ନାରଦ ଉଵାଚ ।
ଇଂଦ୍ରାକ୍ଷୀସ୍ତୋତ୍ରମାଖ୍ଯାହି ନାରାଯଣ ଗୁଣାର୍ଣଵ ।
ପାର୍ଵତ୍ଯୈ ଶିଵସଂପ୍ରୋକ୍ତଂ ପରଂ କୌତୂହଲଂ ହି ମେ ॥
ନାରାଯଣ ଉଵାଚ ।
ଇଂଦ୍ରାକ୍ଷୀ ସ୍ତୋତ୍ର ମଂତ୍ରସ୍ଯ ମାହାତ୍ମ୍ଯଂ କେନ ଵୋଚ୍ଯତେ ।
ଇଂଦ୍ରେଣାଦୌ କୃତଂ ସ୍ତୋତ୍ରଂ ସର୍ଵାପଦ୍ଵିନିଵାରଣମ୍ ॥
ତଦେଵାହଂ ବ୍ରଵୀମ୍ଯଦ୍ଯ ପୃଚ୍ଛତସ୍ତଵ ନାରଦ ।
ଅସ୍ଯ ଶ୍ରୀ ଇଂଦ୍ରାକ୍ଷୀସ୍ତୋତ୍ରମହାମଂତ୍ରସ୍ଯ, ଶଚୀପୁରଂଦର ଋଷିଃ, ଅନୁଷ୍ଟୁପ୍ଛଂଦଃ, ଇଂଦ୍ରାକ୍ଷୀ ଦୁର୍ଗା ଦେଵତା, ଲକ୍ଷ୍ମୀର୍ବୀଜଂ, ଭୁଵନେଶ୍ଵରୀ ଶକ୍ତିଃ, ଭଵାନୀ କୀଲକଂ, ମମ ଇଂଦ୍ରାକ୍ଷୀ ପ୍ରସାଦ ସିଦ୍ଧ୍ଯର୍ଥେ ଜପେ ଵିନିଯୋଗଃ ।
କରନ୍ଯାସଃ
ଇଂଦ୍ରାକ୍ଷ୍ଯୈ ଅଂଗୁଷ୍ଠାଭ୍ଯାଂ ନମଃ ।
ମହାଲକ୍ଷ୍ମ୍ଯୈ ତର୍ଜନୀଭ୍ଯାଂ ନମଃ ।
ମହେଶ୍ଵର୍ଯୈ ମଧ୍ଯମାଭ୍ଯାଂ ନମଃ ।
ଅଂବୁଜାକ୍ଷ୍ଯୈ ଅନାମିକାଭ୍ଯାଂ ନମଃ ।
କାତ୍ଯାଯନ୍ଯୈ କନିଷ୍ଠିକାଭ୍ଯାଂ ନମଃ ।
କୌମାର୍ଯୈ କରତଲକରପୃଷ୍ଠାଭ୍ଯାଂ ନମଃ ।
ଅଂଗନ୍ଯାସଃ
ଇଂଦ୍ରାକ୍ଷ୍ଯୈ ହୃଦଯାଯ ନମଃ ।
ମହାଲକ୍ଷ୍ମ୍ଯୈ ଶିରସେ ସ୍ଵାହା ।
ମହେଶ୍ଵର୍ଯୈ ଶିଖାଯୈ ଵଷଟ୍ ।
ଅଂବୁଜାକ୍ଷ୍ଯୈ କଵଚାଯ ହୁମ୍ ।
କାତ୍ଯାଯନ୍ଯୈ ନେତ୍ରତ୍ରଯାଯ ଵୌଷଟ୍ ।
କୌମାର୍ଯୈ ଅସ୍ତ୍ରାଯ ଫଟ୍ ।
ଭୂର୍ଭୁଵସ୍ସୁଵରୋମିତି ଦିଗ୍ବଂଧଃ ॥
ଧ୍ଯାନମ୍
ନେତ୍ରାଣାଂ ଦଶଭିଶ୍ଶତୈଃ ପରିଵୃତାମତ୍ଯୁଗ୍ରଚର୍ମାଂବରାଂ ।
ହେମାଭାଂ ମହତୀଂ ଵିଲଂବିତଶିଖାମାମୁକ୍ତକେଶାନ୍ଵିତାମ୍ ॥
ଘଂଟାମଂଡିତପାଦପଦ୍ମଯୁଗଳାଂ ନାଗେଂଦ୍ରକୁଂଭସ୍ତନୀଂ ।
ଇଂଦ୍ରାକ୍ଷୀଂ ପରିଚିଂତଯାମି ମନସା କଲ୍ପୋକ୍ତସିଦ୍ଧିପ୍ରଦାମ୍ ॥ 1 ॥
ଇଂଦ୍ରାକ୍ଷୀଂ ଦ୍ଵିଭୁଜାଂ ଦେଵୀଂ ପୀତଵସ୍ତ୍ରଦ୍ଵଯାନ୍ଵିତାମ୍ ।
ଵାମହସ୍ତେ ଵଜ୍ରଧରାଂ ଦକ୍ଷିଣେନ ଵରପ୍ରଦାମ୍ ॥
ଇଂଦ୍ରାକ୍ଷୀଂ ସହଯୁଵତୀଂ ନାନାଲଂକାରଭୂଷିତାମ୍ ।
ପ୍ରସନ୍ନଵଦନାଂଭୋଜାମପ୍ସରୋଗଣସେଵିତାମ୍ ॥ 2 ॥
ଦ୍ଵିଭୁଜାଂ ସୌମ୍ଯଵଦାନାଂ ପାଶାଂକୁଶଧରାଂ ପରାଂ ।
ତ୍ରୈଲୋକ୍ଯମୋହିନୀଂ ଦେଵୀଂ ଇଂଦ୍ରାକ୍ଷୀ ନାମ କୀର୍ତିତାମ୍ ॥ 3 ॥
ପୀତାଂବରାଂ ଵଜ୍ରଧରୈକହସ୍ତାଂ
ନାନାଵିଧାଲଂକରଣାଂ ପ୍ରସନ୍ନାମ୍ ।
ତ୍ଵାମପ୍ସରସ୍ସେଵିତପାଦପଦ୍ମାଂ
ଇଂଦ୍ରାକ୍ଷୀଂ ଵଂଦେ ଶିଵଧର୍ମପତ୍ନୀମ୍ ॥ 4 ॥
ପଂଚପୂଜା
ଲଂ ପୃଥିଵ୍ଯାତ୍ମିକାଯୈ ଗଂଧଂ ସମର୍ପଯାମି ।
ହଂ ଆକାଶାତ୍ମିକାଯୈ ପୁଷ୍ପୈଃ ପୂଜଯାମି ।
ଯଂ ଵାଯ୍ଵାତ୍ମିକାଯୈ ଧୂପମାଘ୍ରାପଯାମି ।
ରଂ ଅଗ୍ନ୍ଯାତ୍ମିକାଯୈ ଦୀପଂ ଦର୍ଶଯାମି ।
ଵଂ ଅମୃତାତ୍ମିକାଯୈ ଅମୃତଂ ମହାନୈଵେଦ୍ଯଂ ନିଵେଦଯାମି ।
ସଂ ସର୍ଵାତ୍ମିକାଯୈ ସର୍ଵୋପଚାରପୂଜାଂ ସମର୍ପଯାମି ॥
ଦିଗ୍ଦେଵତା ରକ୍ଷ
ଇଂଦ୍ର ଉଵାଚ ।
ଇଂଦ୍ରାକ୍ଷୀ ପୂର୍ଵତଃ ପାତୁ ପାତ୍ଵାଗ୍ନେଯ୍ଯାଂ ତଥେଶ୍ଵରୀ ।
କୌମାରୀ ଦକ୍ଷିଣେ ପାତୁ ନୈରୃତ୍ଯାଂ ପାତୁ ପାର୍ଵତୀ ॥ 1 ॥
ଵାରାହୀ ପଶ୍ଚିମେ ପାତୁ ଵାଯଵ୍ଯେ ନାରସିଂହ୍ଯପି ।
ଉଦୀଚ୍ଯାଂ କାଳରାତ୍ରୀ ମାଂ ଐଶାନ୍ଯାଂ ସର୍ଵଶକ୍ତଯଃ ॥ 2 ॥
ଭୈରଵ୍ଯୋର୍ଧ୍ଵଂ ସଦା ପାତୁ ପାତ୍ଵଧୋ ଵୈଷ୍ଣଵୀ ତଥା ।
ଏଵଂ ଦଶଦିଶୋ ରକ୍ଷେତ୍ସର୍ଵଦା ଭୁଵନେଶ୍ଵରୀ ॥ 3 ॥
ଓଂ ହ୍ରୀଂ ଶ୍ରୀଂ ଇଂଦ୍ରାକ୍ଷ୍ଯୈ ନମଃ ।
ସ୍ତୋତ୍ରଂ
ଇଂଦ୍ରାକ୍ଷୀ ନାମ ସା ଦେଵୀ ଦେଵତୈସ୍ସମୁଦାହୃତା ।
ଗୌରୀ ଶାକଂଭରୀ ଦେଵୀ ଦୁର୍ଗାନାମ୍ନୀତି ଵିଶ୍ରୁତା ॥ 1 ॥
ନିତ୍ଯାନଂଦୀ ନିରାହାରୀ ନିଷ୍କଳାଯୈ ନମୋଽସ୍ତୁ ତେ ।
କାତ୍ଯାଯନୀ ମହାଦେଵୀ ଚଂଦ୍ରଘଂଟା ମହାତପାଃ ॥ 2 ॥
ସାଵିତ୍ରୀ ସା ଚ ଗାଯତ୍ରୀ ବ୍ରହ୍ମାଣୀ ବ୍ରହ୍ମଵାଦିନୀ ।
ନାରାଯଣୀ ଭଦ୍ରକାଳୀ ରୁଦ୍ରାଣୀ କୃଷ୍ଣପିଂଗଳା ॥ 3 ॥
ଅଗ୍ନିଜ୍ଵାଲା ରୌଦ୍ରମୁଖୀ କାଳରାତ୍ରୀ ତପସ୍ଵିନୀ ।
ମେଘସ୍ଵନା ସହସ୍ରାକ୍ଷୀ ଵିକଟାଂଗୀ (ଵିକାରାଂଗୀ) ଜଡୋଦରୀ ॥ 4 ॥
ମହୋଦରୀ ମୁକ୍ତକେଶୀ ଘୋରରୂପା ମହାବଲା ।
ଅଜିତା ଭଦ୍ରଦାଽନଂତା ରୋଗହଂତ୍ରୀ ଶିଵପ୍ରିଯା ॥ 5 ॥
ଶିଵଦୂତୀ କରାଳୀ ଚ ପ୍ରତ୍ଯକ୍ଷପରମେଶ୍ଵରୀ ।
ଇଂଦ୍ରାଣୀ ଇଂଦ୍ରରୂପା ଚ ଇଂଦ୍ରଶକ୍ତିଃପରାଯଣୀ ॥ 6 ॥
ସଦା ସମ୍ମୋହିନୀ ଦେଵୀ ସୁଂଦରୀ ଭୁଵନେଶ୍ଵରୀ ।
ଏକାକ୍ଷରୀ ପରା ବ୍ରାହ୍ମୀ ସ୍ଥୂଲସୂକ୍ଷ୍ମପ୍ରଵର୍ଧନୀ ॥ 7 ॥
ରକ୍ଷାକରୀ ରକ୍ତଦଂତା ରକ୍ତମାଲ୍ଯାଂବରା ପରା ।
ମହିଷାସୁରସଂହର୍ତ୍ରୀ ଚାମୁଂଡା ସପ୍ତମାତୃକା ॥ 8 ॥
ଵାରାହୀ ନାରସିଂହୀ ଚ ଭୀମା ଭୈରଵଵାଦିନୀ ।
ଶ୍ରୁତିସ୍ସ୍ମୃତିର୍ଧୃତିର୍ମେଧା ଵିଦ୍ଯାଲକ୍ଷ୍ମୀସ୍ସରସ୍ଵତୀ ॥ 9 ॥
ଅନଂତା ଵିଜଯାଽପର୍ଣା ମାନସୋକ୍ତାପରାଜିତା ।
ଭଵାନୀ ପାର୍ଵତୀ ଦୁର୍ଗା ହୈମଵତ୍ଯଂବିକା ଶିଵା ॥ 10 ॥
ଶିଵା ଭଵାନୀ ରୁଦ୍ରାଣୀ ଶଂକରାର୍ଧଶରୀରିଣୀ ।
ଐରାଵତଗଜାରୂଢା ଵଜ୍ରହସ୍ତା ଵରପ୍ରଦା ॥ 11 ॥
ଧୂର୍ଜଟୀ ଵିକଟୀ ଘୋରୀ ହ୍ଯଷ୍ଟାଂଗୀ ନରଭୋଜିନୀ ।
ଭ୍ରାମରୀ କାଂଚି କାମାକ୍ଷୀ କ୍ଵଣନ୍ମାଣିକ୍ଯନୂପୁରା ॥ 12 ॥
ହ୍ରୀଂକାରୀ ରୌଦ୍ରଭେତାଳୀ ହ୍ରୁଂକାର୍ଯମୃତପାଣିନୀ ।
ତ୍ରିପାଦ୍ଭସ୍ମପ୍ରହରଣା ତ୍ରିଶିରା ରକ୍ତଲୋଚନା ॥ 13 ॥
ନିତ୍ଯା ସକଲକଳ୍ଯାଣୀ ସର୍ଵୈଶ୍ଵର୍ଯପ୍ରଦାଯିନୀ ।
ଦାକ୍ଷାଯଣୀ ପଦ୍ମହସ୍ତା ଭାରତୀ ସର୍ଵମଂଗଳା ॥ 14 ॥
କଳ୍ଯାଣୀ ଜନନୀ ଦୁର୍ଗା ସର୍ଵଦୁଃଖଵିନାଶିନୀ ।
ଇଂଦ୍ରାକ୍ଷୀ ସର୍ଵଭୂତେଶୀ ସର୍ଵରୂପା ମନୋନ୍ମନୀ ॥ 15 ॥
ମହିଷମସ୍ତକନୃତ୍ଯଵିନୋଦନ-
ସ୍ଫୁଟରଣନ୍ମଣିନୂପୁରପାଦୁକା ।
ଜନନରକ୍ଷଣମୋକ୍ଷଵିଧାଯିନୀ
ଜଯତୁ ଶୁଂଭନିଶୁଂଭନିଷୂଦିନୀ ॥ 16 ॥
ଶିଵା ଚ ଶିଵରୂପା ଚ ଶିଵଶକ୍ତିପରାଯଣୀ ।
ମୃତ୍ଯୁଂଜଯୀ ମହାମାଯୀ ସର୍ଵରୋଗନିଵାରିଣୀ ॥ 17 ॥
ଐଂଦ୍ରୀଦେଵୀ ସଦାକାଲଂ ଶାଂତିମାଶୁକରୋତୁ ମେ ।
ଈଶ୍ଵରାର୍ଧାଂଗନିଲଯା ଇଂଦୁବିଂବନିଭାନନା ॥ 18 ॥
ସର୍ଵୋରୋଗପ୍ରଶମନୀ ସର୍ଵମୃତ୍ଯୁନିଵାରିଣୀ ।
ଅପଵର୍ଗପ୍ରଦା ରମ୍ଯା ଆଯୁରାରୋଗ୍ଯଦାଯିନୀ ॥ 19 ॥
ଇଂଦ୍ରାଦିଦେଵସଂସ୍ତୁତ୍ଯା ଇହାମୁତ୍ରଫଲପ୍ରଦା ।
ଇଚ୍ଛାଶକ୍ତିସ୍ଵରୂପା ଚ ଇଭଵକ୍ତ୍ରାଦ୍ଵିଜନ୍ମଭୂଃ ॥ 20 ॥
ଭସ୍ମାଯୁଧାଯ ଵିଦ୍ମହେ ରକ୍ତନେତ୍ରାଯ ଧୀମହି ତନ୍ନୋ ଜ୍ଵରହରଃ ପ୍ରଚୋଦଯାତ୍ ॥ 21 ॥
ମଂତ୍ରଃ
ଓଂ ଐଂ ହ୍ରୀଂ ଶ୍ରୀଂ କ୍ଲୀଂ କ୍ଲୂଂ ଇଂଦ୍ରାକ୍ଷ୍ଯୈ ନମଃ ॥ 22 ॥
ଓଂ ନମୋ ଭଗଵତୀ ଇଂଦ୍ରାକ୍ଷୀ ସର୍ଵଜନସମ୍ମୋହିନୀ କାଳରାତ୍ରୀ ନାରସିଂହୀ ସର୍ଵଶତ୍ରୁସଂହାରିଣୀ ଅନଲେ ଅଭଯେ ଅଜିତେ ଅପରାଜିତେ ମହାସିଂହଵାହିନୀ ମହିଷାସୁରମର୍ଦିନୀ ହନ ହନ ମର୍ଦଯ ମର୍ଦଯ ମାରଯ ମାରଯ ଶୋଷଯ ଶୋଷଯ ଦାହଯ ଦାହଯ ମହାଗ୍ରହାନ୍ ସଂହର ସଂହର ଯକ୍ଷଗ୍ରହ ରାକ୍ଷସଗ୍ରହ ସ୍କଂଦଗ୍ରହ ଵିନାଯକଗ୍ରହ ବାଲଗ୍ରହ କୁମାରଗ୍ରହ ଚୋରଗ୍ରହ ଭୂତଗ୍ରହ ପ୍ରେତଗ୍ରହ ପିଶାଚଗ୍ରହ କୂଷ୍ମାଂଡଗ୍ରହାଦୀନ୍ ମର୍ଦଯ ମର୍ଦଯ ନିଗ୍ରହ ନିଗ୍ରହ ଧୂମଭୂତାନ୍ସଂତ୍ରାଵଯ ସଂତ୍ରାଵଯ ଭୂତଜ୍ଵର ପ୍ରେତଜ୍ଵର ପିଶାଚଜ୍ଵର ଉଷ୍ଣଜ୍ଵର ପିତ୍ତଜ୍ଵର ଵାତଜ୍ଵର ଶ୍ଲେଷ୍ମଜ୍ଵର କଫଜ୍ଵର ଆଲାପଜ୍ଵର ସନ୍ନିପାତଜ୍ଵର ମାହେଂଦ୍ରଜ୍ଵର କୃତ୍ରିମଜ୍ଵର କୃତ୍ଯାଦିଜ୍ଵର ଏକାହିକଜ୍ଵର ଦ୍ଵଯାହିକଜ୍ଵର ତ୍ରଯାହିକଜ୍ଵର ଚାତୁର୍ଥିକଜ୍ଵର ପଂଚାହିକଜ୍ଵର ପକ୍ଷଜ୍ଵର ମାସଜ୍ଵର ଷଣ୍ମାସଜ୍ଵର ସଂଵତ୍ସରଜ୍ଵର ଜ୍ଵରାଲାପଜ୍ଵର ସର୍ଵଜ୍ଵର ସର୍ଵାଂଗଜ୍ଵରାନ୍ ନାଶଯ ନାଶଯ ହର ହର ହନ ହନ ଦହ ଦହ ପଚ ପଚ ତାଡଯ ତାଡଯ ଆକର୍ଷଯ ଆକର୍ଷଯ ଵିଦ୍ଵେଷଯ ଵିଦ୍ଵେଷଯ ସ୍ତଂଭଯ ସ୍ତଂଭଯ ମୋହଯ ମୋହଯ ଉଚ୍ଚାଟଯ ଉଚ୍ଚାଟଯ ହୁଂ ଫଟ୍ ସ୍ଵାହା ॥ 23 ॥
ଓଂ ହ୍ରୀଂ ଓଂ ନମୋ ଭଗଵତୀ ତ୍ରୈଲୋକ୍ଯଲକ୍ଷ୍ମୀ ସର୍ଵଜନଵଶଂକରୀ ସର୍ଵଦୁଷ୍ଟଗ୍ରହସ୍ତଂଭିନୀ କଂକାଳୀ କାମରୂପିଣୀ କାଲରୂପିଣୀ ଘୋରରୂପିଣୀ ପରମଂତ୍ରପରଯଂତ୍ର ପ୍ରଭେଦିନୀ ପ୍ରତିଭଟଵିଧ୍ଵଂସିନୀ ପରବଲତୁରଗଵିମର୍ଦିନୀ ଶତ୍ରୁକରଚ୍ଛେଦିନୀ ଶତ୍ରୁମାଂସଭକ୍ଷିଣୀ ସକଲଦୁଷ୍ଟଜ୍ଵରନିଵାରିଣୀ ଭୂତ ପ୍ରେତ ପିଶାଚ ବ୍ରହ୍ମରାକ୍ଷସ ଯକ୍ଷ ଯମଦୂତ ଶାକିନୀ ଡାକିନୀ କାମିନୀ ସ୍ତଂଭିନୀ ମୋହିନୀ ଵଶଂକରୀ କୁକ୍ଷିରୋଗ ଶିରୋରୋଗ ନେତ୍ରରୋଗ କ୍ଷଯାପସ୍ମାର କୁଷ୍ଠାଦି ମହାରୋଗନିଵାରିଣୀ ମମ ସର୍ଵରୋଗଂ ନାଶଯ ନାଶଯ ହ୍ରାଂ ହ୍ରୀଂ ହ୍ରୂଂ ହ୍ରୈଂ ହ୍ରୌଂ ହ୍ରଃ ହୁଂ ଫଟ୍ ସ୍ଵାହା ॥ 24 ॥
ଓଂ ନମୋ ଭଗଵତୀ ମାହେଶ୍ଵରୀ ମହାଚିଂତାମଣୀ ଦୁର୍ଗେ ସକଲସିଦ୍ଧେଶ୍ଵରୀ ସକଲଜନମନୋହାରିଣୀ କାଲକାଲରାତ୍ରୀ ମହାଘୋରରୂପେ ପ୍ରତିହତଵିଶ୍ଵରୂପିଣୀ ମଧୁସୂଦନୀ ମହାଵିଷ୍ଣୁସ୍ଵରୂପିଣୀ ଶିରଶ୍ଶୂଲ କଟିଶୂଲ ଅଂଗଶୂଲ ପାର୍ଶ୍ଵଶୂଲ ନେତ୍ରଶୂଲ କର୍ଣଶୂଲ ପକ୍ଷଶୂଲ ପାଂଡୁରୋଗ କାମାରାଦୀନ୍ ସଂହର ସଂହର ନାଶଯ ନାଶଯ ଵୈଷ୍ଣଵୀ ବ୍ରହ୍ମାସ୍ତ୍ରେଣ ଵିଷ୍ଣୁଚକ୍ରେଣ ରୁଦ୍ରଶୂଲେନ ଯମଦଂଡେନ ଵରୁଣପାଶେନ ଵାସଵଵଜ୍ରେଣ ସର୍ଵାନରୀଂ ଭଂଜଯ ଭଂଜଯ ରାଜଯକ୍ଷ୍ମ କ୍ଷଯରୋଗ ତାପଜ୍ଵରନିଵାରିଣୀ ମମ ସର୍ଵଜ୍ଵରଂ ନାଶଯ ନାଶଯ ଯ ର ଲ ଵ ଶ ଷ ସ ହ ସର୍ଵଗ୍ରହାନ୍ ତାପଯ ତାପଯ ସଂହର ସଂହର ଛେଦଯ ଛେଦଯ ଉଚ୍ଚାଟଯ ଉଚ୍ଚାଟଯ ହ୍ରାଂ ହ୍ରୀଂ ହ୍ରୂଂ ଫଟ୍ ସ୍ଵାହା ॥ 25 ॥
ଉତ୍ତରନ୍ଯାସଃ
କରନ୍ଯାସଃ
ଇଂଦ୍ରାକ୍ଷ୍ଯୈ ଅଂଗୁଷ୍ଠାଭ୍ଯାଂ ନମଃ ।
ମହାଲକ୍ଷ୍ମ୍ଯୈ ତର୍ଜନୀଭ୍ଯାଂ ନମଃ ।
ମହେଶ୍ଵର୍ଯୈ ମଧ୍ଯମାଭ୍ଯାଂ ନମଃ ।
ଅଂବୁଜାକ୍ଷ୍ଯୈ ଅନାମିକାଭ୍ଯାଂ ନମଃ ।
କାତ୍ଯାଯନ୍ଯୈ କନିଷ୍ଠିକାଭ୍ଯାଂ ନମଃ ।
କୌମାର୍ଯୈ କରତଲକରପୃଷ୍ଠାଭ୍ଯାଂ ନମଃ ।
ଅଂଗନ୍ଯାସଃ
ଇଂଦ୍ରାକ୍ଷ୍ଯୈ ହୃଦଯାଯ ନମଃ ।
ମହାଲକ୍ଷ୍ମ୍ଯୈ ଶିରସେ ସ୍ଵାହା ।
ମହେଶ୍ଵର୍ଯୈ ଶିଖାଯୈ ଵଷଟ୍ ।
ଅଂବୁଜାକ୍ଷ୍ଯୈ କଵଚାଯ ହୁମ୍ ।
କାତ୍ଯାଯନ୍ଯୈ ନେତ୍ରତ୍ରଯାଯ ଵୌଷଟ୍ ।
କୌମାର୍ଯୈ ଅସ୍ତ୍ରାଯ ଫଟ୍ ।
ଭୂର୍ଭୁଵସ୍ସୁଵରୋମିତି ଦିଗ୍ଵିମୋକଃ ॥
ସମର୍ପଣଂ
ଗୁହ୍ଯାଦି ଗୁହ୍ଯ ଗୋପ୍ତ୍ରୀ ତ୍ଵଂ ଗୃହାଣାସ୍ମତ୍କୃତଂ ଜପଂ ।
ସିଦ୍ଧିର୍ଭଵତୁ ମେ ଦେଵୀ ତ୍ଵତ୍ପ୍ରସାଦାନ୍ମଯି ସ୍ଥିରାନ୍ ॥ 26
ଫଲଶ୍ରୁତିଃ
ନାରାଯଣ ଉଵାଚ ।
ଏତୈର୍ନାମଶତୈର୍ଦିଵ୍ଯୈଃ ସ୍ତୁତା ଶକ୍ରେଣ ଧୀମତା ।
ଆଯୁରାରୋଗ୍ଯମୈଶ୍ଵର୍ଯଂ ଅପମୃତ୍ଯୁଭଯାପହମ୍ ॥ 27 ॥
କ୍ଷଯାପସ୍ମାରକୁଷ୍ଠାଦି ତାପଜ୍ଵରନିଵାରଣଂ ।
ଚୋରଵ୍ଯାଘ୍ରଭଯଂ ତତ୍ର ଶୀତଜ୍ଵରନିଵାରଣମ୍ ॥ 28 ॥
ମାହେଶ୍ଵରମହାମାରୀ ସର୍ଵଜ୍ଵରନିଵାରଣଂ ।
ଶୀତପୈତ୍ତକଵାତାଦି ସର୍ଵରୋଗନିଵାରଣମ୍ ॥ 29 ॥
ସନ୍ନିଜ୍ଵରନିଵାରଣଂ ସର୍ଵଜ୍ଵରନିଵାରଣଂ ।
ସର୍ଵରୋଗନିଵାରଣଂ ସର୍ଵମଂଗଳଵର୍ଧନମ୍ ॥ 30 ॥
ଶତମାଵର୍ତଯେଦ୍ଯସ୍ତୁ ମୁଚ୍ଯତେ ଵ୍ଯାଧିବଂଧନାତ୍ ।
ଆଵର୍ତଯନ୍ସହସ୍ରାତ୍ତୁ ଲଭତେ ଵାଂଛିତଂ ଫଲମ୍ ॥ 31 ॥
ଏତତ୍ ସ୍ତୋତ୍ରଂ ମହାପୁଣ୍ଯଂ ଜପେଦାଯୁଷ୍ଯଵର୍ଧନମ୍ ।
ଵିନାଶାଯ ଚ ରୋଗାଣାମପମୃତ୍ଯୁହରାଯ ଚ ॥ 32 ॥
ଦ୍ଵିଜୈର୍ନିତ୍ଯମିଦଂ ଜପ୍ଯଂ ଭାଗ୍ଯାରୋଗ୍ଯାଭୀପ୍ସୁଭିଃ ।
ନାଭିମାତ୍ରଜଲେସ୍ଥିତ୍ଵା ସହସ୍ରପରିସଂଖ୍ଯଯା ॥ 33 ॥
ଜପେତ୍ସ୍ତୋତ୍ରମିମଂ ମଂତ୍ରଂ ଵାଚାଂ ସିଦ୍ଧିର୍ଭଵେତ୍ତତଃ ।
ଅନେନଵିଧିନା ଭକ୍ତ୍ଯା ମଂତ୍ରସିଦ୍ଧିଶ୍ଚ ଜାଯତେ ॥ 34 ॥
ସଂତୁଷ୍ଟା ଚ ଭଵେଦ୍ଦେଵୀ ପ୍ରତ୍ଯକ୍ଷା ସଂପ୍ରଜାଯତେ ।
ସାଯଂ ଶତଂ ପଠେନ୍ନିତ୍ଯଂ ଷଣ୍ମାସାତ୍ସିଦ୍ଧିରୁଚ୍ଯତେ ॥ 35 ॥
ଚୋରଵ୍ଯାଧିଭଯସ୍ଥାନେ ମନସାହ୍ଯନୁଚିଂତଯନ୍ ।
ସଂଵତ୍ସରମୁପାଶ୍ରିତ୍ଯ ସର୍ଵକାମାର୍ଥସିଦ୍ଧଯେ ॥ 36 ॥
ରାଜାନଂ ଵଶ୍ଯମାପ୍ନୋତି ଷଣ୍ମାସାନ୍ନାତ୍ର ସଂଶଯଃ ।
ଅଷ୍ଟଦୋର୍ଭିସ୍ସମାଯୁକ୍ତେ ନାନାଯୁଦ୍ଧଵିଶାରଦେ ॥ 37 ॥
ଭୂତପ୍ରେତପିଶାଚେଭ୍ଯୋ ରୋଗାରାତିମୁଖୈରପି ।
ନାଗେଭ୍ଯଃ ଵିଷଯଂତ୍ରେଭ୍ଯଃ ଆଭିଚାରୈର୍ମହେଶ୍ଵରୀ ॥ 38 ॥
ରକ୍ଷ ମାଂ ରକ୍ଷ ମାଂ ନିତ୍ଯଂ ପ୍ରତ୍ଯହଂ ପୂଜିତା ମଯା ।
ସର୍ଵମଂଗଳମାଂଗଳ୍ଯେ ଶିଵେ ସର୍ଵାର୍ଥସାଧିକେ ।
ଶରଣ୍ଯେ ତ୍ର୍ଯଂବକେ ଦେଵୀ ନାରାଯଣୀ ନମୋଽସ୍ତୁ ତେ ॥ 39 ॥
ଵରଂ ପ୍ରଦାଦ୍ମହେଂଦ୍ରାଯ ଦେଵରାଜ୍ଯଂ ଚ ଶାଶ୍ଵତଂ ।
ଇଂଦ୍ରସ୍ତୋତ୍ରମିଦଂ ପୁଣ୍ଯଂ ମହଦୈଶ୍ଵର୍ଯକାରଣମ୍ ॥ 40 ॥
ଇତି ଇଂଦ୍ରାକ୍ଷୀ ସ୍ତୋତ୍ରମ୍ ।
Browse Related Categories:
