ଦେଵ୍ଯା ଦୂତ ସଂଵାଦୋ ନାମ ପଂଚମୋ ଧ୍ଯାଯଃ ॥
ଅସ୍ଯ ଶ୍ରୀ ଉତ୍ତରଚରିତ୍ରସ୍ଯ ରୁଦ୍ର ଋଷିଃ । ଶ୍ରୀ ମହାସରସ୍ଵତୀ ଦେଵତା । ଅନୁଷ୍ଟୁପ୍ଛଂଧଃ ।ଭୀମା ଶକ୍ତିଃ । ଭ୍ରାମରୀ ବୀଜମ୍ । ସୂର୍ଯସ୍ତତ୍ଵମ୍ । ସାମଵେଦଃ । ସ୍ଵରୂପମ୍ । ଶ୍ରୀ ମହାସରସ୍ଵତିପ୍ରୀତ୍ଯର୍ଥେ । ଉତ୍ତରଚରିତ୍ରପାଠେ ଵିନିଯୋଗଃ ॥
ଧ୍ଯାନଂ
ଘଂଟାଶୂଲହଲାନି ଶଂଖ ମୁସଲେ ଚକ୍ରଂ ଧନୁଃ ସାଯକଂ
ହସ୍ତାବ୍ଜୈର୍ଧଦତୀଂ ଘନାଂତଵିଲସଚ୍ଛୀତାଂଶୁତୁଲ୍ଯପ୍ରଭାଂ
ଗୌରୀ ଦେହ ସମୁଦ୍ଭଵାଂ ତ୍ରିଜଗତାଂ ଆଧାରଭୂତାଂ ମହା
ପୂର୍ଵାମତ୍ର ସରସ୍ଵତୀ ମନୁଭଜେ ଶୁଂଭାଦିଦୈତ୍ଯାର୍ଦିନୀଂ॥
॥ଋଷିରୁଵାଚ॥ ॥ 1 ॥
ପୁରା ଶୁଂଭନିଶୁଂଭାଭ୍ଯାମସୁରାଭ୍ଯାଂ ଶଚୀପତେଃ
ତ୍ରୈଲୋକ୍ଯଂ ଯଜ୍ଞ୍ଯ ଭାଗାଶ୍ଚ ହୃତା ମଦବଲାଶ୍ରଯାତ୍ ॥2॥
ତାଵେଵ ସୂର୍ଯତାଂ ତଦ୍ଵଦଧିକାରଂ ତଥୈଂଦଵଂ
କୌବେରମଥ ଯାମ୍ଯଂ ଚକ୍ରାଂତେ ଵରୁଣସ୍ଯ ଚ
ତାଵେଵ ପଵନର୍ଦ୍ଧିଽଂ ଚ ଚକ୍ରତୁର୍ଵହ୍ନି କର୍ମଚ
ତତୋ ଦେଵା ଵିନିର୍ଧୂତା ଭ୍ରଷ୍ଟରାଜ୍ଯାଃ ପରାଜିତାଃ ॥3॥
ହୃତାଧିକାରାସ୍ତ୍ରିଦଶାସ୍ତାଭ୍ଯାଂ ସର୍ଵେ ନିରାକୃତା।
ମହାସୁରାଭ୍ଯାଂ ତାଂ ଦେଵୀଂ ସଂସ୍ମରଂତ୍ଯପରାଜିତାଂ ॥4॥
ତଯାସ୍ମାକଂ ଵରୋ ଦତ୍ତୋ ଯଧାପତ୍ସୁ ସ୍ମୃତାଖିଲାଃ।
ଭଵତାଂ ନାଶଯିଷ୍ଯାମି ତତ୍କ୍ଷଣାତ୍ପରମାପଦଃ ॥5॥
ଇତିକୃତ୍ଵା ମତିଂ ଦେଵା ହିମଵଂତଂ ନଗେଶ୍ଵରଂ।
ଜଗ୍ମୁସ୍ତତ୍ର ତତୋ ଦେଵୀଂ ଵିଷ୍ଣୁମାଯାଂ ପ୍ରତୁଷ୍ଟୁଵୁଃ ॥6॥
ଦେଵା ଊଚୁଃ
ନମୋ ଦେଵ୍ଯୈ ମହାଦେଵ୍ଯୈ ଶିଵାଯୈ ସତତଂ ନମଃ।
ନମଃ ପ୍ରକୃତ୍ଯୈ ଭଦ୍ରାଯୈ ନିଯତାଃ ପ୍ରଣତାଃ ସ୍ମତାଂ ॥6॥
ରୌଦ୍ରାଯ ନମୋ ନିତ୍ଯାଯୈ ଗୌର୍ଯୈ ଧାତ୍ର୍ଯୈ ନମୋ ନମଃ
ଜ୍ଯୋତ୍ସ୍ନାଯୈ ଚେଂଦୁରୂପିଣ୍ଯୈ ସୁଖାଯୈ ସତତଂ ନମଃ ॥8॥
କଳ୍ଯାଣ୍ଯୈ ପ୍ରଣତା ଵୃଦ୍ଧ୍ଯୈ ସିଦ୍ଧ୍ଯୈ କୁର୍ମୋ ନମୋ ନମଃ।
ନୈରୃତ୍ଯୈ ଭୂଭୃତାଂ ଲକ୍ଷ୍ମୈ ଶର୍ଵାଣ୍ଯୈ ତେ ନମୋ ନମଃ ॥9॥
ଦୁର୍ଗାଯୈ ଦୁର୍ଗପାରାଯୈ ସାରାଯୈ ସର୍ଵକାରିଣ୍ଯୈ
ଖ୍ଯାତ୍ଯୈ ତଥୈଵ କୃଷ୍ଣାଯୈ ଧୂମ୍ରାଯୈ ସତତଂ ନମଃ ॥10॥
ଅତିସୌମ୍ଯତିରୌଦ୍ରାଯୈ ନତାସ୍ତସ୍ଯୈ ନମୋ ନମଃ
ନମୋ ଜଗତ୍ପ୍ରତିଷ୍ଠାଯୈ ଦେଵ୍ଯୈ କୃତ୍ଯୈ ନମୋ ନମଃ ॥11॥
ଯାଦେଵୀ ସର୍ଵଭୂତେଷୂ ଵିଷ୍ଣୁମାଯେତି ଶବ୍ଧିତା।
ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ ॥12
ଯାଦେଵୀ ସର୍ଵଭୂତେଷୂ ଚେତନେତ୍ଯଭିଧୀଯତେ।
ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ ॥13॥
ଯାଦେଵୀ ସର୍ଵଭୂତେଷୂ ବୁଦ୍ଧିରୂପେଣ ସଂସ୍ଥିତା।
ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ ॥14॥
ଯାଦେଵୀ ସର୍ଵଭୂତେଷୂ ନିଦ୍ରାରୂପେଣ ସଂସ୍ଥିତା।
ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ ॥15॥
ଯାଦେଵୀ ସର୍ଵଭୂତେଷୂ କ୍ଷୁଧାରୂପେଣ ସଂସ୍ଥିତା
ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ ॥16॥
ଯାଦେଵୀ ସର୍ଵଭୂତେଷୂ ଛାଯାରୂପେଣ ସଂସ୍ଥିତା
ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ ॥17॥
ଯାଦେଵୀ ସର୍ଵଭୂତେଷୂ ଶକ୍ତିରୂପେଣ ସଂସ୍ଥିତା
ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ ॥18॥
ଯାଦେଵୀ ସର୍ଵଭୂତେଷୂ ତୃଷ୍ଣାରୂପେଣ ସଂସ୍ଥିତା
ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ ॥19॥
ଯାଦେଵୀ ସର୍ଵଭୂତେଷୂ କ୍ଷାଂତିରୂପେଣ ସଂସ୍ଥିତା
ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ ॥20॥
ଯାଦେଵୀ ସର୍ଵଭୂତେଷୂ ଜାତିରୂପେଣ ସଂସ୍ଥିତା
ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ ॥21॥
ଯାଦେଵୀ ସର୍ଵଭୂତେଷୂ ଲଜ୍ଜାରୂପେଣ ସଂସ୍ଥିତା
ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ ॥22॥
ଯାଦେଵୀ ସର୍ଵଭୂତେଷୂ ଶାଂତିରୂପେଣ ସଂସ୍ଥିତା
ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ ॥23॥
ଯାଦେଵୀ ସର୍ଵଭୂତେଷୂ ଶ୍ରଦ୍ଧାରୂପେଣ ସଂସ୍ଥିତା
ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ ॥24॥
ଯାଦେଵୀ ସର୍ଵଭୂତେଷୂ କାଂତିରୂପେଣ ସଂସ୍ଥିତା
ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ ॥25॥
ଯାଦେଵୀ ସର୍ଵଭୂତେଷୂ ଲକ୍ଷ୍ମୀରୂପେଣ ସଂସ୍ଥିତା
ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ ॥26॥
ଯାଦେଵୀ ସର୍ଵଭୂତେଷୂ ଵୃତ୍ତିରୂପେଣ ସଂସ୍ଥିତା
ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ ॥27॥
ଯାଦେଵୀ ସର୍ଵଭୂତେଷୂ ସ୍ମୃତିରୂପେଣ ସଂସ୍ଥିତା
ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ ॥28॥
ଯାଦେଵୀ ସର୍ଵଭୂତେଷୂ ଦଯାରୂପେଣ ସଂସ୍ଥିତା
ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ ॥29॥
ଯାଦେଵୀ ସର୍ଵଭୂତେଷୂ ତୁଷ୍ଟିରୂପେଣ ସଂସ୍ଥିତା
ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ ॥30॥
ଯାଦେଵୀ ସର୍ଵଭୂତେଷୂ ମାତୃରୂପେଣ ସଂସ୍ଥିତା
ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ ॥31॥
ଯାଦେଵୀ ସର୍ଵଭୂତେଷୂ ଭ୍ରାଂତିରୂପେଣ ସଂସ୍ଥିତା
ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ ॥32॥
ଇଂଦ୍ରିଯାଣାମଧିଷ୍ଠାତ୍ରୀ ଭୂତାନାଂ ଚାଖିଲେଷୁ ଯା।
ଭୂତେଷୁ ସତତଂ ତସ୍ଯୈ ଵ୍ଯାପ୍ତି ଦେଵ୍ଯୈ ନମୋ ନମଃ ॥33॥
ଚିତିରୂପେଣ ଯା କୃତ୍ସ୍ନମେତ ଦ୍ଵ୍ଯାପ୍ଯ ସ୍ଥିତା ଜଗତ୍
ନମସ୍ତସ୍ଯୈ, ନମସ୍ତସ୍ଯୈ,ନମସ୍ତସ୍ଯୈ ନମୋନମଃ ॥34॥
ସ୍ତୁତାସୁରୈଃ ପୂର୍ଵମଭୀଷ୍ଟ ସଂଶ୍ରଯାତ୍ତଥା
ସୁରେଂଦ୍ରେଣ ଦିନେଷୁସେଵିତା।
କରୋତୁସା ନଃ ଶୁଭହେତୁରୀଶ୍ଵରୀ
ଶୁଭାନି ଭଦ୍ରାଣ୍ଯ ଭିହଂତୁ ଚାପଦଃ ॥35॥
ଯା ସାଂପ୍ରତଂ ଚୋଦ୍ଧତଦୈତ୍ଯତାପିତୈ
ରସ୍ମାଭିରୀଶାଚସୁରୈର୍ନମଶ୍ଯତେ।
ଯାଚ ସ୍ମତା ତତ୍^କ୍ଷଣ ମେଵ ହଂତି ନଃ
ସର୍ଵା ପଦୋଭକ୍ତିଵିନମ୍ରମୂର୍ତିଭିଃ ॥36॥
ଋଷିରୁଵାଚ॥
ଏଵଂ ସ୍ତଵାଭି ଯୁକ୍ତାନାଂ ଦେଵାନାଂ ତତ୍ର ପାର୍ଵତୀ।
ସ୍ନାତୁମଭ୍ଯାଯଯୌ ତୋଯେ ଜାହ୍ନଵ୍ଯା ନୃପନଂଦନ ॥37॥
ସାବ୍ରଵୀତ୍ତାନ୍ ସୁରାନ୍ ସୁଭ୍ରୂର୍ଭଵଦ୍ଭିଃ ସ୍ତୂଯତେଽତ୍ର କା
ଶରୀରକୋଶତଶ୍ଚାସ୍ଯାଃ ସମୁଦ୍ଭୂତାଽ ବ୍ରଵୀଚ୍ଛିଵା ॥38॥
ସ୍ତୋତ୍ରଂ ମମୈତତ୍କ୍ରିଯତେ ଶୁଂଭଦୈତ୍ଯ ନିରାକୃତୈଃ
ଦେଵୈଃ ସମେତୈଃ ସମରେ ନିଶୁଂଭେନ ପରାଜିତୈଃ ॥39॥
ଶରୀରକୋଶାଦ୍ଯତ୍ତସ୍ଯାଃ ପାର୍ଵତ୍ଯା ନିଃସୃତାଂବିକା।
କୌଶିକୀତି ସମସ୍ତେଷୁ ତତୋ ଲୋକେଷୁ ଗୀଯତେ ॥40॥
ତସ୍ଯାଂଵିନିର୍ଗତାଯାଂ ତୁ କୃଷ୍ଣାଭୂତ୍ସାପି ପାର୍ଵତୀ।
କାଳିକେତି ସମାଖ୍ଯାତା ହିମାଚଲକୃତାଶ୍ରଯା ॥41॥
ତତୋଽଂବିକାଂ ପରଂ ରୂପଂ ବିଭ୍ରାଣାଂ ସୁମନୋହରମ୍ ।
ଦଦର୍ଶ ଚଣ୍ଦୋ ମୁଣ୍ଦଶ୍ଚ ଭୃତ୍ଯୌ ଶୁଂଭନିଶୁଂଭଯୋଃ ॥42॥
ତାଭ୍ଯାଂ ଶୁଂଭାଯ ଚାଖ୍ଯାତା ସାତୀଵ ସୁମନୋହରା।
କାପ୍ଯାସ୍ତେ ସ୍ତ୍ରୀ ମହାରାଜ ଭାସ ଯଂତୀ ହିମାଚଲମ୍ ॥43॥
ନୈଵ ତାଦୃକ୍ କ୍ଵଚିଦ୍ରୂପଂ ଦୃଷ୍ଟଂ କେନଚିଦୁତ୍ତମମ୍।
ଜ୍ଞାଯତାଂ କାପ୍ଯସୌ ଦେଵୀ ଗୃହ୍ଯତାଂ ଚାସୁରେଶ୍ଵର ॥44॥
ସ୍ତ୍ରୀ ରତ୍ନ ମତିଚାର୍ଵଂଜ୍ଗୀ ଦ୍ଯୋତଯଂତୀଦିଶସ୍ତ୍ଵିଷା।
ସାତୁତିଷ୍ଟତି ଦୈତ୍ଯେଂଦ୍ର ତାଂ ଭଵାନ୍ ଦ୍ରଷ୍ଟୁ ମର୍ହତି ॥45॥
ଯାନି ରତ୍ନାନି ମଣଯୋ ଗଜାଶ୍ଵାଦୀନି ଵୈ ପ୍ରଭୋ।
ତ୍ରୈ ଲୋକ୍ଯେତୁ ସମସ୍ତାନି ସାଂପ୍ରତଂ ଭାଂତିତେ ଗୃହେ ॥46॥
ଐରାଵତଃ ସମାନୀତୋ ଗଜରତ୍ନଂ ପୁନର୍ଦରାତ୍।
ପାରିଜାତ ତରୁଶ୍ଚାଯଂ ତଥୈଵୋଚ୍ଚୈଃ ଶ୍ରଵା ହଯଃ ॥47॥
ଵିମାନଂ ହଂସସଂଯୁକ୍ତମେତତ୍ତିଷ୍ଠତି ତେଽଂଗଣେ।
ରତ୍ନଭୂତ ମିହାନୀତଂ ଯଦାସୀଦ୍ଵେଧସୋଽଦ୍ଭୁତଂ ॥48॥
ନିଧିରେଷ ମହା ପଦ୍ମଃ ସମାନୀତୋ ଧନେଶ୍ଵରାତ୍।
କିଂଜଲ୍କିନୀଂ ଦଦୌ ଚାବ୍ଧିର୍ମାଲାମମ୍ଲାନପଜ୍କଜାଂ ॥49॥
ଛତ୍ରଂ ତେଵାରୁଣଂ ଗେହେ କାଂଚନସ୍ରାଵି ତିଷ୍ଠତି।
ତଥାଯଂ ସ୍ଯଂଦନଵରୋ ଯଃ ପୁରାସୀତ୍ପ୍ରଜାପତେଃ ॥50॥
ମୃତ୍ଯୋରୁତ୍କ୍ରାଂତିଦା ନାମ ଶକ୍ତିରୀଶ ତ୍ଵଯା ହୃତା।
ପାଶଃ ସଲିଲ ରାଜସ୍ଯ ଭ୍ରାତୁସ୍ତଵ ପରିଗ୍ରହେ ॥51॥
ନିଶୁଂଭସ୍ଯାବ୍ଧିଜାତାଶ୍ଚ ସମସ୍ତା ରତ୍ନ ଜାତଯଃ।
ଵହ୍ନିଶ୍ଚାପି ଦଦୌ ତୁଭ୍ଯ ମଗ୍ନିଶୌଚେ ଚ ଵାସସୀ ॥52॥
ଏଵଂ ଦୈତ୍ଯେଂଦ୍ର ରତ୍ନାନି ସମସ୍ତାନ୍ଯାହୃତାନି ତେ
ସ୍ତ୍ର୍ରୀ ରତ୍ନ ମେଷା କଲ୍ଯାଣୀ ତ୍ଵଯା କସ୍ମାନ୍ନ ଗୃହ୍ଯତେ ॥53॥
ଋଷିରୁଵାଚ।
ନିଶମ୍ଯେତି ଵଚଃ ଶୁଂଭଃ ସ ତଦା ଚଂଡମୁଂଡଯୋଃ।
ପ୍ରେଷଯାମାସ ସୁଗ୍ରୀଵଂ ଦୂତଂ ଦେଵ୍ଯା ମହାସୁରଂ ॥54॥
ଇତି ଚେତି ଚ ଵକ୍ତଵ୍ଯା ସା ଗତ୍ଵା ଵଚନାନ୍ମମ।
ଯଥା ଚାଭ୍ଯେତି ସଂପ୍ରୀତ୍ଯା ତଥା କାର୍ଯଂ ତ୍ଵଯା ଲଘୁ ॥55॥
ସତତ୍ର ଗତ୍ଵା ଯତ୍ରାସ୍ତେ ଶୈଲୋଦ୍ଦୋଶେଽତିଶୋଭନେ।
ସାଦେଵୀ ତାଂ ତତଃ ପ୍ରାହ ଶ୍ଲକ୍ଷ୍ଣଂ ମଧୁରଯା ଗିରା ॥56॥
ଦୂତ ଉଵାଚ॥
ଦେଵି ଦୈତ୍ଯେଶ୍ଵରଃ ଶୁଂଭସ୍ତ୍ରେଲୋକ୍ଯେ ପରମେଶ୍ଵରଃ।
ଦୂତୋଽହଂ ପ୍ରେଷି ତସ୍ତେନ ତ୍ଵତ୍ସକାଶମିହାଗତଃ ॥57॥
ଅଵ୍ଯାହତାଜ୍ଞଃ ସର୍ଵାସୁ ଯଃ ସଦା ଦେଵଯୋନିଷୁ।
ନିର୍ଜିତାଖିଲ ଦୈତ୍ଯାରିଃ ସ ଯଦାହ ଶୃଣୁଷ୍ଵ ତତ୍ ॥58॥
ମମତ୍ରୈଲୋକ୍ଯ ମଖିଲଂ ମମଦେଵା ଵଶାନୁଗାଃ।
ଯଜ୍ଞଭାଗାନହଂ ସର୍ଵାନୁପାଶ୍ନାମି ପୃଥକ୍ ପୃଥକ୍ ॥59॥
ତ୍ରୈଲୋକ୍ଯେଵରରତ୍ନାନି ମମ ଵଶ୍ଯାନ୍ଯଶେଷତଃ।
ତଥୈଵ ଗଜରତ୍ନଂ ଚ ହୃତଂ ଦେଵେଂଦ୍ରଵାହନଂ ॥60॥
କ୍ଷୀରୋଦମଥନୋଦ୍ଭୂତ ମଶ୍ଵରତ୍ନଂ ମମାମରୈଃ।
ଉଚ୍ଚୈଃଶ୍ରଵସସଂଜ୍ଞଂ ତତ୍ପ୍ରଣିପତ୍ଯ ସମର୍ପିତଂ ॥61॥
ଯାନିଚାନ୍ଯାନି ଦେଵେଷୁ ଗଂଧର୍ଵେଷୂରଗେଷୁ ଚ ।
ରତ୍ନଭୂତାନି ଭୂତାନି ତାନି ମଯ୍ଯେଵ ଶୋଭନେ ॥62॥
ସ୍ତ୍ରୀ ରତ୍ନଭୂତାଂ ତାଂ ଦେଵୀଂ ଲୋକେ ମନ୍ଯା ମହେ ଵଯଂ।
ସା ତ୍ଵମସ୍ମାନୁପାଗଚ୍ଛ ଯତୋ ରତ୍ନଭୁଜୋ ଵଯଂ ॥63॥
ମାଂଵା ମମାନୁଜଂ ଵାପି ନିଶୁଂଭମୁରୁଵିକ୍ରମମ୍।
ଭଜତ୍ଵଂ ଚଂଚଲାପାଜ୍ଗି ରତ୍ନ ଭୂତାସି ଵୈ ଯତଃ ॥64॥
ପରମୈଶ୍ଵର୍ଯ ମତୁଲଂ ପ୍ରାପ୍ସ୍ଯସେ ମତ୍ପରିଗ୍ରହାତ୍।
ଏତଦ୍ଭୁଦ୍ଥ୍ଯା ସମାଲୋଚ୍ଯ ମତ୍ପରିଗ୍ରହତାଂ ଵ୍ରଜ ॥65॥
ଋଷିରୁଵାଚ॥
ଇତ୍ଯୁକ୍ତା ସା ତଦା ଦେଵୀ ଗଂଭୀରାଂତଃସ୍ମିତା ଜଗୌ।
ଦୁର୍ଗା ଭଗଵତୀ ଭଦ୍ରା ଯଯେଦଂ ଧାର୍ଯତେ ଜଗତ୍ ॥66॥
ଦେଵ୍ଯୁଵାଚ॥
ସତ୍ଯ ମୁକ୍ତଂ ତ୍ଵଯା ନାତ୍ର ମିଥ୍ଯାକିଂଚିତ୍ତ୍ଵଯୋଦିତମ୍।
ତ୍ରୈଲୋକ୍ଯାଧିପତିଃ ଶୁଂଭୋ ନିଶୁଂଭଶ୍ଚାପି ତାଦୃଶଃ ॥67॥
କିଂ ତ୍ଵତ୍ର ଯତ୍ପ୍ରତିଜ୍ଞାତଂ ମିଥ୍ଯା ତତ୍କ୍ରିଯତେ କଥମ୍।
ଶ୍ରୂଯତାମଲ୍ପଭୁଦ୍ଧିତ୍ଵାତ୍ ତ୍ପ୍ରତିଜ୍ଞା ଯା କୃତା ପୁରା ॥68॥
ଯୋମାଂ ଜଯତି ସଜ୍ଗ୍ରାମେ ଯୋ ମେ ଦର୍ପଂ ଵ୍ଯପୋହତି।
ଯୋମେ ପ୍ରତିବଲୋ ଲୋକେ ସ ମେ ଭର୍ତା ଭଵିଷ୍ଯତି ॥69॥
ତଦାଗଚ୍ଛତୁ ଶୁଂଭୋଽତ୍ର ନିଶୁଂଭୋ ଵା ମହାସୁରଃ।
ମାଂ ଜିତ୍ଵା କିଂ ଚିରେଣାତ୍ର ପାଣିଂଗୃହ୍ଣାତୁମେଲଘୁ ॥70॥
ଦୂତ ଉଵାଚ॥
ଅଵଲିପ୍ତାସି ମୈଵଂ ତ୍ଵଂ ଦେଵି ବ୍ରୂହି ମମାଗ୍ରତଃ।
ତ୍ରୈଲୋକ୍ଯେକଃ ପୁମାଂସ୍ତିଷ୍ଟେଦ୍ ଅଗ୍ରେ ଶୁଂଭନିଶୁଂଭଯୋଃ ॥71॥
ଅନ୍ଯେଷାମପି ଦୈତ୍ଯାନାଂ ସର୍ଵେ ଦେଵା ନ ଵୈ ଯୁଧି।
କିଂ ତିଷ୍ଠଂତି ସୁମ୍ମୁଖେ ଦେଵି ପୁନଃ ସ୍ତ୍ରୀ ତ୍ଵମେକିକା ॥72॥
ଇଂଦ୍ରାଦ୍ଯାଃ ସକଲା ଦେଵାସ୍ତସ୍ଥୁର୍ଯେଷାଂ ନ ସଂଯୁଗେ।
ଶୁଂଭାଦୀନାଂ କଥଂ ତେଷାଂ ସ୍ତ୍ରୀ ପ୍ରଯାସ୍ଯସି ସମ୍ମୁଖମ୍ ॥73॥
ସାତ୍ଵଂ ଗଚ୍ଛ ମଯୈଵୋକ୍ତା ପାର୍ଶ୍ଵଂ ଶୁଂଭନିଶୁଂଭଯୋଃ।
କେଶାକର୍ଷଣ ନିର୍ଧୂତ ଗୌରଵା ମା ଗମିଷ୍ଯସି॥74॥
ଦେଵ୍ଯୁଵାଚ।
ଏଵମେତଦ୍ ବଲୀ ଶୁଂଭୋ ନିଶୁଂଭଶ୍ଚାତିଵୀର୍ଯଵାନ୍।
କିଂ କରୋମି ପ୍ରତିଜ୍ଞା ମେ ଯଦନାଲୋଚିତାପୁରା ॥75॥
ସତ୍ଵଂ ଗଚ୍ଛ ମଯୋକ୍ତଂ ତେ ଯଦେତତ୍ତ୍ସର୍ଵ ମାଦୃତଃ।
ତଦାଚକ୍ଷ୍ଵା ସୁରେଂଦ୍ରାଯ ସ ଚ ଯୁକ୍ତଂ କରୋତୁ ଯତ୍ ॥76॥
॥ ଇତି ଶ୍ରୀ ମାର୍କଂଡେଯ ପୁରାଣେ ସାଵର୍ନିକେ ମନ୍ଵଂତରେ ଦେଵି ମହତ୍ମ୍ଯେ ଦେଵ୍ଯା ଦୂତ ସଂଵାଦୋ ନାମ ପଂଚମୋ ଧ୍ଯାଯଃ ସମାପ୍ତମ୍ ॥
ଆହୁତି
କ୍ଲୀଂ ଜଯଂତୀ ସାଂଗାଯୈ ସାଯୁଧାଯୈ ସଶକ୍ତିକାଯୈ ସପରିଵାରାଯୈ ସଵାହନାଯୈ ଧୂମ୍ରାକ୍ଷ୍ଯୈ ଵିଷ୍ଣୁମାଯାଦି ଚତୁର୍ଵିଂଶଦ୍ ଦେଵତାଭ୍ଯୋ ମହାହୁତିଂ ସମର୍ପଯାମି ନମଃ ସ୍ଵାହା ॥
Browse Related Categories:
