Annamayya Keerthanas Radha Madhava Rati Charitamiti - Oriya

Collection of Spiritual and Devotional Literature in Various Indian Languages

View this in:

ଅନ୍ନମଯ୍ଯ କୀର୍ତନ ରାଧା ମାଧଵ ରତି ଚରିତମିତି

ରାଧାମାଧଵରତିଚରିତମିତି
ବୋଧାଵହଂ ଶ୍ରୁତିଭୂଷଣଂ ॥

ଗହନେ ଦ୍ଵାଵପି ଗତ୍ଵା ଗତ୍ଵା
ରହସି ରତିଂ ପ୍ରେରଯତି ସତି ।
ଵିହରତସ୍ତଦା ଵିଲସଂତୌ
ଵିହତଗୃହାଶୌ ଵିଵଶୌ ତୌ ॥

ଲଜ୍ଜାଶଭଳ ଵିଲାସଲୀଲଯା
କଜ୍ଜଲନଯନ ଵିକାରେଣ ।
ହୃଜ୍ଜାଵ୍ଯଵନହିତ ହୃଦଯା ରତି
ସ୍ସଜ୍ଜା ସଂଭ୍ରମଚପଲା ଜାତା ॥

ପୁରତୋ ଯାଂତଂ ପୁରୁଷଂ ଵକୁଳୈଃ
କୁରଂଟକୈର୍ଵା କୁଟଜୈର୍ଵା ।
ପରମଂ ପ୍ରହରତି ପଶ୍ଚାଲ୍ଲଗ୍ନା-
ଗିରଂ ଵିନାସି ଵିକିରତି ମୁଦଂ ॥

ହରି ସୁରଭୂରୁହ ମାରୋହତୀଵ
ଚରଣେନ କଟିଂ ସଂଵେଷ୍ଟ୍ଯ ।
ପରିରଂଚଣ ସଂପାଦିତପୁଲକୈ
ସ୍ସୁରୁଚିର୍ଜାତା ସୁମଲତିକେଵ ॥

ଵିଧୁମୁଖଦର୍ଶନ ଵିକଳିତଲଜ୍ଜା-
ତ୍ଵଧରବିଂବଫଲମାସ୍ଵାଦ୍ଯ ।
ମଧୁରୋପାଯନମାର୍ଗେଣ କୁଚୌ
ନିଧିଵଦ ତ୍ଵା ନିତ୍ଯସୁଖମିତା ॥

ସୁରୁଚିରକେତକ ସୁମଦଳ ନଖରୈ-
ର୍ଵରଚିବୁକଂ ସା ପରିଵୃତ୍ଯ ।
ତରୁଣିମସିଂଧୌ ତଦୀଯଦୃଗ୍ଜଲ-
ଚରଯୁଗଳଂ ସଂସକ୍ତଂ ଚକାର ॥

ଵଚନ ଵିଲାସୈର୍ଵଶୀକୃତ ତଂ
ନିଚୁଲକୁଂଜ ମାନିତଦେଶେ ।
ପ୍ରଚୁରସୈକତେ ପଲ୍ଲଵଶଯନେ-
ରଚିତରତିକଳା ରାଗେଣାସ ॥

ଅଭିନଵକଲ୍ଯାଣାଂଚିତରୂପା-
ଵଭିନିଵେଶ ସଂଯତଚିତ୍ତୌ ।
ବଭୂଵତୁ ସ୍ତତ୍ପରୌ ଵେଂକଟ
ଵିଭୁନା ସା ତଦ୍ଵିଧିନା ସତଯା ॥

ସଚ ଲଜ୍ଜାଵୀକ୍ଷଣୋ ଭଵତି ତଂ
କଚଭରାଂ ଗଂଧଂ ଘ୍ରାପଯତି ।
ନଚଲତିଚେନ୍ମାନଵତୀ ତଥାପି
କୁଚସଂଗାଦନୁକୂଲଯତି ॥

ଅଵନତଶିରସାପ୍ଯତି ସୁଭଗଂ
ଵିଵିଧାଲାପୈର୍ଵିଵଶଯତି ।
ପ୍ରଵିମଲ କରରୁହରଚନ ଵିଲାସୈ
ର୍ଭୁଵନପତି ତଂ ଭୂଷଯତି ॥

ଲତାଗୃହମେଳନଂ ନଵସୈ
କତଵୈଭଵ ସୌଖ୍ଯଂ ଦୃଷ୍ଟ୍ଵା ।
ତତସ୍ତତଶ୍ଚରସୌ କେଲୀ-
ଵ୍ରତଚର୍ଯାଂ ତାଂ ଵାଂଛଂତୌ ।

ଵନକୁସୁମ ଵିଶଦଵରଵାସନଯା-
ଘନସାରରଜୋଗଂଧୈଶ୍ଚ ।
ଜନଯତି ପଵନେ ସପଦି ଵିକାରଂ-
ଵନିତା ପୁରୁଷୌ ଜନିତାଶୌ ॥

ଏଵଂ ଵିଚରନ୍ ହେଲା ଵିମୁଖ-
ଶ୍ରୀଵେଂକଟଗିରି ଦେଵୋଯଂ ।
ପାଵନରାଧାପରିରଂଭସୁଖ-
ଶ୍ରୀ ଵୈଭଵସୁସ୍ଥିରୋ ଭଵତି ॥

Browse Related Categories: