Lalita Pancha Ratnam - Oriya | Vaidika Vignanam

Collection of Spiritual and Devotional Literature in Various Indian Languages

View this in:

ଲଲିତା ପଂଚ ରତ୍ନମ୍

ପ୍ରାତଃ ସ୍ମରାମି ଲଲିତାଵଦନାରଵିଂଦଂ
ବିଂବାଧରଂ ପୃଥୁଲମୌକ୍ତିକଶୋଭିନାସମ୍ ।
ଆକର୍ଣଦୀର୍ଘନଯନଂ ମଣିକୁଂଡଲାଢ୍ଯଂ
ମଂଦସ୍ମିତଂ ମୃଗମଦୋଜ୍ଜ୍ଵଲଫାଲଦେଶମ୍ ॥ 1 ॥

ପ୍ରାତର୍ଭଜାମି ଲଲିତାଭୁଜକଲ୍ପଵଲ୍ଲୀଂ
ରକ୍ତାଂଗୁଳୀଯଲସଦଂଗୁଳିପଲ୍ଲଵାଢ୍ଯାମ୍ ।
ମାଣିକ୍ଯହେମଵଲଯାଂଗଦଶୋଭମାନାଂ
ପୁଂଡ୍ରେକ୍ଷୁଚାପକୁସୁମେଷୁସୃଣୀର୍ଦଧାନାମ୍ ॥ 2 ॥

ପ୍ରାତର୍ନମାମି ଲଲିତାଚରଣାରଵିଂଦଂ
ଭକ୍ତେଷ୍ଟଦାନନିରତଂ ଭଵସିଂଧୁପୋତମ୍ ।
ପଦ୍ମାସନାଦିସୁରନାଯକପୂଜନୀଯଂ
ପଦ୍ମାଂକୁଶଧ୍ଵଜସୁଦର୍ଶନଲାଂଛନାଢ୍ଯମ୍ ॥ 3 ॥

ପ୍ରାତଃ ସ୍ତୁଵେ ପରଶିଵାଂ ଲଲିତାଂ ଭଵାନୀଂ
ତ୍ରଯ୍ଯଂତଵେଦ୍ଯଵିଭଵାଂ କରୁଣାନଵଦ୍ଯାମ୍ ।
ଵିଶ୍ଵସ୍ଯ ସୃଷ୍ଟଵିଲଯସ୍ଥିତିହେତୁଭୂତାଂ
ଵିଦ୍ଯେଶ୍ଵରୀଂ ନିଗମଵାଙ୍ମମନସାତିଦୂରାମ୍ ॥ 4 ॥

ପ୍ରାତର୍ଵଦାମି ଲଲିତେ ତଵ ପୁଣ୍ଯନାମ
କାମେଶ୍ଵରୀତି କମଲେତି ମହେଶ୍ଵରୀତି ।
ଶ୍ରୀଶାଂଭଵୀତି ଜଗତାଂ ଜନନୀ ପରେତି
ଵାଗ୍ଦେଵତେତି ଵଚସା ତ୍ରିପୁରେଶ୍ଵରୀତି ॥ 5 ॥

ଯଃ ଶ୍ଲୋକପଂଚକମିଦଂ ଲଲିତାଂବିକାଯାଃ
ସୌଭାଗ୍ଯଦଂ ସୁଲଲିତଂ ପଠତି ପ୍ରଭାତେ ।
ତସ୍ମୈ ଦଦାତି ଲଲିତା ଝଟିତି ପ୍ରସନ୍ନା
ଵିଦ୍ଯାଂ ଶ୍ରିଯଂ ଵିମଲସୌଖ୍ଯମନଂତକୀର୍ତିମ୍ ॥

Browse Related Categories: