗମଂ ଚେଦଂ ଜଗନ୍ନାରାଯଣୋଦ୍ଭଵଂ ॥ 18 ॥
ଯୋଗୋଜ୍ଞାନଂ ତଥା ସାଂଖ୍ଯଂ ଵିଦ୍ଯାଃ ଶିଲ୍ପାଦିକର୍ମ ଚ ।
ଵେଦାଃ ଶାସ୍ତ୍ରାଣି ଵିଜ୍ଞାନମେତତ୍ସର୍ଵଂ ଜନାର୍ଦନାତ୍ ॥ 19 ॥
ଏକୋ ଵିଷ୍ଣୁର୍ମହଦ୍ଭୂତଂ ପୃଥଗ୍ଭୂତାନ୍ଯନେକଶଃ ।
ତ୍ରୀଂଲୋକାନ୍ଵ୍ଯାପ୍ଯ ଭୂତାତ୍ମା ଭୁଂକ୍ତେ ଵିଶ୍ଵଭୁଗଵ୍ଯଯଃ ॥ 20 ॥
ଇମଂ ସ୍ତଵଂ ଭଗଵତୋ ଵିଷ୍ଣୋର୍ଵ୍ଯାସେନ କୀର୍ତିତଂ ।
ପଠେଦ୍ଯ ଇଚ୍ଚେତ୍ପୁରୁଷଃ ଶ୍ରେଯଃ ପ୍ରାପ୍ତୁଂ ସୁଖାନି ଚ ॥ 21 ॥
ଵିଶ୍ଵେଶ୍ଵରମଜଂ ଦେଵଂ ଜଗତଃ ପ୍ରଭୁମଵ୍ଯଯମ୍।
ଭଜଂତି ଯେ ପୁଷ୍କରାକ୍ଷଂ ନ ତେ ଯାଂତି ପରାଭଵଂ ॥ 22 ॥
ନ ତେ ଯାଂତି ପରାଭଵଂ ଓଂ ନମ ଇତି ।
ଅର୍ଜୁନ ଉଵାଚ
ପଦ୍ମପତ୍ର ଵିଶାଲାକ୍ଷ ପଦ୍ମନାଭ ସୁରୋତ୍ତମ ।
ଭକ୍ତାନା ମନୁରକ୍ତାନାଂ ତ୍ରାତା ଭଵ ଜନାର୍ଦନ ॥ 23 ॥
ଶ୍ରୀଭଗଵାନୁଵାଚ
ଯୋ ମାଂ ନାମସହସ୍ରେଣ ସ୍ତୋତୁମିଚ୍ଛତି ପାଂଡଵ ।
ସୋଽହମେକେନ ଶ୍ଲୋକେନ ସ୍ତୁତ ଏଵ ନ ସଂଶଯଃ ॥ 24 ॥
ସ୍ତୁତ ଏଵ ନ ସଂଶଯ ଓଂ ନମ ଇତି ।
ଵ୍ଯାସ ଉଵାଚ
ଵାସନାଦ୍ଵାସୁଦେଵସ୍ଯ ଵାସିତଂ ଭୁଵନତ୍ରଯମ୍ ।
ସର୍ଵଭୂତନିଵାସୋଽସି ଵାସୁଦେଵ ନମୋଽସ୍ତୁ ତେ ॥ 25 ॥
ଶ୍ରୀଵାସୁଦେଵ ନମୋସ୍ତୁତ ଓଂ ନମ ଇତି ।
ପାର୍ଵତ୍ଯୁଵାଚ
କେନୋପାଯେନ ଲଘୁନା ଵିଷ୍ଣୋର୍ନାମସହସ୍ରକଂ ।
ପଠ୍ଯତେ ପଂଡିତୈର୍ନିତ୍ଯଂ ଶ୍ରୋତୁମିଚ୍ଛାମ୍ଯହଂ ପ୍ରଭୋ ॥ 26 ॥
ଈଶ୍ଵର ଉଵାଚ
ଶ୍ରୀରାମ ରାମ ରାମେତି ରମେ ରାମେ ମନୋରମେ ।
ସହସ୍ରନାମ ତତ୍ତୁଲ୍ଯଂ ରାମନାମ ଵରାନନେ ॥ 27 ॥
ଶ୍ରୀରାମ ନାମ ଵରାନନ ଓଂ ନମ ଇତି ।
ବ୍ରହ୍ମୋଵାଚ
ନମୋଽସ୍ତ୍ଵନଂତାଯ ସହସ୍ରମୂର୍ତଯେ ସହସ୍ରପାଦାକ୍ଷିଶିରୋରୁବାହଵେ ।
ସହସ୍ରନାମ୍ନେ ପୁରୁଷାଯ ଶାଶ୍ଵତେ ସହସ୍ରକୋଟୀ ଯୁଗଧାରିଣେ ନମଃ ॥ 28 ॥
ଶ୍ରୀ ସହସ୍ରକୋଟୀ ଯୁଗଧାରିଣେ ନମ ଓଂ ନମ ଇତି ।
ସଂଜଯ ଉଵାଚ
ଯତ୍ର ଯୋଗେଶ୍ଵରଃ କୃଷ୍ଣୋ ଯତ୍ର ପାର୍ଥୋ ଧନୁର୍ଧରଃ ।
ତତ୍ର ଶ୍ରୀର୍ଵିଜଯୋ ଭୂତିର୍ଧ୍ରୁଵା ନୀତିର୍ମତିର୍ମମ ॥ 29 ॥
ଶ୍ରୀ ଭଗଵାନ୍ ଉଵାଚ
ଅନନ୍ଯାଶ୍ଚିଂତଯଂତୋ ମାଂ ଯେ ଜନାଃ ପର୍ଯୁପାସତେ ।
ତେଷାଂ ନିତ୍ଯାଭିଯୁକ୍ତାନାଂ ଯୋଗକ୍ଷେମଂ ଵହାମ୍ଯହମ୍। ॥ 30 ॥
ପରିତ୍ରାଣାଯ ସାଧୂନାଂ ଵିନାଶାଯ ଚ ଦୁଷ୍କୃତାମ୍। ।
ଧର୍ମସଂସ୍ଥାପନାର୍ଥାଯ ସଂଭଵାମି ଯୁଗେ ଯୁଗେ ॥ 31 ॥
ଆର୍ତାଃ ଵିଷଣ୍ଣାଃ ଶିଥିଲାଶ୍ଚ ଭୀତାଃ ଘୋରେଷୁ ଚ ଵ୍ଯାଧିଷୁ ଵର୍ତମାନାଃ ।
ସଂକୀର୍ତ୍ଯ ନାରାଯଣଶବ୍ଦମାତ୍ରଂ ଵିମୁକ୍ତଦୁଃଖାଃ ସୁଖିନୋ ଭଵଂତି ॥ 32 ॥
କାଯେନ ଵାଚା ମନସେଂଦ୍ରିଯୈର୍ଵା ବୁଦ୍ଧ୍ଯାତ୍ମନା ଵା ପ୍ରକୃତେଃ ସ୍ଵଭାଵାତ୍ ।
କରୋମି ଯଦ୍ଯତ୍ସକଲଂ ପରସ୍ମୈ ନାରାଯଣାଯେତି ସମର୍ପଯାମି ॥ 33 ॥
ଯଦକ୍ଷର ପଦଭ୍ରଷ୍ଟଂ ମାତ୍ରାହୀନଂ ତୁ ଯଦ୍ଭଵେତ୍
ତଥ୍ସର୍ଵଂ କ୍ଷମ୍ଯତାଂ ଦେଵ ନାରାଯଣ ନମୋଽସ୍ତୁ ତେ ।
ଵିସର୍ଗ ବିଂଦୁ ମାତ୍ରାଣି ପଦପାଦାକ୍ଷରାଣି ଚ
ନ୍ଯୂନାନି ଚାତିରିକ୍ତାନି କ୍ଷମସ୍ଵ ପୁରୁଷୋତ୍ତମଃ ॥
ଇତି ଶ୍ରୀ ମହାଭାରତେ ଶତସାହସ୍ରିକାଯାଂ ସଂହିତାଯାଂ ଵୈଯାସିକ୍ଯାମନୁଶାସନ ପର୍ଵାଂତର୍ଗତ ଆନୁଶାସନିକ ପର୍ଵଣି, ମୋକ୍ଷଧର୍ମେ ଭୀଷ୍ମ ଯୁଧିଷ୍ଠିର ସଂଵାଦେ ଶ୍ରୀ ଵିଷ୍ଣୋର୍ଦିଵ୍ଯ ସହସ୍ରନାମ ସ୍ତୋତ୍ରଂ ନାମୈକୋନ ପଂଚ ଶତାଧିକ ଶତତମୋଧ୍ଯାଯଃ ॥
ଶ୍ରୀ ଵିଷ୍ଣୁ ସହସ୍ରନାମ ସ୍ତୋତ୍ରଂ ସମାପ୍ତମ୍ ॥
ଓଂ ତତ୍ସତ୍ ସର୍ଵଂ ଶ୍ରୀ କୃଷ୍ଣାର୍ପଣମସ୍ତୁ ॥
Browse Related Categories:
