ഹരിഃ ഓമ് । സ॒ഹ നാ॑ വവതു । സ॒ഹ നൌ॑ ഭുനക്തു । സ॒ഹ വീ॒ര്യം॑ കരവാവഹൈ । തേ॒ജ॒സ്വി നാ॒വധീ॑തമസ്തു॒ മാ വി॑ദ്വിഷാ॒വഹൈ᳚ । ഓം ശാംതിഃ॒ ശാംതിഃ॒ ശാംതിഃ॑ ।

ഭ്രുഗു॒ര്വൈ വാ॑രു॒ണിഃ । വരു॑ണം॒ പിത॑ര॒മുപ॑സസാര । അധീ॑ഹി ഭഗവോ॒ ബ്രഹ്മേതി॑ । തസ്മാ॑ ഏത॒ത്പ്രോ॑വാച । അന്നം॑ പ്രാ॒ണം ചക്ഷു॒ശ്രോത്രം॒ മനോ॒ വാച॒മിതി॑ । തഗ്മ് ഹോ॑വാച । യതോ॒ വാ ഇ॒മാനി॒ ഭുതാ॑നി॒ ജായം॑തേ । യേന॒ ജാതാ॑നി॒ ജീവം॑തി । യത്പ്രയം॑ത്യഭിസംവി॑ശംതി । തദ്വിജി॑ജ്ഞാസസ്വ । തദ്ബ്രഹ്മേതി॑ । സ തപോ॑ഽതപ്യത । സ തപ॑സ്ത॒പ്ത്വാ । ॥ 1 ॥

അന്നം॒ ബ്രഹ്മേതി॒ വ്യ॑ജാനാത് । അ॒ന്നാധ്യേ॑വ ഖല്വി॒മാനി॒ ഭൂതാ॑നി॒ ജായം॑തേ । അന്നേ॑ന॒ ജാതാ॑നി॒ ജീവം॑തി । അന്നം॒ പ്രയം॑ത്യ॒ഭിസംവി॑ശം॒തീതി॑ । തദ്വി॒ജ്ഞായ॑ । പുന॑രേ॒വ വരു॑ണം॒ പിത॑ര॒മുപ॑സസാര । അധീ॑ഹി ഭഗവോ॒ ബ്രഹ്മേതി॑ । തഗ്മ് ഹോ॑വാച । തപ॑സാ॒ ബ്രഹ്മ॒ വിജി॑ജ്ഞാസസ്വ । തപോ॒ ബ്രഹ്മേതി॑ । സ തപോ॑ഽതപ്യത । സ തപ॑സ്ത॒പ്ത്വാ । ॥ 2 ॥

പ്രാ॒ണോ ബ്ര॒ഹ്മേതി॒ വ്യ॑ജാനാത് । പ്രാ॒ണാധ്യേ॑വ ഖല്വി॒മാനി॒ ഭൂതാ॑നി॒ ജായം॑തേ । പ്രാ॒ണേന॒ ജാതാ॑നി॒ ജീവം॑തി । പ്രാ॒ണം പ്രയം॑ത്യ॒ഭി സംവി॑ശം॒തീതി॑ । പുന॑രേ॒വ വരു॑ണം॒ പിത॑ര॒മുപ॑സസാര । അധീ॑ഹി ഭഗവോ॒ ബ്രഹ്മേതി॑ । തഗ്മ് ഹോ॑വാച । തപ॑സാ॒ ബ്രഹ്മ॒ വിജി॑ജ്ഞാസസ്വ । തപോ॒ ബ്രഹ്മേതി॑ । സ തപോ॑ഽതപ്യത । സ തപ॑സ്ത॒പ്ത്വാ । ॥ 3 ॥

മനോ॒ ബ്രഹ്മേതി॒ വ്യ॑ജാനാത്। മന॑സോ॒ ഹ്യേ॑വ ഖല്വി॒മാനി॒ ഭൂതാ॑നി॒ ജായം॑തേ । മന॑സാ॒ ജാതാ॑നി॒ ജീവം॑തി । മനഃ॒ പ്രയം॑ത്യ॒ഭി സംവി॑ശം॒തീതി॑ । തദ്വി॒ജ്ഞായ॑ । പുന॑രേ॒വ വരു॑ണം॒ പിത॑ര॒മുപ॑സസാര । അധീ॑ഹി ഭഗവോ॒ ബ്രഹ്മേതി॑ । തഗ്മ് ഹോ॑വാച । തപ॑സാ॒ ബ്രഹ്മ॒ വിജി॑ജ്ഞാസസ്വ । തപോ॒ ബ്രഹ്മേതി॑ । സ തപോ॑ഽതപ്യത । സ തപ॑സ്ത॒പ്ത്വാ । ॥ 4 ॥

വി॒ജ്ഞാനം॒ ബ്രഹ്മേതി॒ വ്യ॑ജാനാത് । വി॒ജ്ഞാനാ॒ധ്യേ॑വ ഖല്വി॒മാനി॒ ഭൂതാ॑നി॒ ജായം॑തേ । വി॒ജ്ഞാനേ॑ന॒ ജാതാ॑നി॒ ജീവം॑തി । വി॒ജ്ഞാനം॒ പ്രയം॑ത്യ॒ഭിസംവി॑ശം॒തീതി॑ । തദ്വി॒ജ്ഞായ॑ । പുന॑രേ॒വ വരു॑ണം॒ പിത॑ര॒മുപ॑സസാര । അധീ॑ഹി ഭഗവോ॒ ബ്രഹ്മേതി॑ । തഗ്മ് ഹോ॑വാച । തപ॑സാ॒ ബ്രഹ്മ॒ വിജി॑ജ്ഞാസസ്വ । തപോ॒ ബ്രഹ്മേതി॑ । സ തപോ॑ഽതപ്യത । സ തപ॑സ്ത॒പ്ത്വാ । ॥ 5 ॥

ആ॒നം॒ദോ ബ്ര॒ഹ്മേതി॒ വ്യ॑ജാനാത് । ആ॒നംദാ॒ധ്യേ॑വ ഖല്വി॒മാനി॒ ഭൂതാ॑നി॒ ജായം॑തേ । ആ॒നം॒ദേന॒ ജാതാ॑നി॒ ജീവം॑തി । ആ॒നം॒ദം പ്രയം॑ത്യ॒ഭിസംവി॑ശം॒തീതി॑ । സൈഷാ ഭാ᳚ര്ഗ॒വീ വാ॑രു॒ണീ വി॒ദ്യാ । പ॒ര॒മേ വ്യോ॑മ॒ന് പ്രതി॑ഷ്ഠിതാ । സ യ ഏ॒വം വേദ॒ പ്രതി॑തിഷ്ഠതി । അന്ന॑വാനന്നാ॒ദോ ഭ॑വതി । മ॒ഹാന്ഭ॑വതി പ്ര॒ജയാ॑ പ॒ശുഭി॑ര്ബ്രഹ്മവര്ച॒സേന॑ । മ॒ഹാന് കീ॒ര്ത്യാ । ॥ 6 ॥

അന്നം॒ ന നിം॑ദ്യാത് । തദ്-വ്ര॒തമ് । പ്രാ॒ണോ വാ അന്നമ്᳚ । ശരീ॑രമന്നാ॒ദമ് । പ്രാ॒ണേ ശരീ॑രം॒ പ്രതി॑ഷ്ഠിതമ് । ശരീ॑രേ പ്രാ॒ണഃ പ്രതി॑ഷ്ഠിതഃ । തദേ॒തദന്ന॒മന്നേ॒ പ്രതി॑ഷ്ടിതമ് । സ യ ഏ॒തദന്ന॒മന്നേ॒ പ്രതി॑ഷ്ഠിതം॒ വേദ॒ പ്രതി॑തിഷ്ഠതി । അന്ന॑വാനന്നാ॒ദോ ഭ॑വതി । മ॒ഹാന്ഭ॑വതി പ്ര॒ജയാ॑ പ॒ശുഭി॑ര്ബ്രഹ്മവര്ച॒സേന॑ । മ॒ഹാന് കീ॒ര്ത്യാ । ॥ 7 ॥

അന്നം॒ ന പരി॑ചക്ഷീത । തദ്-വ്ര॒തമ് । ആപോ॒ വാ അന്നമ്᳚ । ജ്യോതി॑രന്നാ॒ദമ് । അ॒പ്സു ജ്യോതിഃ॒ പ്രതി॑ഷ്ഠിതമ് । ജ്യോതി॒ഷ്യാപഃ॒ പ്രതി॑ഷ്ഠിതാഃ। തദേ॒തദന്ന॒മന്നേ॒ പ്രതി॑ഷ്ഠിതമ് । സ യ ഏ॒തദന്ന॒മന്നേ॒ പ്രതി॑ഷ്ഠിതം॒ വേദ॒ പ്രതി॑തിഷ്ഠതി । അന്ന॑വാനന്നാ॒ദോ ഭ॑വതി । മ॒ഹാന്ഭ॑വതി പ്ര॒ജയാ॑ പ॒ശുഭി॑ര്ബ്രഹ്മവര്ച॒സേന॑ । മ॒ഹാന് കീ॒ര്ത്യാ । ॥ 8 ॥

അന്നം॑ ബ॒ഹു കു॑ര്വീത । തദ്-വ്ര॒തമ് । പൃ॒ഥി॒വീ വാ അന്നമ്᳚ । ആ॒കാ॒ശോ᳚ഽന്നാ॒ദഃ । പൃ॒ഥി॒വ്യാമാ॑കാ॒ശഃ പ്രതി॑ഷ്ഠിതഃ । ആ॒കാ॒ശേ പൃ॑ഥി॒വീ പ്രതി॑ഷ്ഠിതാ । തദേ॒തദന്ന॒മന്നേ॒ പ്രതി॑ഷ്ഠിതമ് । സ യ ഏ॒തദന്ന॒മന്നേ॒ പ്രതി॑ഷ്ഠിതം॒ വേദ॒ പ്രതി॑തിഷ്ഠതി । അന്ന॑വാനന്നാ॒ദോ ഭ॑വതി । മ॒ഹാന്ഭ॑വതി പ്ര॒ജയാ॑ പ॒ശുഭി॑ര്ബ്രഹ്മവര്ച॒സേന॑ । മ॒ഹാന് കീ॒ര്ത്യാ । ॥ 9 ॥

ന കംചന വസതൌ പ്രത്യാ॑ചക്ഷീ॒ത । തദ്-വ്ര॒തമ് । തസ്മാദ്യയാ കയാ ച വിധയാ ബഹ്വ॑ന്നം പ്രാ॒പ്നുയാത് । അരാധ്യസ്മാ അന്നമി॑ത്യാച॒ക്ഷതേ । ഏതദ്വൈ മുഖതോ᳚ഽന്നഗ്മ് രാ॒ദ്ധമ് । മുഖതോഽസ്മാ അ॑ന്നഗ്മ് രാ॒ധ്യതേ । ഏതദ്വൈ മധ്യതോ᳚ഽന്നഗ്മ് രാ॒ദ്ധമ് । മധ്യതോഽസ്മാ അ॑ന്നഗ്മ് രാ॒ധ്യതേ । ഏതദ്വാ അംതതോ᳚ഽന്നഗ്മ് രാ॒ദ്ധമ് । അംതതോഽസ്മാ അ॑ന്നഗ്മ് രാ॒ധ്യതേ । യ ഏ॑വം വേ॒ദ । ക്ഷേമ ഇ॑തി വാ॒ചി । യോഗക്ഷേമ ഇതി പ്രാ॑ണാപാ॒ണയോഃ । കര്മേ॑തി ഹ॒സ്തയോഃ । ഗതിരി॑തി പാ॒ദയോഃ । വിമുക്തിരി॑തി പാ॒യൌ । ഇതി മാനുഷീ᳚സ്സമാ॒ജ്ഞാഃ । അഥ ദൈ॒വീഃ । തൃപ്തിരി॑തി വൃ॒ഷ്ടൌ । ബലമി॑തി വി॒ദ്യുതി । യശ ഇ॑തി പ॒ശുഷു । ജ്യോതിരിതി ന॑ക്ഷത്രേ॒ഷു । പ്രജാതിരമൃതമാനംദ ഇ॑ത്യുപ॒സ്ഥേ । സര്വമി॑ത്യാകാ॒ശേ । തത്പ്രതിഷ്ഠേത്യു॑പാസീ॒ത। പ്രതിഷ്ഠാ॑വാന്ഭ॒വതി । തന്മഹ ഇത്യു॑പാസീ॒ത । മ॑ഹാന്ഭ॒വതി । തന്മന ഇത്യു॑പാസീ॒ത । മാന॑വാന്ഭ॒വതി । തന്നമ ഇത്യു॑പാസീ॒ത । നമ്യംതേ᳚ഽസ്മൈ കാ॒മാഃ । തദ്ബ്രഹ്മേത്യു॑പാസീ॒ത । ബ്രഹ്മ॑വാന്ഭ॒വതി । തദ്ബ്രഹ്മണഃ പരിമര ഇത്യു॑പാസീ॒ത । പര്യേണം മ്രിയംതേ ദ്വി ഷംത॑സ്സപ॒ത്നാഃ । പരി യേ᳚ഽപ്രിയാ᳚ ഭ്രാതൃ॒വ്യാഃ । സ യശ്ചാ॑യം പു॒രുഷേ । യശ്ചാസാ॑വാദി॒ത്യേ । സ ഏകഃ॑ । സ യ॑ ഏവം॒ വിത് । അസ്മാല്ലോ॑കാത്പ്രേ॒ത്യ । ഏതമന്നമയമാത്മാനമുപ॑ സംക്ര॒മ്യ ॥ ഏതം പ്രാണമയമാത്മാനമുപ॑ സംക്ര॒മ്യ । ഏതം മനോമയമാത്മാനമുപ॑ സംക്ര॒മ്യ । ഏതം വിജ്ഞാനമയമാത്മാനമുപ॑ സംക്ര॒മ്യ । ഏതമാനംദമയമാത്മാനമുപ॑ സംക്ര॒മ്യ । ഇമാന് ലോകാന് കാമാന്നീ കാമരൂപ്യ॑നു സം॒ചരന്ന് । ഏതഥ്സാമ ഗാ॑യന്നാ॒സ്തേ । ഹാ(3) വു॒ ഹാ(3) വു॒ ഹാ(3) വു॑ । അ॒ഹമന്നമ॒ഹമന്നമ॒ഹമന്നമ് । അ॒ഹമന്നാ॒ദോ(2)ഽ॒ഹമന്നാ॒ദോ(2)ഽ॒ഹമന്നാ॒ദഃ । അ॒ഹഗ്ഗ് ശ്ലോക॒കൃദ॒ഹഗ്ഗ് ശ്ലോക॒കൃദ॒ഹഗ്ഗ് ശ്ലോക॒കൃത് । അ॒ഹമസ്മി പ്രഥമജാ ഋതാ(3) സ്യ॒ । പൂര്വം ദേവേഭ്യോ അമൃതസ്യ നാ(3) ഭാ॒യി॒ । യോ മാ ദദാതി സ ഇദേവ മാ(3) വാഃ॒ । അ॒ഹമന്ന॒മന്ന॑മ॒ദംത॒മാ(3) ദ്മി॒ । അഹം॒ വിശ്വം॒ ഭുവ॑ന॒മഭ്യ॑ഭ॒വാമ് । സുവ॒ര്ന ജ്യോതീഃ᳚ । യ ഏ॒വം വേദ॑ । ഇത്യു॑പ॒നിഷ॑ത് । ॥ 10 ॥

സ॒ഹ നാ॑ വവതു । സ॒ഹ നൌ॑ ഭുനക്തു । സ॒ഹ വീ॒ര്യം॑ കരവാവഹൈ । തേ॒ജ॒സ്വി നാ॒വധീ॑തമസ്തു॒ മാ വി॑ദ്വിഷാ॒വഹൈ᳚ ॥ ഓം ശാംതിഃ॒ ശാംതിഃ॒ ശാംതിഃ॑ ॥

॥ ഹരിഃ॑ ഓമ് ॥
॥ ശ്രീ കൃഷ്ണാര്പണമസ്തു ॥