॥ શ્રીશંકરાચાર્યસ્તવઃ ॥
શ્રીશંકરાચાર્યવર્યં સર્વલોકૈકવંદ્યં ભજે દેશિકેંદ્રમ્
ધર્મપ્રચારેઽતિદક્ષં યોગિગોવિંદપાદાપ્તસન્યાસદીક્ષમ્ ।
દુર્વાદિગર્વાપનોદં પદ્મપાદાદિશિષ્યાલિસંસેવ્યપાદમ્ ॥1॥
(શ્રીશંકરાચાર્યવર્યં)
શંકાદ્રિદંભોલિલીલં કિંકરાશેષશિષ્યાલિ સંત્રાણશીલમ્ ।
બાલાર્કનીકાશચેલં બોધિતાશેષવેદાંત ગૂઢાર્થજાલમ્ ॥2॥
(શ્રીશંકરાચાર્યવર્યં)
રુદ્રાક્ષમાલાવિભૂષં ચંદ્રમૌલીશ્વરારાધનાવાપ્તતોષમ્ ।
વિદ્રાવિતાશેષદોષં ભદ્રપૂગપ્રદં ભક્તલોકસ્ય નિત્યમ્ ॥3॥
(શ્રીશંકરાચાર્યવર્યં)
પાપાટવીચિત્રભાનું જ્ઞાનદીપેન હાર્દં તમો વારયંતમ્ ।
દ્વૈપાયનપ્રીતિભાજં સર્વતાપાપહામોઘબોધપ્રદં તમ્ ॥4॥
(શ્રીશંકરાચાર્યવર્યં)
રાજાધિરાજાભિપૂજ્યં રમ્યશૃંગાદ્રિવાસૈકલોલં યતીડ્યમ્ ।
રાકેંદુસંકાશવક્ત્રં રત્નગર્ભેભવક્ત્રાંઘ્રિપૂજાનુરક્તમ્ ॥5॥
(શ્રીશંકરાચાર્યવર્યં)
શ્રીભારતીતીર્થગીતં શંકરાર્યસ્તવં યઃ પઠેદ્ભક્તિયુક્તઃ ।
સોઽવાપ્નુયાત્સર્વમિષ્ટં શંકરાચાર્યવર્યપ્રસાદેન તૂર્ણમ્ ॥6॥
(શ્રીશંકરાચાર્યવર્યં)
Browse Related Categories:
