Maya Panchakam - Oriya | Vaidika Vignanam

Collection of Spiritual and Devotional Literature in Various Indian Languages

View this in:

ମାଯା ପଂଚକଂ

ନିରୁପମନିତ୍ଯନିରଂଶକେଽପ୍ଯଖଂଡେ –
ମଯି ଚିତି ସର୍ଵଵିକଲ୍ପନାଦିଶୂନ୍ଯେ ।
ଘଟଯତି ଜଗଦୀଶଜୀଵଭେଦଂ –
ତ୍ଵଘଟିତଘଟନାପଟୀଯସୀ ମାଯା ॥ 1 ॥

ଶ୍ରୁତିଶତନିଗମାଂତଶୋଧକାନ-
ପ୍ଯହହ ଧନାଦିନିଦର୍ଶନେନ ସଦ୍ଯଃ ।
କଲୁଷଯତି ଚତୁଷ୍ପଦାଦ୍ଯଭିନ୍ନା-
ନଘଟିତଘଟନାପଟୀଯସୀ ମାଯା ॥ 2 ॥

ସୁଖଚିଦଖଂଡଵିବୋଧମଦ୍ଵିତୀଯଂ –
ଵିଯଦନଲାଦିଵିନିର୍ମିତେ ନିଯୋଜ୍ଯ ।
ଭ୍ରମଯତି ଭଵସାଗରେ ନିତାଂତଂ –
ତ୍ଵଘଟିତଘଟନାପଟୀଯସୀ ମାଯା ॥ 3 ॥

ଅପଗତଗୁଣଵର୍ଣଜାତିଭେଦେ –
ସୁଖଚିତି ଵିପ୍ରଵିଡାଦ୍ଯହଂକୃତିଂ ଚ ।
ସ୍ଫୁଟଯତି ସୁତଦାରଗେହମୋହଂ –
ତ୍ଵଘଟିତଘଟନାପଟୀଯସୀ ମାଯା ॥ 4 ॥

ଵିଧିହରିହରଵିଭେଦମପ୍ଯଖଂଡେ –
ବତ ଵିରଚଯ୍ଯ ବୁଧାନପି ପ୍ରକାମମ୍ ।
ଭ୍ରମଯତି ହରିହରଭେଦଭାଵା-
ନଘଟିତଘଟନାପଟୀଯସୀ ମାଯା ॥ 5 ॥

Browse Related Categories: