PDF, Meaning, Multimedia
View this in:
| English | Devanagari | Telugu | Tamil | Kannada | Malayalam | Gujarati | Oriya | Bengali  |
| Marathi | Assamese | Punjabi | Hindi | Samskritam | Konkani | Nepali | Sinhala | Grantha  |
This document is in ಸರಳ ಕನ್ನಡ with simplified anusvaras. View this in ಶುದ್ಧ ಕನ್ನಡ, with correct anusvaras marked.

ಗೀತಗೋವಿಂದಂ ನವಮಃ ಸರ್ಗಃ - ಮಂದ ಮುಕುಂದಃ

॥ ನವಮಃ ಸರ್ಗಃ ॥
॥ ಮಂದಮುಕುಂದಃ ॥

ತಾಮಥ ಮನ್ಮಥಖಿನ್ನಾಂ ರತಿರಸಭಿನ್ನಾಂ ವಿಷಾದಸಂಪನ್ನಾಂ ।
ಅನುಚಿಂತಿತಹರಿಚರಿತಾಂ ಕಲಹಾಂತರಿತಮುವಾಚ ಸಖೀ ॥ 51 ॥

॥ ಗೀತಂ 18 ॥

ಹರಿರಭಿಸರತಿ ವಹತಿ ಮಧುಪವನೇ ।
ಕಿಮಪರಮಧಿಕಸುಖಂ ಸಖಿ ಭುವನೇ ॥
ಮಾಧವೇ ಮಾ ಕುರು ಮಾನಿನಿ ಮಾನಮಯೇ ॥ 1 ॥

ತಾಲಫಲಾದಪಿ ಗುರುಮತಿಸರಸಂ ।
ಕಿಂ ವಿಫಲೀಕುರುಷೇ ಕುಚಕಲಶಂ ॥ 2 ॥

ಕತಿ ನ ಕಥಿತಮಿದಮನುಪದಮಚಿರಂ ।
ಮಾ ಪರಿಹರ ಹರಿಮತಿಶಯರುಚಿರಂ ॥ 3 ॥

ಕಿಮಿತಿ ವಿಷೀದಸಿ ರೋದಿಷಿ ವಿಕಲಾ ।
ವಿಹಸತಿ ಯುವತಿಸಭಾ ತವ ಸಕಲಾ ॥ 4 ॥

ಸಜಲನಲಿನೀದಲಶೀತಲಶಯನೇ ।
ಹರಿಮವಲೋಕ್ಯ ಸಫಲಯ್ ನಯನೇ ॥ 5 ॥

ಜನಯಸಿ ಮನಸಿ ಕಿಮಿತಿ ಗುರುಖೇದಂ ।
ಶೃಣು ಮಮ ವಚನಮನೀಹಿತಭೇದಂ ॥ 6 ॥

ಹರಿರುಪಯಾತು ವದತು ಬಹುಮಧುರಂ ।
ಕಿಮಿತಿ ಕರೋಷಿ ಹೃದಯಮತಿವಿಧುರಂ ॥ 7 ॥

ಶ್ರೀಜಯದೇವಭಣಿತಮತಿಲಲಿತಂ ।
ಸುಖಯತು ರಸಿಕಜನಂ ಹರಿಚರಿತಂ ॥ 8 ॥

ಸ್ನಿಗ್ಧೇ ಯತ್ಪರುಷಾಸಿ ಯತ್ಪ್ರಣಮತಿ ಸ್ತಬ್ಧಾಸಿ ಯದ್ರಾಗಿಣಿ ದ್ವೇಷಸ್ಥಾಸಿ ಯದುನ್ಮುಖೇ ವಿಮುಖತಾಂ ಯಾತಾಸಿ ತಸ್ಮಿನ್ಪ್ರಿಯೇ ।
ಯುಕ್ತಂ ತದ್ವಿಪರೀತಕಾರಿಣಿ ತವ ಶ್ರೀಖಂಡಚರ್ಚಾ ವಿಷಂ ಶೀತಾಂಶುಸ್ತಪನೋ ಹಿಮಂ ಹುತವಹಃ ಕ್ರೀಡಾಮುದೋ ಯಾತನಾಃ ॥ 52 ॥

॥ ಇತಿ ಗೀತಗೋವಿಂದೇ ಕಲಹಾಂತರಿತಾವರ್ಣನೇ ಮಂದಮುಕುಂದೋ ನಾಮ ನವಮಃ ಸರ್ಗಃ ॥







Browse Related Categories: