ଶକ୍ରାଦିସ୍ତୁତିର୍ନାମ ଚତୁର୍ଧୋଽଧ୍ଯାଯଃ ॥
ଧ୍ଯାନଂ
କାଲାଭ୍ରାଭାଂ କଟାକ୍ଷୈର୍ ଅରି କୁଲ ଭଯଦାଂ ମୋଉଳି ବଦ୍ଧେଂଦୁ ରେଖାଂ
ଶଂଖ ଚକ୍ର କୃପାଣଂ ତ୍ରିଶିଖ ମପି କରୈର୍ ଉଦ୍ଵହଂତୀଂ ତ୍ରିନ୍୍ତ୍ରାଂ ।
ସିଂହ ସ୍କଂଦାଧିରୂଢାଂ ତ୍ରିଭୁଵନ ମଖିଲଂ ତେଜସା ପୂରଯଂତୀଂ
ଧ୍ଯାଯେଦ୍ ଦୁର୍ଗାଂ ଜଯାଖ୍ଯାଂ ତ୍ରିଦଶ ପରିଵୃତାଂ ସେଵିତାଂ ସିଦ୍ଧି କାମୈଃ ॥
ଋଷିରୁଵାଚ ॥1॥
ଶକ୍ରାଦଯଃ ସୁରଗଣା ନିହତେଽତିଵୀର୍ଯେ
ତସ୍ମିଂଦୁରାତ୍ମନି ସୁରାରିବଲେ ଚ ଦେଵ୍ଯା ।
ତାଂ ତୁଷ୍ଟୁଵୁଃ ପ୍ରଣତିନମ୍ରଶିରୋଧରାଂସା
ଵାଗ୍ଭିଃ ପ୍ରହର୍ଷପୁଲକୋଦ୍ଗମଚାରୁଦେହାଃ ॥ 2 ॥
ଦେଵ୍ଯା ଯଯା ତତମିଦଂ ଜଗଦାତ୍ମଶକ୍ତ୍ଯା
ନିଃଶେଷଦେଵଗଣଶକ୍ତିସମୂହମୂର୍ତ୍ଯା ।
ତାମଂବିକାମଖିଲଦେଵମହର୍ଷିପୂଜ୍ଯାଂ
ଭକ୍ତ୍ଯା ନତାଃ ସ୍ମ ଵିଦଧାତୁଶୁଭାନି ସା ନଃ ॥3॥
ଯସ୍ଯାଃ ପ୍ରଭାଵମତୁଲଂ ଭଗଵାନନଂତୋ
ବ୍ରହ୍ମା ହରଶ୍ଚ ନହି ଵକ୍ତୁମଲଂ ବଲଂ ଚ ।
ସା ଚଂଡିକାଽଖିଲ ଜଗତ୍ପରିପାଲନାଯ
ନାଶାଯ ଚାଶୁଭଭଯସ୍ଯ ମତିଂ କରୋତୁ ॥4॥
ଯା ଶ୍ରୀଃ ସ୍ଵଯଂ ସୁକୃତିନାଂ ଭଵନେଷ୍ଵଲକ୍ଷ୍ମୀଃ
ପାପାତ୍ମନାଂ କୃତଧିଯାଂ ହୃଦଯେଷୁ ବୁଦ୍ଧିଃ ।
ଶ୍ରଦ୍ଥା ସତାଂ କୁଲଜନପ୍ରଭଵସ୍ଯ ଲଜ୍ଜା
ତାଂ ତ୍ଵାଂ ନତାଃ ସ୍ମ ପରିପାଲଯ ଦେଵି ଵିଶ୍ଵମ୍ ॥5॥
କିଂ ଵର୍ଣଯାମ ତଵରୂପ ମଚିଂତ୍ଯମେତତ୍
କିଂଚାତିଵୀର୍ଯମସୁରକ୍ଷଯକାରି ଭୂରି ।
କିଂ ଚାହଵେଷୁ ଚରିତାନି ତଵାତ୍ଭୁତାନି
ସର୍ଵେଷୁ ଦେଵ୍ଯସୁରଦେଵଗଣାଦିକେଷୁ । ॥6॥
ହେତୁଃ ସମସ୍ତଜଗତାଂ ତ୍ରିଗୁଣାପି ଦୋଷୈଃ
ନ ଜ୍ଞାଯସେ ହରିହରାଦିଭିରଵ୍ଯପାରା ।
ସର୍ଵାଶ୍ରଯାଖିଲମିଦଂ ଜଗଦଂଶଭୂତଂ
ଅଵ୍ଯାକୃତା ହି ପରମା ପ୍ରକୃତିସ୍ତ୍ଵମାଦ୍ଯା ॥6॥
ଯସ୍ଯାଃ ସମସ୍ତସୁରତା ସମୁଦୀରଣେନ
ତୃପ୍ତିଂ ପ୍ରଯାତି ସକଲେଷୁ ମଖେଷୁ ଦେଵି ।
ସ୍ଵାହାସି ଵୈ ପିତୃ ଗଣସ୍ଯ ଚ ତୃପ୍ତି ହେତୁ
ରୁଚ୍ଚାର୍ଯସେ ତ୍ଵମତ ଏଵ ଜନୈଃ ସ୍ଵଧାଚ ॥8॥
ଯା ମୁକ୍ତିହେତୁରଵିଚିଂତ୍ଯ ମହାଵ୍ରତା ତ୍ଵଂ
ଅଭ୍ଯସ୍ଯସେ ସୁନିଯତେଂଦ୍ରିଯତତ୍ଵସାରୈଃ ।
ମୋକ୍ଷାର୍ଥିଭିର୍ମୁନିଭିରସ୍ତସମସ୍ତଦୋଷୈ
ର୍ଵିଦ୍ଯାଽସି ସା ଭଗଵତୀ ପରମା ହି ଦେଵି ॥9॥
ଶବ୍ଦାତ୍ମିକା ସୁଵିମଲର୍ଗ୍ଯଜୁଷାଂ ନିଧାନଂ
ମୁଦ୍ଗୀଥରମ୍ଯପଦପାଠଵତାଂ ଚ ସାମ୍ନାମ୍ ।
ଦେଵୀ ତ୍ରଯୀ ଭଗଵତୀ ଭଵଭାଵନାଯ
ଵାର୍ତାସି ସର୍ଵ ଜଗତାଂ ପରମାର୍ତିହଂତ୍ରୀ ॥10॥
ମେଧାସି ଦେଵି ଵିଦିତାଖିଲଶାସ୍ତ୍ରସାରା
ଦୁର୍ଗାଽସି ଦୁର୍ଗଭଵସାଗରସନୌରସଂଗା ।
ଶ୍ରୀଃ କୈଟ ଭାରିହୃଦଯୈକକୃତାଧିଵାସା
ଗୌରୀ ତ୍ଵମେଵ ଶଶିମୌଳିକୃତ ପ୍ରତିଷ୍ଠା ॥11॥
ଈଷତ୍ସହାସମମଲଂ ପରିପୂର୍ଣ ଚଂଦ୍ର
ବିଂବାନୁକାରି କନକୋତ୍ତମକାଂତିକାଂତମ୍ ।
ଅତ୍ଯଦ୍ଭୁତଂ ପ୍ରହୃତମାତ୍ତରୁଷା ତଥାପି
ଵକ୍ତ୍ରଂ ଵିଲୋକ୍ଯ ସହସା ମହିଷାସୁରେଣ ॥12॥
ଦୃଷ୍ଟ୍ଵାତୁ ଦେଵି କୁପିତଂ ଭ୍ରୁକୁଟୀକରାଳ
ମୁଦ୍ଯଚ୍ଛଶାଂକସଦୃଶଚ୍ଛଵି ଯନ୍ନ ସଦ୍ଯଃ ।
ପ୍ରାଣାନ୍ ମୁମୋଚ ମହିଷସ୍ତଦତୀଵ ଚିତ୍ରଂ
କୈର୍ଜୀଵ୍ଯତେ ହି କୁପିତାଂତକଦର୍ଶନେନ । ॥13॥
ଦେଵିପ୍ରସୀଦ ପରମା ଭଵତୀ ଭଵାଯ
ସଦ୍ଯୋ ଵିନାଶଯସି କୋପଵତୀ କୁଲାନି ।
ଵିଜ୍ଞାତମେତଦଧୁନୈଵ ଯଦସ୍ତମେତତ୍
ନ୍ନୀତଂ ବଲଂ ସୁଵିପୁଲଂ ମହିଷାସୁରସ୍ଯ ॥14॥
ତେ ସମ୍ମତା ଜନପଦେଷୁ ଧନାନି ତେଷାଂ
ତେଷାଂ ଯଶାଂସି ନ ଚ ସୀଦତି ଧର୍ମଵର୍ଗଃ ।
ଧନ୍ଯାସ୍ତ^^ଏଵ ନିଭୃତାତ୍ମଜଭୃତ୍ଯଦାରା
ଯେଷାଂ ସଦାଭ୍ଯୁଦଯଦା ଭଵତୀ ପ୍ରସନ୍ନା॥15॥
ଧର୍ମ୍ଯାଣି ଦେଵି ସକଲାନି ସଦୈଵ କର୍ମାନି
ଣ୍ଯତ୍ଯାଦୃତଃ ପ୍ରତିଦିନଂ ସୁକୃତୀ କରୋତି ।
ସ୍ଵର୍ଗଂ ପ୍ରଯାତି ଚ ତତୋ ଭଵତୀ ପ୍ରସାଦା
ଲ୍ଲୋକତ୍ରଯେଽପି ଫଲଦା ନନୁ ଦେଵି ତେନ ॥16॥
ଦୁର୍ଗେ ସ୍ମୃତା ହରସି ଭୀତି ମଶେଶ ଜଂତୋଃ
ସ୍ଵସ୍ଥୈଃ ସ୍ମୃତା ମତିମତୀଵ ଶୁଭାଂ ଦଦାସି ।
ଦାରିଦ୍ର୍ଯଦୁଃଖଭଯହାରିଣି କା ତ୍ଵଦନ୍ଯା
ସର୍ଵୋପକାରକରଣାଯ ସଦାର୍ଦ୍ରଚିତ୍ତା ॥17॥
ଏଭିର୍ହତୈର୍ଜଗଦୁପୈତି ସୁଖଂ ତଥୈତେ
କୁର୍ଵଂତୁ ନାମ ନରକାଯ ଚିରାଯ ପାପମ୍ ।
ସଂଗ୍ରାମମୃତ୍ଯୁମଧିଗମ୍ଯ ଦିଵଂପ୍ରଯାଂତୁ
ମତ୍ଵେତି ନୂନମହିତାନ୍ଵିନିହଂସି ଦେଵି ॥18॥
ଦୃଷ୍ଟ୍ଵୈଵ କିଂ ନ ଭଵତୀ ପ୍ରକରୋତି ଭସ୍ମ
ସର୍ଵାସୁରାନରିଷୁ ଯତ୍ପ୍ରହିଣୋଷି ଶସ୍ତ୍ରମ୍ ।
ଲୋକାନ୍ପ୍ରଯାଂତୁ ରିପଵୋଽପି ହି ଶସ୍ତ୍ରପୂତା
ଇତ୍ଥଂ ମତିର୍ଭଵତି ତେଷ୍ଵହି ତେଽଷୁସାଧ୍ଵୀ ॥19॥
ଖଡ୍ଗ ପ୍ରଭାନିକରଵିସ୍ଫୁରଣୈସ୍ତଧୋଗ୍ରୈଃ
ଶୂଲାଗ୍ରକାଂତିନିଵହେନ ଦୃଶୋଽସୁରାଣାମ୍ ।
ଯନ୍ନାଗତା ଵିଲଯମଂଶୁମଦିଂଦୁଖଂଡ
ଯୋଗ୍ଯାନନଂ ତଵ ଵିଲୋକ ଯତାଂ ତଦେତତ୍ ॥20॥
ଦୁର୍ଵୃତ୍ତ ଵୃତ୍ତ ଶମନଂ ତଵ ଦେଵି ଶୀଲଂ
ରୂପଂ ତଥୈତଦଵିଚିଂତ୍ଯମତୁଲ୍ଯମନ୍ଯୈଃ ।
ଵୀର୍ଯଂ ଚ ହଂତୃ ହୃତଦେଵପରାକ୍ରମାଣାଂ
ଵୈରିଷ୍ଵପି ପ୍ରକଟିତୈଵ ଦଯା ତ୍ଵଯେତ୍ଥମ୍ ॥21॥
କେନୋପମା ଭଵତୁ ତେଽସ୍ଯ ପରାକ୍ରମସ୍ଯ
ରୂପଂ ଚ ଶତୃଭଯ କାର୍ଯତିହାରି କୁତ୍ର ।
ଚିତ୍ତେକୃପା ସମରନିଷ୍ଟୁରତା ଚ ଦୃଷ୍ଟା
ତ୍ଵଯ୍ଯେଵ ଦେଵି ଵରଦେ ଭୁଵନତ୍ରଯେଽପି ॥22॥
ତ୍ରୈଲୋକ୍ଯମେତଦଖିଲଂ ରିପୁନାଶନେନ
ତ୍ରାତଂ ତ୍ଵଯା ସମରମୂର୍ଧନି ତେଽପି ହତ୍ଵା ।
ନୀତା ଦିଵଂ ରିପୁଗଣା ଭଯମପ୍ଯପାସ୍ତଂ
ଅସ୍ମାକମୁନ୍ମଦସୁରାରିଭଵଂ ନମସ୍ତେ ॥23॥
ଶୂଲେନ ପାହି ନୋ ଦେଵି ପାହି ଖଡ୍ଗେନ ଚାଂଭିକେ ।
ଘଂଟାସ୍ଵନେନ ନଃ ପାହି ଚାପଜ୍ଯାନିସ୍ଵନେନ ଚ ॥24॥
ପ୍ରାଚ୍ଯାଂ ରକ୍ଷ ପ୍ରତୀଚ୍ଯାଂ ଚ ଚଂଡିକେ ରକ୍ଷ ଦକ୍ଷିଣେ ।
ଭ୍ରାମଣେନାତ୍ମଶୂଲସ୍ଯ ଉତ୍ତରସ୍ଯାଂ ତଥେଶ୍ଵରୀ॥25॥
ସୌମ୍ଯାନି ଯାନି ରୂପାଣି ତ୍ରୈଲୋକ୍ଯେ ଵିଚରଂତିତେ ।
ଯାନି ଚାତ୍ଯଂତ ଘୋରାଣି ତୈରକ୍ଷାସ୍ମାଂସ୍ତଥାଭୁଵମ୍ ॥26॥
ଖଡ୍ଗଶୂଲଗଦାଦୀନି ଯାନି ଚାସ୍ତ୍ରାଣି ତେଽଂବିକେ ।
କରପଲ୍ଲଵସଂଗୀନି ତୈରସ୍ମାନ୍ରକ୍ଷ ସର୍ଵତଃ ॥27॥
ଋଷିରୁଵାଚ ॥28॥
ଏଵଂ ସ୍ତୁତା ସୁରୈର୍ଦିଵ୍ଯୈଃ କୁସୁମୈର୍ନଂଦନୋଦ୍ଭଵୈଃ ।
ଅର୍ଚିତା ଜଗତାଂ ଧାତ୍ରୀ ତଥା ଗଂଧାନୁ ଲେପନୈଃ ॥29॥
ଭକ୍ତ୍ଯା ସମସ୍ତୈସ୍ରି ଶୈର୍ଦିଵ୍ଯୈର୍ଧୂପୈଃ ସୁଧୂପିତା ।
ପ୍ରାହ ପ୍ରସାଦସୁମୁଖୀ ସମସ୍ତାନ୍ ପ୍ରଣତାନ୍ ସୁରାନ୍। ॥30॥
ଦେଵ୍ଯୁଵାଚ ॥31॥
ଵ୍ରିଯତାଂ ତ୍ରିଦଶାଃ ସର୍ଵେ ଯଦସ୍ମତ୍ତୋଽଭିଵାଂଛିତମ୍ ॥32॥
ଦେଵା ଊଚୁ ॥33॥
ଭଗଵତ୍ଯା କୃତଂ ସର୍ଵଂ ନ କିଂଚିଦଵଶିଷ୍ଯତେ ।
ଯଦଯଂ ନିହତଃ ଶତ୍ରୁ ରସ୍ମାକଂ ମହିଷାସୁରଃ ॥34॥
ଯଦିଚାପି ଵରୋ ଦେଯ ସ୍ତ୍ଵଯାଽସ୍ମାକଂ ମହେଶ୍ଵରି ।
ସଂସ୍ମୃତା ସଂସ୍ମୃତା ତ୍ଵଂ ନୋ ହିଂ ସେଥାଃପରମାପଦଃ॥35॥
ଯଶ୍ଚ ମର୍ତ୍ଯଃ ସ୍ତଵୈରେଭିସ୍ତ୍ଵାଂ ସ୍ତୋଷ୍ଯତ୍ଯମଲାନନେ ।
ତସ୍ଯ ଵିତ୍ତର୍ଦ୍ଧିଵିଭଵୈର୍ଧନଦାରାଦି ସଂପଦାମ୍ ॥36॥
ଵୃଦ୍ଦଯେଽ ସ୍ମତ୍ପ୍ରସନ୍ନା ତ୍ଵଂ ଭଵେଥାଃ ସର୍ଵଦାଂଭିକେ ॥37॥
ଋଷିରୁଵାଚ ॥38॥
ଇତି ପ୍ରସାଦିତା ଦେଵୈର୍ଜଗତୋଽର୍ଥେ ତଥାତ୍ମନଃ ।
ତଥେତ୍ଯୁକ୍ତ୍ଵା ଭଦ୍ରକାଳୀ ବଭୂଵାଂତର୍ହିତା ନୃପ ॥39॥
ଇତ୍ଯେତତ୍କଥିତଂ ଭୂପ ସଂଭୂତା ସା ଯଥାପୁରା ।
ଦେଵୀ ଦେଵଶରୀରେଭ୍ଯୋ ଜଗତ୍ପ୍ରଯହିତୈଷିଣୀ ॥40॥
ପୁନଶ୍ଚ ଗୌରୀ ଦେହାତ୍ସା ସମୁଦ୍ଭୂତା ଯଥାଭଵତ୍ ।
ଵଧାଯ ଦୁଷ୍ଟ ଦୈତ୍ଯାନାଂ ତଥା ଶୁଂଭନିଶୁଂଭଯୋଃ ॥41॥
ରକ୍ଷଣାଯ ଚ ଲୋକାନାଂ ଦେଵାନାମୁପକାରିଣୀ ।
ତଚ୍ଛୃ ଣୁଷ୍ଵ ମଯାଖ୍ଯାତଂ ଯଥାଵତ୍କଥଯାମିତେ
ହ୍ରୀଂ ଓଂ ॥42॥
॥ ଜଯ ଜଯ ଶ୍ରୀ ମାର୍କଂଡେଯ ପୁରାଣେ ସାଵର୍ନିକେ ମନ୍ଵଂତରେ ଦେଵି ମହତ୍ମ୍ଯେ ଶକ୍ରାଦିସ୍ତୁତିର୍ନାମ ଚତୁର୍ଧୋଽଧ୍ଯାଯଃ ସମାପ୍ତଂ ॥
ଆହୁତି
ହ୍ରୀଂ ଜଯଂତୀ ସାଂଗାଯୈ ସାଯୁଧାଯୈ ସଶକ୍ତିକାଯୈ ସପରିଵାରାଯୈ ସଵାହନାଯୈ ଶ୍ରୀ ମହାଲକ୍ଷ୍ମ୍ଯୈ ଲକ୍ଷ୍ମୀ ବୀଜାଦିଷ୍ଟାଯୈ ମହାହୁତିଂ ସମର୍ପଯାମି ନମଃ ସ୍ଵାହା ॥
Browse Related Categories:
