ନାରାଯଣୀସ୍ତୁତିର୍ନାମ ଏକାଦଶୋଽଧ୍ଯାଯଃ ॥
ଧ୍ଯାନଂ
ଓଂ ବାଲାର୍କଵିଦ୍ଯୁତିଂ ଇଂଦୁକିରୀଟାଂ ତୁଂଗକୁଚାଂ ନଯନତ୍ରଯଯୁକ୍ତାମ୍ ।
ସ୍ମେରମୁଖୀଂ ଵରଦାଂକୁଶପାଶଭୀତିକରାଂ ପ୍ରଭଜେ ଭୁଵନେଶୀମ୍ ॥
ଋଷିରୁଵାଚ॥1॥
ଦେଵ୍ଯା ହତେ ତତ୍ର ମହାସୁରେଂଦ୍ରେ
ସେଂଦ୍ରାଃ ସୁରା ଵହ୍ନିପୁରୋଗମାସ୍ତାମ୍।
କାତ୍ଯାଯନୀଂ ତୁଷ୍ଟୁଵୁରିଷ୍ଟଲାଭା-
ଦ୍ଵିକାସିଵକ୍ତ୍ରାବ୍ଜ ଵିକାସିତାଶାଃ ॥ 2 ॥
ଦେଵି ପ୍ରପନ୍ନାର୍ତିହରେ ପ୍ରସୀଦ
ପ୍ରସୀଦ ମାତର୍ଜଗତୋଽଭିଲସ୍ଯ।
ପ୍ରସୀଦଵିଶ୍ଵେଶ୍ଵରି ପାହିଵିଶ୍ଵଂ
ତ୍ଵମୀଶ୍ଵରୀ ଦେଵି ଚରାଚରସ୍ଯ ॥3॥
ଆଧାର ଭୂତା ଜଗତସ୍ତ୍ଵମେକା
ମହୀସ୍ଵରୂପେଣ ଯତଃ ସ୍ଥିତାସି
ଅପାଂ ସ୍ଵରୂପ ସ୍ଥିତଯା ତ୍ଵଯୈତ
ଦାପ୍ଯାଯତେ କୃତ୍ସ୍ନମଲଂଘ୍ଯ ଵୀର୍ଯେ ॥4॥
ତ୍ଵଂ ଵୈଷ୍ଣଵୀଶକ୍ତିରନଂତଵୀର୍ଯା
ଵିଶ୍ଵସ୍ଯ ବୀଜଂ ପରମାସି ମାଯା।
ସମ୍ମୋହିତଂ ଦେଵିସମସ୍ତ ମେତତ୍-
ତ୍ତ୍ଵଂ ଵୈ ପ୍ରସନ୍ନା ଭୁଵି ମୁକ୍ତିହେତୁଃ ॥5॥
ଵିଦ୍ଯାଃ ସମସ୍ତାସ୍ତଵ ଦେଵି ଭେଦାଃ।
ସ୍ତ୍ରିଯଃ ସମସ୍ତାଃ ସକଲା ଜଗତ୍ସୁ।
ତ୍ଵଯୈକଯା ପୂରିତମଂବଯୈତତ୍
କାତେ ସ୍ତୁତିଃ ସ୍ତଵ୍ଯପରାପରୋକ୍ତିଃ ॥6॥
ସର୍ଵ ଭୂତା ଯଦା ଦେଵୀ ଭୁକ୍ତି ମୁକ୍ତିପ୍ରଦାଯିନୀ।
ତ୍ଵଂ ସ୍ତୁତା ସ୍ତୁତଯେ କା ଵା ଭଵଂତୁ ପରମୋକ୍ତଯଃ ॥7॥
ସର୍ଵସ୍ଯ ବୁଦ୍ଧିରୂପେଣ ଜନସ୍ଯ ହୃଦି ସଂସ୍ଥିତେ।
ସ୍ଵର୍ଗାପଵର୍ଗଦେ ଦେଵି ନାରାଯଣି ନମୋଽସ୍ତୁତେ ॥8॥
କଲାକାଷ୍ଠାଦିରୂପେଣ ପରିଣାମ ପ୍ରଦାଯିନି।
ଵିଶ୍ଵସ୍ଯୋପରତୌ ଶକ୍ତେ ନାରାଯଣି ନମୋସ୍ତୁତେ ॥9॥
ସର୍ଵ ମଂଗଳ ମାଂଗଳ୍ଯେ ଶିଵେ ସର୍ଵାର୍ଥ ସାଧିକେ।
ଶରଣ୍ଯେ ତ୍ରଯଂବକେ ଗୌରୀ ନାରାଯଣି ନମୋଽସ୍ତୁତେ ॥10॥
ସୃଷ୍ଟିସ୍ଥିତିଵିନାଶାନାଂ ଶକ୍ତିଭୂତେ ସନାତନି।
ଗୁଣାଶ୍ରଯେ ଗୁଣମଯେ ନାରାଯଣି ନମୋଽସ୍ତୁତେ ॥11॥
ଶରଣାଗତ ଦୀନାର୍ତ ପରିତ୍ରାଣପରାଯଣେ।
ସର୍ଵସ୍ଯାର୍ତିହରେ ଦେଵି ନାରାଯଣି ନମୋଽସ୍ତୁତେ ॥12॥
ହଂସଯୁକ୍ତ ଵିମାନସ୍ଥେ ବ୍ରହ୍ମାଣୀ ରୂପଧାରିଣୀ।
କୌଶାଂଭଃ କ୍ଷରିକେ ଦେଵି ନାରାଯଣି ନମୋଽସ୍ତୁତେ॥13॥
ତ୍ରିଶୂଲଚଂଦ୍ରାହିଧରେ ମହାଵୃଷଭଵାହିନି।
ମାହେଶ୍ଵରୀ ସ୍ଵରୂପେଣ ନାରାଯଣି ନମୋଽସ୍ତୁତେ॥14॥
ମଯୂର କୁକ୍କୁଟଵୃତେ ମହାଶକ୍ତିଧରେଽନଘେ।
କୌମାରୀରୂପସଂସ୍ଥାନେ ନାରାଯଣି ନମୋସ୍ତୁତେ॥15॥
ଶଂଖଚକ୍ରଗଦାଶାରଂଗଗୃହୀତପରମାଯୁଧେ।
ପ୍ରସୀଦ ଵୈଷ୍ଣଵୀରୂପେନାରାଯଣି ନମୋଽସ୍ତୁତେ॥16॥
ଗୃହୀତୋଗ୍ରମହାଚକ୍ରେ ଦଂଷ୍ତ୍ରୋଦ୍ଧୃତଵସୁଂଧରେ।
ଵରାହରୂପିଣି ଶିଵେ ନାରାଯଣି ନମୋସ୍ତୁତେ॥17॥
ନୃସିଂହରୂପେଣୋଗ୍ରେଣ ହଂତୁଂ ଦୈତ୍ଯାନ୍ କୃତୋଦ୍ଯମେ।
ତ୍ରୈଲୋକ୍ଯତ୍ରାଣସହିତେ ନାରାଯଣି ନମୋଽସ୍ତୁତେ॥18॥
କିରୀଟିନି ମହାଵଜ୍ରେ ସହସ୍ରନଯନୋଜ୍ଜ୍ଵଲେ।
ଵୃତ୍ରପ୍ରାଣହାରେ ଚୈଂଦ୍ରି ନାରାଯଣି ନମୋଽସ୍ତୁତେ॥19॥
ଶିଵଦୂତୀସ୍ଵରୂପେଣ ହତଦୈତ୍ଯ ମହାବଲେ।
ଘୋରରୂପେ ମହାରାଵେ ନାରାଯଣି ନମୋଽସ୍ତୁତେ॥20॥
ଦଂଷ୍ତ୍ରାକରାଳ ଵଦନେ ଶିରୋମାଲାଵିଭୂଷଣେ।
ଚାମୁଂଡେ ମୁଂଡମଥନେ ନାରାଯଣି ନମୋଽସ୍ତୁତେ॥21॥
ଲକ୍ଷ୍ମୀ ଲଜ୍ଜେ ମହାଵିଧ୍ଯେ ଶ୍ରଦ୍ଧେ ପୁଷ୍ଟି ସ୍ଵଧେ ଧ୍ରୁଵେ।
ମହାରାତ୍ରି ମହାମାଯେ ନାରାଯଣି ନମୋଽସ୍ତୁତେ॥22॥
ମେଧେ ସରସ୍ଵତି ଵରେ ଭୂତି ବାଭ୍ରଵି ତାମସି।
ନିଯତେ ତ୍ଵଂ ପ୍ରସୀଦେଶେ ନାରାଯଣି ନମୋଽସ୍ତୁତେ॥23॥
ସର୍ଵସ୍ଵରୂପେ ସର୍ଵେଶେ ସର୍ଵଶକ୍ତିସମନ୍ଵିତେ।
ଭଯେଭ୍ଯସ୍ତ୍ରାହି ନୋ ଦେଵି ଦୁର୍ଗେ ଦେଵି ନମୋଽସ୍ତୁତେ॥24॥
ଏତତ୍ତେ ଵଦନଂ ସୌମ୍ଯଂ ଲୋଚନତ୍ରଯଭୂଷିତମ୍।
ପାତୁ ନଃ ସର୍ଵଭୂତେଭ୍ଯଃ କାତ୍ଯାଯିନି ନମୋଽସ୍ତୁତେ॥25॥
ଜ୍ଵାଲାକରାଳମତ୍ଯୁଗ୍ରମଶେଷାସୁରସୂଦନମ୍।
ତ୍ରିଶୂଲଂ ପାତୁ ନୋ ଭୀତିର୍ଭଦ୍ରକାଲି ନମୋଽସ୍ତୁତେ॥26॥
ହିନସ୍ତି ଦୈତ୍ଯତେଜାଂସି ସ୍ଵନେନାପୂର୍ଯ ଯା ଜଗତ୍।
ସା ଘଂଟା ପାତୁ ନୋ ଦେଵି ପାପେଭ୍ଯୋ ନଃ ସୁତାନିଵ॥27॥
ଅସୁରାସୃଗ୍ଵସାପଂକଚର୍ଚିତସ୍ତେ କରୋଜ୍ଵଲଃ।
ଶୁଭାଯ ଖଡ୍ଗୋ ଭଵତୁ ଚଂଡିକେ ତ୍ଵାଂ ନତା ଵଯମ୍॥28॥
ରୋଗାନଶେଷାନପହଂସି ତୁଷ୍ଟା
ରୁଷ୍ଟା ତୁ କାମା ସକଲାନଭୀଷ୍ଟାନ୍
ତ୍ଵାମାଶ୍ରିତାନାଂ ନ ଵିପନ୍ନରାଣାଂ।
ତ୍ଵାମାଶ୍ରିତା ଶ୍ରଯତାଂ ପ୍ରଯାଂତି॥29॥
ଏତତ୍କୃତଂ ଯତ୍କଦନଂ ତ୍ଵଯାଦ୍ଯ
ଦର୍ମଦ୍ଵିଷାଂ ଦେଵି ମହାସୁରାଣାମ୍।
ରୂପୈରନେକୈର୍ଭହୁଧାତ୍ମମୂର୍ତିଂ
କୃତ୍ଵାଂଭିକେ ତତ୍ପ୍ରକରୋତି କାନ୍ଯା॥30॥
ଵିଦ୍ଯାସୁ ଶାସ୍ତ୍ରେଷୁ ଵିଵେକ ଦୀପେ
ଷ୍ଵାଦ୍ଯେଷୁ ଵାକ୍ଯେଷୁ ଚ କା ତ୍ଵଦନ୍ଯା
ମମତ୍ଵଗର୍ତେଽତି ମହାଂଧକାରେ
ଵିଭ୍ରାମଯତ୍ଯେତଦତୀଵ ଵିଶ୍ଵମ୍॥31॥
ରକ୍ଷାଂସି ଯତ୍ରୋ ଗ୍ରଵିଷାଶ୍ଚ ନାଗା
ଯତ୍ରାରଯୋ ଦସ୍ଯୁବଲାନି ଯତ୍ର।
ଦଵାନଲୋ ଯତ୍ର ତଥାବ୍ଧିମଧ୍ଯେ
ତତ୍ର ସ୍ଥିତା ତ୍ଵଂ ପରିପାସି ଵିଶ୍ଵମ୍॥32॥
ଵିଶ୍ଵେଶ୍ଵରି ତ୍ଵଂ ପରିପାସି ଵିଶ୍ଵଂ
ଵିଶ୍ଵାତ୍ମିକା ଧାରଯସୀତି ଵିଶ୍ଵମ୍।
ଵିଶ୍ଵେଶଵଂଧ୍ଯା ଭଵତୀ ଭଵଂତି
ଵିଶ୍ଵାଶ୍ରଯା ଯେତ୍ଵଯି ଭକ୍ତିନମ୍ରାଃ॥33॥
ଦେଵି ପ୍ରସୀଦ ପରିପାଲଯ ନୋଽରି
ଭୀତେର୍ନିତ୍ଯଂ ଯଥାସୁରଵଦାଦଧୁନୈଵ ସଦ୍ଯଃ।
ପାପାନି ସର୍ଵ ଜଗତାଂ ପ୍ରଶମଂ ନଯାଶୁ
ଉତ୍ପାତପାକଜନିତାଂଶ୍ଚ ମହୋପସର୍ଗାନ୍॥34॥
ପ୍ରଣତାନାଂ ପ୍ରସୀଦ ତ୍ଵଂ ଦେଵି ଵିଶ୍ଵାର୍ତି ହାରିଣି।
ତ୍ରୈଲୋକ୍ଯଵାସିନାମୀଡ୍ଯେ ଲୋକାନାଂ ଵରଦା ଭଵ॥35॥
ଦେଵ୍ଯୁଵାଚ॥36॥
ଵରଦାହଂ ସୁରଗଣା ପରଂ ଯନ୍ମନସେଚ୍ଚଥ।
ତଂ ଵୃଣୁଧ୍ଵଂ ପ୍ରଯଚ୍ଛାମି ଜଗତାମୁପକାରକମ୍॥37॥
ଦେଵା ଊଚୁଃ॥38॥
ସର୍ଵବାଧା ପ୍ରଶମନଂ ତ୍ରୈଲୋକ୍ଯସ୍ଯାଖିଲେଶ୍ଵରି।
ଏଵମେଵ ତ୍ଵଯାକାର୍ଯ ମସ୍ମଦ୍ଵୈରି ଵିନାଶନମ୍॥39॥
ଦେଵ୍ଯୁଵାଚ॥40॥
ଵୈଵସ୍ଵତେଽଂତରେ ପ୍ରାପ୍ତେ ଅଷ୍ଟାଵିଂଶତିମେ ଯୁଗେ।
ଶୁଂଭୋ ନିଶୁଂଭଶ୍ଚୈଵାନ୍ଯାଵୁତ୍ପତ୍ସ୍ଯେତେ ମହାସୁରୌ॥41॥
ନଂଦଗୋପଗୃହେ ଜାତା ଯଶୋଦାଗର୍ଭ ସଂଭଵା।
ତତସ୍ତୌନାଶଯିଷ୍ଯାମି ଵିଂଧ୍ଯାଚଲନିଵାସିନୀ॥42॥
ପୁନରପ୍ଯତିରୌଦ୍ରେଣ ରୂପେଣ ପୃଥିଵୀତଲେ।
ଅଵତୀର୍ଯ ହଵିଷ୍ଯାମି ଵୈପ୍ରଚିତ୍ତାଂସ୍ତୁ ଦାନଵାନ୍॥43॥
ଭକ୍ଷ୍ଯ ଯଂତ୍ଯାଶ୍ଚ ତାନୁଗ୍ରାନ୍ ଵୈପ୍ରଚିତ୍ତାନ୍ ମହାସୁରାନ୍।
ରକ୍ତଦଂତା ଭଵିଷ୍ଯଂତି ଦାଡିମୀକୁସୁମୋପମାଃ॥44॥
ତତୋ ମାଂ ଦେଵତାଃ ସ୍ଵର୍ଗେ ମର୍ତ୍ଯଲୋକେ ଚ ମାନଵାଃ।
ସ୍ତୁଵଂତୋ ଵ୍ଯାହରିଷ୍ଯଂତି ସତତଂ ରକ୍ତଦଂତିକାମ୍॥45॥
ଭୂଯଶ୍ଚ ଶତଵାର୍ଷିକ୍ଯାଂ ଅନାଵୃଷ୍ଟ୍ଯାମନଂଭସି।
ମୁନିଭିଃ ସଂସ୍ତୁତା ଭୂମୌ ସଂଭଵିଷ୍ଯାମ୍ଯଯୋନିଜା॥46॥
ତତଃ ଶତେନ ନେତ୍ରାଣାଂ ନିରୀକ୍ଷିଷ୍ଯାମ୍ଯହଂ ମୁନୀନ୍
କୀର୍ତିଯିଷ୍ଯଂତି ମନୁଜାଃ ଶତାକ୍ଷୀମିତି ମାଂ ତତଃ॥47॥
ତତୋଽ ହମଖିଲଂ ଲୋକମାତ୍ମଦେହସମୁଦ୍ଭଵୈଃ।
ଭରିଷ୍ଯାମି ସୁରାଃ ଶାକୈରାଵୃଷ୍ଟେଃ ପ୍ରାଣ ଧାରକୈଃ॥48॥
ଶାକଂଭରୀତି ଵିଖ୍ଯାତିଂ ତଦା ଯାସ୍ଯାମ୍ଯହଂ ଭୁଵି।
ତତ୍ରୈଵ ଚ ଵଧିଷ୍ଯାମି ଦୁର୍ଗମାଖ୍ଯଂ ମହାସୁରମ୍॥49॥
ଦୁର୍ଗାଦେଵୀତି ଵିଖ୍ଯାତଂ ତନ୍ମେ ନାମ ଭଵିଷ୍ଯତି।
ପୁନଶ୍ଚାହଂ ଯଦାଭୀମଂ ରୂପଂ କୃତ୍ଵା ହିମାଚଲେ॥50॥
ରକ୍ଷାଂସି କ୍ଷଯଯିଷ୍ଯାମି ମୁନୀନାଂ ତ୍ରାଣ କାରଣାତ୍।
ତଦା ମାଂ ମୁନଯଃ ସର୍ଵେ ସ୍ତୋଷ୍ଯଂତ୍ଯାନ ମ୍ରମୂର୍ତଯଃ॥51॥
ଭୀମାଦେଵୀତି ଵିଖ୍ଯାତଂ ତନ୍ମେ ନାମ ଭଵିଷ୍ଯତି।
ଯଦାରୁଣାଖ୍ଯସ୍ତ୍ରୈଲୋକ୍ଯେ ମହାବାଧାଂ କରିଷ୍ଯତି॥52॥
ତଦାହଂ ଭ୍ରାମରଂ ରୂପଂ କୃତ୍ଵାସଜ୍ଖ୍ଯେଯଷଟ୍ପଦମ୍।
ତ୍ରୈଲୋକ୍ଯସ୍ଯ ହିତାର୍ଥାଯ ଵଧିଷ୍ଯାମି ମହାସୁରମ୍॥53॥
ଭ୍ରାମରୀତିଚ ମାଂ ଲୋକା ସ୍ତଦାସ୍ତୋଷ୍ଯଂତି ସର୍ଵତଃ।
ଇତ୍ଥଂ ଯଦା ଯଦା ବାଧା ଦାନଵୋତ୍ଥା ଭଵିଷ୍ଯତି॥54॥
ତଦା ତଦାଵତୀର୍ଯାହଂ କରିଷ୍ଯାମ୍ଯରିସଂକ୍ଷଯମ୍ ॥55॥
॥ ସ୍ଵସ୍ତି ଶ୍ରୀ ମାର୍କଂଡେଯ ପୁରାଣେ ସାଵର୍ନିକେ ମନ୍ଵଂତରେ ଦେଵି ମହତ୍ମ୍ଯେ ନାରାଯଣୀସ୍ତୁତିର୍ନାମ ଏକାଦଶୋଽଧ୍ଯାଯଃ ସମାପ୍ତଂ ॥
ଆହୁତି
ଓଂ କ୍ଲୀଂ ଜଯଂତୀ ସାଂଗାଯୈ ସଶକ୍ତିକାଯୈ ସପରିଵାରାଯୈ ସଵାହନାଯୈ ଲକ୍ଷ୍ମୀବୀଜାଧିଷ୍ତାଯୈ ଗରୁଡଵାହନ୍ଯୈ ନାରଯଣୀ ଦେଵ୍ଯୈ-ମହାହୁତିଂ ସମର୍ପଯାମି ନମଃ ସ୍ଵାହା ॥
Browse Related Categories:
