ମହିଷାସୁର ସୈନ୍ଯଵଧୋ ନାମ ଦ୍ଵିତୀଯୋଽଧ୍ଯାଯଃ ॥
ଅସ୍ଯ ସପ୍ତ ସତୀମଧ୍ଯମ ଚରିତ୍ରସ୍ଯ ଵିଷ୍ଣୁର୍ ଋଷିଃ । ଉଷ୍ଣିକ୍ ଛଂଦଃ । ଶ୍ରୀମହାଲକ୍ଷ୍ମୀଦେଵତା। ଶାକଂଭରୀ ଶକ୍ତିଃ । ଦୁର୍ଗା ବୀଜଂ । ଵାଯୁସ୍ତତ୍ତ୍ଵଂ । ଯଜୁର୍ଵେଦଃ ସ୍ଵରୂପଂ । ଶ୍ରୀ ମହାଲକ୍ଷ୍ମୀପ୍ରୀତ୍ଯର୍ଥେ ମଧ୍ଯମ ଚରିତ୍ର ଜପେ ଵିନିଯୋଗଃ ॥
ଧ୍ଯାନଂ
ଓଂ ଅକ୍ଷସ୍ରକ୍ପରଶୁଂ ଗଦେଷୁକୁଲିଶଂ ପଦ୍ମଂ ଧନୁଃ କୁଂଡିକାଂ
ଦଂଡଂ ଶକ୍ତିମସିଂ ଚ ଚର୍ମ ଜଲଜଂ ଘଂଟାଂ ସୁରାଭାଜନମ୍ ।
ଶୂଲଂ ପାଶସୁଦର୍ଶନେ ଚ ଦଧତୀଂ ହସ୍ତୈଃ ପ୍ରଵାଳ ପ୍ରଭାଂ
ସେଵେ ସୈରିଭମର୍ଦିନୀମିହ ମହଲକ୍ଷ୍ମୀଂ ସରୋଜସ୍ଥିତାଂ ॥
ଋଷିରୁଵାଚ ॥1॥
ଦେଵାସୁରମଭୂଦ୍ଯୁଦ୍ଧଂ ପୂର୍ଣମବ୍ଦଶତଂ ପୁରା।
ମହିଷେଽସୁରାଣାଂ ଅଧିପେ ଦେଵାନାଂଚ ପୁରଂଦରେ
ତତ୍ରାସୁରୈର୍ମହାଵୀର୍ଯିର୍ଦେଵସୈନ୍ଯଂ ପରାଜିତଂ।
ଜିତ୍ଵା ଚ ସକଲାନ୍ ଦେଵାନ୍ ଇଂଦ୍ରୋଽଭୂନ୍ମହିଷାସୁରଃ ॥3॥
ତତଃ ପରାଜିତା ଦେଵାଃ ପଦ୍ମଯୋନିଂ ପ୍ରଜାପତିମ୍।
ପୁରସ୍କୃତ୍ଯଗତାସ୍ତତ୍ର ଯତ୍ରେଶ ଗରୁଡଧ୍ଵଜୌ ॥4॥
ଯଥାଵୃତ୍ତଂ ତଯୋସ୍ତଦ୍ଵନ୍ ମହିଷାସୁରଚେଷ୍ଟିତମ୍।
ତ୍ରିଦଶାଃ କଥଯାମାସୁର୍ଦେଵାଭିଭଵଵିସ୍ତରମ୍ ॥5॥
ସୂର୍ଯେଂଦ୍ରାଗ୍ନ୍ଯନିଲେଂଦୂନାଂ ଯମସ୍ଯ ଵରୁଣସ୍ଯ ଚ
ଅନ୍ଯେଷାଂ ଚାଧିକାରାନ୍ସ ସ୍ଵଯମେଵାଧିତିଷ୍ଟତି ॥6॥
ସ୍ଵର୍ଗାନ୍ନିରାକୃତାଃ ସର୍ଵେ ତେନ ଦେଵ ଗଣା ଭୁଵିଃ।
ଵିଚରଂତି ଯଥା ମର୍ତ୍ଯା ମହିଷେଣ ଦୁରାତ୍ମନା ॥6॥
ଏତଦ୍ଵଃ କଥିତଂ ସର୍ଵଂ ଅମରାରିଵିଚେଷ୍ଟିତମ୍।
ଶରଣଂ ଵଃ ପ୍ରପନ୍ନାଃ ସ୍ମୋ ଵଧସ୍ତସ୍ଯ ଵିଚିଂତ୍ଯତାମ୍ ॥8॥
ଇତ୍ଥଂ ନିଶମ୍ଯ ଦେଵାନାଂ ଵଚାଂସି ମଧୁସୂଧନଃ
ଚକାର କୋପଂ ଶଂଭୁଶ୍ଚ ଭ୍ରୁକୁଟୀକୁଟିଲାନନୌ ॥9॥
ତତୋଽତିକୋପପୂର୍ଣସ୍ଯ ଚକ୍ରିଣୋ ଵଦନାତ୍ତତଃ।
ନିଶ୍ଚକ୍ରାମ ମହତ୍ତେଜୋ ବ୍ରହ୍ମଣଃ ଶଂକରସ୍ଯ ଚ ॥10॥
ଅନ୍ଯେଷାଂ ଚୈଵ ଦେଵାନାଂ ଶକ୍ରାଦୀନାଂ ଶରୀରତଃ।
ନିର୍ଗତଂ ସୁମହତ୍ତେଜଃ ସ୍ତଚ୍ଚୈକ୍ଯଂ ସମଗଚ୍ଛତ ॥11॥
ଅତୀଵ ତେଜସଃ କୂଟଂ ଜ୍ଵଲଂତମିଵ ପର୍ଵତମ୍।
ଦଦୃଶୁସ୍ତେ ସୁରାସ୍ତତ୍ର ଜ୍ଵାଲାଵ୍ଯାପ୍ତଦିଗଂତରମ୍ ॥12॥
ଅତୁଲଂ ତତ୍ର ତତ୍ତେଜଃ ସର୍ଵଦେଵ ଶରୀରଜମ୍।
ଏକସ୍ଥଂ ତଦଭୂନ୍ନାରୀ ଵ୍ଯାପ୍ତଲୋକତ୍ରଯଂ ତ୍ଵିଷା ॥13॥
ଯଦଭୂଚ୍ଛାଂଭଵଂ ତେଜଃ ସ୍ତେନାଜାଯତ ତନ୍ମୁଖମ୍।
ଯାମ୍ଯେନ ଚାଭଵନ୍ କେଶା ବାହଵୋ ଵିଷ୍ଣୁତେଜସା ॥14॥
ସୌମ୍ଯେନ ସ୍ତନଯୋର୍ଯୁଗ୍ମଂ ମଧ୍ଯଂ ଚୈଂଦ୍ରେଣ ଚାଭଵତ୍।
ଵାରୁଣେନ ଚ ଜଂଘୋରୂ ନିତଂବସ୍ତେଜସା ଭୁଵଃ ॥15॥
ବ୍ରହ୍ମଣସ୍ତେଜସା ପାଦୌ ତଦଂଗୁଳ୍ଯୋଽର୍କ ତେଜସା।
ଵସୂନାଂ ଚ କରାଂଗୁଳ୍ଯଃ କୌବେରେଣ ଚ ନାସିକା ॥16॥
ତସ୍ଯାସ୍ତୁ ଦଂତାଃ ସଂଭୂତା ପ୍ରାଜାପତ୍ଯେନ ତେଜସା
ନଯନତ୍ରିତଯଂ ଜଜ୍ଞେ ତଥା ପାଵକତେଜସା ॥17॥
ଭ୍ରୁଵୌ ଚ ସଂଧ୍ଯଯୋସ୍ତେଜଃ ଶ୍ରଵଣାଵନିଲସ୍ଯ ଚ
ଅନ୍ଯେଷାଂ ଚୈଵ ଦେଵାନାଂ ସଂଭଵସ୍ତେଜସାଂ ଶିଵ ॥18॥
ତତଃ ସମସ୍ତ ଦେଵାନାଂ ତେଜୋରାଶିସମୁଦ୍ଭଵାମ୍।
ତାଂ ଵିଲୋକ୍ଯ ମୁଦଂ ପ୍ରାପୁଃ ଅମରା ମହିଷାର୍ଦିତାଃ ॥19॥
ଶୂଲଂ ଶୂଲାଦ୍ଵିନିଷ୍କୃଷ୍ଯ ଦଦୌ ତସ୍ଯୈ ପିନାକଧୃକ୍।
ଚକ୍ରଂ ଚ ଦତ୍ତଵାନ୍ କୃଷ୍ଣଃ ସମୁତ୍ପାଟ୍ଯ ସ୍ଵଚକ୍ରତଃ ॥20॥
ଶଂଖଂ ଚ ଵରୁଣଃ ଶକ୍ତିଂ ଦଦୌ ତସ୍ଯୈ ହୁତାଶନଃ
ମାରୁତୋ ଦତ୍ତଵାଂଶ୍ଚାପଂ ବାଣପୂର୍ଣେ ତଥେଷୁଧୀ ॥21॥
ଵଜ୍ରମିଂଦ୍ରଃ ସମୁତ୍ପାଟ୍ଯ କୁଲିଶାଦମରାଧିପଃ।
ଦଦୌ ତସ୍ଯୈ ସହସ୍ରାକ୍ଷୋ ଘଂଟାମୈରାଵତାଦ୍ଗଜାତ୍ ॥22॥
କାଲଦଂଡାଦ୍ଯମୋ ଦଂଡଂ ପାଶଂ ଚାଂବୁପତିର୍ଦଦୌ।
ପ୍ରଜାପତିଶ୍ଚାକ୍ଷମାଲାଂ ଦଦୌ ବ୍ରହ୍ମା କମଂଡଲଂ ॥23॥
ସମସ୍ତରୋମକୂପେଷୁ ନିଜ ରଶ୍ମୀନ୍ ଦିଵାକରଃ
କାଲଶ୍ଚ ଦତ୍ତଵାନ୍ ଖଡ୍ଗଂ ତସ୍ଯାଃ ଶ୍ଚର୍ମ ଚ ନିର୍ମଲମ୍ ॥24॥
କ୍ଷୀରୋଦଶ୍ଚାମଲଂ ହାରଂ ଅଜରେ ଚ ତଥାଂବରେ
ଚୂଡାମଣିଂ ତଥାଦିଵ୍ଯଂ କୁଂଡଲେ କଟକାନିଚ ॥25॥
ଅର୍ଧଚଂଦ୍ରଂ ତଧା ଶୁଭ୍ରଂ କେଯୂରାନ୍ ସର୍ଵ ବାହୁଷୁ
ନୂପୁରୌ ଵିମଲୌ ତଦ୍ଵ ଦ୍ଗ୍ରୈଵେଯକମନୁତ୍ତମମ୍ ॥26॥
ଅଂଗୁଳୀଯକରତ୍ନାନି ସମସ୍ତାସ୍ଵଂଗୁଳୀଷୁ ଚ
ଵିଶ୍ଵ କର୍ମା ଦଦୌ ତସ୍ଯୈ ପରଶୁଂ ଚାତି ନିର୍ମଲଂ ॥27॥
ଅସ୍ତ୍ରାଣ୍ଯନେକରୂପାଣି ତଥାଽଭେଦ୍ଯଂ ଚ ଦଂଶନମ୍।
ଅମ୍ଲାନ ପଂକଜାଂ ମାଲାଂ ଶିରସ୍ଯୁ ରସି ଚାପରାମ୍॥28॥
ଅଦଦଜ୍ଜଲଧିସ୍ତସ୍ଯୈ ପଂକଜଂ ଚାତିଶୋଭନମ୍।
ହିମଵାନ୍ ଵାହନଂ ସିଂହଂ ରତ୍ନାନି ଵିଵିଧାନିଚ॥29॥
ଦଦାଵଶୂନ୍ଯଂ ସୁରଯା ପାନପାତ୍ରଂ ଦନାଧିପଃ।
ଶେଷଶ୍ଚ ସର୍ଵ ନାଗେଶୋ ମହାମଣି ଵିଭୂଷିତମ୍ ॥30॥
ନାଗହାରଂ ଦଦୋଉ ତସ୍ଯୈ ଧତ୍ତେ ଯଃ ପୃଥିଵୀମିମାମ୍।
ଅନ୍ଯୈରପି ସୁରୈର୍ଦେଵୀ ଭୂଷଣୈଃ ଆଯୁଧୈସ୍ତଥାଃ ॥31॥
ସମ୍ମାନିତା ନନାଦୋଚ୍ଚୈଃ ସାଟ୍ଟହାସଂ ମୁହୁର୍ମୁହୁ।
ତସ୍ଯାନାଦେନ ଘୋରେଣ କୃତ୍ସ୍ନ ମାପୂରିତଂ ନଭଃ ॥32॥
ଅମାଯତାତିମହତା ପ୍ରତିଶବ୍ଦୋ ମହାନଭୂତ୍।
ଚୁକ୍ଷୁଭୁଃ ସକଲାଲୋକାଃ ସମୁଦ୍ରାଶ୍ଚ ଚକଂପିରେ ॥33॥
ଚଚାଲ ଵସୁଧା ଚେଲୁଃ ସକଲାଶ୍ଚ ମହୀଧରାଃ।
ଜଯେତି ଦେଵାଶ୍ଚ ମୁଦା ତାମୂଚୁଃ ସିଂହଵାହିନୀମ୍ ॥34॥
ତୁଷ୍ଟୁଵୁର୍ମୁନଯଶ୍ଚୈନାଂ ଭକ୍ତିନମ୍ରାତ୍ମମୂର୍ତଯଃ।
ଦୃଷ୍ଟ୍ଵା ସମସ୍ତଂ ସଂକ୍ଷୁବ୍ଧଂ ତ୍ରୈଲୋକ୍ଯଂ ଅମରାରଯଃ ॥35॥
ସନ୍ନଦ୍ଧାଖିଲସୈନ୍ଯାସ୍ତେ ସମୁତ୍ତସ୍ଥୁରୁଦାଯୁଦାଃ।
ଆଃ କିମେତଦିତି କ୍ରୋଧାଦାଭାଷ୍ଯ ମହିଷାସୁରଃ ॥36॥
ଅଭ୍ଯଧାଵତ ତଂ ଶବ୍ଦଂ ଅଶେଷୈରସୁରୈର୍ଵୃତଃ।
ସ ଦଦର୍ଷ ତତୋ ଦେଵୀଂ ଵ୍ଯାପ୍ତଲୋକତ୍ରଯାଂ ତ୍ଵିଷା॥37॥
ପାଦାକ୍ରାଂତ୍ଯା ନତଭୁଵଂ କିରୀଟୋଲ୍ଲିଖିତାଂବରାମ୍।
କ୍ଷୋଭିତାଶେଷପାତାଳାଂ ଧନୁର୍ଜ୍ଯାନିଃସ୍ଵନେନ ତାମ୍ ॥38॥
ଦିଶୋ ଭୁଜସହସ୍ରେଣ ସମଂତାଦ୍ଵ୍ଯାପ୍ଯ ସଂସ୍ଥିତାମ୍।
ତତଃ ପ୍ରଵଵୃତେ ଯୁଦ୍ଧଂ ତଯା ଦେଵ୍ଯା ସୁରଦ୍ଵିଷାଂ ॥39॥
ଶସ୍ତ୍ରାସ୍ତ୍ରୈର୍ଭହୁଧା ମୁକ୍ତୈରାଦୀପିତଦିଗଂତରମ୍।
ମହିଷାସୁରସେନାନୀଶ୍ଚିକ୍ଷୁରାଖ୍ଯୋ ମହାସୁରଃ ॥40॥
ଯୁଯୁଧେ ଚମରଶ୍ଚାନ୍ଯୈଶ୍ଚତୁରଂଗବଲାନ୍ଵିତଃ।
ରଥାନାମଯୁତୈଃ ଷଡ୍ଭିଃ ରୁଦଗ୍ରାଖ୍ଯୋ ମହାସୁରଃ ॥41॥
ଅଯୁଧ୍ଯତାଯୁତାନାଂ ଚ ସହସ୍ରେଣ ମହାହନୁଃ।
ପଂଚାଶଦ୍ଭିଶ୍ଚ ନିଯୁତୈରସିଲୋମା ମହାସୁରଃ ॥42॥
ଅଯୁତାନାଂ ଶତୈଃ ଷଡ୍ଭିଃର୍ଭାଷ୍କଲୋ ଯୁଯୁଧେ ରଣେ।
ଗଜଵାଜି ସହସ୍ରୌଘୈ ରନେକୈଃ ପରିଵାରିତଃ ॥43॥
ଵୃତୋ ରଥାନାଂ କୋଟ୍ଯା ଚ ଯୁଦ୍ଧେ ତସ୍ମିନ୍ନଯୁଧ୍ଯତ।
ବିଡାଲାଖ୍ଯୋଽଯୁତାନାଂ ଚ ପଂଚାଶଦ୍ଭିରଥାଯୁତୈଃ ॥44॥
ଯୁଯୁଧେ ସଂଯୁଗେ ତତ୍ର ରଥାନାଂ ପରିଵାରିତଃ।
ଅନ୍ଯେ ଚ ତତ୍ରାଯୁତଶୋ ରଥନାଗହଯୈର୍ଵୃତାଃ ॥45॥
ଯୁଯୁଧୁଃ ସଂଯୁଗେ ଦେଵ୍ଯା ସହ ତତ୍ର ମହାସୁରାଃ।
କୋଟିକୋଟିସହସ୍ତ୍ରୈସ୍ତୁ ରଥାନାଂ ଦଂତିନାଂ ତଥା ॥46॥
ହଯାନାଂ ଚ ଵୃତୋ ଯୁଦ୍ଧେ ତତ୍ରାଭୂନ୍ମହିଷାସୁରଃ।
ତୋମରୈର୍ଭିଂଧିପାଲୈଶ୍ଚ ଶକ୍ତିଭିର୍ମୁସଲୈସ୍ତଥା ॥47॥
ଯୁଯୁଧୁଃ ସଂଯୁଗେ ଦେଵ୍ଯା ଖଡ୍ଗୈଃ ପରସୁପଟ୍ଟିସୈଃ।
କେଚିଚ୍ଛ ଚିକ୍ଷିପୁଃ ଶକ୍ତୀଃ କେଚିତ୍ ପାଶାଂସ୍ତଥାପରେ ॥48॥
ଦେଵୀଂ ଖଡ୍ଗପ୍ରହାରୈସ୍ତୁ ତେ ତାଂ ହଂତୁଂ ପ୍ରଚକ୍ରମୁଃ।
ସାପି ଦେଵୀ ତତସ୍ତାନି ଶସ୍ତ୍ରାଣ୍ଯସ୍ତ୍ରାଣି ଚଂଡିକା ॥49॥
ଲୀଲ ଯୈଵ ପ୍ରଚିଚ୍ଛେଦ ନିଜଶସ୍ତ୍ରାସ୍ତ୍ରଵର୍ଷିଣୀ।
ଅନାଯସ୍ତାନନା ଦେଵୀ ସ୍ତୂଯମାନା ସୁରର୍ଷିଭିଃ ॥50॥
ମୁମୋଚାସୁରଦେହେଷୁ ଶସ୍ତ୍ରାଣ୍ଯସ୍ତ୍ରାଣି ଚେଶ୍ଵରୀ।
ସୋଽପି କ୍ରୁଦ୍ଧୋ ଧୁତସଟୋ ଦେଵ୍ଯା ଵାହନକେସରୀ ॥51॥
ଚଚାରାସୁର ସୈନ୍ଯେଷୁ ଵନେଷ୍ଵିଵ ହୁତାଶନଃ।
ନିଃଶ୍ଵାସାନ୍ ମୁମୁଚେଯାଂଶ୍ଚ ଯୁଧ୍ଯମାନାରଣେଽଂବିକା॥52॥
ତ ଏଵ ସଧ୍ଯସଂଭୂତା ଗଣାଃ ଶତସହସ୍ରଶଃ।
ଯୁଯୁଧୁସ୍ତେ ପରଶୁଭିର୍ଭିଂଦିପାଲାସିପଟ୍ଟିଶୈଃ ॥53॥
ନାଶଯଂତୋଽଅସୁରଗଣାନ୍ ଦେଵୀଶକ୍ତ୍ଯୁପବୃଂହିତାଃ।
ଅଵାଦଯଂତା ପଟହାନ୍ ଗଣାଃ ଶଙାଂ ସ୍ତଥାପରେ॥54॥
ମୃଦଂଗାଂଶ୍ଚ ତଥୈଵାନ୍ଯେ ତସ୍ମିନ୍ଯୁଦ୍ଧ ମହୋତ୍ସଵେ।
ତତୋଦେଵୀ ତ୍ରିଶୂଲେନ ଗଦଯା ଶକ୍ତିଵୃଷ୍ଟିଭିଃ॥55॥
ଖଡ୍ଗାଦିଭିଶ୍ଚ ଶତଶୋ ନିଜଘାନ ମହାସୁରାନ୍।
ପାତଯାମାସ ଚୈଵାନ୍ଯାନ୍ ଘଂଟାସ୍ଵନଵିମୋହିତାନ୍ ॥56॥
ଅସୁରାନ୍ ଭୁଵିପାଶେନ ବଧ୍ଵାଚାନ୍ଯାନକର୍ଷଯତ୍।
କେଚିଦ୍ ଦ୍ଵିଧାକୃତା ସ୍ତୀକ୍ଷ୍ଣୈଃ ଖଡ୍ଗପାତୈସ୍ତଥାପରେ॥57॥
ଵିପୋଥିତା ନିପାତେନ ଗଦଯା ଭୁଵି ଶେରତେ।
ଵେମୁଶ୍ଚ କେଚିଦ୍ରୁଧିରଂ ମୁସଲେନ ଭୃଶଂ ହତାଃ ॥58॥
କେଚିନ୍ନିପତିତା ଭୂମୌ ଭିନ୍ନାଃ ଶୂଲେନ ଵକ୍ଷସି।
ନିରଂତରାଃ ଶରୌଘେନ କୃତାଃ କେଚିଦ୍ରଣାଜିରେ ॥59॥
ଶଲ୍ଯାନୁକାରିଣଃ ପ୍ରାଣାନ୍ ମମୁଚୁସ୍ତ୍ରିଦଶାର୍ଦନାଃ।
କେଷାଂଚିଦ୍ବାହଵଶ୍ଚିନ୍ନାଶ୍ଚିନ୍ନଗ୍ରୀଵାସ୍ତଥାପରେ ॥60॥
ଶିରାଂସି ପେତୁରନ୍ଯେଷାଂ ଅନ୍ଯେ ମଧ୍ଯେ ଵିଦାରିତାଃ।
ଵିଚ୍ଛିନ୍ନଜଜ୍ଘାସ୍ଵପରେ ପେତୁରୁର୍ଵ୍ଯାଂ ମହାସୁରାଃ ॥61॥
ଏକବାହ୍ଵକ୍ଷିଚରଣାଃ କେଚିଦ୍ଦେଵ୍ଯା ଦ୍ଵିଧାକୃତାଃ।
ଛିନ୍ନେପି ଚାନ୍ଯେ ଶିରସି ପତିତାଃ ପୁନରୁତ୍ଥିତାଃ ॥62॥
କବଂଧା ଯୁଯୁଧୁର୍ଦେଵ୍ଯା ଗୃହୀତପରମାଯୁଧାଃ।
ନନୃତୁଶ୍ଚାପରେ ତତ୍ର ଯୁଦ୍ଦେ ତୂର୍ଯଲଯାଶ୍ରିତାଃ ॥63॥
କବଂଧାଶ୍ଚିନ୍ନଶିରସଃ ଖଡ୍ଗଶକ୍ଯ୍ତୃଷ୍ଟିପାଣଯଃ।
ତିଷ୍ଠ ତିଷ୍ଠେତି ଭାଷଂତୋ ଦେଵୀ ମନ୍ଯେ ମହାସୁରାଃ ॥64॥
ପାତିତୈ ରଥନାଗାଶ୍ଵୈଃ ଆସୁରୈଶ୍ଚ ଵସୁଂଧରା।
ଅଗମ୍ଯା ସାଭଵତ୍ତତ୍ର ଯତ୍ରାଭୂତ୍ ସ ମହାରଣଃ ॥65॥
ଶୋଣିତୌଘା ମହାନଦ୍ଯସ୍ସଦ୍ଯସ୍ତତ୍ର ଵିସୁସ୍ରୁଵୁଃ।
ମଧ୍ଯେ ଚାସୁରସୈନ୍ଯସ୍ଯ ଵାରଣାସୁରଵାଜିନାମ୍ ॥66॥
କ୍ଷଣେନ ତନ୍ମହାସୈନ୍ଯମସୁରାଣାଂ ତଥାଽଂବିକା।
ନିନ୍ଯେ କ୍ଷଯଂ ଯଥା ଵହ୍ନିସ୍ତୃଣଦାରୁ ମହାଚଯମ୍ ॥67॥
ସଚ ସିଂହୋ ମହାନାଦମୁତ୍ସୃଜନ୍ ଧୁତକେସରଃ।
ଶରୀରେଭ୍ଯୋଽମରାରୀଣାମସୂନିଵ ଵିଚିନ୍ଵତି ॥68॥
ଦେଵ୍ଯା ଗଣୈଶ୍ଚ ତୈସ୍ତତ୍ର କୃତଂ ଯୁଦ୍ଧଂ ତଥାସୁରୈଃ।
ଯଥୈଷାଂ ତୁଷ୍ଟୁଵୁର୍ଦେଵାଃ ପୁଷ୍ପଵୃଷ୍ଟିମୁଚୋ ଦିଵି ॥69॥
ଜଯ ଜଯ ଶ୍ରୀ ମାର୍କଂଡେଯ ପୁରାଣେ ସାଵର୍ନିକେ ମନ୍ଵଂତରେ ଦେଵି ମହତ୍ମ୍ଯେ ମହିଷାସୁରସୈନ୍ଯଵଧୋ ନାମ ଦ୍ଵିତୀଯୋଽଧ୍ଯାଯଃ॥
ଆହୁତି
ଓଂ ହ୍ରୀଂ ସାଂଗାଯୈ ସାଯୁଧାଯୈ ସଶକ୍ତିକାଯୈ ସପରିଵାରାଯୈ ସଵାହନାଯୈ ଅଷ୍ଟାଵିଂଶତି ଵର୍ଣାତ୍ମିକାଯୈ ଲକ୍ଶ୍ମୀ ବୀଜାଦିଷ୍ଟାଯୈ ମହାହୁତିଂ ସମର୍ପଯାମି ନମଃ ସ୍ଵାହା ।
Browse Related Categories:
