Ketu Kavacham - Oriya | Vaidika Vignanam

Collection of Spiritual and Devotional Literature in Various Indian Languages

View this in:

କେତୁ କଵଚମ୍

ଧ୍ଯାନଂ
କେତୁଂ କରାଲଵଦନଂ ଚିତ୍ରଵର୍ଣଂ କିରୀଟିନମ୍ ।
ପ୍ରଣମାମି ସଦା କେତୁଂ ଧ୍ଵଜାକାରଂ ଗ୍ରହେଶ୍ଵରମ୍ ॥ 1 ॥

। ଅଥ କେତୁ କଵଚମ୍ ।

ଚିତ୍ରଵର୍ଣଃ ଶିରଃ ପାତୁ ଭାଲଂ ଧୂମ୍ରସମଦ୍ଯୁତିଃ ।
ପାତୁ ନେତ୍ରେ ପିଂଗଲାକ୍ଷଃ ଶ୍ରୁତୀ ମେ ରକ୍ତଲୋଚନଃ ॥ 2 ॥

ଘ୍ରାଣଂ ପାତୁ ସୁଵର୍ଣାଭଶ୍ଚିବୁକଂ ସିଂହିକାସୁତଃ ।
ପାତୁ କଂଠଂ ଚ ମେ କେତୁଃ ସ୍କଂଧୌ ପାତୁ ଗ୍ରହାଧିପଃ ॥ 3 ॥

ହସ୍ତୌ ପାତୁ ସୁରଶ୍ରେଷ୍ଠଃ କୁକ୍ଷିଂ ପାତୁ ମହାଗ୍ରହଃ ।
ସିଂହାସନଃ କଟିଂ ପାତୁ ମଧ୍ଯଂ ପାତୁ ମହାସୁରଃ ॥ 4 ॥

ଊରୂ ପାତୁ ମହାଶୀର୍ଷୋ ଜାନୁନୀ ମେଽତିକୋପନଃ ।
ପାତୁ ପାଦୌ ଚ ମେ କ୍ରୂରଃ ସର୍ଵାଂଗଂ ନରପିଂଗଲଃ ॥ 5 ॥

ଫଲଶ୍ରୁତିଃ
ଯ ଇଦଂ କଵଚଂ ଦିଵ୍ଯଂ ସର୍ଵରୋଗଵିନାଶନମ୍ ।
ସର୍ଵଶତ୍ରୁଵିନାଶଂ ଚ ଧାରଣାଦ୍ଵିଜଯୀ ଭଵେତ୍ ॥ 6 ॥

॥ ଇତି ଶ୍ରୀବ୍ରହ୍ମାଂଡପୁରାଣେ କେତୁକଵଚଂ ସଂପୂର୍ଣମ୍ ॥

Browse Related Categories: