॥ ଅଥ ଶ୍ରୀ ଦୁର୍ଗା ସହସ୍ରନାମସ୍ତୋତ୍ରମ୍ ॥
ନାରଦ ଉଵାଚ -
କୁମାର ଗୁଣଗଂଭୀର ଦେଵସେନାପତେ ପ୍ରଭୋ ।
ସର୍ଵାଭୀଷ୍ଟପ୍ରଦଂ ପୁଂସାଂ ସର୍ଵପାପପ୍ରଣାଶନମ୍ ॥ 1॥
ଗୁହ୍ଯାଦ୍ଗୁହ୍ଯତରଂ ସ୍ତୋତ୍ରଂ ଭକ୍ତିଵର୍ଧକମଂଜସା ।
ମଂଗଲଂ ଗ୍ରହପୀଡାଦିଶାଂତିଦଂ ଵକ୍ତୁମର୍ହସି ॥ 2॥
ସ୍କଂଦ ଉଵାଚ -
ଶୃଣୁ ନାରଦ ଦେଵର୍ଷେ ଲୋକାନୁଗ୍ରହକାମ୍ଯଯା ।
ଯତ୍ପୃଚ୍ଛସି ପରଂ ପୁଣ୍ଯଂ ତତ୍ତେ ଵକ୍ଷ୍ଯାମି କୌତୁକାତ୍ ॥ 3॥
ମାତା ମେ ଲୋକଜନନୀ ହିମଵନ୍ନଗସତ୍ତମାତ୍ ।
ମେନାଯାଂ ବ୍ରହ୍ମଵାଦିନ୍ଯାଂ ପ୍ରାଦୁର୍ଭୂତା ହରପ୍ରିଯା ॥ 4॥
ମହତା ତପସାଽଽରାଧ୍ଯ ଶଂକରଂ ଲୋକଶଂକରମ୍ ।
ସ୍ଵମେଵ ଵଲ୍ଲଭଂ ଭେଜେ କଲେଵ ହି କଲାନିଧିମ୍ ॥ 5॥
ନଗାନାମଧିରାଜସ୍ତୁ ହିମଵାନ୍ ଵିରହାତୁରଃ ।
ସ୍ଵସୁତାଯାଃ ପରିକ୍ଷୀଣେ ଵସିଷ୍ଠେନ ପ୍ରବୋଧିତଃ ॥ 6॥
ତ୍ରିଲୋକଜନନୀ ସେଯଂ ପ୍ରସନ୍ନା ତ୍ଵଯି ପୁଣ୍ଯତଃ ।
ପ୍ରାଦୁର୍ଭୂତା ସୁତାତ୍ଵେନ ତଦ୍ଵିଯୋଗଂ ଶୁଭଂ ତ୍ଯଜ ॥ 7॥
ବହୁରୂପା ଚ ଦୁର୍ଗେଯଂ ବହୁନାମ୍ନୀ ସନାତନୀ ।
ସନାତନସ୍ଯ ଜାଯା ସା ପୁତ୍ରୀମୋହଂ ତ୍ଯଜାଧୁନା ॥ 8॥
ଇତି ପ୍ରବୋଧିତଃ ଶୈଲଃ ତାଂ ତୁଷ୍ଟାଵ ପରାଂ ଶିଵାମ୍ ।
ତଦା ପ୍ରସନ୍ନା ସା ଦୁର୍ଗା ପିତରଂ ପ୍ରାହ ନଂଦିନୀ ॥ 9॥
ମତ୍ପ୍ରସାଦାତ୍ପରଂ ସ୍ତୋତ୍ରଂ ହୃଦଯେ ପ୍ରତିଭାସତାମ୍ ।
ତେନ ନାମ୍ନାଂ ସହସ୍ରେଣ ପୂଜଯନ୍ କାମମାପ୍ନୁହି ॥ 10॥
ଇତ୍ଯୁକ୍ତ୍ଵାଂତର୍ହିତାଯାଂ ତୁ ହୃଦଯେ ସ୍ଫୁରିତଂ ତଦା ।
ନାମ୍ନାଂ ସହସ୍ରଂ ଦୁର୍ଗାଯାଃ ପୃଚ୍ଛତେ ମେ ଯଦୁକ୍ତଵାନ୍ ॥ 11॥
ମଂଗଲାନାଂ ମଂଗଲଂ ତଦ୍ ଦୁର୍ଗାନାମ ସହସ୍ରକମ୍ ।
ସର୍ଵାଭୀଷ୍ଟପ୍ରଦାଂ ପୁଂସାଂ ବ୍ରଵୀମ୍ଯଖିଲକାମଦମ୍ ॥ 12॥
ଦୁର୍ଗାଦେଵୀ ସମାଖ୍ଯାତା ହିମଵାନୃଷିରୁଚ୍ଯତେ ।
ଛଂଦୋନୁଷ୍ଟୁପ୍ ଜପୋ ଦେଵ୍ଯାଃ ପ୍ରୀତଯେ କ୍ରିଯତେ ସଦା ॥ 13॥
ଅସ୍ଯ ଶ୍ରୀଦୁର୍ଗାସ୍ତୋତ୍ରମହାମଂତ୍ରସ୍ଯ । ହିମଵାନ୍ ଋଷିଃ । ଅନୁଷ୍ଟୁପ୍ ଛଂଦଃ ।
ଦୁର୍ଗାଭଗଵତୀ ଦେଵତା । ଶ୍ରୀଦୁର୍ଗାପ୍ରସାଦସିଦ୍ଧ୍ଯର୍ଥେ ଜପେ ଵିନିଯୋଗଃ । ।
ଶ୍ରୀଭଗଵତ୍ଯୈ ଦୁର୍ଗାଯୈ ନମଃ ।
ଦେଵୀଧ୍ଯାନମ୍
ଓଂ ହ୍ରୀଂ କାଲାଭ୍ରାଭାଂ କଟାକ୍ଷୈରରିକୁଲଭଯଦାଂ ମୌଲିବଦ୍ଧେଂଦୁରେଖାଂ
ଶଂଖଂ ଚକ୍ରଂ କୃପାଣଂ ତ୍ରିଶିଖମପି କରୈରୁଦ୍ଵହଂତୀଂ ତ୍ରିନେତ୍ରାମ୍ ।
ସିଂହସ୍କଂଧାଧିରୂଢାଂ ତ୍ରିଭୁଵନମଖିଲଂ ତେଜସା ପୂରଯଂତୀଂ
ଧ୍ଯାଯେଦ୍ ଦୁର୍ଗାଂ ଜଯାଖ୍ଯାଂ ତ୍ରିଦଶପରିଵୃତାଂ ସେଵିତାଂ ସିଦ୍ଧିକାମୈଃ ॥
ଶ୍ରୀ ଜଯଦୁର୍ଗାଯୈ ନମଃ ।
ଓଂ ଶିଵାଥୋମା ରମା ଶକ୍ତିରନଂତା ନିଷ୍କଲାଽମଲା ।
ଶାଂତା ମାହେଶ୍ଵରୀ ନିତ୍ଯା ଶାଶ୍ଵତା ପରମା କ୍ଷମା ॥ 1॥
ଅଚିଂତ୍ଯା କେଵଲାନଂତା ଶିଵାତ୍ମା ପରମାତ୍ମିକା ।
ଅନାଦିରଵ୍ଯଯା ଶୁଦ୍ଧା ସର୍ଵଜ୍ଞା ସର୍ଵଗାଽଚଲା ॥ 2॥
ଏକାନେକଵିଭାଗସ୍ଥା ମାଯାତୀତା ସୁନିର୍ମଲା ।
ମହାମାହେଶ୍ଵରୀ ସତ୍ଯା ମହାଦେଵୀ ନିରଂଜନା ॥ 3॥
କାଷ୍ଠା ସର୍ଵାଂତରସ୍ଥାଽପି ଚିଚ୍ଛକ୍ତିଶ୍ଚାତ୍ରିଲାଲିତା ।
ସର୍ଵା ସର୍ଵାତ୍ମିକା ଵିଶ୍ଵା ଜ୍ଯୋତୀରୂପାକ୍ଷରାମୃତା ॥ 4॥
ଶାଂତା ପ୍ରତିଷ୍ଠା ସର୍ଵେଶା ନିଵୃତ୍ତିରମୃତପ୍ରଦା ।
ଵ୍ଯୋମମୂର୍ତିର୍ଵ୍ଯୋମସଂସ୍ଥା ଵ୍ଯୋମଧାରାଽଚ୍ଯୁତାଽତୁଲା ॥ 5॥
ଅନାଦିନିଧନାଽମୋଘା କାରଣାତ୍ମକଲାକୁଲା ।
ଋତୁପ୍ରଥମଜାଽନାଭିରମୃତାତ୍ମସମାଶ୍ରଯା ॥ 6॥
ପ୍ରାଣେଶ୍ଵରପ୍ରିଯା ନମ୍ଯା ମହାମହିଷଘାତିନୀ ।
ପ୍ରାଣେଶ୍ଵରୀ ପ୍ରାଣରୂପା ପ୍ରଧାନପୁରୁଷେଶ୍ଵରୀ ॥ 7॥
ସର୍ଵଶକ୍ତିକଲାଽକାମା ମହିଷେଷ୍ଟଵିନାଶିନୀ ।
ସର୍ଵକାର୍ଯନିଯଂତ୍ରୀ ଚ ସର୍ଵଭୂତେଶ୍ଵରେଶ୍ଵରୀ ॥ 8॥
ଅଂଗଦାଦିଧରା ଚୈଵ ତଥା ମୁକୁଟଧାରିଣୀ ।
ସନାତନୀ ମହାନଂଦାଽଽକାଶଯୋନିସ୍ତଥେଚ୍ଯତେ ॥ 9॥
ଚିତ୍ପ୍ରକାଶସ୍ଵରୂପା ଚ ମହାଯୋଗେଶ୍ଵରେଶ୍ଵରୀ ।
ମହାମାଯା ସଦୁଷ୍ପାରା ମୂଲପ୍ରକୃତିରୀଶିକା ॥ 10॥
ସଂସାରଯୋନିଃ ସକଲା ସର୍ଵଶକ୍ତିସମୁଦ୍ଭଵା ।
ସଂସାରପାରା ଦୁର୍ଵାରା ଦୁର୍ନିରୀକ୍ଷା ଦୁରାସଦା ॥ 11॥
ପ୍ରାଣଶକ୍ତିଶ୍ଚ ସେଵ୍ଯା ଚ ଯୋଗିନୀ ପରମାକଲା ।
ମହାଵିଭୂତିର୍ଦୁର୍ଦର୍ଶା ମୂଲପ୍ରକୃତିସଂଭଵା ॥ 12॥
ଅନାଦ୍ଯନଂତଵିଭଵା ପରାର୍ଥା ପୁରୁଷାରଣିଃ ।
ସର୍ଗସ୍ଥିତ୍ଯଂତକୃଚ୍ଚୈଵ ସୁଦୁର୍ଵାଚ୍ଯା ଦୁରତ୍ଯଯା ॥ 13॥
ଶବ୍ଦଗମ୍ଯା ଶବ୍ଦମାଯା ଶବ୍ଦାଖ୍ଯାନଂଦଵିଗ୍ରହା ।
ପ୍ରଧାନପୁରୁଷାତୀତା ପ୍ରଧାନପୁରୁଷାତ୍ମିକା ॥ 14॥
ପୁରାଣୀ ଚିନ୍ମଯା ପୁଂସାମିଷ୍ଟଦା ପୁଷ୍ଟିରୂପିଣୀ ।
ପୂତାଂତରସ୍ଥା କୂଟସ୍ଥା ମହାପୁରୁଷସଂଜ୍ଞିତା ॥ 15॥
ଜନ୍ମମୃତ୍ଯୁଜରାତୀତା ସର୍ଵଶକ୍ତିସ୍ଵରୂପିଣୀ ।
ଵାଂଛାପ୍ରଦାଽନଵଚ୍ଛିନ୍ନପ୍ରଧାନାନୁପ୍ରଵେଶିନୀ ॥ 16॥
କ୍ଷେତ୍ରଜ୍ଞାଽଚିଂତ୍ଯଶକ୍ତିସ୍ତୁ ପ୍ରୋଚ୍ଯତେଽଵ୍ଯକ୍ତଲକ୍ଷଣା ।
ମଲାପଵର୍ଜିତାଽଽନାଦିମାଯା ତ୍ରିତଯତତ୍ତ୍ଵିକା ॥ 17॥
ପ୍ରୀତିଶ୍ଚ ପ୍ରକୃତିଶ୍ଚୈଵ ଗୁହାଵାସା ତଥୋଚ୍ଯତେ ।
ମହାମାଯା ନଗୋତ୍ପନ୍ନା ତାମସୀ ଚ ଧ୍ରୁଵା ତଥା ॥ 18॥
ଵ୍ଯକ୍ତାଽଵ୍ଯକ୍ତାତ୍ମିକା କୃଷ୍ଣା ରକ୍ତା ଶୁକ୍ଲା ହ୍ଯକାରଣା ।
ପ୍ରୋଚ୍ଯତେ କାର୍ଯଜନନୀ ନିତ୍ଯପ୍ରସଵଧର୍ମିଣୀ ॥ 19॥
ସର୍ଗପ୍ରଲଯମୁକ୍ତା ଚ ସୃଷ୍ଟିସ୍ଥିତ୍ଯଂତଧର୍ମିଣୀ ।
ବ୍ରହ୍ମଗର୍ଭା ଚତୁର୍ଵିଂଶସ୍ଵରୂପା ପଦ୍ମଵାସିନୀ ॥ 20॥
ଅଚ୍ଯୁତାହ୍ଲାଦିକା ଵିଦ୍ଯୁଦ୍ବ୍ରହ୍ମଯୋନିର୍ମହାଲଯା ।
ମହାଲକ୍ଷ୍ମୀ ସମୁଦ୍ଭାଵଭାଵିତାତ୍ମାମହେଶ୍ଵରୀ ॥ 21॥
ମହାଵିମାନମଧ୍ଯସ୍ଥା ମହାନିଦ୍ରା ସକୌତୁକା ।
ସର୍ଵାର୍ଥଧାରିଣୀ ସୂକ୍ଷ୍ମା ହ୍ଯଵିଦ୍ଧା ପରମାର୍ଥଦା ॥ 22॥
ଅନଂତରୂପାଽନଂତାର୍ଥା ତଥା ପୁରୁଷମୋହିନୀ ।
ଅନେକାନେକହସ୍ତା ଚ କାଲତ୍ରଯଵିଵର୍ଜିତା ॥ 23॥
ବ୍ରହ୍ମଜନ୍ମା ହରପ୍ରୀତା ମତିର୍ବ୍ରହ୍ମଶିଵାତ୍ମିକା ।
ବ୍ରହ୍ମେଶଵିଷ୍ଣୁସଂପୂଜ୍ଯା ବ୍ରହ୍ମାଖ୍ଯା ବ୍ରହ୍ମସଂଜ୍ଞିତା ॥ 24॥
ଵ୍ଯକ୍ତା ପ୍ରଥମଜା ବ୍ରାହ୍ମୀ ମହାରାତ୍ରୀଃ ପ୍ରକୀର୍ତିତା ।
ଜ୍ଞାନସ୍ଵରୂପା ଵୈରାଗ୍ଯରୂପା ହ୍ଯୈଶ୍ଵର୍ଯରୂପିଣୀ ॥ 25॥
ଧର୍ମାତ୍ମିକା ବ୍ରହ୍ମମୂର୍ତିଃ ପ୍ରତିଶ୍ରୁତପୁମର୍ଥିକା ।
ଅପାଂଯୋନିଃ ସ୍ଵଯଂଭୂତା ମାନସୀ ତତ୍ତ୍ଵସଂଭଵା ॥ 26॥
ଈଶ୍ଵରସ୍ଯ ପ୍ରିଯା ପ୍ରୋକ୍ତା ଶଂକରାର୍ଧଶରୀରିଣୀ ।
ଭଵାନୀ ଚୈଵ ରୁଦ୍ରାଣୀ ମହାଲକ୍ଷ୍ମୀସ୍ତଥାଽଂବିକା ॥ 27॥
ମହେଶ୍ଵରସମୁତ୍ପନ୍ନା ଭୁକ୍ତିମୁକ୍ତି ପ୍ରଦାଯିନୀ ।
ସର୍ଵେଶ୍ଵରୀ ସର୍ଵଵଂଦ୍ଯା ନିତ୍ଯମୁକ୍ତା ସୁମାନସା ॥ 28॥
ମହେଂଦ୍ରୋପେଂଦ୍ରନମିତା ଶାଂକରୀଶାନୁଵର୍ତିନୀ ।
ଈଶ୍ଵରାର୍ଧାସନଗତା ମାହେଶ୍ଵରପତିଵ୍ରତା ॥ 29॥
ସଂସାରଶୋଷିଣୀ ଚୈଵ ପାର୍ଵତୀ ହିମଵତ୍ସୁତା ।
ପରମାନଂଦଦାତ୍ରୀ ଚ ଗୁଣାଗ୍ର୍ଯା ଯୋଗଦା ତଥା ॥ 30॥
ଜ୍ଞାନମୂର୍ତିଶ୍ଚ ସାଵିତ୍ରୀ ଲକ୍ଷ୍ମୀଃ ଶ୍ରୀଃ କମଲା ତଥା ।
ଅନଂତଗୁଣଗଂଭୀରା ହ୍ଯୁରୋନୀଲମଣିପ୍ରଭା ॥ 31॥
ସରୋଜନିଲଯା ଗଂଗା ଯୋଗିଧ୍ଯେଯାଽସୁରାର୍ଦିନୀ ।
ସରସ୍ଵତୀ ସର୍ଵଵିଦ୍ଯା ଜଗଜ୍ଜ୍ଯେଷ୍ଠା ସୁମଂଗଲା ॥ 32॥
ଵାଗ୍ଦେଵୀ ଵରଦା ଵର୍ଯା କୀର୍ତିଃ ସର୍ଵାର୍ଥସାଧିକା ।
ଵାଗୀଶ୍ଵରୀ ବ୍ରହ୍ମଵିଦ୍ଯା ମହାଵିଦ୍ଯା ସୁଶୋଭନା ॥ 33॥
ଗ୍ରାହ୍ଯଵିଦ୍ଯା ଵେଦଵିଦ୍ଯା ଧର୍ମଵିଦ୍ଯାଽଽତ୍ମଭାଵିତା ।
ସ୍ଵାହା ଵିଶ୍ଵଂଭରା ସିଦ୍ଧିଃ ସାଧ୍ଯା ମେଧା ଧୃତିଃ କୃତିଃ ॥ 34॥
ସୁନୀତିଃ ସଂକୃତିଶ୍ଚୈଵ କୀର୍ତିତା ନରଵାହିନୀ ।
ପୂଜାଵିଭାଵିନୀ ସୌମ୍ଯା ଭୋଗ୍ଯଭାଗ୍ ଭୋଗଦାଯିନୀ ॥ 35॥
ଶୋଭାଵତୀ ଶାଂକରୀ ଚ ଲୋଲା ମାଲାଵିଭୂଷିତା ।
ପରମେଷ୍ଠିପ୍ରିଯା ଚୈଵ ତ୍ରିଲୋକୀସୁଂଦରୀ ମାତା ॥ 36॥
ନଂଦା ସଂଧ୍ଯା କାମଧାତ୍ରୀ ମହାଦେଵୀ ସୁସାତ୍ତ୍ଵିକା ।
ମହାମହିଷଦର୍ପଘ୍ନୀ ପଦ୍ମମାଲାଽଘହାରିଣୀ ॥ 37॥
ଵିଚିତ୍ରମୁକୁଟା ରାମା କାମଦାତା ପ୍ରକୀର୍ତିତା ।
ପିତାଂବରଧରା ଦିଵ୍ଯଵିଭୂଷଣ ଵିଭୂଷିତା ॥ 38॥
ଦିଵ୍ଯାଖ୍ଯା ସୋମଵଦନା ଜଗତ୍ସଂସୃଷ୍ଟିଵର୍ଜିତା ।
ନିର୍ଯଂତ୍ରା ଯଂତ୍ରଵାହସ୍ଥା ନଂଦିନୀ ରୁଦ୍ରକାଲିକା ॥ 39॥
ଆଦିତ୍ଯଵର୍ଣା କୌମାରୀ ମଯୂରଵରଵାହିନୀ ।
ପଦ୍ମାସନଗତା ଗୌରୀ ମହାକାଲୀ ସୁରାର୍ଚିତା ॥ 40॥
ଅଦିତିର୍ନିଯତା ରୌଦ୍ରୀ ପଦ୍ମଗର୍ଭା ଵିଵାହନା ।
ଵିରୂପାକ୍ଷା କେଶିଵାହା ଗୁହାପୁରନିଵାସିନୀ ॥ 41॥
ମହାଫଲାଽନଵଦ୍ଯାଂଗୀ କାମରୂପା ସରିଦ୍ଵରା ।
ଭାସ୍ଵଦ୍ରୂପା ମୁକ୍ତିଦାତ୍ରୀ ପ୍ରଣତକ୍ଲେଶଭଂଜନା ॥ 42॥
କୌଶିକୀ ଗୋମିନୀ ରାତ୍ରିସ୍ତ୍ରିଦଶାରିଵିନାଶିନୀ ।
ବହୁରୂପା ସୁରୂପା ଚ ଵିରୂପା ରୂପଵର୍ଜିତା ॥ 43॥
ଭକ୍ତାର୍ତିଶମନା ଭଵ୍ଯା ଭଵଭାଵଵିନାଶିନୀ ।
ସର୍ଵଜ୍ଞାନପରୀତାଂଗୀ ସର୍ଵାସୁରଵିମର୍ଦିକା ॥ 44॥
ପିକସ୍ଵନୀ ସାମଗୀତା ଭଵାଂକନିଲଯା ପ୍ରିଯା ।
ଦୀକ୍ଷା ଵିଦ୍ଯାଧରୀ ଦୀପ୍ତା ମହେଂଦ୍ରାହିତପାତିନୀ ॥ 45॥
ସର୍ଵଦେଵମଯା ଦକ୍ଷା ସମୁଦ୍ରାଂତରଵାସିନୀ ।
ଅକଲଂକା ନିରାଧାରା ନିତ୍ଯସିଦ୍ଧା ନିରାମଯା ॥ 46॥
କାମଧେନୁବୃହଦ୍ଗର୍ଭା ଧୀମତୀ ମୌନନାଶିନୀ ।
ନିଃସଂକଲ୍ପା ନିରାତଂକା ଵିନଯା ଵିନଯପ୍ରଦା ॥ 47॥
ଜ୍ଵାଲାମାଲା ସହସ୍ରାଢ୍ଯା ଦେଵଦେଵୀ ମନୋମଯା ।
ସୁଭଗା ସୁଵିଶୁଦ୍ଧା ଚ ଵସୁଦେଵସମୁଦ୍ଭଵା ॥ 48॥
ମହେଂଦ୍ରୋପେଂଦ୍ରଭଗିନୀ ଭକ୍ତିଗମ୍ଯା ପରାଵରା ।
ଜ୍ଞାନଜ୍ଞେଯା ପରାତୀତା ଵେଦାଂତଵିଷଯା ମତିଃ ॥ 49॥
ଦକ୍ଷିଣା ଦାହିକା ଦହ୍ଯା ସର୍ଵଭୂତହୃଦିସ୍ଥିତା ।
ଯୋଗମାଯା ଵିଭାଗଜ୍ଞା ମହାମୋହା ଗରୀଯସୀ ॥ 50॥
ସଂଧ୍ଯା ସର୍ଵସମୁଦ୍ଭୂତା ବ୍ରହ୍ମଵୃକ୍ଷାଶ୍ରିଯାଦିତିଃ ।
ବୀଜାଂକୁରସମୁଦ୍ଭୂତା ମହାଶକ୍ତିର୍ମହାମତିଃ ॥ 51॥
ଖ୍ଯାତିଃ ପ୍ରଜ୍ଞାଵତୀ ସଂଜ୍ଞା ମହାଭୋଗୀଂଦ୍ରଶାଯିନୀ ।
ହୀଂକୃତିଃ ଶଂକରୀ ଶାଂତିର୍ଗଂଧର୍ଵଗଣସେଵିତା ॥ 52॥
ଵୈଶ୍ଵାନରୀ ମହାଶୂଲା ଦେଵସେନା ଭଵପ୍ରିଯା ।
ମହାରାତ୍ରୀ ପରାନଂଦା ଶଚୀ ଦୁଃସ୍ଵପ୍ନନାଶିନୀ ॥ 53॥
ଈଡ୍ଯା ଜଯା ଜଗଦ୍ଧାତ୍ରୀ ଦୁର୍ଵିଜ୍ଞେଯା ସୁରୂପିଣୀ ।
ଗୁହାଂବିକା ଗଣୋତ୍ପନ୍ନା ମହାପୀଠା ମରୁତ୍ସୁତା ॥ 54॥
ହଵ୍ଯଵାହା ଭଵାନଂଦା ଜଗଦ୍ଯୋନିଃ ପ୍ରକୀର୍ତିତା ।
ଜଗନ୍ମାତା ଜଗନ୍ମୃତ୍ଯୁର୍ଜରାତୀତା ଚ ବୁଦ୍ଧିଦା ॥ 55॥
ସିଦ୍ଧିଦାତ୍ରୀ ରତ୍ନଗର୍ଭା ରତ୍ନଗର୍ଭାଶ୍ରଯା ପରା ।
ଦୈତ୍ଯହଂତ୍ରୀ ସ୍ଵେଷ୍ଟଦାତ୍ରୀ ମଂଗଲୈକସୁଵିଗ୍ରହା ॥ 56॥
ପୁରୁଷାଂତର୍ଗତା ଚୈଵ ସମାଧିସ୍ଥା ତପସ୍ଵିନୀ ।
ଦିଵିସ୍ଥିତା ତ୍ରିଣେତ୍ରା ଚ ସର୍ଵେଂଦ୍ରିଯମନାଧୃତିଃ ॥ 57॥
ସର୍ଵଭୂତହୃଦିସ୍ଥା ଚ ତଥା ସଂସାରତାରିଣୀ ।
ଵେଦ୍ଯା ବ୍ରହ୍ମଵିଵେଦ୍ଯା ଚ ମହାଲୀଲା ପ୍ରକୀର୍ତିତା ॥ 58॥
ବ୍ରାହ୍ମଣିବୃହତୀ ବ୍ରାହ୍ମୀ ବ୍ରହ୍ମଭୂତାଽଘହାରିଣୀ ।
ହିରଣ୍ମଯୀ ମହାଦାତ୍ରୀ ସଂସାରପରିଵର୍ତିକା ॥ 59॥
ସୁମାଲିନୀ ସୁରୂପା ଚ ଭାସ୍ଵିନୀ ଧାରିଣୀ ତଥା ।
ଉନ୍ମୂଲିନୀ ସର୍ଵସଭା ସର୍ଵପ୍ରତ୍ଯଯସାକ୍ଷିଣୀ ॥ 60॥
ସୁସୌମ୍ଯା ଚଂଦ୍ରଵଦନା ତାଂଡଵାସକ୍ତମାନସା ।
ସତ୍ତ୍ଵଶୁଦ୍ଧିକରୀ ଶୁଦ୍ଧା ମଲତ୍ରଯଵିନାଶିନୀ ॥ 61॥
ଜଗତ୍ତ୍ତ୍ରଯୀ ଜଗନ୍ମୂର୍ତିସ୍ତ୍ରିମୂର୍ତିରମୃତାଶ୍ରଯା ।
ଵିମାନସ୍ଥା ଵିଶୋକା ଚ ଶୋକନାଶିନ୍ଯନାହତା ॥ 62॥
ହେମକୁଂଡଲିନୀ କାଲୀ ପଦ୍ମଵାସା ସନାତନୀ ।
ସଦାକୀର୍ତିଃ ସର୍ଵଭୂତଶଯା ଦେଵୀ ସତାଂପ୍ରିଯା ॥ 63॥
ବ୍ରହ୍ମମୂର୍ତିକଲା ଚୈଵ କୃତ୍ତିକା କଂଜମାଲିନୀ ।
ଵ୍ଯୋମକେଶା କ୍ରିଯାଶକ୍ତିରିଚ୍ଛାଶକ୍ତିଃ ପରାଗତିଃ ॥ 64॥
କ୍ଷୋଭିକା ଖଂଡିକାଭେଦ୍ଯା ଭେଦାଭେଦଵିଵର୍ଜିତା ।
ଅଭିନ୍ନା ଭିନ୍ନସଂସ୍ଥାନା ଵଶିନୀ ଵଂଶଧାରିଣୀ ॥ 65॥
ଗୁହ୍ଯଶକ୍ତିର୍ଗୁହ୍ଯତତ୍ତ୍ଵା ସର୍ଵଦା ସର୍ଵତୋମୁଖୀ ।
ଭଗିନୀ ଚ ନିରାଧାରା ନିରାହାରା ପ୍ରକୀର୍ତିତା ॥ 66॥
ନିରଂକୁଶପଦୋଦ୍ଭୂତା ଚକ୍ରହସ୍ତା ଵିଶୋଧିକା ।
ସ୍ରଗ୍ଵିଣୀ ପଦ୍ମସଂଭେଦକାରିଣୀ ପରିକୀର୍ତିତା ॥ 67॥
ପରାଵରଵିଧାନଜ୍ଞା ମହାପୁରୁଷପୂର୍ଵଜା ।
ପରାଵରଜ୍ଞା ଵିଦ୍ଯା ଚ ଵିଦ୍ଯୁଜ୍ଜିହ୍ଵା ଜିତାଶ୍ରଯା ॥ 68॥
ଵିଦ୍ଯାମଯୀ ସହସ୍ରାକ୍ଷୀ ସହସ୍ରଵଦନାତ୍ମଜା ।
ସହସ୍ରରଶ୍ମିଃସତ୍ଵସ୍ଥା ମହେଶ୍ଵରପଦାଶ୍ରଯା ॥ 69॥
ଜ୍ଵାଲିନୀ ସନ୍ମଯା ଵ୍ଯାପ୍ତା ଚିନ୍ମଯା ପଦ୍ମଭେଦିକା ।
ମହାଶ୍ରଯା ମହାମଂତ୍ରା ମହାଦେଵମନୋରମା ॥ 70॥
ଵ୍ଯୋମଲକ୍ଷ୍ମୀଃ ସିଂହରଥା ଚେକିତାନାଽମିତପ୍ରଭା ।
ଵିଶ୍ଵେଶ୍ଵରୀ ଭଗଵତୀ ସକଲା କାଲହାରିଣୀ ॥ 71॥
ସର୍ଵଵେଦ୍ଯା ସର୍ଵଭଦ୍ରା ଗୁହ୍ଯା ଦୂଢା ଗୁହାରଣୀ ।
ପ୍ରଲଯା ଯୋଗଧାତ୍ରୀ ଚ ଗଂଗା ଵିଶ୍ଵେଶ୍ଵରୀ ତଥା ॥ 72॥
କାମଦା କନକା କାଂତା କଂଜଗର୍ଭପ୍ରଭା ତଥା ।
ପୁଣ୍ଯଦା କାଲକେଶା ଚ ଭୋକ୍ତ୍ତ୍ରୀ ପୁଷ୍କରିଣୀ ତଥା ॥ 73॥
ସୁରେଶ୍ଵରୀ ଭୂତିଦାତ୍ରୀ ଭୂତିଭୂଷା ପ୍ରକୀର୍ତିତା ।
ପଂଚବ୍ରହ୍ମସମୁତ୍ପନ୍ନା ପରମାର୍ଥାଽର୍ଥଵିଗ୍ରହା ॥ 74॥
ଵର୍ଣୋଦଯା ଭାନୁମୂର୍ତିର୍ଵାଗ୍ଵିଜ୍ଞେଯା ମନୋଜଵା ।
ମନୋହରା ମହୋରସ୍କା ତାମସୀ ଵେଦରୂପିଣୀ ॥ 75॥
ଵେଦଶକ୍ତିର୍ଵେଦମାତା ଵେଦଵିଦ୍ଯାପ୍ରକାଶିନୀ ।
ଯୋଗେଶ୍ଵରେଶ୍ଵରୀ ମାଯା ମହାଶକ୍ତିର୍ମହାମଯୀ ॥ 76॥
ଵିଶ୍ଵାଂତଃସ୍ଥା ଵିଯନ୍ମୂର୍ତିର୍ଭାର୍ଗଵୀ ସୁରସୁଂଦରୀ ।
ସୁରଭିର୍ନଂଦିନୀ ଵିଦ୍ଯା ନଂଦଗୋପତନୂଦ୍ଭଵା ॥ 77॥
ଭାରତୀ ପରମାନଂଦା ପରାଵରଵିଭେଦିକା ।
ସର୍ଵପ୍ରହରଣୋପେତା କାମ୍ଯା କାମେଶ୍ଵରେଶ୍ଵରୀ ॥ 78॥
ଅନଂତାନଂଦଵିଭଵା ହୃଲ୍ଲେଖା କନକପ୍ରଭା ।
କୂଷ୍ମାଂଡା ଧନରତ୍ନାଢ୍ଯା ସୁଗଂଧା ଗଂଧଦାଯିନୀ ॥ 79॥
ତ୍ରିଵିକ୍ରମପଦୋଦ୍ଭୂତା ଚତୁରାସ୍ଯା ଶିଵୋଦଯା ।
ସୁଦୁର୍ଲଭା ଧନାଧ୍ଯକ୍ଷା ଧନ୍ଯା ପିଂଗଲଲୋଚନା ॥ 80॥
ଶାଂତା ପ୍ରଭାସ୍ଵରୂପା ଚ ପଂକଜାଯତଲୋଚନା ।
ଇଂଦ୍ରାକ୍ଷୀ ହୃଦଯାଂତଃସ୍ଥା ଶିଵା ମାତା ଚ ସତ୍କ୍ରିଯା ॥ 81॥
ଗିରିଜା ଚ ସୁଗୂଢା ଚ ନିତ୍ଯପୁଷ୍ଟା ନିରଂତରା ।
ଦୁର୍ଗା କାତ୍ଯାଯନୀ ଚଂଡୀ ଚଂଦ୍ରିକା କାଂତଵିଗ୍ରହା ॥ 82॥
ହିରଣ୍ଯଵର୍ଣା ଜଗତୀ ଜଗଦ୍ଯଂତ୍ରପ୍ରଵର୍ତିକା ।
ମଂଦରାଦ୍ରିନିଵାସା ଚ ଶାରଦା ସ୍ଵର୍ଣମାଲିନୀ ॥ 83॥
ରତ୍ନମାଲା ରତ୍ନଗର୍ଭା ଵ୍ଯୁଷ୍ଟିର୍ଵିଶ୍ଵପ୍ରମାଥିନୀ ।
ପଦ୍ମାନଂଦା ପଦ୍ମନିଭା ନିତ୍ଯପୁଷ୍ଟା କୃତୋଦ୍ଭଵା ॥ 84॥
ନାରାଯଣୀ ଦୁଷ୍ଟଶିକ୍ଷା ସୂର୍ଯମାତା ଵୃଷପ୍ରିଯା ।
ମହେଂଦ୍ରଭଗିନୀ ସତ୍ଯା ସତ୍ଯଭାଷା ସୁକୋମଲା ॥ 85॥
ଵାମା ଚ ପଂଚତପସାଂ ଵରଦାତ୍ରୀ ପ୍ରକୀର୍ତିତା ।
ଵାଚ୍ଯଵର୍ଣେଶ୍ଵରୀ ଵିଦ୍ଯା ଦୁର୍ଜଯା ଦୁରତିକ୍ରମା ॥ 86॥
କାଲରାତ୍ରିର୍ମହାଵେଗା ଵୀରଭଦ୍ରପ୍ରିଯା ହିତା ।
ଭଦ୍ରକାଲୀ ଜଗନ୍ମାତା ଭକ୍ତାନାଂ ଭଦ୍ରଦାଯିନୀ ॥ 87॥
କରାଲା ପିଂଗଲାକାରା କାମଭେତ୍ତ୍ରୀ ମହାମନାଃ ।
ଯଶସ୍ଵିନୀ ଯଶୋଦା ଚ ଷଡଧ୍ଵପରିଵର୍ତିକା ॥ 88॥
ଶଂଖିନୀ ପଦ୍ମିନୀ ସଂଖ୍ଯା ସାଂଖ୍ଯଯୋଗପ୍ରଵର୍ତିକା ।
ଚୈତ୍ରାଦିର୍ଵତ୍ସରାରୂଢା ଜଗତ୍ସଂପୂରଣୀଂଦ୍ରଜା ॥ 89॥
ଶୁଂଭଘ୍ନୀ ଖେଚରାରାଧ୍ଯା କଂବୁଗ୍ରୀଵା ବଲୀଡିତା ।
ଖଗାରୂଢା ମହୈଶ୍ଵର୍ଯା ସୁପଦ୍ମନିଲଯା ତଥା ॥ 90॥
ଵିରକ୍ତା ଗରୁଡସ୍ଥା ଚ ଜଗତୀହୃଦ୍ଗୁହାଶ୍ରଯା ।
ଶୁଂଭାଦିମଥନା ଭକ୍ତହୃଦ୍ଗହ୍ଵରନିଵାସିନୀ ॥ 91॥
ଜଗତ୍ତ୍ତ୍ରଯାରଣୀ ସିଦ୍ଧସଂକଲ୍ପା କାମଦା ତଥା ।
ସର୍ଵଵିଜ୍ଞାନଦାତ୍ରୀ ଚାନଲ୍ପକଲ୍ମଷହାରିଣୀ ॥ 92॥
ସକଲୋପନିଷଦ୍ଗମ୍ଯା ଦୁଷ୍ଟଦୁଷ୍ପ୍ରେକ୍ଷ୍ଯସତ୍ତମା ।
ସଦ୍ଵୃତା ଲୋକସଂଵ୍ଯାପ୍ତା ତୁଷ୍ଟିଃ ପୁଷ୍ଟିଃ କ୍ରିଯାଵତୀ ॥ 93॥
ଵିଶ୍ଵାମରେଶ୍ଵରୀ ଚୈଵ ଭୁକ୍ତିମୁକ୍ତିପ୍ରଦାଯିନୀ ।
ଶିଵାଧୃତା ଲୋହିତାକ୍ଷୀ ସର୍ପମାଲାଵିଭୂଷଣା ॥ 94॥
ନିରାନଂଦା ତ୍ରିଶୂଲାସିଧନୁର୍ବାଣାଦିଧାରିଣୀ ।
ଅଶେଷଧ୍ଯେଯମୂର୍ତିଶ୍ଚ ଦେଵତାନାଂ ଚ ଦେଵତା ॥ 95॥
ଵରାଂବିକା ଗିରେଃ ପୁତ୍ରୀ ନିଶୁଂଭଵିନିପାତିନୀ ।
ସୁଵର୍ଣା ସ୍ଵର୍ଣଲସିତାଽନଂତଵର୍ଣା ସଦାଧୃତା ॥ 96॥
ଶାଂକରୀ ଶାଂତହୃଦଯା ଅହୋରାତ୍ରଵିଧାଯିକା ।
ଵିଶ୍ଵଗୋପ୍ତ୍ରୀ ଗୂଢରୂପା ଗୁଣପୂର୍ଣା ଚ ଗାର୍ଗ୍ଯଜା ॥ 97॥
ଗୌରୀ ଶାକଂଭରୀ ସତ୍ଯସଂଧା ସଂଧ୍ଯାତ୍ରଯୀଧୃତା ।
ସର୍ଵପାପଵିନିର୍ମୁକ୍ତା ସର୍ଵବଂଧଵିଵର୍ଜିତା ॥ 98॥
ସାଂଖ୍ଯଯୋଗସମାଖ୍ଯାତା ଅପ୍ରମେଯା ମୁନୀଡିତା ।
ଵିଶୁଦ୍ଧସୁକୁଲୋଦ୍ଭୂତା ବିଂଦୁନାଦସମାଦୃତା ॥ 99॥
ଶଂଭୁଵାମାଂକଗା ଚୈଵ ଶଶିତୁଲ୍ଯନିଭାନନା ।
ଵନମାଲାଵିରାଜଂତୀ ଅନଂତଶଯନାଦୃତା ॥ 100॥
ନରନାରାଯଣୋଦ୍ଭୂତା ନାରସିଂହୀ ପ୍ରକୀର୍ତିତା ।
ଦୈତ୍ଯପ୍ରମାଥିନୀ ଶଂଖଚକ୍ରପଦ୍ମଗଦାଧରା ॥ 101॥
ସଂକର୍ଷଣସମୁତ୍ପନ୍ନା ଅଂବିକା ସଜ୍ଜନାଶ୍ରଯା ।
ସୁଵୃତା ସୁଂଦରୀ ଚୈଵ ଧର୍ମକାମାର୍ଥଦାଯିନୀ ॥ 102॥
ମୋକ୍ଷଦା ଭକ୍ତିନିଲଯା ପୁରାଣପୁରୁଷାଦୃତା ।
ମହାଵିଭୂତିଦାଽଽରାଧ୍ଯା ସରୋଜନିଲଯାଽସମା ॥ 103॥
ଅଷ୍ଟାଦଶଭୁଜାଽନାଦିର୍ନୀଲୋତ୍ପଲଦଲାକ୍ଷିଣୀ ।
ସର୍ଵଶକ୍ତିସମାରୂଢା ଧର୍ମାଧର୍ମଵିଵର୍ଜିତା ॥ 104॥
ଵୈରାଗ୍ଯଜ୍ଞାନନିରତା ନିରାଲୋକା ନିରିଂଦ୍ରିଯା ।
ଵିଚିତ୍ରଗହନାଧାରା ଶାଶ୍ଵତସ୍ଥାନଵାସିନୀ ॥ 105॥
ଜ୍ଞାନେଶ୍ଵରୀ ପୀତଚେଲା ଵେଦଵେଦାଂଗପାରଗା ।
ମନସ୍ଵିନୀ ମନ୍ଯୁମାତା ମହାମନ୍ଯୁସମୁଦ୍ଭଵା ॥ 106॥
ଅମନ୍ଯୁରମୃତାସ୍ଵାଦା ପୁରଂଦରପରିଷ୍ଟୁତା ।
ଅଶୋଚ୍ଯା ଭିନ୍ନଵିଷଯା ହିରଣ୍ଯରଜତପ୍ରିଯା ॥ 107॥
ହିରଣ୍ଯଜନନୀ ଭୀମା ହେମାଭରଣଭୂଷିତା ।
ଵିଭ୍ରାଜମାନା ଦୁର୍ଜ୍ଞେଯା ଜ୍ଯୋତିଷ୍ଟୋମଫଲପ୍ରଦା ॥ 108॥
ମହାନିଦ୍ରାସମୁତ୍ପତ୍ତିରନିଦ୍ରା ସତ୍ଯଦେଵତା ।
ଦୀର୍ଘା କକୁଦ୍ମିନୀ ପିଂଗଜଟାଧାରା ମନୋଜ୍ଞଧୀଃ ॥ 109॥
ମହାଶ୍ରଯା ରମୋତ୍ପନ୍ନା ତମଃପାରେ ପ୍ରତିଷ୍ଠିତା ।
ତ୍ରିତତ୍ତ୍ଵମାତା ତ୍ରିଵିଧା ସୁସୂକ୍ଷ୍ମା ପଦ୍ମସଂଶ୍ରଯା ॥ 110॥
ଶାଂତ୍ଯତୀତକଲାଽତୀତଵିକାରା ଶ୍ଵେତଚେଲିକା ।
ଚିତ୍ରମାଯା ଶିଵଜ୍ଞାନସ୍ଵରୂପା ଦୈତ୍ଯମାଥିନୀ ॥ 111॥
କାଶ୍ଯପୀ କାଲସର୍ପାଭଵେଣିକା ଶାସ୍ତ୍ରଯୋନିକା ।
ତ୍ରଯୀମୂର୍ତିଃ କ୍ରିଯାମୂର୍ତିଶ୍ଚତୁର୍ଵର୍ଗା ଚ ଦର୍ଶିନୀ ॥ 112॥
ନାରାଯଣୀ ନରୋତ୍ପନ୍ନା କୌମୁଦୀ କାଂତିଧାରିଣୀ ।
କୌଶିକୀ ଲଲିତା ଲୀଲା ପରାଵରଵିଭାଵିନୀ ॥ 113॥
ଵରେଣ୍ଯାଽଦ୍ଭୁତମହାତ୍ମ୍ଯା ଵଡଵା ଵାମଲୋଚନା ।
ସୁଭଦ୍ରା ଚେତନାରାଧ୍ଯା ଶାଂତିଦା ଶାଂତିଵର୍ଧିନୀ ॥ 114॥
ଜଯାଦିଶକ୍ତିଜନନୀ ଶକ୍ତିଚକ୍ରପ୍ରଵର୍ତିକା ।
ତ୍ରିଶକ୍ତିଜନନୀ ଜନ୍ଯା ଷଟ୍ସୂତ୍ରପରିଵର୍ଣିତା ॥ 115॥
ସୁଧୌତକର୍ମଣାଽଽରାଧ୍ଯା ଯୁଗାଂତଦହନାତ୍ମିକା ।
ସଂକର୍ଷିଣୀ ଜଗଦ୍ଧାତ୍ରୀ କାମଯୋନିଃ କିରୀଟିନୀ ॥ 116॥
ଐଂଦ୍ରୀ ତ୍ରୈଲୋକ୍ଯନମିତା ଵୈଷ୍ଣଵୀ ପରମେଶ୍ଵରୀ ।
ପ୍ରଦ୍ଯୁମ୍ନଜନନୀ ବିଂବସମୋଷ୍ଠୀ ପଦ୍ମଲୋଚନା ॥ 117॥
ମଦୋତ୍କଟା ହଂସଗତିଃ ପ୍ରଚଂଡା ଚଂଡଵିକ୍ରମା ।
ଵୃଷାଧୀଶା ପରାତ୍ମା ଚ ଵିଂଧ୍ଯା ପର୍ଵତଵାସିନୀ ॥ 118॥
ହିମଵନ୍ମେରୁନିଲଯା କୈଲାସପୁରଵାସିନୀ ।
ଚାଣୂରହଂତ୍ରୀ ନୀତିଜ୍ଞା କାମରୂପା ତ୍ରଯୀତନୁଃ ॥ 119॥
ଵ୍ରତସ୍ନାତା ଧର୍ମଶୀଲା ସିଂହାସନନିଵାସିନୀ ।
ଵୀରଭଦ୍ରାଦୃତା ଵୀରା ମହାକାଲସମୁଦ୍ଭଵା ॥ 120॥
ଵିଦ୍ଯାଧରାର୍ଚିତା ସିଦ୍ଧସାଧ୍ଯାରାଧିତପାଦୁକା ।
ଶ୍ରଦ୍ଧାତ୍ମିକା ପାଵନୀ ଚ ମୋହିନୀ ଅଚଲାତ୍ମିକା ॥ 121॥
ମହାଦ୍ଭୁତା ଵାରିଜାକ୍ଷୀ ସିଂହଵାହନଗାମିନୀ ।
ମନୀଷିଣୀ ସୁଧାଵାଣୀ ଵୀଣାଵାଦନତତ୍ପରା ॥ 122॥
ଶ୍ଵେତଵାହନିଷେଵ୍ଯା ଚ ଲସନ୍ମତିରରୁଂଧତୀ ।
ହିରଣ୍ଯାକ୍ଷୀ ତଥା ଚୈଵ ମହାନଂଦପ୍ରଦାଯିନୀ ॥ 123॥
ଵସୁପ୍ରଭା ସୁମାଲ୍ଯାପ୍ତକଂଧରା ପଂକଜାନନା ।
ପରାଵରା ଵରାରୋହା ସହସ୍ରନଯନାର୍ଚିତା ॥ 124॥
ଶ୍ରୀରୂପା ଶ୍ରୀମତୀ ଶ୍ରେଷ୍ଠା ଶିଵନାମ୍ନୀ ଶିଵପ୍ରିଯା ।
ଶ୍ରୀପ୍ରଦା ଶ୍ରିତକଲ୍ଯାଣା ଶ୍ରୀଧରାର୍ଧଶରୀରିଣୀ ॥ 125॥
ଶ୍ରୀକଲାଽନଂତଦୃଷ୍ଟିଶ୍ଚ ହ୍ଯକ୍ଷୁଦ୍ରାରାତିସୂଦନୀ ।
ରକ୍ତବୀଜନିହଂତ୍ରୀ ଚ ଦୈତ୍ଯସଂଗଵିମର୍ଦିନୀ ॥ 126॥
ସିଂହାରୂଢା ସିଂହିକାସ୍ଯା ଦୈତ୍ଯଶୋଣିତପାଯିନୀ ।
ସୁକୀର୍ତିସହିତାଚ୍ଛିନ୍ନସଂଶଯା ରସଵେଦିନୀ ॥ 127॥
ଗୁଣାଭିରାମା ନାଗାରିଵାହନା ନିର୍ଜରାର୍ଚିତା ।
ନିତ୍ଯୋଦିତା ସ୍ଵଯଂଜ୍ଯୋତିଃ ସ୍ଵର୍ଣକାଯା ପ୍ରକୀର୍ତିତା ॥ 128॥
ଵଜ୍ରଦଂଡାଂକିତା ଚୈଵ ତଥାମୃତସଂଜୀଵିନୀ ।
ଵଜ୍ରଚ୍ଛନ୍ନା ଦେଵଦେଵୀ ଵରଵଜ୍ରସ୍ଵଵିଗ୍ରହା ॥ 129॥
ମାଂଗଲ୍ଯା ମଂଗଲାତ୍ମା ଚ ମାଲିନୀ ମାଲ୍ଯଧାରିଣୀ ।
ଗଂଧର୍ଵୀ ତରୁଣୀ ଚାଂଦ୍ରୀ ଖଡ୍ଗାଯୁଧଧରା ତଥା ॥ 130॥
ସୌଦାମିନୀ ପ୍ରଜାନଂଦା ତଥା ପ୍ରୋକ୍ତା ଭୃଗୂଦ୍ଭଵା ।
ଏକାନଂଗା ଚ ଶାସ୍ତ୍ରାର୍ଥକୁଶଲା ଧର୍ମଚାରିଣୀ ॥ 131॥
ଧର୍ମସର୍ଵସ୍ଵଵାହା ଚ ଧର୍ମାଧର୍ମଵିନିଶ୍ଚଯା ।
ଧର୍ମଶକ୍ତିର୍ଧର୍ମମଯା ଧାର୍ମିକାନାଂ ଶିଵପ୍ରଦା ॥ 132॥
ଵିଧର୍ମା ଵିଶ୍ଵଧର୍ମଜ୍ଞା ଧର୍ମାର୍ଥାଂତରଵିଗ୍ରହା ।
ଧର୍ମଵର୍ଷ୍ମା ଧର୍ମପୂର୍ଵା ଧର୍ମପାରଂଗତାଂତରା ॥ 133॥
ଧର୍ମୋପଦେଷ୍ଟ୍ରୀ ଧର୍ମାତ୍ମା ଧର୍ମଗମ୍ଯା ଧରାଧରା ।
କପାଲିନୀ ଶାକଲିନୀ କଲାକଲିତଵିଗ୍ରହା ॥ 134॥
ସର୍ଵଶକ୍ତିଵିମୁକ୍ତା ଚ କର୍ଣିକାରଧରାଽକ୍ଷରା।
କଂସପ୍ରାଣହରା ଚୈଵ ଯୁଗଧର୍ମଧରା ତଥା ॥ 135॥
ଯୁଗପ୍ରଵର୍ତିକା ପ୍ରୋକ୍ତା ତ୍ରିସଂଧ୍ଯା ଧ୍ଯେଯଵିଗ୍ରହା ।
ସ୍ଵର୍ଗାପଵର୍ଗଦାତ୍ରୀ ଚ ତଥା ପ୍ରତ୍ଯକ୍ଷଦେଵତା ॥ 136॥
ଆଦିତ୍ଯା ଦିଵ୍ଯଗଂଧା ଚ ଦିଵାକରନିଭପ୍ରଭା ।
ପଦ୍ମାସନଗତା ପ୍ରୋକ୍ତା ଖଡ୍ଗବାଣଶରାସନା ॥ 137॥
ଶିଷ୍ଟା ଵିଶିଷ୍ଟା ଶିଷ୍ଟେଷ୍ଟା ଶିଷ୍ଟଶ୍ରେଷ୍ଠପ୍ରପୂଜିତା ।
ଶତରୂପା ଶତାଵର୍ତା ଵିତତା ରାସମୋଦିନୀ ॥ 138॥
ସୂର୍ଯେଂଦୁନେତ୍ରା ପ୍ରଦ୍ଯୁମ୍ନଜନନୀ ସୁଷ୍ଠୁମାଯିନୀ ।
ସୂର୍ଯାଂତରସ୍ଥିତା ଚୈଵ ସତ୍ପ୍ରତିଷ୍ଠତଵିଗ୍ରହା ॥ 139॥
ନିଵୃତ୍ତା ପ୍ରୋଚ୍ଯତେ ଜ୍ଞାନପାରଗା ପର୍ଵତାତ୍ମଜା ।
କାତ୍ଯାଯନୀ ଚଂଡିକା ଚ ଚଂଡୀ ହୈମଵତୀ ତଥା ॥ 140॥
ଦାକ୍ଷାଯଣୀ ସତୀ ଚୈଵ ଭଵାନୀ ସର୍ଵମଂଗଲା ।
ଧୂମ୍ରଲୋଚନହଂତ୍ରୀ ଚ ଚଂଡମୁଂଡଵିନାଶିନୀ ॥ 141॥
ଯୋଗନିଦ୍ରା ଯୋଗଭଦ୍ରା ସମୁଦ୍ରତନଯା ତଥା ।
ଦେଵପ୍ରିଯଂକରୀ ଶୁଦ୍ଧା ଭକ୍ତଭକ୍ତିପ୍ରଵର୍ଧିନୀ ॥ 142॥
ତ୍ରିଣେତ୍ରା ଚଂଦ୍ରମୁକୁଟା ପ୍ରମଥାର୍ଚିତପାଦୁକା ।
ଅର୍ଜୁନାଭୀଷ୍ଟଦାତ୍ରୀ ଚ ପାଂଡଵପ୍ରିଯକାରିଣୀ ॥ 143॥
କୁମାରଲାଲନାସକ୍ତା ହରବାହୂପଧାନିକା ।
ଵିଘ୍ନେଶଜନନୀ ଭକ୍ତଵିଘ୍ନସ୍ତୋମପ୍ରହାରିଣୀ ॥ 144॥
ସୁସ୍ମିତେଂଦୁମୁଖୀ ନମ୍ଯା ଜଯାପ୍ରିଯସଖୀ ତଥା ।
ଅନାଦିନିଧନା ପ୍ରେଷ୍ଠା ଚିତ୍ରମାଲ୍ଯାନୁଲେପନା ॥ 145॥
କୋଟିଚଂଦ୍ରପ୍ରତୀକାଶା କୂଟଜାଲପ୍ରମାଥିନୀ ।
କୃତ୍ଯାପ୍ରହାରିଣୀ ଚୈଵ ମାରଣୋଚ୍ଚାଟନୀ ତଥା ॥ 146॥
ସୁରାସୁରପ୍ରଵଂଦ୍ଯାଂଘ୍ରିର୍ମୋହଘ୍ନୀ ଜ୍ଞାନଦାଯିନୀ ।
ଷଡ୍ଵୈରିନିଗ୍ରହକରୀ ଵୈରିଵିଦ୍ରାଵିଣୀ ତଥା ॥ 147॥
ଭୂତସେଵ୍ଯା ଭୂତଦାତ୍ରୀ ଭୂତପୀଡାଵିମର୍ଦିକା ।
ନାରଦସ୍ତୁତଚାରିତ୍ରା ଵରଦେଶା ଵରପ୍ରଦା ॥ 148॥
ଵାମଦେଵସ୍ତୁତା ଚୈଵ କାମଦା ସୋମଶେଖରା ।
ଦିକ୍ପାଲସେଵିତା ଭଵ୍ଯା ଭାମିନୀ ଭାଵଦାଯିନୀ ॥ 149॥
ସ୍ତ୍ରୀସୌଭାଗ୍ଯପ୍ରଦାତ୍ରୀ ଚ ଭୋଗଦା ରୋଗନାଶିନୀ ।
ଵ୍ଯୋମଗା ଭୂମିଗା ଚୈଵ ମୁନିପୂଜ୍ଯପଦାଂବୁଜା ।
ଵନଦୁର୍ଗା ଚ ଦୁର୍ବୋଧା ମହାଦୁର୍ଗା ପ୍ରକୀର୍ତିତା ॥ 150॥
ଫଲଶ୍ରୁତିଃ
ଇତୀଦଂ କୀର୍ତିଦଂ ଭଦ୍ର ଦୁର୍ଗାନାମସହସ୍ରକମ୍ ।
ତ୍ରିସଂଧ୍ଯଂ ଯଃ ପଠେନ୍ନିତ୍ଯଂ ତସ୍ଯ ଲକ୍ଷ୍ମୀଃ ସ୍ଥିରା ଭଵେତ୍ ॥ 1॥
ଗ୍ରହଭୂତପିଶାଚାଦିପୀଡା ନଶ୍ଯତ୍ଯସଂଶଯମ୍ ।
ବାଲଗ୍ରହାଦିପୀଡାଯାଃ ଶାଂତିର୍ଭଵତି କୀର୍ତନାତ୍ ॥ 2॥
ମାରିକାଦିମହାରୋଗେ ପଠତାଂ ସୌଖ୍ଯଦଂ ନୃଣାମ୍ ।
ଵ୍ଯଵହାରେ ଚ ଜଯଦଂ ଶତ୍ରୁବାଧାନିଵାରକମ୍ ॥ 3॥
ଦଂପତ୍ଯୋଃ କଲହେ ପ୍ରାପ୍ତେ ମିଥଃ ପ୍ରେମାଭିଵର୍ଧକମ୍ ।
ଆଯୁରାରୋଗ୍ଯଦଂ ପୁଂସାଂ ସର୍ଵସଂପତ୍ପ୍ରଦାଯକମ୍ ॥ 4॥
ଵିଦ୍ଯାଭିଵର୍ଧକଂ ନିତ୍ଯଂ ପଠତାମର୍ଥସାଧକମ୍ ।
ଶୁଭଦଂ ଶୁଭକାର୍ଯେଷୁ ପଠତାଂ ଶୃଣୁତାମପି ॥ 5॥
ଯଃ ପୂଜଯତି ଦୁର୍ଗାଂ ତାଂ ଦୁର୍ଗାନାମସହସ୍ରକୈଃ ।
ପୁଷ୍ପୈଃ କୁଂକୁମସମ୍ମିଶ୍ରୈଃ ସ ତୁ ଯତ୍କାଂକ୍ଷତେ ହୃଦି ॥ 6॥
ତତ୍ସର୍ଵଂ ସମଵାପ୍ନୋତି ନାସ୍ତି ନାସ୍ତ୍ଯତ୍ର ସଂଶଯଃ ।
ଯନ୍ମୁଖେ ଧ୍ରିଯତେ ନିତ୍ଯଂ ଦୁର୍ଗାନାମସହସ୍ରକମ୍ ॥ 7॥
କିଂ ତସ୍ଯେତରମଂତ୍ରୌଘୈଃ କାର୍ଯଂ ଧନ୍ଯତମସ୍ଯ ହି ।
ଦୁର୍ଗାନାମସହସ୍ରସ୍ଯ ପୁସ୍ତକଂ ଯଦ୍ଗୃହେ ଭଵେତ୍ ॥ 8॥
ନ ତତ୍ର ଗ୍ରହଭୂତାଦିବାଧା ସ୍ଯାନ୍ମଂଗଲାସ୍ପଦେ ।
ତଦ୍ଗୃହଂ ପୁଣ୍ଯଦଂ କ୍ଷେତ୍ରଂ ଦେଵୀସାନ୍ନିଧ୍ଯକାରକମ୍ ॥ 9॥
ଏତସ୍ଯ ସ୍ତୋତ୍ରମୁଖ୍ଯସ୍ଯ ପାଠକଃ ଶ୍ରେଷ୍ଠମଂତ୍ରଵିତ୍ ।
ଦେଵତାଯାଃ ପ୍ରସାଦେନ ସର୍ଵପୂଜ୍ଯଃ ସୁଖୀ ଭଵେତ୍ ॥ 10॥
ଇତ୍ଯେତନ୍ନଗରାଜେନ କୀର୍ତିତଂ ମୁନିସତ୍ତମ ।
ଗୁହ୍ଯାଦ୍ଗୁହ୍ଯତରଂ ସ୍ତୋତ୍ରଂ ତ୍ଵଯି ସ୍ନେହାତ୍ ପ୍ରକୀର୍ତିତମ୍ ॥ 11॥
ଭକ୍ତାଯ ଶ୍ରଦ୍ଧଧାନାଯ କେଵଲଂ କୀର୍ତ୍ଯତାମିଦମ୍ ।
ହୃଦି ଧାରଯ ନିତ୍ଯଂ ତ୍ଵଂ ଦେଵ୍ଯନୁଗ୍ରହସାଧକମ୍ ॥ 12॥ ॥
ଇତି ଶ୍ରୀସ୍କାଂଦପୁରାଣେ ସ୍କଂଦନାରଦସଂଵାଦେ ଦୁର୍ଗାସହସ୍ରନାମସ୍ତୋତ୍ରଂ ସଂପୂର୍ଣମ୍ ॥
Browse Related Categories:
