Dwadasa Arya Stuti - Oriya | Vaidika Vignanam

Collection of Spiritual and Devotional Literature in Various Indian Languages

View this in:

ଦ୍ଵାଦଶ ଆର୍ଯ ସ୍ତୁତି

ଉଦ୍ଯନ୍ନଦ୍ଯଵିଵସ୍ଵାନାରୋହନ୍ନୁତ୍ତରାଂ ଦିଵଂ ଦେଵଃ ।
ହୃଦ୍ରୋଗଂ ମମ ସୂର୍ଯୋ ହରିମାଣଂ ଚାଽଽଶୁ ନାଶଯତୁ ॥ 1 ॥

ନିମିଷାର୍ଧେନୈକେନ ଦ୍ଵେ ଚ ଶତେ ଦ୍ଵେ ସହସ୍ରେ ଦ୍ଵେ ।
କ୍ରମମାଣ ଯୋଜନାନାଂ ନମୋଽସ୍ତୁ ତେ ନଳିନନାଥାଯ ॥ 2 ॥

କର୍ମଜ୍ଞାନଖଦଶକଂ ମନଶ୍ଚ ଜୀଵ ଇତି ଵିଶ୍ଵସର୍ଗାଯ ।
ଦ୍ଵାଦଶଧା ଯୋ ଵିଚରତି ସ ଦ୍ଵାଦଶମୂର୍ତିରସ୍ତୁ ମୋଦାଯ ॥ 3 ॥

ତ୍ଵଂ ହି ଯଜୂଋକ୍ସାମଃ ତ୍ଵମାଗମସ୍ତ୍ଵଂ ଵଷଟ୍କାରଃ ।
ତ୍ଵଂ ଵିଶ୍ଵଂ ତ୍ଵଂ ହଂସଃ ତ୍ଵଂ ଭାନୋ ପରମହଂସଶ୍ଚ ॥ 4 ॥

ଶିଵରୂପାତ୍ ଜ୍ଞାନମହଂ ତ୍ଵତ୍ତୋ ମୁକ୍ତିଂ ଜନାର୍ଦନାକାରାତ୍ ।
ଶିଖିରୂପାଦୈଶ୍ଵର୍ଯଂ ତ୍ଵତ୍ତଶ୍ଚାରୋଗ୍ଯମିଚ୍ଛାମି ॥ 5 ॥

ତ୍ଵଚି ଦୋଷା ଦୃଶି ଦୋଷାଃ ହୃଦି ଦୋଷା ଯେଽଖିଲେଂଦ୍ରିଯଜଦୋଷାଃ ।
ତାନ୍ ପୂଷା ହତଦୋଷଃ କିଂଚିଦ୍ରୋଷାଗ୍ନିନା ଦହତୁ ॥ 6 ॥

ଧର୍ମାର୍ଥକାମମୋକ୍ଷପ୍ରତିରୋଧାନୁଗ୍ରତାପଵେଗକରାନ୍ ।
ବଂଦୀକୃତେଂଦ୍ରିଯଗଣାନ୍ ଗଦାନ୍ ଵିଖଂଡଯତୁ ଚଂଡାଂଶୁଃ ॥ 7 ॥

ଯେନ ଵିନେଦଂ ତିମିରଂ ଜଗଦେତ୍ଯ ଗ୍ରସତି ଚରମଚରମଖିଲମ୍ ।
ଧୃତବୋଧଂ ତଂ ନଳିନୀଭର୍ତାରଂ ହର୍ତାରମାପଦାମୀଡେ ॥ 8 ॥

ଯସ୍ଯ ସହସ୍ରାଭୀଶୋରଭୀଶୁ ଲେଶୋ ହିମାଂଶୁବିଂବଗତଃ ।
ଭାସଯତି ନକ୍ତମଖିଲଂ ଭେଦଯତୁ ଵିପଦ୍ଗଣାନରୁଣଃ ॥ 9 ॥

ତିମିରମିଵ ନେତ୍ରତିମିରଂ ପଟଲମିଵାଽଶେଷରୋଗପଟଲଂ ନଃ ।
କାଶମିଵାଧିନିକାଯଂ କାଲପିତା ରୋଗଯୁକ୍ତତାଂ ହରତାତ୍ ॥ 10 ॥

ଵାତାଶ୍ମରୀଗଦାର୍ଶସ୍ତ୍ଵଗ୍ଦୋଷମହୋଦରପ୍ରମେହାଂଶ୍ଚ ।
ଗ୍ରହଣୀଭଗଂଧରାଖ୍ଯା ମହତୀସ୍ତ୍ଵଂ ମେ ରୁଜୋ ହଂସି ॥ 11 ॥

ତ୍ଵଂ ମାତା ତ୍ଵଂ ଶରଣଂ ତ୍ଵଂ ଧାତା ତ୍ଵଂ ଧନଂ ତ୍ଵମାଚାର୍ଯଃ ।
ତ୍ଵଂ ତ୍ରାତା ତ୍ଵଂ ହର୍ତା ଵିପଦାମର୍କ ପ୍ରସୀଦ ମମ ଭାନୋ ॥ 12 ॥

ଇତ୍ଯାର୍ଯାଦ୍ଵାଦଶକଂ ସାଂବସ୍ଯ ପୁରୋ ନଭଃସ୍ଥଲାତ୍ପତିତମ୍ ।
ପଠତାଂ ଭାଗ୍ଯସମୃଦ୍ଧିଃ ସମସ୍ତରୋଗକ୍ଷଯଶ୍ଚ ସ୍ଯାତ୍ ॥ 13 ॥

ଇତି ଶ୍ରୀସାଂବକୃତଦ୍ଵାଦଶାର୍ଯାସୂର୍ଯସ୍ତୁତିଃ ।

Browse Related Categories: