Sri Sankaracharya Varyam - Kannada

Collection of Spiritual and Devotional Literature in Various Indian Languages

View this in:

This document is in ಸರಳ ಕನ್ನಡ with simplified anusvaras. View this in ಶುದ್ಧ ಕನ್ನಡ, with correct anusvaras marked.

ಶ್ರೀ ಶಂಕರಾಚಾರ್ಯ ವರ್ಯಂ

॥ ಶ್ರೀಶಂಕರಾಚಾರ್ಯಸ್ತವಃ ॥

ಶ್ರೀಶಂಕರಾಚಾರ್ಯವರ್ಯಂ ಸರ್ವಲೋಕೈಕವಂದ್ಯಂ ಭಜೇ ದೇಶಿಕೇಂದ್ರಂ

ಧರ್ಮಪ್ರಚಾರೇಽತಿದಕ್ಷಂ ಯೋಗಿಗೋವಿಂದಪಾದಾಪ್ತಸನ್ಯಾಸದೀಕ್ಷಂ ।
ದುರ್ವಾದಿಗರ್ವಾಪನೋದಂ ಪದ್ಮಪಾದಾದಿಶಿಷ್ಯಾಲಿಸಂಸೇವ್ಯಪಾದಂ ॥1॥
(ಶ್ರೀಶಂಕರಾಚಾರ್ಯವರ್ಯಂ)

ಶಂಕಾದ್ರಿದಂಭೋಲಿಲೀಲಂ ಕಿಂಕರಾಶೇಷಶಿಷ್ಯಾಲಿ ಸಂತ್ರಾಣಶೀಲಂ ।
ಬಾಲಾರ್ಕನೀಕಾಶಚೇಲಂ ಬೋಧಿತಾಶೇಷವೇದಾಂತ ಗೂಢಾರ್ಥಜಾಲಂ ॥2॥
(ಶ್ರೀಶಂಕರಾಚಾರ್ಯವರ್ಯಂ)

ರುದ್ರಾಕ್ಷಮಾಲಾವಿಭೂಷಂ ಚಂದ್ರಮೌಲೀಶ್ವರಾರಾಧನಾವಾಪ್ತತೋಷಂ ।
ವಿದ್ರಾವಿತಾಶೇಷದೋಷಂ ಭದ್ರಪೂಗಪ್ರದಂ ಭಕ್ತಲೋಕಸ್ಯ ನಿತ್ಯಂ ॥3॥
(ಶ್ರೀಶಂಕರಾಚಾರ್ಯವರ್ಯಂ)

ಪಾಪಾಟವೀಚಿತ್ರಭಾನುಂ ಜ್ಞಾನದೀಪೇನ ಹಾರ್ದಂ ತಮೋ ವಾರಯಂತಂ ।
ದ್ವೈಪಾಯನಪ್ರೀತಿಭಾಜಂ ಸರ್ವತಾಪಾಪಹಾಮೋಘಬೋಧಪ್ರದಂ ತಂ ॥4॥
(ಶ್ರೀಶಂಕರಾಚಾರ್ಯವರ್ಯಂ)

ರಾಜಾಧಿರಾಜಾಭಿಪೂಜ್ಯಂ ರಮ್ಯಶೃಂಗಾದ್ರಿವಾಸೈಕಲೋಲಂ ಯತೀಡ್ಯಂ ।
ರಾಕೇಂದುಸಂಕಾಶವಕ್ತ್ರಂ ರತ್ನಗರ್ಭೇಭವಕ್ತ್ರಾಂಘ್ರಿಪೂಜಾನುರಕ್ತಂ ॥5॥
(ಶ್ರೀಶಂಕರಾಚಾರ್ಯವರ್ಯಂ)

ಶ್ರೀಭಾರತೀತೀರ್ಥಗೀತಂ ಶಂಕರಾರ್ಯಸ್ತವಂ ಯಃ ಪಠೇದ್ಭಕ್ತಿಯುಕ್ತಃ ।
ಸೋಽವಾಪ್ನುಯಾತ್ಸರ್ವಮಿಷ್ಟಂ ಶಂಕರಾಚಾರ್ಯವರ್ಯಪ್ರಸಾದೇನ ತೂರ್ಣಂ ॥6॥
(ಶ್ರೀಶಂಕರಾಚಾರ್ಯವರ್ಯಂ)

Browse Related Categories: