മംഗലം കൌസലേംദ്രായ മഹനീയ ഗുണാത്മനേ ।
ചക്രവര്തി തനൂജായ സാര്വഭൌമായ മംഗലമ് ॥ 1 ॥
വേദവേദാംത വേദ്യായ മേഘശ്യാമല മൂര്തയേ ।
പുംസാം മോഹന രൂപായ പുണ്യശ്ലോകായ മംഗലമ് ॥ 2 ॥
വിശ്വാമിത്രാംതരംഗായ മിഥിലാ നഗരീ പതേ ।
ഭാഗ്യാനാം പരിപാകായ ഭവ്യരൂപായ മംഗലമ് ॥ 3 ॥
പിതൃഭക്തായ സതതം ഭാതൃഭിഃ സഹ സീതയാ ।
നംദിതാഖില ലോകായ രാമഭദ്രായ മംഗലമ് ॥ 4 ॥
ത്യക്ത സാകേത വാസായ ചിത്രകൂട വിഹാരിണേ ।
സേവ്യായ സര്വയമിനാം ധീരോദാത്തായ മംഗലമ് ॥ 5 ॥
സൌമിത്രിണാച ജാനക്യാചാപ ബാണാസി ധാരിണേ ।
സംസേവ്യായ സദാ ഭക്ത്യാ സ്വാമിനേ മമ മംഗലമ് ॥ 6 ॥
ദംഡകാരണ്യ വാസായ ഖരദൂഷണ ശത്രവേ ।
ഗൃധ്രരാജായ ഭക്തായ മുക്തി ദായാസ്തു മംഗലമ് ॥ 7 ॥
സാദരം ശബരീ ദത്ത ഫലമൂല ഭിലാഷിണേ ।
സൌലഭ്യ പരിപൂര്ണായ സത്യോദ്രിക്തായ മംഗലമ് ॥ 8 ॥
ഹനുംത്സമവേതായ ഹരീശാഭീഷ്ട ദായിനേ ।
വാലി പ്രമധനായാസ്തു മഹാധീരായ മംഗലമ് ॥ 9 ॥
ശ്രീമതേ രഘുവീരായ സേതൂല്ലംഘിത സിംധവേ ।
ജിതരാക്ഷസ രാജായ രണധീരായ മംഗലമ് ॥ 10 ॥
വിഭീഷണകൃതേ പ്രീത്യാ ലംകാഭീഷ്ട പ്രദായിനേ ।
സര്വലോക ശരണ്യായ ശ്രീരാഘവായ മംഗലമ് ॥ 11 ॥
ആഗത്യനഗരീം ദിവ്യാമഭിഷിക്തായ സീതയാ ।
രാജാധിരാജരാജായ രാമഭദ്രായ മംഗലമ് ॥ 12 ॥
ഭ്രഹ്മാദി ദേവസേവ്യായ ഭ്രഹ്മണ്യായ മഹാത്മനേ ।
ജാനകീ പ്രാണനാഥായ രഘുനാഥായ മംഗലമ് ॥ 13 ॥
ശ്രീസൌമ്യ ജാമാതൃമുനേഃ കൃപയാസ്മാനു പേയുഷേ ।
മഹതേ മമ നാഥായ രഘുനാഥായ മംഗലമ് ॥ 14 ॥
മംഗലാശാസന പരൈര്മദാചാര്യ പുരോഗമൈഃ ।
സര്വൈശ്ച പൂര്വൈരാചാര്ര്യൈഃ സത്കൃതായാസ്തു മംഗലമ് ॥ 15 ॥
രമ്യജാ മാതൃ മുനിനാ മംഗലാശാസനം കൃതമ് ।
ത്രൈലോക്യാധിപതിഃ ശ്രീമാന് കരോതു മംഗലം സദാ ॥
Browse Related Categories:
