ଅନଂତସଂସାର ସମୁଦ୍ରତାର ନୌକାଯିତାଭ୍ଯାଂ ଗୁରୁଭକ୍ତିଦାଭ୍ଯାମ୍ ।
ଵୈରାଗ୍ଯସାମ୍ରାଜ୍ଯଦପୂଜନାଭ୍ଯାଂ ନମୋ ନମଃ ଶ୍ରୀଗୁରୁପାଦୁକାଭ୍ଯାମ୍ ॥ 1 ॥
କଵିତ୍ଵଵାରାଶିନିଶାକରାଭ୍ଯାଂ ଦୌର୍ଭାଗ୍ଯଦାଵାଂ ବୁଦମାଲିକାଭ୍ଯାମ୍ ।
ଦୂରିକୃତାନମ୍ର ଵିପତ୍ତତିଭ୍ଯାଂ ନମୋ ନମଃ ଶ୍ରୀଗୁରୁପାଦୁକାଭ୍ଯାମ୍ ॥ 2 ॥
ନତା ଯଯୋଃ ଶ୍ରୀପତିତାଂ ସମୀଯୁଃ କଦାଚିଦପ୍ଯାଶୁ ଦରିଦ୍ରଵର୍ଯାଃ ।
ମୂକାଶ୍ର୍ଚ ଵାଚସ୍ପତିତାଂ ହି ତାଭ୍ଯାଂ ନମୋ ନମଃ ଶ୍ରୀଗୁରୁପାଦୁକାଭ୍ଯାମ୍ ॥ 3 ॥
ନାଲୀକନୀକାଶ ପଦାହୃତାଭ୍ଯାଂ ନାନାଵିମୋହାଦି ନିଵାରିକାଭ୍ଯାଂ ।
ନମଜ୍ଜନାଭୀଷ୍ଟତତିପ୍ରଦାଭ୍ଯାଂ ନମୋ ନମଃ ଶ୍ରୀଗୁରୁପାଦୁକାଭ୍ଯାମ୍ ॥ 4 ॥
ନୃପାଲି ମୌଲିଵ୍ରଜରତ୍ନକାଂତି ସରିଦ୍ଵିରାଜତ୍ ଝଷକନ୍ଯକାଭ୍ଯାଂ ।
ନୃପତ୍ଵଦାଭ୍ଯାଂ ନତଲୋକପଂକତେ: ନମୋ ନମଃ ଶ୍ରୀଗୁରୁପାଦୁକାଭ୍ଯାମ୍ ॥ 5 ॥
ପାପାଂଧକାରାର୍କ ପରଂପରାଭ୍ଯାଂ ତାପତ୍ରଯାହୀଂଦ୍ର ଖଗେଶ୍ର୍ଵରାଭ୍ଯାଂ ।
ଜାଡ୍ଯାବ୍ଧି ସଂଶୋଷଣ ଵାଡଵାଭ୍ଯାଂ ନମୋ ନମଃ ଶ୍ରୀଗୁରୁପାଦୁକାଭ୍ଯାମ୍ ॥ 6 ॥
ଶମାଦିଷଟ୍କ ପ୍ରଦଵୈଭଵାଭ୍ଯାଂ ସମାଧିଦାନ ଵ୍ରତଦୀକ୍ଷିତାଭ୍ଯାଂ ।
ରମାଧଵାଂଧ୍ରିସ୍ଥିରଭକ୍ତିଦାଭ୍ଯାଂ ନମୋ ନମଃ ଶ୍ରୀଗୁରୁପାଦୁକାଭ୍ଯାମ୍ ॥ 7 ॥
ସ୍ଵାର୍ଚାପରାଣାଂ ଅଖିଲେଷ୍ଟଦାଭ୍ଯାଂ ସ୍ଵାହାସହାଯାକ୍ଷଧୁରଂଧରାଭ୍ଯାଂ ।
ସ୍ଵାଂତାଚ୍ଛଭାଵପ୍ରଦପୂଜନାଭ୍ଯାଂ ନମୋ ନମଃ ଶ୍ରୀଗୁରୁପାଦୁକାଭ୍ଯାମ୍ ॥ 8 ॥
କାମାଦିସର୍ପ ଵ୍ରଜଗାରୁଡାଭ୍ଯାଂ ଵିଵେକଵୈରାଗ୍ଯ ନିଧିପ୍ରଦାଭ୍ଯାଂ ।
ବୋଧପ୍ରଦାଭ୍ଯାଂ ଦୃତମୋକ୍ଷଦାଭ୍ଯାଂ ନମୋ ନମଃ ଶ୍ରୀଗୁରୁପାଦୁକାଭ୍ଯାମ୍ ॥ 9 ॥
Browse Related Categories:
