ଫଲଶ୍ରୁତିର୍ନାମ ଦ୍ଵାଦଶୋଽଧ୍ଯାଯଃ ॥
ଧ୍ଯାନଂ
ଵିଧ୍ଯୁଦ୍ଧାମ ସମପ୍ରଭାଂ ମୃଗପତି ସ୍କଂଧ ସ୍ଥିତାଂ ଭୀଷଣାଂ।
କନ୍ଯାଭିଃ କରଵାଲ ଖେଟ ଵିଲସଦ୍ଦସ୍ତାଭି ରାସେଵିତାଂ
ହସ୍ତୈଶ୍ଚକ୍ର ଗଧାସି ଖେଟ ଵିଶିଖାଂ ଗୁଣଂ ତର୍ଜନୀଂ
ଵିଭ୍ରାଣ ମନଲାତ୍ମିକାଂ ଶିଶିଧରାଂ ଦୁର୍ଗାଂ ତ୍ରିନେତ୍ରାଂ ଭଜେ
ଦେଵ୍ଯୁଵାଚ॥1॥
ଏଭିଃ ସ୍ତଵୈଶ୍ଚ ମା ନିତ୍ଯଂ ସ୍ତୋଷ୍ଯତେ ଯଃ ସମାହିତଃ।
ତସ୍ଯାହଂ ସକଲାଂ ବାଧାଂ ନାଶଯିଷ୍ଯାମ୍ଯ ସଂଶଯମ୍ ॥2॥
ମଧୁକୈଟଭନାଶଂ ଚ ମହିଷାସୁରଘାତନମ୍।
କୀର୍ତିଯିଷ୍ଯଂତି ଯେ ତ ଦ୍ଵଦ୍ଵଧଂ ଶୁଂଭନିଶୁଂଭଯୋଃ ॥3॥
ଅଷ୍ଟମ୍ଯାଂ ଚ ଚତୁର୍ଧଶ୍ଯାଂ ନଵମ୍ଯାଂ ଚୈକଚେତସଃ।
ଶ୍ରୋଷ୍ଯଂତି ଚୈଵ ଯେ ଭକ୍ତ୍ଯା ମମ ମାହାତ୍ମ୍ଯମୁତ୍ତମମ୍ ॥4॥
ନ ତେଷାଂ ଦୁଷ୍କୃତଂ କିଂଚିଦ୍ ଦୁଷ୍କୃତୋତ୍ଥା ନ ଚାପଦଃ।
ଭଵିଷ୍ଯତି ନ ଦାରିଦ୍ର୍ଯଂ ନ ଚୈ ଵେଷ୍ଟଵିଯୋଜନମ୍ ॥5॥
ଶତ୍ରୁଭ୍ଯୋ ନ ଭଯଂ ତସ୍ଯ ଦସ୍ଯୁତୋ ଵା ନ ରାଜତଃ।
ନ ଶସ୍ତ୍ରାନଲତୋ ଯୌଘାତ୍ କଦାଚିତ୍ ସଂଭଵିଷ୍ଯତି ॥6॥
ତସ୍ମାନ୍ମମୈତନ୍ମାହତ୍ମ୍ଯଂ ପଠିତଵ୍ଯଂ ସମାହିତୈଃ।
ଶ୍ରୋତଵ୍ଯଂ ଚ ସଦା ଭକ୍ତ୍ଯା ପରଂ ସ୍ଵସ୍ତ୍ଯଯନଂ ହି ତତ୍ ॥7॥
ଉପ ସର୍ଗାନ ଶେଷାଂସ୍ତୁ ମହାମାରୀ ସମୁଦ୍ଭଵାନ୍।
ତଥା ତ୍ରିଵିଧ ମୁତ୍ପାତଂ ମାହାତ୍ମ୍ଯଂ ଶମଯେନ୍ମମ ॥8॥
ଯତ୍ରୈତ ତ୍ପଠ୍ଯତେ ସମ୍ଯଙ୍ନିତ୍ଯମାଯତନେ ମମ।
ସଦା ନ ତଦ୍ଵିମୋକ୍ଷ୍ଯାମି ସାନ୍ନିଧ୍ଯଂ ତତ୍ର ମେସ୍ଥିତମ୍ ॥9॥
ବଲି ପ୍ରଦାନେ ପୂଜାଯାମଗ୍ନି କାର୍ଯେ ମହୋତ୍ସଵେ।
ସର୍ଵଂ ମମୈତନ୍ମାହାତ୍ମ୍ଯଂ ଉଚ୍ଚାର୍ଯଂ ଶ୍ରାଵ୍ଯମେଵଚ ॥10॥
ଜାନତାଜାନତା ଵାପି ବଲି ପୂଜାଂ ତଥା କୃତାମ୍।
ପ୍ରତୀକ୍ଷିଷ୍ଯାମ୍ଯହଂ ପ୍ରୀତ୍ଯା ଵହ୍ନି ହୋମଂ ତଥା କୃତମ୍ ॥11॥
ଶରତ୍କାଲେ ମହାପୂଜା କ୍ରିଯତେ ଯାଚ ଵାର୍ଷିକୀ।
ତସ୍ଯାଂ ମମୈତନ୍ମାହାତ୍ମ୍ଯଂ ଶ୍ରୁତ୍ଵା ଭକ୍ତିସମନ୍ଵିତଃ ॥12॥
ସର୍ଵବାଧାଵିନିର୍ମୁକ୍ତୋ ଧନଧାନ୍ଯସମନ୍ଵିତଃ।
ମନୁଷ୍ଯୋ ମତ୍ପ୍ରସାଦେନ ଭଵିଷ୍ଯତି ନ ସଂଶଯଃ॥13॥
ଶ୍ରୁତ୍ଵା ମମୈତନ୍ମାହାତ୍ମ୍ଯଂ ତଥା ଚୋତ୍ପତ୍ତଯଃ ଶୁଭାଃ।
ପରାକ୍ରମଂ ଚ ଯୁଦ୍ଧେଷୁ ଜାଯତେ ନିର୍ଭଯଃ ପୁମାନ୍॥14॥
ରିପଵଃ ସଂକ୍ଷଯଂ ଯାଂତି କଳ୍ଯାଣାଂ ଚୋପପଧ୍ଯତେ।
ନଂଦତେ ଚ କୁଲଂ ପୁଂସାଂ ମହାତ୍ମ୍ଯଂ ମମଶୃଣ୍ଵତାମ୍॥15॥
ଶାଂତିକର୍ମାଣି ସର୍ଵତ୍ର ତଥା ଦୁଃସ୍ଵପ୍ନଦର୍ଶନେ।
ଗ୍ରହପୀଡାସୁ ଚୋଗ୍ରାସୁ ମହାତ୍ମ୍ଯଂ ଶୃଣୁଯାନ୍ମମ॥16॥
ଉପସର୍ଗାଃ ଶମଂ ଯାଂତି ଗ୍ରହପୀଡାଶ୍ଚ ଦାରୁଣାଃ
ଦୁଃସ୍ଵପ୍ନଂ ଚ ନୃଭିର୍ଦୃଷ୍ଟଂ ସୁସ୍ଵପ୍ନମୁପଜାଯତେ॥17॥
ବାଲଗ୍ରହାଭିଭୂତାନଂ ବାଲାନାଂ ଶାଂତିକାରକମ୍।
ସଂଘାତଭେଦେ ଚ ନୃଣାଂ ମୈତ୍ରୀକରଣମୁତ୍ତମମ୍॥18॥
ଦୁର୍ଵୃତ୍ତାନାମଶେଷାଣାଂ ବଲହାନିକରଂ ପରମ୍।
ରକ୍ଷୋଭୂତପିଶାଚାନାଂ ପଠନାଦେଵ ନାଶନମ୍॥19॥
ସର୍ଵଂ ମମୈତନ୍ମାହାତ୍ମ୍ଯଂ ମମ ସନ୍ନିଧିକାରକମ୍।
ପଶୁପୁଷ୍ପାର୍ଘ୍ଯଧୂପୈଶ୍ଚ ଗଂଧଦୀପୈସ୍ତଥୋତ୍ତମୈଃ॥20॥
ଵିପ୍ରାଣାଂ ଭୋଜନୈର୍ହୋମୈଃ ପ୍ରୋକ୍ଷଣୀଯୈରହର୍ନିଶମ୍।
ଅନ୍ଯୈଶ୍ଚ ଵିଵିଧୈର୍ଭୋଗୈଃ ପ୍ରଦାନୈର୍ଵତ୍ସରେଣ ଯା॥21॥
ପ୍ରୀତିର୍ମେ କ୍ରିଯତେ ସାସ୍ମିନ୍ ସକୃଦୁଚ୍ଚରିତେ ଶ୍ରୁତେ।
ଶ୍ରୁତଂ ହରତି ପାପାନି ତଥାରୋଗ୍ଯଂ ପ୍ରଯଚ୍ଛତି॥22॥
ରକ୍ଷାଂ କରୋତି ଭୂତେଭ୍ଯୋ ଜନ୍ମନାଂ କୀର୍ତିନଂ ମମ।
ଯୁଦ୍ଦେଷୁ ଚରିତଂ ଯନ୍ମେ ଦୁଷ୍ଟ ଦୈତ୍ଯ ନିବର୍ହଣମ୍॥23॥
ତସ୍ମିଂଛୃତେ ଵୈରିକୃତଂ ଭଯଂ ପୁଂସାଂ ନ ଜାଯତେ।
ଯୁଷ୍ମାଭିଃ ସ୍ତୁତଯୋ ଯାଶ୍ଚ ଯାଶ୍ଚ ବ୍ରହ୍ମର୍ଷିଭିଃ କୃତାଃ॥24॥
ବ୍ରହ୍ମଣା ଚ କୃତାସ୍ତାସ୍ତୁ ପ୍ରଯଚ୍ଛଂତୁ ଶୁଭାଂ ମତିମ୍।
ଅରଣ୍ଯେ ପ୍ରାଂତରେ ଵାପି ଦାଵାଗ୍ନି ପରିଵାରିତଃ॥25॥
ଦସ୍ଯୁଭିର୍ଵା ଵୃତଃ ଶୂନ୍ଯେ ଗୃହୀତୋ ଵାପି ଶତୃଭିଃ।
ସିଂହଵ୍ଯାଘ୍ରାନୁଯାତୋ ଵା ଵନେଵା ଵନ ହସ୍ତିଭିଃ॥26॥
ରାଜ୍ଞା କ୍ରୁଦ୍ଦେନ ଚାଜ୍ଞପ୍ତୋ ଵଧ୍ଯୋ ବଂଦ ଗତୋଽପିଵା।
ଆଘୂର୍ଣିତୋ ଵା ଵାତେନ ସ୍ଥିତଃ ପୋତେ ମହାର୍ଣଵେ॥27॥
ପତତ୍ସୁ ଚାପି ଶସ୍ତ୍ରେଷୁ ସଂଗ୍ରାମେ ଭୃଶଦାରୁଣେ।
ସର୍ଵାବାଧାଶୁ ଘୋରାସୁ ଵେଦନାଭ୍ଯର୍ଦିତୋଽପିଵା॥28॥
ସ୍ମରନ୍ ମମୈତଚ୍ଚରିତଂ ନରୋ ମୁଚ୍ଯେତ ସଂକଟାତ୍।
ମମ ପ୍ରଭାଵାତ୍ସିଂହାଦ୍ଯା ଦସ୍ଯଵୋ ଵୈରିଣ ସ୍ତଥା॥29॥
ଦୂରାଦେଵ ପଲାଯଂତେ ସ୍ମରତଶ୍ଚରିତଂ ମମ॥30॥
ଋଷିରୁଵାଚ॥31॥
ଇତ୍ଯୁକ୍ତ୍ଵା ସା ଭଗଵତୀ ଚଂଡିକା ଚଂଡଵିକ୍ରମା।
ପଶ୍ଯତାଂ ସର୍ଵ ଦେଵାନାଂ ତତ୍ରୈଵାଂତରଧୀଯତ॥32॥
ତେଽପି ଦେଵା ନିରାତଂକାଃ ସ୍ଵାଧିକାରାନ୍ଯଥା ପୁରା।
ଯଜ୍ଞଭାଗଭୁଜଃ ସର୍ଵେ ଚକ୍ରୁର୍ଵି ନିହତାରଯଃ॥33॥
ଦୈତ୍ଯାଶ୍ଚ ଦେଵ୍ଯା ନିହତେ ଶୁଂଭେ ଦେଵରିପୋଉ ଯୁଧି
ଜଗଦ୍ଵିଧ୍ଵଂସକେ ତସ୍ମିନ୍ ମହୋଗ୍ରେଽତୁଲ ଵିକ୍ରମେ॥34॥
ନିଶୁଂଭେ ଚ ମହାଵୀର୍ଯେ ଶେଷାଃ ପାତାଳମାଯଯୁଃ॥35॥
ଏଵଂ ଭଗଵତୀ ଦେଵୀ ସା ନିତ୍ଯାପି ପୁନଃ ପୁନଃ।
ସଂଭୂଯ କୁରୁତେ ଭୂପ ଜଗତଃ ପରିପାଲନମ୍॥36॥
ତଯୈତନ୍ମୋହ୍ଯତେ ଵିଶ୍ଵଂ ସୈଵ ଵିଶ୍ଵଂ ପ୍ରସୂଯତେ।
ସାଯାଚିତା ଚ ଵିଜ୍ଞାନଂ ତୁଷ୍ଟା ଋଦ୍ଧିଂ ପ୍ରଯଚ୍ଛତି॥37॥
ଵ୍ଯାପ୍ତଂ ତଯୈତତ୍ସକଲଂ ବ୍ରହ୍ମାଂଡଂ ମନୁଜେଶ୍ଵର।
ମହାଦେଵ୍ଯା ମହାକାଳୀ ମହାମାରୀ ସ୍ଵରୂପଯା॥38॥
ସୈଵ କାଲେ ମହାମାରୀ ସୈଵ ସୃଷ୍ତିର୍ଭଵତ୍ଯଜା।
ସ୍ଥିତିଂ କରୋତି ଭୂତାନାଂ ସୈଵ କାଲେ ସନାତନୀ॥39॥
ଭଵକାଲେ ନୃଣାଂ ସୈଵ ଲକ୍ଷ୍ମୀର୍ଵୃଦ୍ଧିପ୍ରଦା ଗୃହେ।
ସୈଵାଭାଵେ ତଥା ଲକ୍ଷ୍ମୀ ର୍ଵିନାଶାଯୋପଜାଯତେ॥40॥
ସ୍ତୁତା ସଂପୂଜିତା ପୁଷ୍ପୈର୍ଗଂଧଧୂପାଦିଭିସ୍ତଥା।
ଦଦାତି ଵିତ୍ତଂ ପୁତ୍ରାଂଶ୍ଚ ମତିଂ ଧର୍ମେ ଗତିଂ ଶୁଭାଂ॥41॥
॥ ଇତି ଶ୍ରୀ ମାର୍କଂଡେଯ ପୁରାଣେ ସାଵର୍ନିକେ ମନ୍ଵଂତରେ ଦେଵୀ ମହତ୍ମ୍ଯେ ଫଲଶ୍ରୁତିର୍ନାମ ଦ୍ଵାଦଶୋଽଧ୍ଯାଯ ସମାପ୍ତଂ ॥
ଆହୁତି
ଓଂ କ୍ଲୀଂ ଜଯଂତୀ ସାଂଗାଯୈ ସଶକ୍ତିକାଯୈ ସପରିଵାରାଯୈ ସଵାହନାଯୈ ଵରପ୍ରଧାଯୈ ଵୈଷ୍ଣଵୀ ଦେଵ୍ଯୈ ଅହାହୁତିଂ ସମର୍ପଯାମି ନମଃ ସ୍ଵାହା ॥
Browse Related Categories:
