ସୌରାଷ୍ଟ୍ରଦେଶେ ଵିଶଦେଽତିରମ୍ଯେ ଜ୍ଯୋତିର୍ମଯଂ ଚଂଦ୍ରକଲାଵତଂସମ୍ ।
ଭକ୍ତିପ୍ରଦାନାଯ କୃପାଵତୀର୍ଣଂ ତଂ ସୋମନାଥଂ ଶରଣଂ ପ୍ରପଦ୍ଯେ ॥ 1॥
ଶ୍ରୀଶୈଲଶଋଂଗେ ଵିବୁଧାତିସଂଗେ ତୁଲାଦ୍ରିତୁଂଗେଽପି ମୁଦା ଵସଂତମ୍ ।
ତମର୍ଜୁନଂ ମଲ୍ଲିକପୂର୍ଵମେକଂ ନମାମି ସଂସାରସମୁଦ୍ରସେତୁମ୍ ॥ 2॥
ଅଵଂତିକାଯାଂ ଵିହିତାଵତାରଂ ମୁକ୍ତିପ୍ରଦାନାଯ ଚ ସଜ୍ଜନାନାମ୍ ।
ଅକାଲମୃତ୍ଯୋଃ ପରିରକ୍ଷଣାର୍ଥଂ ଵଂଦେ ମହାକାଲମହାସୁରେଶମ୍ ॥ 3॥
କାଵେରିକାନର୍ମଦଯୋଃ ପଵିତ୍ରେ ସମାଗମେ ସଜ୍ଜନତାରଣାଯ ।
ସଦୈଵମାଂଧାତୃପୁରେ ଵସଂତମୋଂକାରମୀଶଂ ଶିଵମେକମୀଡେ ॥ 4॥
ପୂର୍ଵୋତ୍ତରେ ପ୍ରଜ୍ଵଲିକାନିଧାନେ ସଦା ଵସଂତଂ ଗିରିଜାସମେତମ୍ ।
ସୁରାସୁରାରାଧିତପାଦପଦ୍ମଂ ଶ୍ରୀଵୈଦ୍ଯନାଥଂ ତମହଂ ନମାମି ॥ 5॥
ଯାମ୍ଯେ ସଦଂଗେ ନଗରେଽତିରମ୍ଯେ ଵିଭୂଷିତାଂଗଂ ଵିଵିଧୈଶ୍ଚ ଭୋଗୈଃ ।
ସଦ୍ଭକ୍ତିମୁକ୍ତିପ୍ରଦମୀଶମେକଂ ଶ୍ରୀନାଗନାଥଂ ଶରଣଂ ପ୍ରପଦ୍ଯେ ॥ 6॥
ମହାଦ୍ରିପାର୍ଶ୍ଵେ ଚ ତଟେ ରମଂତଂ ସଂପୂଜ୍ଯମାନଂ ସତତଂ ମୁନୀଂଦ୍ରୈଃ ।
ସୁରାସୁରୈର୍ଯକ୍ଷ ମହୋରଗାଢ୍ଯୈଃ କେଦାରମୀଶଂ ଶିଵମେକମୀଡେ ॥ 7॥
ସହ୍ଯାଦ୍ରିଶୀର୍ଷେ ଵିମଲେ ଵସଂତଂ ଗୋଦାଵରିତୀରପଵିତ୍ରଦେଶେ ।
ଯଦ୍ଧର୍ଶନାତ୍ପାତକମାଶୁ ନାଶଂ ପ୍ରଯାତି ତଂ ତ୍ର୍ଯଂବକମୀଶମୀଡେ ॥ 8॥
ସୁତାମ୍ରପର୍ଣୀଜଲରାଶିଯୋଗେ ନିବଧ୍ଯ ସେତୁଂ ଵିଶିଖୈରସଂଖ୍ଯୈଃ ।
ଶ୍ରୀରାମଚଂଦ୍ରେଣ ସମର୍ପିତଂ ତଂ ରାମେଶ୍ଵରାଖ୍ଯଂ ନିଯତଂ ନମାମି ॥ 9॥
ଯଂ ଡାକିନିଶାକିନିକାସମାଜେ ନିଷେଵ୍ଯମାଣଂ ପିଶିତାଶନୈଶ୍ଚ ।
ସଦୈଵ ଭୀମାଦିପଦପ୍ରସିଦ୍ଦଂ ତଂ ଶଂକରଂ ଭକ୍ତହିତଂ ନମାମି ॥ 10॥
ସାନଂଦମାନଂଦଵନେ ଵସଂତମାନଂଦକଂଦଂ ହତପାପଵୃଂଦମ୍ ।
ଵାରାଣସୀନାଥମନାଥନାଥଂ ଶ୍ରୀଵିଶ୍ଵନାଥଂ ଶରଣଂ ପ୍ରପଦ୍ଯେ ॥ 11॥
ଇଲାପୁରେ ରମ୍ଯଵିଶାଲକେଽସ୍ମିନ୍ ସମୁଲ୍ଲସଂତଂ ଚ ଜଗଦ୍ଵରେଣ୍ଯମ୍ ।
ଵଂଦେ ମହୋଦାରତରସ୍ଵଭାଵଂ ଘୃଷ୍ଣେଶ୍ଵରାଖ୍ଯଂ ଶରଣମ୍ ପ୍ରପଦ୍ଯେ ॥ 12॥
ଜ୍ଯୋତିର୍ମଯଦ୍ଵାଦଶଲିଂଗକାନାଂ ଶିଵାତ୍ମନାଂ ପ୍ରୋକ୍ତମିଦଂ କ୍ରମେଣ ।
ସ୍ତୋତ୍ରଂ ପଠିତ୍ଵା ମନୁଜୋଽତିଭକ୍ତ୍ଯା ଫଲଂ ତଦାଲୋକ୍ଯ ନିଜଂ ଭଜେଚ୍ଚ ॥
॥ ଇତି ଶ୍ରୀମଦ୍ଶଂକରାଚାର୍ଯଵିରଚିତଂ
ଦ୍ଵାଦଶଜ୍ଯୋତିର୍ଲିଂଗସ୍ତୋତ୍ରଂ ସଂପୂର୍ଣମ୍ ॥
Browse Related Categories:
