ଶୁଂଭୋଵଧୋ ନାମ ଦଶମୋଽଧ୍ଯାଯଃ ॥
ଋଷିରୁଵାଚ॥1॥
ନିଶୁଂଭଂ ନିହତଂ ଦୃଷ୍ଟ୍ଵା ଭ୍ରାତରଂପ୍ରାଣସମ୍ମିତଂ।
ହନ୍ଯମାନଂ ବଲଂ ଚୈଵ ଶୁଂବଃ କୃଦ୍ଧୋଽବ୍ରଵୀଦ୍ଵଚଃ ॥ 2 ॥
ବଲାଵଲେପଦୁଷ୍ଟେ ତ୍ଵଂ ମା ଦୁର୍ଗେ ଗର୍ଵ ମାଵହ।
ଅନ୍ଯାସାଂ ବଲମାଶ୍ରିତ୍ଯ ଯୁଦ୍ଦ୍ଯସେ ଚାତିମାନିନୀ ॥3॥
ଦେଵ୍ଯୁଵାଚ ॥4॥
ଏକୈଵାହଂ ଜଗତ୍ଯତ୍ର ଦ୍ଵିତୀଯା କା ମମାପରା।
ପଶ୍ଯୈତା ଦୁଷ୍ଟ ମଯ୍ଯେଵ ଵିଶଂତ୍ଯୋ ମଦ୍ଵିଭୂତଯଃ ॥5॥
ତତଃ ସମସ୍ତାସ୍ତା ଦେଵ୍ଯୋ ବ୍ରହ୍ମାଣୀ ପ୍ରମୁଖାଲଯମ୍।
ତସ୍ଯା ଦେଵ୍ଯାସ୍ତନୌ ଜଗ୍ମୁରେକୈଵାସୀତ୍ତଦାଂବିକା ॥6॥
ଦେଵ୍ଯୁଵାଚ ॥6॥
ଅହଂ ଵିଭୂତ୍ଯା ବହୁଭିରିହ ରୂପୈର୍ଯଦାସ୍ଥିତା।
ତତ୍ସଂହୃତଂ ମଯୈକୈଵ ତିଷ୍ଟାମ୍ଯାଜୌ ସ୍ଥିରୋ ଭଵ ॥8॥
ଋଷିରୁଵାଚ ॥9॥
ତତଃ ପ୍ରଵଵୃତେ ଯୁଦ୍ଧଂ ଦେଵ୍ଯାଃ ଶୁଂଭସ୍ଯ ଚୋଭଯୋଃ।
ପଶ୍ଯତାଂ ସର୍ଵଦେଵାନାଂ ଅସୁରାଣାଂ ଚ ଦାରୁଣମ୍ ॥10॥
ଶର ଵର୍ଷୈଃ ଶିତୈଃ ଶସ୍ତ୍ରୈସ୍ତଥା ଚାସ୍ତ୍ରୈଃ ସୁଦାରୁଣୈଃ।
ତଯୋର୍ଯୁଦ୍ଦମଭୂଦ୍ଭୂଯଃ ସର୍ଵଲୋକଭଯଜ୍ଞ୍କରମ୍ ॥11॥
ଦିଵ୍ଯାନ୍ଯଶ୍ତ୍ରାଣି ଶତଶୋ ମୁମୁଚେ ଯାନ୍ଯଥାଂବିକା।
ବଭଜ୍ଞ ତାନି ଦୈତ୍ଯେଂଦ୍ରସ୍ତତ୍ପ୍ରତୀଘାତକର୍ତୃଭିଃ ॥12॥
ମୁକ୍ତାନି ତେନ ଚାସ୍ତ୍ରାଣି ଦିଵ୍ଯାନି ପରମେଶ୍ଵରୀ।
ବଭଂଜ ଲୀଲଯୈଵୋଗ୍ର ହୂଜ୍କାରୋଚ୍ଚାରଣାଦିଭିଃ॥13॥
ତତଃ ଶରଶତୈର୍ଦେଵୀଂ ଆଚ୍ଚାଦଯତ ସୋଽସୁରଃ।
ସାପି ତତ୍କୁପିତା ଦେଵୀ ଧନୁଶ୍ଚିଛ୍ଚେଦ ଚେଷୁଭିଃ॥14॥
ଚିନ୍ନେ ଧନୁଷି ଦୈତ୍ଯେଂଦ୍ରସ୍ତଥା ଶକ୍ତିମଥାଦଦେ।
ଚିଛ୍ଚେଦ ଦେଵୀ ଚକ୍ରେଣ ତାମପ୍ଯସ୍ଯ କରେସ୍ଥିତାମ୍॥15॥
ତତଃ ଖଡ୍ଗ ମୁପାଦାଯ ଶତ ଚଂଦ୍ରଂ ଚ ଭାନୁମତ୍।
ଅଭ୍ଯଧାଵତ୍ତଦା ଦେଵୀଂ ଦୈତ୍ଯାନାମଧିପେଶ୍ଵରଃ॥16॥
ତସ୍ଯାପତତ ଏଵାଶୁ ଖଡ୍ଗଂ ଚିଚ୍ଛେଦ ଚଂଡିକା।
ଧନୁର୍ମୁକ୍ତୈଃ ଶିତୈର୍ବାଣୈଶ୍ଚର୍ମ ଚାର୍କକରାମଲମ୍॥17॥
ହତାଶ୍ଵଃ ପତତ ଏଵାଶୁ ଖଡ୍ଗଂ ଚିଛ୍ଚେଦ ଚଂଡିକା।
ଜଗ୍ରାହ ମୁଦ୍ଗରଂ ଘୋରଂ ଅଂବିକାନିଧନୋଦ୍ଯତଃ॥18॥
ଚିଚ୍ଛେଦାପତତସ୍ତସ୍ଯ ମୁଦ୍ଗରଂ ନିଶିତୈଃ ଶରୈଃ।
ତଥାପି ସୋଽଭ୍ଯଧାଵତ୍ତଂ ମୁଷ୍ଟିମୁଦ୍ଯମ୍ଯଵେଗଵାନ୍॥19॥
ସ ମୁଷ୍ଟିଂ ପାତଯାମାସ ହୃଦଯେ ଦୈତ୍ଯ ପୁଂଗଵଃ।
ଦେଵ୍ଯାସ୍ତଂ ଚାପି ସା ଦେଵୀ ତଲେ ନୋ ରସ୍ଯ ତାଡଯତ୍॥20॥
ତଲପ୍ରହାରାଭିହତୋ ନିପପାତ ମହୀତଲେ।
ସ ଦୈତ୍ଯରାଜଃ ସହସା ପୁନରେଵ ତଥୋତ୍ଥିତଃ॥21॥
ଉତ୍ପତ୍ଯ ଚ ପ୍ରଗୃହ୍ଯୋଚ୍ଚୈର୍ ଦେଵୀଂ ଗଗନମାସ୍ଥିତଃ।
ତତ୍ରାପି ସା ନିରାଧାରା ଯୁଯୁଧେ ତେନ ଚଂଡିକା॥22॥
ନିଯୁଦ୍ଧଂ ଖେ ତଦା ଦୈତ୍ଯ ଶ୍ଚଂଡିକା ଚ ପରସ୍ପରମ୍।
ଚକ୍ରତୁଃ ପ୍ରଧମଂ ସିଦ୍ଧ ମୁନିଵିସ୍ମଯକାରକମ୍॥23॥
ତତୋ ନିଯୁଦ୍ଧଂ ସୁଚିରଂ କୃତ୍ଵା ତେନାଂବିକା ସହ।
ଉତ୍ପାଟ୍ଯ ଭ୍ରାମଯାମାସ ଚିକ୍ଷେପ ଧରଣୀତଲେ॥24॥
ସକ୍ଷିପ୍ତୋଧରଣୀଂ ପ୍ରାପ୍ଯ ମୁଷ୍ଟିମୁଦ୍ଯମ୍ଯ ଵେଗଵାନ୍।
ଅଭ୍ଯଧାଵତ ଦୁଷ୍ଟାତ୍ମା ଚଂଡିକାନିଧନେଚ୍ଛଯା॥25॥
ତମାଯଂତଂ ତତୋ ଦେଵୀ ସର୍ଵଦୈତ୍ଯଜନେଶର୍ଵମ୍।
ଜଗତ୍ଯାଂ ପାତଯାମାସ ଭିତ୍ଵା ଶୂଲେନ ଵକ୍ଷସି॥26॥
ସ ଗତାସୁଃ ପପାତୋର୍ଵ୍ଯାଂ ଦେଵୀଶୂଲାଗ୍ରଵିକ୍ଷତଃ।
ଚାଲଯନ୍ ସକଲାଂ ପୃଥ୍ଵୀଂ ସାବ୍ଦିଦ୍ଵୀପାଂ ସପର୍ଵତାମ୍ ॥27॥
ତତଃ ପ୍ରସନ୍ନ ମଖିଲଂ ହତେ ତସ୍ମିନ୍ ଦୁରାତ୍ମନି।
ଜଗତ୍ସ୍ଵାସ୍ଥ୍ଯମତୀଵାପ ନିର୍ମଲଂ ଚାଭଵନ୍ନଭଃ ॥28॥
ଉତ୍ପାତମେଘାଃ ସୋଲ୍କା ଯେପ୍ରାଗାସଂସ୍ତେ ଶମଂ ଯଯୁଃ।
ସରିତୋ ମାର୍ଗଵାହିନ୍ଯସ୍ତଥାସଂସ୍ତତ୍ର ପାତିତେ ॥29॥
ତତୋ ଦେଵ ଗଣାଃ ସର୍ଵେ ହର୍ଷ ନିର୍ଭରମାନସାଃ।
ବଭୂଵୁର୍ନିହତେ ତସ୍ମିନ୍ ଗଂଦର୍ଵା ଲଲିତଂ ଜଗୁଃ॥30॥
ଅଵାଦଯଂ ସ୍ତଥୈଵାନ୍ଯେ ନନୃତୁଶ୍ଚାପ୍ସରୋଗଣାଃ।
ଵଵୁଃ ପୁଣ୍ଯାସ୍ତଥା ଵାତାଃ ସୁପ୍ରଭୋଽ ଭୂଦ୍ଧିଵାକରଃ॥31॥
ଜଜ୍ଵଲୁଶ୍ଚାଗ୍ନଯଃ ଶାଂତାଃ ଶାଂତଦିଗ୍ଜନିତସ୍ଵନାଃ॥32॥
॥ ସ୍ଵସ୍ତି ଶ୍ରୀ ମାର୍କଂଡେଯ ପୁରାଣେ ସାଵର୍ନିକେମନ୍ଵଂତରେ ଦେଵି ମହତ୍ମ୍ଯେ ଶୁଂଭୋଵଧୋ ନାମ ଦଶମୋ ଧ୍ଯାଯଃ ସମାପ୍ତଂ ॥
ଆହୁତି
ଓଂ କ୍ଲୀଂ ଜଯଂତୀ ସାଂଗାଯୈ ସଶକ୍ତିକାଯୈ ସପରିଵାରାଯୈ ସଵାହନାଯୈ କାମେଶ୍ଵର୍ଯୈ ମହାହୁତିଂ ସମର୍ପଯାମି ନମଃ ସ୍ଵାହା ॥
Browse Related Categories:
