Annamayya Keerthanas Radha Madhava Rati Charitamiti - Kannada

Collection of Spiritual and Devotional Literature in Various Indian Languages

View this in:

This document is in ಸರಳ ಕನ್ನಡ with simplified anusvaras. View this in ಶುದ್ಧ ಕನ್ನಡ, with correct anusvaras marked.

ಅನ್ನಮಯ್ಯ ಕೀರ್ತನ ರಾಧಾ ಮಾಧವ ರತಿ ಚರಿತಮಿತಿ

ರಾಧಾಮಾಧವರತಿಚರಿತಮಿತಿ
ಬೋಧಾವಹಂ ಶ್ರುತಿಭೂಷಣಂ ॥

ಗಹನೇ ದ್ವಾವಪಿ ಗತ್ವಾ ಗತ್ವಾ
ರಹಸಿ ರತಿಂ ಪ್ರೇರಯತಿ ಸತಿ ।
ವಿಹರತಸ್ತದಾ ವಿಲಸಂತೌ
ವಿಹತಗೃಹಾಶೌ ವಿವಶೌ ತೌ ॥

ಲಜ್ಜಾಶಭಳ ವಿಲಾಸಲೀಲಯಾ
ಕಜ್ಜಲನಯನ ವಿಕಾರೇಣ ।
ಹೃಜ್ಜಾವ್ಯವನಹಿತ ಹೃದಯಾ ರತಿ
ಸ್ಸಜ್ಜಾ ಸಂಭ್ರಮಚಪಲಾ ಜಾತಾ ॥

ಪುರತೋ ಯಾಂತಂ ಪುರುಷಂ ವಕುಳೈಃ
ಕುರಂಟಕೈರ್ವಾ ಕುಟಜೈರ್ವಾ ।
ಪರಮಂ ಪ್ರಹರತಿ ಪಶ್ಚಾಲ್ಲಗ್ನಾ-
ಗಿರಂ ವಿನಾಸಿ ವಿಕಿರತಿ ಮುದಂ ॥

ಹರಿ ಸುರಭೂರುಹ ಮಾರೋಹತೀವ
ಚರಣೇನ ಕಟಿಂ ಸಂವೇಷ್ಟ್ಯ ।
ಪರಿರಂಚಣ ಸಂಪಾದಿತಪುಲಕೈ
ಸ್ಸುರುಚಿರ್ಜಾತಾ ಸುಮಲತಿಕೇವ ॥

ವಿಧುಮುಖದರ್ಶನ ವಿಕಳಿತಲಜ್ಜಾ-
ತ್ವಧರಬಿಂಬಫಲಮಾಸ್ವಾದ್ಯ ।
ಮಧುರೋಪಾಯನಮಾರ್ಗೇಣ ಕುಚೌ
ನಿಧಿವದ ತ್ವಾ ನಿತ್ಯಸುಖಮಿತಾ ॥

ಸುರುಚಿರಕೇತಕ ಸುಮದಳ ನಖರೈ-
ರ್ವರಚಿಬುಕಂ ಸಾ ಪರಿವೃತ್ಯ ।
ತರುಣಿಮಸಿಂಧೌ ತದೀಯದೃಗ್ಜಲ-
ಚರಯುಗಳಂ ಸಂಸಕ್ತಂ ಚಕಾರ ॥

ವಚನ ವಿಲಾಸೈರ್ವಶೀಕೃತ ತಂ
ನಿಚುಲಕುಂಜ ಮಾನಿತದೇಶೇ ।
ಪ್ರಚುರಸೈಕತೇ ಪಲ್ಲವಶಯನೇ-
ರಚಿತರತಿಕಳಾ ರಾಗೇಣಾಸ ॥

ಅಭಿನವಕಲ್ಯಾಣಾಂಚಿತರೂಪಾ-
ವಭಿನಿವೇಶ ಸಂಯತಚಿತ್ತೌ ।
ಬಭೂವತು ಸ್ತತ್ಪರೌ ವೇಂಕಟ
ವಿಭುನಾ ಸಾ ತದ್ವಿಧಿನಾ ಸತಯಾ ॥

ಸಚ ಲಜ್ಜಾವೀಕ್ಷಣೋ ಭವತಿ ತಂ
ಕಚಭರಾಂ ಗಂಧಂ ಘ್ರಾಪಯತಿ ।
ನಚಲತಿಚೇನ್ಮಾನವತೀ ತಥಾಪಿ
ಕುಚಸಂಗಾದನುಕೂಲಯತಿ ॥

ಅವನತಶಿರಸಾಪ್ಯತಿ ಸುಭಗಂ
ವಿವಿಧಾಲಾಪೈರ್ವಿವಶಯತಿ ।
ಪ್ರವಿಮಲ ಕರರುಹರಚನ ವಿಲಾಸೈ
ರ್ಭುವನಪತಿ ತಂ ಭೂಷಯತಿ ॥

ಲತಾಗೃಹಮೇಳನಂ ನವಸೈ
ಕತವೈಭವ ಸೌಖ್ಯಂ ದೃಷ್ಟ್ವಾ ।
ತತಸ್ತತಶ್ಚರಸೌ ಕೇಲೀ-
ವ್ರತಚರ್ಯಾಂ ತಾಂ ವಾಂಛಂತೌ ।

ವನಕುಸುಮ ವಿಶದವರವಾಸನಯಾ-
ಘನಸಾರರಜೋಗಂಧೈಶ್ಚ ।
ಜನಯತಿ ಪವನೇ ಸಪದಿ ವಿಕಾರಂ-
ವನಿತಾ ಪುರುಷೌ ಜನಿತಾಶೌ ॥

ಏವಂ ವಿಚರನ್ ಹೇಲಾ ವಿಮುಖ-
ಶ್ರೀವೇಂಕಟಗಿರಿ ದೇವೋಯಂ ।
ಪಾವನರಾಧಾಪರಿರಂಭಸುಖ-
ಶ್ರೀ ವೈಭವಸುಸ್ಥಿರೋ ಭವತಿ ॥

Browse Related Categories: