ଶୁଂଭନିଶୁଂଭସେନାନୀଧୂମ୍ରଲୋଚନଵଧୋ ନାମ ଷଷ୍ଟୋ ଧ୍ଯାଯଃ ॥
ଧ୍ଯାନଂ
ନଗାଧୀଶ୍ଵର ଵିଷ୍ତ୍ରାଂ ଫଣି ଫଣୋତ୍ତଂସୋରୁ ରତ୍ନାଵଳୀ
ଭାସ୍ଵଦ୍ ଦେହ ଲତାଂ ନିଭୋଉ ନେତ୍ରଯୋଦ୍ଭାସିତାଂ ।
ମାଲା କୁଂଭ କପାଲ ନୀରଜ କରାଂ ଚଂଦ୍ରା ଅର୍ଧ ଚୂଢାଂବରାଂ
ସର୍ଵେଶ୍ଵର ଭୈରଵାଂଗ ନିଲଯାଂ ପଦ୍ମାଵତୀଚିଂତଯେ ॥
ଋଷିରୁଵାଚ ॥1॥
ଇତ୍ଯାକର୍ଣ୍ଯ ଵଚୋ ଦେଵ୍ଯାଃ ସ ଦୂତୋଽମର୍ଷପୂରିତଃ ।
ସମାଚଷ୍ଟ ସମାଗମ୍ଯ ଦୈତ୍ଯରାଜାଯ ଵିସ୍ତରାତ୍ ॥ 2 ॥
ତସ୍ଯ ଦୂତସ୍ଯ ତଦ୍ଵାକ୍ଯମାକର୍ଣ୍ଯାସୁରରାଟ୍ ତତଃ ।
ସ କ୍ରୋଧଃ ପ୍ରାହ ଦୈତ୍ଯାନାମଧିପଂ ଧୂମ୍ରଲୋଚନମ୍ ॥3॥
ହେ ଧୂମ୍ରଲୋଚନାଶୁ ତ୍ଵଂ ସ୍ଵସୈନ୍ଯ ପରିଵାରିତଃ।
ତାମାନଯ ବଲ୍ଲାଦ୍ଦୁଷ୍ଟାଂ କେଶାକର୍ଷଣ ଵିହ୍ଵଲାମ୍ ॥4॥
ତତ୍ପରିତ୍ରାଣଦଃ କଶ୍ଚିଦ୍ଯଦି ଵୋତ୍ତିଷ୍ଠତେଽପରଃ।
ସ ହଂତଵ୍ଯୋଽମରୋଵାପି ଯକ୍ଷୋ ଗଂଧର୍ଵ ଏଵ ଵା ॥5॥
ଋଷିରୁଵାଚ ॥6॥
ତେନାଜ୍ଞପ୍ତସ୍ତତଃ ଶୀଘ୍ରଂ ସ ଦୈତ୍ଯୋ ଧୂମ୍ରଲୋଚନଃ।
ଵୃତଃ ଷଷ୍ଟ୍ଯା ସହସ୍ରାଣାଂ ଅସୁରାଣାଂଦ୍ରୁତଂଯମୌ ॥6॥
ନ ଦୃଷ୍ଟ୍ଵା ତାଂ ତତୋ ଦେଵୀଂ ତୁହିନାଚଲ ସଂସ୍ଥିତାଂ।
ଜଗାଦୋଚ୍ଚୈଃ ପ୍ରଯାହୀତି ମୂଲଂ ଶୁଂବନିଶୁଂଭଯୋଃ ॥8॥
ନ ଚେତ୍ପ୍ରୀତ୍ଯାଦ୍ଯ ଭଵତୀ ମଦ୍ଭର୍ତାରମୁପୈଷ୍ଯତି
ତତୋ ବଲାନ୍ନଯାମ୍ଯେଷ କେଶାକର୍ଷଣଵିହ୍ଵଲାମ୍ ॥9॥
ଦେଵ୍ଯୁଵାଚ ॥10॥
ଦୈତ୍ଯେଶ୍ଵରେଣ ପ୍ରହିତୋ ବଲଵାନ୍ବଲସଂଵୃତଃ।
ବଲାନ୍ନଯସି ମାମେଵଂ ତତଃ କିଂ ତେ କରୋମ୍ଯହମ୍ ॥11॥
ଋଷିରୁଵାଚ ॥12॥
ଇତ୍ଯୁକ୍ତଃ ସୋଽଭ୍ଯଧାଵତ୍ତାଂ ଅସୁରୋ ଧୂମ୍ରଲୋଚନଃ।
ହୂଂକାରେଣୈଵ ତଂ ଭସ୍ମ ସା ଚକାରାଂବିକା ତଦା॥13॥
ଅଥ କ୍ରୁଦ୍ଧଂ ମହାସୈନ୍ଯଂ ଅସୁରାଣାଂ ତଥାଂବିକା।
ଵଵର୍ଷ ସାଯୁକୈସ୍ତୀକ୍ଷ୍ଣୈସ୍ତଥା ଶକ୍ତିପରଶ୍ଵଧୈଃ ॥14॥
ତତୋ ଧୁତସଟଃ କୋପାତ୍କୃତ୍ଵା ନାଦଂ ସୁଭୈରଵମ୍।
ପପାତାସୁର ସେନାଯାଂ ସିଂହୋ ଦେଵ୍ଯାଃ ସ୍ଵଵାହନଃ ॥15॥
କାଂଶ୍ଚିତ୍କରପ୍ରହାରେଣ ଦୈତ୍ଯାନାସ୍ଯେନ ଚାପାରାନ୍।
ଆକ୍ରାଂତ୍ଯା ଚାଧରେଣ୍ଯାନ୍ ଜଘାନ ସ ମହାସୁରାନ୍ ॥16॥
କେଷାଂଚିତ୍ପାଟଯାମାସ ନଖୈଃ କୋଷ୍ଠାନି କେସରୀ।
ତଥା ତଲପ୍ରହାରେଣ ଶିରାଂସି କୃତଵାନ୍ ପୃଥକ୍ ॥17॥
ଵିଚ୍ଛିନ୍ନବାହୁଶିରସଃ କୃତାସ୍ତେନ ତଥାପରେ।
ପପୌଚ ରୁଧିରଂ କୋଷ୍ଠାଦନ୍ଯେଷାଂ ଧୁତକେସରଃ ॥18॥
କ୍ଷଣେନ ତଦ୍ବଲଂ ସର୍ଵଂ କ୍ଷଯଂ ନୀତଂ ମହାତ୍ମନା।
ତେନ କେସରିଣା ଦେଵ୍ଯା ଵାହନେନାତିକୋପିନା ॥19॥
ଶ୍ରୁତ୍ଵା ତମସୁରଂ ଦେଵ୍ଯା ନିହତଂ ଧୂମ୍ରଲୋଚନମ୍।
ବଲଂ ଚ କ୍ଷଯିତଂ କୃତ୍ସ୍ନଂ ଦେଵୀ କେସରିଣା ତତଃ॥20॥
ଚୁକୋପ ଦୈତ୍ଯାଧିପତିଃ ଶୁଂଭଃ ପ୍ରସ୍ଫୁରିତାଧରଃ।
ଆଜ୍ଞାପଯାମାସ ଚ ତୌ ଚଂଡମୁଂଡୌ ମହାସୁରୌ ॥21॥
ହେଚଂଡ ହେ ମୁଂଡ ବଲୈର୍ବହୁଭିଃ ପରିଵାରିତୌ
ତତ୍ର ଗଚ୍ଛତ ଗତ୍ଵା ଚ ସା ସମାନୀଯତାଂ ଲଘୁ ॥22॥
କେଶେଷ୍ଵାକୃଷ୍ଯ ବଦ୍ଧ୍ଵା ଵା ଯଦି ଵଃ ସଂଶଯୋ ଯୁଧି।
ତଦାଶେଷା ଯୁଧୈଃ ସର୍ଵୈର୍ ଅସୁରୈର୍ଵିନିହନ୍ଯତାଂ ॥23॥
ତସ୍ଯାଂ ହତାଯାଂ ଦୁଷ୍ଟାଯାଂ ସିଂହେ ଚ ଵିନିପାତିତେ।
ଶୀଘ୍ରମାଗମ୍ଯତାଂ ବଦ୍ଵା ଗୃହୀତ୍ଵାତାମଥାଂବିକାମ୍ ॥24॥
॥ ସ୍ଵସ୍ତି ଶ୍ରୀ ମାର୍କଂଡେଯ ପୁରାଣେ ସାଵର୍ନିକେମନ୍ଵଂତରେ ଦେଵି ମହତ୍ମ୍ଯେ ଶୁଂଭନିଶୁଂଭସେନାନୀଧୂମ୍ରଲୋଚନଵଧୋ ନାମ ଷଷ୍ଟୋ ଧ୍ଯାଯଃ ॥
ଆହୁତି
ଓଂ କ୍ଲୀଂ ଜଯଂତୀ ସାଂଗାଯୈ ସଶକ୍ତିକାଯୈ ସପରିଵାରାଯୈ ସଵାହନାଯୈ ମହାହୁତିଂ ସମର୍ପଯାମି ନମଃ ସ୍ଵାହା ॥
Browse Related Categories:
