ಸರ್ವೇಶಂ ಪರಮೇಶಂ ಶ್ರೀಪಾರ್ವತೀಶಂ ವಂದೇಽಹಂ ವಿಶ್ವೇಶಂ ಶ್ರೀಪನ್ನಗೇಶಂ ।
ಶ್ರೀಸಾಂಬಂ ಶಂಭುಂ ಶಿವಂ ತ್ರೈಲೋಕ್ಯಪೂಜ್ಯಂ ವಂದೇಽಹಂ ತ್ರೈನೇತ್ರಂ ಶ್ರೀಕಂಠಮೀಶಂ ॥ 1॥
ಭಸ್ಮಾಂಬರಧರಮೀಶಂ ಸುರಪಾರಿಜಾತಂ ಬಿಲ್ವಾರ್ಚಿತಪದಯುಗಲಂ ಸೋಮಂ ಸೋಮೇಶಂ ।
ಜಗದಾಲಯಪರಿಶೋಭಿತದೇವಂ ಪರಮಾತ್ಮಂ ವಂದೇಽಹಂ ಶಿವಶಂಕರಮೀಶಂ ದೇವೇಶಂ ॥ 2॥
ಕೈಲಾಸಪ್ರಿಯವಾಸಂ ಕರುಣಾಕರಮೀಶಂ ಕಾತ್ಯಾಯನೀವಿಲಸಿತಪ್ರಿಯವಾಮಭಾಗಂ ।
ಪ್ರಣವಾರ್ಚಿತಮಾತ್ಮಾರ್ಚಿತಂ ಸಂಸೇವಿತರೂಪಂ ವಂದೇಽಹಂ ಶಿವಶಂಕರಮೀಶಂ ದೇವೇಶಂ ॥ 3॥
ಮನ್ಮಥನಿಜಮದದಹನಂ ದಾಕ್ಷಾಯನೀಶಂ ನಿರ್ಗುಣಗುಣಸಂಭರಿತಂ ಕೈವಲ್ಯಪುರುಷಂ ।
ಭಕ್ತಾನುಗ್ರಹವಿಗ್ರಹಮಾನಂದಜೈಕಂ ವಂದೇಽಹಂ ಶಿವಶಂಕರಮೀಶಂ ದೇವೇಶಂ ॥ 4॥
ಸುರಗಂಗಾಸಂಪ್ಲಾವಿತಪಾವನನಿಜಶಿಖರಂ ಸಮಭೂಷಿತಶಶಿಬಿಂಬಂ ಜಟಾಧರಂ ದೇವಂ ।
ನಿರತೋಜ್ಜ್ವಲದಾವಾನಲನಯನಫಾಲಭಾಗಂ ವಂದೇಽಹಂ ಶಿವಶಂಕರಮೀಶಂ ದೇವೇಶಂ ॥ 5॥
ಶಶಿಸೂರ್ಯನೇತ್ರದ್ವಯಮಾರಾಧ್ಯಪುರುಷಂ ಸುರಕಿನ್ನರಪನ್ನಗಮಯಮೀಶಂ ಸಂಕಾಶಂ ।
ಶರವಣಭವಸಂಪೂಜಿತನಿಜಪಾದಪದ್ಮಂ ವಂದೇಽಹಂ ಶಿವಶಂಕರಮೀಶಂ ದೇವೇಶಂ ॥ 6॥
ಶ್ರೀಶೈಲಪುರವಾಸಂ ಈಶಂ ಮಲ್ಲೀಶಂ ಶ್ರೀಕಾಲಹಸ್ತೀಶಂ ಸ್ವರ್ಣಮುಖೀವಾಸಂ ।
ಕಾಂಚೀಪುರಮೀಶಂ ಶ್ರೀಕಾಮಾಕ್ಷೀತೇಜಂ ವಂದೇಽಹಂ ಶಿವಶಂಕರಮೀಶಂ ದೇವೇಶಂ ॥ 7॥
ತ್ರಿಪುರಾಂತಕಮೀಶಂ ಅರುಣಾಚಲೇಶಂ ದಕ್ಷಿಣಾಮೂರ್ತಿಂ ಗುರುಂ ಲೋಕಪೂಜ್ಯಂ ।
ಚಿದಂಬರಪುರವಾಸಂ ಪಂಚಲಿಂಗಮೂರ್ತಿಂ ವಂದೇಽಹಂ ಶಿವಶಂಕರಮೀಶಂ ದೇವೇಶಂ ॥ 8॥
ಜ್ಯೋತಿರ್ಮಯಶುಭಲಿಂಗಂ ಸಂಖ್ಯಾತ್ರಯನಾಟ್ಯಂ ತ್ರಯೀವೇದ್ಯಮಾದ್ಯಂ ಪಂಚಾನನಮೀಶಂ ।
ವೇದಾದ್ಭುತಗಾತ್ರಂ ವೇದಾರ್ಣವಜನಿತಂ ವೇದಾಗ್ರಂ ವಿಶ್ವಾಗ್ರಂ ಶ್ರೀವಿಶ್ವನಾಥಂ ॥ 9॥
Browse Related Categories:
