𑌹𑌰𑌿𑌃 𑌓𑌮𑍍 ॥ 𑌶𑌂 𑌨𑍋॑ 𑌮𑌿॒𑌤𑍍𑌰𑌶𑍍𑌶𑌂 𑌵𑌰𑍁॑𑌣𑌃 । 𑌶𑌂 𑌨𑍋॑ 𑌭𑌵𑌤𑍍𑌵𑌰𑍍𑌯॒𑌮𑌾 । 𑌶𑌂 𑌨॒ 𑌇𑌂𑌦𑍍𑌰𑍋॒ 𑌬𑍃𑌹॒𑌸𑍍𑌪𑌤𑌿𑌃॑ । 𑌶𑌂 𑌨𑍋॒ 𑌵𑌿𑌷𑍍𑌣𑍁॑-𑌰𑍁𑌰𑍁𑌕𑍍𑌰॒𑌮𑌃 । 𑌨𑌮𑍋॒ 𑌬𑍍𑌰𑌹𑍍𑌮॑𑌣𑍇 । 𑌨𑌮॑𑌸𑍍𑌤𑍇 𑌵𑌾𑌯𑍋 । 𑌤𑍍𑌵𑌮𑍇॒𑌵 𑌪𑍍𑌰॒𑌤𑍍𑌯𑌕𑍍𑌷𑌂॒ 𑌬𑍍𑌰𑌹𑍍𑌮𑌾॑𑌸𑌿 । 𑌤𑍍𑌵𑌮𑍇॒𑌵 𑌪𑍍𑌰॒𑌤𑍍𑌯𑌕𑍍𑌷𑌂॒ 𑌬𑍍𑌰𑌹𑍍𑌮॑ 𑌵𑌦𑌿𑌷𑍍𑌯𑌾𑌮𑌿 । 𑌋॒𑌤𑌂 𑌵॑𑌦𑌿𑌷𑍍𑌯𑌾𑌮𑌿 । 𑌸॒𑌤𑍍𑌯𑌂 𑌵॑𑌦𑌿𑌷𑍍𑌯𑌾𑌮𑌿। 𑌤𑌨𑍍𑌮𑌾𑌮॑𑌵𑌤𑍁 । 𑌤𑌦𑍍𑌵॒𑌤𑍍𑌤𑌾𑌰॑𑌮𑌵𑌤𑍁 । 𑌅𑌵॑𑌤𑍁॒ 𑌮𑌾𑌮𑍍 । 𑌅𑌵॑𑌤𑍁 𑌵॒𑌕𑍍𑌤𑌾𑌰𑌮𑍍᳚ । 𑌓𑌂 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॑ ॥1॥

𑌓𑌂 𑌶𑍀𑌕𑍍𑌷𑌾𑌂 𑌵𑍍𑌯𑌾᳚𑌖𑍍𑌯𑌾𑌸𑍍𑌯𑌾॒𑌮𑌃 । 𑌵𑌰𑍍𑌣॒-𑌸𑍍𑌸𑍍𑌵𑌰𑌃 । 𑌮𑌾𑌤𑍍𑌰𑌾॒ 𑌬𑌲𑌮𑍍 । 𑌸𑌾𑌮॑ 𑌸𑌂𑌤𑌾॒𑌨𑌃 । 𑌇𑌤𑍍𑌯𑍁𑌕𑍍𑌤-𑌶𑍍𑌶𑍀᳚𑌕𑍍𑌷𑌾𑌧𑍍𑌯𑌾॒𑌯𑌃 ॥2॥

𑌸॒𑌹 𑌨𑍌॒ 𑌯𑌶𑌃 । 𑌸॒𑌹 𑌨𑍌 𑌬𑍍𑌰॑𑌹𑍍𑌮𑌵॒𑌰𑍍𑌚𑌸𑌮𑍍 । 𑌅𑌥𑌾𑌤𑌸𑍍𑌸𑌗𑍍-𑌮𑍍𑌹𑌿𑌤𑌾𑌯𑌾 𑌉𑌪𑌨𑌿𑌷𑌦𑌂 𑌵𑍍𑌯𑌾᳚𑌖𑌾𑌸𑍍𑌯𑌾॒𑌮𑌃 । 𑌪𑌂𑌚𑌸𑍍𑌵𑌧𑌿𑌕॑𑌰𑌣𑍇॒𑌷𑍁 । 𑌅𑌧𑌿𑌲𑍋𑌕𑌮𑌧𑌿𑌜𑍍𑌯𑍌𑌤𑌿𑌷-𑌮𑌧𑌿𑌵𑌿𑌦𑍍𑌯-𑌮𑌧𑌿𑌪𑍍𑌰𑌜॑-𑌮𑌧𑍍𑌯𑌾॒𑌤𑍍𑌮𑌮𑍍 । 𑌤𑌾 𑌮𑌹𑌾𑌸𑌗𑍍-𑌮𑍍𑌹𑌿𑌤𑌾 𑌇॑𑌤𑍍𑌯𑌾𑌚॒𑌕𑍍𑌷𑌤𑍇 । 𑌅𑌥𑌾॑𑌧𑌿𑌲𑍋॒𑌕𑌮𑍍 । 𑌪𑍃𑌥𑌿𑌵𑍀 𑌪𑍂᳚𑌰𑍍𑌵𑌰𑍂॒𑌪𑌮𑍍 । 𑌦𑍍𑌯𑍌𑌰𑍁𑌤𑍍𑌤॑𑌰𑌰𑍂॒𑌪𑌮𑍍 । 𑌆𑌕𑌾॑𑌶-𑌸𑍍𑌸𑌂॒𑌧𑌿𑌃 ॥3॥ 𑌵𑌾𑌯𑍁𑌃॑-𑌸𑍍𑌸𑌂𑌧𑌾॒𑌨𑌮𑍍 । 𑌇𑌤𑍍𑌯॑𑌧𑌿𑌲𑍋॒𑌕𑌮𑍍 । 𑌅𑌥𑌾॑𑌧𑌿𑌜𑍍𑌯𑍌॒𑌤𑌿𑌷𑌮𑍍 । 𑌅𑌗𑍍𑌨𑌿𑌃 𑌪𑍂᳚𑌰𑍍𑌵𑌰𑍂॒𑌪𑌮𑍍 । 𑌆𑌦𑌿𑌤𑍍𑌯 𑌉𑌤𑍍𑌤॑𑌰𑌰𑍂॒𑌪𑌮𑍍 । 𑌆॑𑌪𑌸𑍍𑌸𑌂॒𑌧𑌿𑌃 । 𑌵𑍈𑌦𑍍𑌯𑍁𑌤॑𑌸𑍍𑌸𑌂𑌧𑌾॒𑌨𑌮𑍍 । 𑌇𑌤𑍍𑌯॑𑌧𑌿𑌜𑍍𑌯𑍌॒𑌤𑌿𑌷𑌮𑍍 । 𑌅𑌥𑌾॑𑌧𑌿𑌵𑌿॒𑌦𑍍𑌯𑌮𑍍 । 𑌆𑌚𑌾𑌰𑍍𑌯𑌃 𑌪𑍂᳚𑌰𑍍𑌵𑌰𑍂॒𑌪𑌮𑍍 ॥4। 𑌅𑌂𑌤𑍇𑌵𑌾𑌸𑍍𑌯𑍁𑌤𑍍𑌤॑𑌰𑌰𑍂॒𑌪𑌮𑍍 । 𑌵𑌿॑𑌦𑍍𑌯𑌾 𑌸𑌂॒𑌧𑌿𑌃 । 𑌪𑍍𑌰𑌵𑌚𑌨𑌗𑍍-𑌮𑍍॑ 𑌸𑌂𑌧𑌾॒𑌨𑌮𑍍 । 𑌇𑌤𑍍𑌯॑𑌧𑌿𑌵𑌿॒𑌦𑍍𑌯𑌮𑍍 ॥ 𑌅𑌥𑌾𑌧𑌿॒𑌪𑍍𑌰𑌜𑌮𑍍 । 𑌮𑌾𑌤𑌾 𑌪𑍂᳚𑌰𑍍𑌵𑌰𑍂॒𑌪𑌮𑍍 । 𑌪𑌿𑌤𑍋𑌤𑍍𑌤॑𑌰𑌰𑍂॒𑌪𑌮𑍍 । 𑌪𑍍𑌰॑𑌜𑌾 𑌸𑌂॒𑌧𑌿𑌃 । 𑌪𑍍𑌰𑌜𑌨𑌨𑌗𑍍-𑌮𑍍॑ 𑌸𑌂𑌧𑌾॒𑌨𑌮𑍍 । 𑌇𑌤𑍍𑌯𑌧𑌿॒𑌪𑍍𑌰𑌜𑌮𑍍 ॥5॥ 𑌅𑌥𑌾𑌧𑍍𑌯𑌾॒𑌤𑍍𑌮𑌮𑍍 । 𑌅𑌧𑌰𑌾 𑌹𑌨𑍁𑌃 𑌪𑍂᳚𑌰𑍍𑌵𑌰𑍂॒𑌪𑌮𑍍 । 𑌉𑌤𑍍𑌤𑌰𑌾 𑌹𑌨𑍁𑌰𑍁𑌤𑍍𑌤॑𑌰𑌰𑍂॒𑌪𑌮𑍍 । 𑌵𑌾𑌕𑍍𑌸𑌂॒𑌧𑌿𑌃 । 𑌜𑌿𑌹𑍍𑌵𑌾॑ 𑌸𑌂𑌧𑌾॒𑌨𑌮𑍍 । 𑌇𑌤𑍍𑌯𑌧𑍍𑌯𑌾॒𑌤𑍍𑌮𑌮𑍍 । 𑌇𑌤𑍀𑌮𑌾 𑌮॑𑌹𑌾𑌸॒𑌗𑍍-𑌮𑍍॒𑌹𑌿॑𑌤𑌾𑌃 ॥ 𑌯 𑌏𑌵𑌮𑍇𑌤𑌾 𑌮𑌹𑌾𑌸𑌗𑍍-𑌮𑍍𑌹𑌿𑌤𑌾 𑌵𑍍𑌯𑌾𑌖𑍍𑌯𑌾॑𑌤𑌾 𑌵𑍇॒𑌦 । 𑌸𑌂𑌧𑍀𑌯𑌤𑍇 𑌪𑍍𑌰𑌜॑𑌯𑌾 𑌪॒𑌶𑍁𑌭𑌿𑌃 । 𑌬𑍍𑌰𑌹𑍍𑌮𑌵𑌰𑍍𑌚𑌸𑍇𑌨𑌾𑌨𑍍𑌨𑌾𑌦𑍍𑌯𑍇𑌨 𑌸𑍁𑌵𑌰𑍍𑌗𑍍𑌯𑍇𑌣॑ 𑌲𑍋𑌕𑍇॒𑌨 ॥6॥

𑌯𑌶𑍍𑌛𑌂𑌦॑𑌸𑌾𑌮𑍃𑌷॒𑌭𑍋 𑌵𑌿॒𑌶𑍍𑌵𑌰𑍂॑𑌪𑌃 । 𑌛𑌂𑌦𑍋॒𑌭𑍍𑌯𑍋𑌽𑌧𑍍𑌯॒𑌮𑍃𑌤𑌾᳚𑌥𑍍𑌸𑌂 𑌬॒𑌭𑍂𑌵॑ । 𑌸 𑌮𑍇𑌂𑌦𑍍𑌰𑍋॑ 𑌮𑍇॒𑌧𑌯𑌾᳚ 𑌸𑍍𑌪𑍃𑌣𑍋𑌤𑍁 । 𑌅॒𑌮𑍃𑌤॑𑌸𑍍𑌯 𑌦𑍇𑌵॒𑌧𑌾𑌰॑𑌣𑍋 𑌭𑍂𑌯𑌾𑌸𑌮𑍍 । 𑌶𑌰𑍀॑𑌰𑌂 𑌮𑍇॒ 𑌵𑌿𑌚॑𑌰𑍍-𑌷𑌣𑌮𑍍 । 𑌜𑌿॒𑌹𑍍𑌵𑌾 𑌮𑍇॒ 𑌮𑌧𑍁॑𑌮𑌤𑍍𑌤𑌮𑌾 । 𑌕𑌰𑍍𑌣𑌾᳚𑌭𑍍𑌯𑌂॒ 𑌭𑍂𑌰𑌿॒𑌵𑌿𑌶𑍍𑌰𑍁॑𑌵𑌮𑍍 । 𑌬𑍍𑌰𑌹𑍍𑌮॑𑌣𑌃 𑌕𑍋॒𑌶𑍋॑𑌽𑌸𑌿 𑌮𑍇॒𑌧𑌯𑌾𑌽𑌪𑌿॑𑌹𑌿𑌤𑌃 । 𑌶𑍍𑌰𑍁॒𑌤𑌂 𑌮𑍇॑ 𑌗𑍋𑌪𑌾𑌯 । 𑌆॒𑌵𑌹𑌂॑𑌤𑍀 𑌵𑌿𑌤𑌨𑍍𑌵𑌾॒𑌨𑌾 ॥𑍭॥ 𑌕𑍁॒𑌰𑍍𑌵𑌾॒𑌣𑌾 𑌚𑍀𑌰॑𑌮𑌾॒𑌤𑍍𑌮𑌨𑌃॑ । 𑌵𑌾𑌸𑌾𑌗𑍍-𑌮𑍍॑𑌸𑌿॒ 𑌮𑌮॒ 𑌗𑌾𑌵॑𑌶𑍍𑌚 । 𑌅॒𑌨𑍍𑌨॒𑌪𑌾॒𑌨𑍇 𑌚॑ 𑌸𑌰𑍍𑌵॒𑌦𑌾 । 𑌤𑌤𑍋॑ 𑌮𑍇॒ 𑌶𑍍𑌰𑌿𑌯॒𑌮𑌾𑌵॑𑌹 । 𑌲𑍋॒𑌮॒𑌶𑌾𑌂 𑌪॒𑌶𑍁𑌭𑌿॑𑌸𑍍𑌸॒𑌹 𑌸𑍍𑌵𑌾𑌹𑌾᳚ । 𑌆𑌮𑌾॑𑌯𑌂𑌤𑍁 𑌬𑍍𑌰𑌹𑍍𑌮𑌚𑌾॒𑌰𑌿𑌣॒𑌸𑍍𑌸𑍍𑌵𑌾𑌹𑌾᳚ । 𑌵𑌿𑌮𑌾॑𑌽𑌽𑌯𑌂𑌤𑍁 𑌬𑍍𑌰𑌹𑍍𑌮𑌚𑌾॒𑌰𑌿𑌣॒𑌸𑍍𑌸𑍍𑌵𑌾𑌹𑌾᳚ । 𑌪𑍍𑌰𑌮𑌾॑𑌽𑌽𑌯𑌂𑌤𑍁 𑌬𑍍𑌰𑌹𑍍𑌮𑌚𑌾॒𑌰𑌿𑌣॒𑌸𑍍𑌸𑍍𑌵𑌾𑌹𑌾᳚ । 𑌦𑌮𑌾॑𑌯𑌂𑌤𑍁 𑌬𑍍𑌰𑌹𑍍𑌮𑌚𑌾॒𑌰𑌿𑌣॒𑌸𑍍𑌸𑍍𑌵𑌾𑌹𑌾᳚ । 𑌶𑌮𑌾॑𑌯𑌂𑌤𑍁 𑌬𑍍𑌰𑌹𑍍𑌮𑌚𑌾॒𑌰𑌿𑌣॒𑌸𑍍𑌸𑍍𑌵𑌾𑌹𑌾᳚ ॥𑍮॥ 𑌯𑌶𑍋॒ 𑌜𑌨𑍇॑𑌽𑌸𑌾𑌨𑌿॒ 𑌸𑍍𑌵𑌾𑌹𑌾᳚ । 𑌶𑍍𑌰𑍇𑌯𑌾॒𑌨𑍍॒ 𑌵𑌸𑍍𑌯॑𑌸𑍋𑌽𑌸𑌾𑌨𑌿॒ 𑌸𑍍𑌵𑌾𑌹𑌾᳚ । 𑌤𑌂 𑌤𑍍𑌵𑌾॑ 𑌭𑌗॒ 𑌪𑍍𑌰𑌵𑌿॑𑌶𑌾𑌨𑌿॒ 𑌸𑍍𑌵𑌾𑌹𑌾᳚ । 𑌸 𑌮𑌾॑ 𑌭𑌗॒ 𑌪𑍍𑌰𑌵𑌿॑𑌶॒ 𑌸𑍍𑌵𑌾𑌹𑌾᳚ । 𑌤𑌸𑍍𑌮𑌿𑌂᳚𑌥𑍍𑌸॒𑌹𑌸𑍍𑌰॑𑌶𑌾𑌖𑍇 । 𑌶𑍍𑌰𑍇𑌯𑌾॒𑌨𑍍॒ 𑌵𑌸𑍍𑌯॑𑌸𑍋𑌽𑌸𑌾𑌨𑌿॒ 𑌸𑍍𑌵𑌾𑌹𑌾᳚ । 𑌤𑌂 𑌤𑍍𑌵𑌾॑ 𑌭𑌗॒ 𑌪𑍍𑌰𑌵𑌿॑𑌶𑌾𑌨𑌿॒ 𑌸𑍍𑌵𑌾𑌹𑌾᳚ । 𑌸 𑌮𑌾॑ 𑌭𑌗॒ 𑌪𑍍𑌰𑌵𑌿॑𑌶॒ 𑌸𑍍𑌵𑌾𑌹𑌾᳚ । 𑌤𑌸𑍍𑌮𑌿𑌂᳚𑌥𑍍𑌸॒𑌹𑌸𑍍𑌰॑𑌶𑌾𑌖𑍇 । 𑌨𑌿 𑌭॑𑌗𑌾॒𑌽𑌹𑌂 𑌤𑍍𑌵𑌯𑌿॑ 𑌮𑍃𑌜𑍇॒ 𑌸𑍍𑌵𑌾𑌹𑌾᳚ । 𑌯𑌥𑌾𑌽𑌽𑌪𑌃॒ 𑌪𑍍𑌰𑌵॑𑌤𑌾॒𑌽𑌽𑌯𑌂𑌤𑌿॑ । 𑌯𑌥𑌾॒ 𑌮𑌾𑌸𑌾॑ 𑌅𑌹𑌰𑍍𑌜॒𑌰𑌮𑍍 । 𑌏𑌵𑌂॒ 𑌮𑌾𑌂 𑌬𑍍𑌰॑𑌹𑍍𑌮𑌚𑌾॒𑌰𑌿𑌣𑌃॑ । 𑌧𑌾𑌤॒𑌰𑌾𑌯𑌂॑𑌤𑍁 𑌸॒𑌰𑍍𑌵𑌤॒𑌸𑍍𑌸𑍍𑌵𑌾𑌹𑌾᳚ । 𑌪𑍍𑌰॒𑌤𑌿॒𑌵𑍇॒𑌶𑍋॑𑌽𑌸𑌿॒ 𑌪𑍍𑌰 𑌮𑌾॑ 𑌭𑌾𑌹𑌿॒ 𑌪𑍍𑌰 𑌮𑌾॑ 𑌪𑌦𑍍𑌯𑌸𑍍𑌵 ॥𑍯॥

𑌭𑍂𑌰𑍍𑌭𑍁𑌵॒𑌸𑍍𑌸𑍁𑌵॒𑌰𑌿𑌤𑌿॒ 𑌵𑌾 𑌏॒𑌤𑌾𑌸𑍍𑌤𑌿॒𑌸𑍍𑌰𑍋 𑌵𑍍𑌯𑌾𑌹𑍃॑𑌤𑌯𑌃 । 𑌤𑌾𑌸𑌾॑𑌮𑍁 𑌹 𑌸𑍍𑌮𑍈॒ 𑌤𑌾𑌂 𑌚॑𑌤𑍁॒𑌰𑍍𑌥𑍀𑌮𑍍 । 𑌮𑌾𑌹𑌾॑𑌚𑌮𑌸𑍍𑌯𑌃॒ 𑌪𑍍𑌰𑌵𑍇॑𑌦𑌯𑌤𑍇 । 𑌮𑌹॒ 𑌇𑌤𑌿॑ । 𑌤𑌦𑍍𑌬𑍍𑌰𑌹𑍍𑌮॑ । 𑌸 𑌆॒𑌤𑍍𑌮𑌾 । 𑌅𑌂𑌗𑌾᳚𑌨𑍍𑌯॒𑌨𑍍𑌯𑌾 𑌦𑍇॒𑌵𑌤𑌾𑌃᳚ । 𑌭𑍂𑌰𑌿𑌤𑌿॒ 𑌵𑌾 𑌅॒𑌯𑌂 𑌲𑍋॒𑌕𑌃 । 𑌭𑍁𑌵॒ 𑌇𑌤𑍍𑌯𑌂॒𑌤𑌰𑌿॑𑌕𑍍𑌷𑌮𑍍 । 𑌸𑍁𑌵॒𑌰𑌿𑌤𑍍𑌯॒𑌸𑍌 𑌲𑍋॒𑌕𑌃 ॥10॥ 𑌮𑌹॒ 𑌇𑌤𑍍𑌯𑌾॑𑌦𑌿॒𑌤𑍍𑌯𑌃 । 𑌆॒𑌦𑌿॒𑌤𑍍𑌯𑍇𑌨॒ 𑌵𑌾𑌵 𑌸𑌰𑍍𑌵𑍇॑ 𑌲𑍋॒𑌕𑌾 𑌮𑌹𑍀॑𑌯𑌂𑌤𑍇 । 𑌭𑍂𑌰𑌿𑌤𑌿॒ 𑌵𑌾 𑌅॒𑌗𑍍𑌨𑌿𑌃 । 𑌭𑍁𑌵॒ 𑌇𑌤𑌿॑ 𑌵𑌾॒𑌯𑍁𑌃 । 𑌸𑍁𑌵॒𑌰𑌿𑌤𑍍𑌯𑌾॑𑌦𑌿॒𑌤𑍍𑌯𑌃 । 𑌮𑌹॒ 𑌇𑌤𑌿॑ 𑌚𑌂॒𑌦𑍍𑌰𑌮𑌾𑌃᳚ । 𑌚𑌂॒𑌦𑍍𑌰𑌮॑𑌸𑌾॒ 𑌵𑌾𑌵 𑌸𑌰𑍍𑌵𑌾॑𑌣𑌿॒ 𑌜𑍍𑌯𑍋𑌤𑍀𑌗𑍍-𑌮𑍍॑𑌷𑌿॒ 𑌮𑌹𑍀॑𑌯𑌂𑌤𑍇 । 𑌭𑍂𑌰𑌿𑌤𑌿॒ 𑌵𑌾 𑌋𑌚𑌃॑ । 𑌭𑍁𑌵॒ 𑌇𑌤𑌿॒ 𑌸𑌾𑌮𑌾॑𑌨𑌿 । 𑌸𑍁𑌵॒𑌰𑌿𑌤𑌿॒ 𑌯𑌜𑍂𑌗𑍍-𑌮𑍍॑𑌷𑌿 ॥11॥ 𑌮𑌹॒ 𑌇𑌤𑌿॒ 𑌬𑍍𑌰𑌹𑍍𑌮॑ । 𑌬𑍍𑌰𑌹𑍍𑌮॑𑌣𑌾॒ 𑌵𑌾𑌵 𑌸𑌰𑍍𑌵𑍇॑ 𑌵𑍇॒𑌦𑌾 𑌮𑌹𑍀॑𑌯𑌂𑌤𑍇 । 𑌭𑍂𑌰𑌿𑌤𑌿॒ 𑌵𑍈 𑌪𑍍𑌰𑌾𑌣𑌃 । 𑌭𑍁𑌵॒ 𑌇𑌤𑍍𑌯॑𑌪𑌾॒𑌨𑌃 । 𑌸𑍁𑌵॒𑌰𑌿𑌤𑌿॑ 𑌵𑍍𑌯𑌾॒𑌨𑌃 । 𑌮𑌹॒ 𑌇𑌤𑍍𑌯𑌨𑍍𑌨𑌮𑍍᳚ । 𑌅𑌨𑍍𑌨𑍇॑𑌨॒ 𑌵𑌾𑌵 𑌸𑌰𑍍𑌵𑍇᳚ 𑌪𑍍𑌰𑌾॒𑌣𑌾 𑌮𑌹𑍀॑𑌯𑌂𑌤𑍇 । 𑌤𑌾 𑌵𑌾 𑌏॒𑌤𑌾𑌶𑍍𑌚𑌤॑𑌸𑍍𑌰𑌶𑍍𑌚𑌤𑍁॒𑌰𑍍𑌧𑌾 । 𑌚𑌤॑𑌸𑍍𑌰𑌶𑍍𑌚𑌤𑌸𑍍𑌰𑍋॒ 𑌵𑍍𑌯𑌾𑌹𑍃॑𑌤𑌯𑌃 । 𑌤𑌾 𑌯𑍋 𑌵𑍇𑌦॑ । 𑌸 𑌵𑍇॑𑌦॒ 𑌬𑍍𑌰𑌹𑍍𑌮॑ । 𑌸𑌰𑍍𑌵𑍇᳚𑌽𑌸𑍍𑌮𑍈 𑌦𑍇॒𑌵𑌾 𑌬॒𑌲𑌿𑌮𑌾𑌵॑𑌹𑌂𑌤𑌿 ॥12॥

𑌸 𑌯 𑌏॒𑌷𑍋᳚𑌽𑌂𑌤𑌰𑍍-𑌹𑍃॑𑌦𑌯 𑌆𑌕𑌾॒𑌶𑌃 । 𑌤𑌸𑍍𑌮𑌿॑𑌨𑍍𑌨॒𑌯𑌂 𑌪𑍁𑌰𑍁॑𑌷𑍋 𑌮𑌨𑍋॒𑌮𑌯𑌃॑ । 𑌅𑌮𑍃॑𑌤𑍋 𑌹𑌿𑌰॒𑌣𑍍𑌮𑌯𑌃॑ । 𑌅𑌂𑌤॑𑌰𑍇𑌣॒ 𑌤𑌾𑌲𑍁॑𑌕𑍇 । 𑌯 𑌏॒𑌷 𑌸𑍍𑌤𑌨॑ 𑌇𑌵𑌾𑌵॒𑌲𑌂𑌬॑𑌤𑍇 । 𑌸𑍇𑌂᳚𑌦𑍍𑌰𑌯𑍋॒𑌨𑌿𑌃 । 𑌯𑌤𑍍𑌰𑌾॒𑌸𑍌 𑌕𑍇॑𑌶𑌾𑌂॒𑌤𑍋 𑌵𑌿𑌵𑌰𑍍𑌤॑𑌤𑍇 । 𑌵𑍍𑌯॒𑌪𑍋𑌹𑍍𑌯॑ 𑌶𑍀𑌰𑍍-𑌷𑌕𑌪𑌾॒𑌲𑍇 । 𑌭𑍂𑌰𑌿𑌤𑍍𑌯॒𑌗𑍍𑌨𑍌 𑌪𑍍𑌰𑌤𑌿॑𑌤𑌿𑌷𑍍𑌠𑌤𑌿 । 𑌭𑍁𑌵॒ 𑌇𑌤𑌿॑ 𑌵𑌾॒𑌯𑍌 ॥13॥ 𑌸𑍁𑌵॒𑌰𑌿𑌤𑍍𑌯𑌾॑𑌦𑌿॒𑌤𑍍𑌯𑍇 । 𑌮𑌹॒ 𑌇𑌤𑌿॒ 𑌬𑍍𑌰𑌹𑍍𑌮॑𑌣𑌿 । 𑌆॒𑌪𑍍𑌨𑍋𑌤𑌿॒ 𑌸𑍍𑌵𑌾𑌰𑌾᳚𑌜𑍍𑌯𑌮𑍍 । 𑌆॒𑌪𑍍𑌨𑍋𑌤𑌿॒ 𑌮𑌨॑𑌸॒𑌸𑍍𑌪𑌤𑌿𑌮𑍍᳚ । 𑌵𑌾𑌕𑍍𑌪॑𑌤𑌿॒𑌶𑍍𑌚𑌕𑍍𑌷𑍁॑𑌶𑍍𑌪𑌤𑌿𑌃 । 𑌶𑍍𑌰𑍋𑌤𑍍𑌰॑𑌪𑌤𑌿𑌰𑍍𑌵𑌿॒𑌜𑍍𑌞𑌾𑌨॑𑌪𑌤𑌿𑌃 । 𑌏॒𑌤𑌤𑍍𑌤𑌤𑍋॑ 𑌭𑌵𑌤𑌿 । 𑌆॒𑌕𑌾॒𑌶𑌶॑𑌰𑍀𑌰𑌂॒ 𑌬𑍍𑌰𑌹𑍍𑌮॑ । 𑌸॒𑌤𑍍𑌯𑌾𑌤𑍍𑌮॑ 𑌪𑍍𑌰𑌾॒𑌣𑌾𑌰𑌾॑𑌮𑌂॒ 𑌮𑌨॑ 𑌆𑌨𑌂𑌦𑌮𑍍 । 𑌶𑌾𑌂𑌤𑌿॑𑌸𑌮𑍃𑌦𑍍𑌧-𑌮॒𑌮𑍃𑌤𑌮𑍍᳚ । 𑌇𑌤𑌿॑ 𑌪𑍍𑌰𑌾𑌚𑍀𑌨 𑌯𑍋॒𑌗𑍍𑌯𑍋𑌪𑌾᳚𑌸𑍍𑌸𑍍𑌵 ॥14॥

𑌪𑍃॒𑌥𑌿॒𑌵𑍍𑌯𑌂॑𑌤𑌰𑌿॑𑌕𑍍𑌷𑌂॒ 𑌦𑍍𑌯𑍌𑌰𑍍𑌦𑌿𑌶𑍋॑𑌽𑌵𑌾𑌂𑌤𑌰𑌦𑌿॒𑌶𑌾𑌃 । 𑌅॒𑌗𑍍𑌨𑌿𑌰𑍍𑌵𑌾॒𑌯𑍁𑌰𑌾॑𑌦𑌿॒𑌤𑍍𑌯𑌶𑍍𑌚𑌂॒𑌦𑍍𑌰𑌮𑌾॒ 𑌨𑌕𑍍𑌷॑𑌤𑍍𑌰𑌾𑌣𑌿 । 𑌆𑌪॒ 𑌓𑌷॑𑌧𑌯𑍋॒ 𑌵𑌨॒𑌸𑍍𑌪𑌤॑𑌯 𑌆𑌕𑌾॒𑌶 𑌆॒𑌤𑍍𑌮𑌾 । 𑌇𑌤𑍍𑌯॑𑌧𑌿𑌭𑍂॒𑌤𑌮𑍍 । 𑌅𑌥𑌾𑌧𑍍𑌯𑌾॒𑌤𑍍𑌮𑌮𑍍 । 𑌪𑍍𑌰𑌾॒𑌣𑍋 𑌵𑍍𑌯𑌾॒𑌨𑍋॑𑌽𑌪𑌾॒𑌨 𑌉॑𑌦𑌾॒𑌨𑌸𑍍𑌸॑𑌮𑌾॒𑌨𑌃 । 𑌚𑌕𑍍𑌷𑍁॒𑌶𑍍𑌰𑍋𑌤𑍍𑌰𑌂॒ 𑌮𑌨𑍋॒ 𑌵𑌾𑌕𑍍-𑌤𑍍𑌵𑌕𑍍 । 𑌚𑌰𑍍𑌮॑ 𑌮𑌾॒𑌗𑍍-𑌮𑍍॒𑌸𑌗𑍍𑌗𑍍 𑌸𑍍𑌨𑌾𑌵𑌾𑌽𑌸𑍍𑌥𑌿॑ 𑌮॒𑌜𑍍𑌜𑌾 । 𑌏॒𑌤𑌦॑𑌧𑌿𑌵𑌿॒𑌧𑌾𑌯॒ 𑌋𑌷𑌿॒𑌰𑌵𑍋॑𑌚𑌤𑍍 । 𑌪𑌾𑌂𑌕𑍍𑌤𑌂॒ 𑌵𑌾 𑌇॒𑌦𑌗𑍍-𑌮𑍍 𑌸𑌰𑍍𑌵𑌮𑍍᳚ । 𑌪𑌾𑌂𑌕𑍍𑌤𑍇॑𑌨𑍈॒𑌵 𑌪𑌾𑌂𑌕𑍍𑌤𑌗𑍍𑌗𑍍॑ 𑌸𑍍𑌪𑍃𑌣𑍋॒𑌤𑍀𑌤𑌿॑ ॥15॥

𑌓𑌮𑌿𑌤𑌿॒ 𑌬𑍍𑌰𑌹𑍍𑌮॑ । 𑌓𑌮𑌿𑌤𑍀॒𑌦𑌗𑍍-𑌮𑍍 𑌸𑌰𑍍𑌵𑌮𑍍᳚ । 𑌓𑌮𑌿𑌤𑍍𑌯𑍇॒𑌤𑌦॑𑌨𑍁𑌕𑍃𑌤𑌿 𑌹𑌸𑍍𑌮॒ 𑌵𑌾 𑌅॒𑌪𑍍𑌯𑍋 𑌶𑍍𑌰𑌾॑𑌵॒𑌯𑍇𑌤𑍍𑌯𑌾𑌶𑍍𑌰𑌾॑𑌵𑌯𑌂𑌤𑌿 । 𑌓𑌮𑌿𑌤𑌿॒ 𑌸𑌾𑌮𑌾॑𑌨𑌿 𑌗𑌾𑌯𑌂𑌤𑌿 । 𑌓𑌗𑍍-𑌮𑍍 𑌶𑍋𑌮𑌿𑌤𑌿॑ 𑌶॒𑌸𑍍𑌤𑍍𑌰𑌾𑌣𑌿॑ 𑌶𑌗𑍍-𑌮𑍍𑌸𑌂𑌤𑌿 । 𑌓𑌮𑌿𑌤𑍍𑌯॑𑌧𑍍𑌵॒𑌰𑍍𑌯𑍁𑌃 𑌪𑍍𑌰॑𑌤𑌿𑌗॒𑌰𑌂 𑌪𑍍𑌰𑌤𑌿॑𑌗𑍃𑌣𑌾𑌤𑌿 । 𑌓𑌮𑌿𑌤𑌿॒ 𑌬𑍍𑌰𑌹𑍍𑌮𑌾॒ 𑌪𑍍𑌰𑌸𑍌॑𑌤𑌿 । 𑌓𑌮𑌿𑌤𑍍𑌯॑𑌗𑍍𑌨𑌿𑌹𑍋॒𑌤𑍍𑌰𑌮𑌨𑍁॑𑌜𑌾𑌨𑌾𑌤𑌿 । 𑌓𑌮𑌿𑌤𑌿॑ 𑌬𑍍𑌰𑌾𑌹𑍍𑌮॒𑌣𑌃 𑌪𑍍𑌰॑𑌵॒𑌕𑍍𑌷𑍍𑌯𑌨𑍍𑌨𑌾॑𑌹॒ 𑌬𑍍𑌰𑌹𑍍𑌮𑍋𑌪𑌾᳚𑌪𑍍𑌨𑌵𑌾॒𑌨𑍀𑌤𑌿॑ । 𑌬𑍍𑌰𑌹𑍍𑌮𑍈॒𑌵𑍋𑌪𑌾᳚𑌪𑍍𑌨𑍋𑌤𑌿 ॥16॥

𑌋𑌤𑌂 𑌚 𑌸𑍍𑌵𑌾𑌧𑍍𑌯𑌾𑌯𑌪𑍍𑌰𑌵॑𑌚𑌨𑍇॒ 𑌚 । 𑌸𑌤𑍍𑌯𑌂 𑌚 𑌸𑍍𑌵𑌾𑌧𑍍𑌯𑌾𑌯𑌪𑍍𑌰𑌵॑𑌚𑌨𑍇॒ 𑌚 । 𑌤𑌪𑌶𑍍𑌚 𑌸𑍍𑌵𑌾𑌧𑍍𑌯𑌾𑌯𑌪𑍍𑌰𑌵॑𑌚𑌨𑍇॒ 𑌚 । 𑌦𑌮𑌶𑍍𑌚 𑌸𑍍𑌵𑌾𑌧𑍍𑌯𑌾𑌯𑌪𑍍𑌰𑌵॑𑌚𑌨𑍇॒ 𑌚 । 𑌶𑌮𑌶𑍍𑌚 𑌸𑍍𑌵𑌾𑌧𑍍𑌯𑌾𑌯𑌪𑍍𑌰𑌵॑𑌚𑌨𑍇॒ 𑌚 । 𑌅𑌗𑍍𑌨𑌯𑌶𑍍𑌚 𑌸𑍍𑌵𑌾𑌧𑍍𑌯𑌾𑌯𑌪𑍍𑌰𑌵॑𑌚𑌨𑍇॒ 𑌚 । 𑌅𑌗𑍍𑌨𑌿𑌹𑍋𑌤𑍍𑌰𑌂 𑌚 𑌸𑍍𑌵𑌾𑌧𑍍𑌯𑌾𑌯𑌪𑍍𑌰𑌵॑𑌚𑌨𑍇॒ 𑌚 । 𑌅𑌤𑌿𑌥𑌯𑌶𑍍𑌚 𑌸𑍍𑌵𑌾𑌧𑍍𑌯𑌾𑌯𑌪𑍍𑌰𑌵॑𑌚𑌨𑍇॒ 𑌚 । 𑌮𑌾𑌨𑍁𑌷𑌂 𑌚 𑌸𑍍𑌵𑌾𑌧𑍍𑌯𑌾𑌯𑌪𑍍𑌰𑌵॑𑌚𑌨𑍇॒ 𑌚 । 𑌪𑍍𑌰𑌜𑌾 𑌚 𑌸𑍍𑌵𑌾𑌧𑍍𑌯𑌾𑌯𑌪𑍍𑌰𑌵॑𑌚𑌨𑍇॒ 𑌚 । 𑌪𑍍𑌰𑌜𑌨𑌶𑍍𑌚 𑌸𑍍𑌵𑌾𑌧𑍍𑌯𑌾𑌯𑌪𑍍𑌰𑌵॑𑌚𑌨𑍇॒ 𑌚 । 𑌪𑍍𑌰𑌜𑌾𑌤𑌿𑌶𑍍𑌚 𑌸𑍍𑌵𑌾𑌧𑍍𑌯𑌾𑌯𑌪𑍍𑌰𑌵॑𑌚𑌨𑍇॒ 𑌚 । 𑌸𑌤𑍍𑌯𑌮𑌿𑌤𑌿 𑌸𑌤𑍍𑌯𑌵𑌚𑌾॑ 𑌰𑌾𑌥𑍀॒𑌤𑌰𑌃 । 𑌤𑌪 𑌇𑌤𑌿 𑌤𑌪𑍋𑌨𑌿𑌤𑍍𑌯𑌃 𑌪𑍌॑𑌰𑍁𑌶𑌿॒𑌷𑍍𑌟𑌿𑌃 । 𑌸𑍍𑌵𑌾𑌧𑍍𑌯𑌾𑌯𑌪𑍍𑌰𑌵𑌚𑌨𑍇 𑌏𑌵𑍇𑌤𑌿 𑌨𑌾𑌕𑍋॑ 𑌮𑍌𑌦𑍍𑌗॒𑌲𑍍𑌯𑌃 । 𑌤𑌦𑍍𑌧𑌿 𑌤𑌪॑-𑌸𑍍𑌤𑌦𑍍𑌧𑌿॒ 𑌤𑌪𑌃 ॥1𑍭॥

𑌅॒𑌹𑌂 𑌵𑍃॒𑌕𑍍𑌷𑌸𑍍𑌯॒ 𑌰𑍇𑌰𑌿॑𑌵𑌾 । 𑌕𑍀॒𑌰𑍍𑌤𑌿𑌃 𑌪𑍃॒𑌷𑍍𑌠𑌂 𑌗𑌿॒𑌰𑍇𑌰𑌿॑𑌵 । 𑌊॒𑌰𑍍𑌧𑍍𑌵𑌪॑𑌵𑌿𑌤𑍍𑌰𑍋 𑌵𑌾॒𑌜𑌿𑌨𑍀॑𑌵 𑌸𑍍𑌵॒𑌮𑍃𑌤॑𑌮𑌸𑍍𑌮𑌿 । 𑌦𑍍𑌰𑌵𑌿॑𑌣॒𑌗𑍍-𑌮𑍍॒ 𑌸𑌵॑𑌰𑍍𑌚𑌸𑌮𑍍 । 𑌸𑍁𑌮𑍇𑌧𑌾 𑌅॑𑌮𑍃𑌤𑍋॒𑌕𑍍𑌷𑌿𑌤𑌃 । 𑌇𑌤𑌿 𑌤𑍍𑌰𑌿𑌶𑌂𑌕𑍋𑌰𑍍𑌵𑍇𑌦𑌾॑𑌨𑍁𑌵॒𑌚𑌨𑌮𑍍 ॥1𑍮॥

𑌵𑍇𑌦𑌮𑌨𑍂𑌚𑍍𑌯𑌾𑌚𑌾𑌰𑍍𑌯𑍋𑌽𑌂𑌤𑍇𑌵𑌾𑌸𑌿𑌨-𑌮॑𑌨𑍁𑌶𑌾॒𑌸𑍍𑌤𑌿 । 𑌸𑌤𑍍𑌯𑌂॒ 𑌵𑌦 । 𑌧𑌰𑍍𑌮𑌂॒ 𑌚𑌰 । 𑌸𑍍𑌵𑌾𑌧𑍍𑌯𑌾𑌯𑌾᳚𑌨𑍍𑌮𑌾 𑌪𑍍𑌰॒𑌮𑌦𑌃 । 𑌆𑌚𑌾𑌰𑍍𑌯𑌾𑌯 𑌪𑍍𑌰𑌿𑌯𑌂 𑌧𑌨𑌮𑌾𑌹𑍃𑌤𑍍𑌯 𑌪𑍍𑌰𑌜𑌾𑌤𑌂𑌤𑍁𑌂 𑌮𑌾 𑌵𑍍𑌯॑𑌵𑌚𑍍𑌛𑍇॒𑌥𑍍𑌸𑍀𑌃 । 𑌸𑌤𑍍𑌯𑌾𑌨𑍍𑌨 𑌪𑍍𑌰𑌮॑𑌦𑌿𑌤॒𑌵𑍍𑌯𑌮𑍍 । 𑌧𑌰𑍍𑌮𑌾𑌨𑍍𑌨 𑌪𑍍𑌰𑌮॑𑌦𑌿𑌤॒𑌵𑍍𑌯𑌮𑍍 । 𑌕𑍁𑌶𑌲𑌾𑌨𑍍𑌨 𑌪𑍍𑌰𑌮॑𑌦𑌿𑌤॒𑌵𑍍𑌯𑌮𑍍 । 𑌭𑍂𑌤𑍍𑌯𑍈 𑌨 𑌪𑍍𑌰𑌮॑𑌦𑌿𑌤॒𑌵𑍍𑌯𑌮𑍍 । 𑌸𑍍𑌵𑌾𑌧𑍍𑌯𑌾𑌯𑌪𑍍𑌰𑌵𑌚𑌨𑌾𑌭𑍍𑌯𑌾𑌂 𑌨 𑌪𑍍𑌰𑌮॑𑌦𑌿𑌤॒𑌵𑍍𑌯𑌮𑍍 ॥1𑍯॥ 𑌦𑍇𑌵𑌪𑌿𑌤𑍃𑌕𑌾𑌰𑍍𑌯𑌾𑌭𑍍𑌯𑌾𑌂 𑌨 𑌪𑍍𑌰𑌮॑𑌦𑌿𑌤॒𑌵𑍍𑌯𑌮𑍍 । 𑌮𑌾𑌤𑍃॑𑌦𑍇𑌵𑍋॒ 𑌭𑌵 । 𑌪𑌿𑌤𑍃॑𑌦𑍇𑌵𑍋॒ 𑌭𑌵 । 𑌆𑌚𑌾𑌰𑍍𑌯॑𑌦𑍇𑌵𑍋॒ 𑌭𑌵 । 𑌅𑌤𑌿𑌥𑌿॑𑌦𑍇𑌵𑍋॒ 𑌭𑌵 । 𑌯𑌾𑌨𑍍𑌯𑌨𑌵𑌦𑍍𑌯𑌾𑌨𑌿॑ 𑌕𑌰𑍍𑌮𑌾॒𑌣𑌿 । 𑌤𑌾𑌨𑌿 𑌸𑍇𑌵𑌿॑𑌤𑌵𑍍𑌯𑌾॒𑌨𑌿 । 𑌨𑍋 𑌇॑𑌤𑌰𑌾॒𑌣𑌿 । 𑌯𑌾𑌨𑍍𑌯𑌸𑍍𑌮𑌾𑌕𑌗𑍍-𑌮𑍍 𑌸𑍁𑌚॑𑌰𑌿𑌤𑌾॒𑌨𑌿 । 𑌤𑌾𑌨𑌿 𑌤𑍍𑌵𑌯𑍋॑𑌪𑌾𑌸𑍍𑌯𑌾॒𑌨𑌿 ॥20॥ 𑌨𑍋 𑌇॑𑌤𑌰𑌾॒𑌣𑌿 । 𑌯𑍇 𑌕𑍇 𑌚𑌾𑌸𑍍𑌮𑌚𑍍𑌛𑍍𑌰𑍇𑌯𑌾𑌗𑍍-𑌮𑍍॑𑌸𑍋 𑌬𑍍𑌰𑌾॒𑌹𑍍𑌮𑌣𑌾𑌃 । 𑌤𑍇𑌷𑌾𑌂 𑌤𑍍𑌵𑌯𑌾𑌽𑌽𑌸𑌨𑍇 𑌨 𑌪𑍍𑌰𑌶𑍍𑌵॑𑌸𑌿𑌤॒𑌵𑍍𑌯𑌮𑍍 । 𑌶𑍍𑌰𑌦𑍍𑌧॑𑌯𑌾 𑌦𑍇॒𑌯𑌮𑍍 । 𑌅𑌶𑍍𑌰𑌦𑍍𑌧॑𑌯𑌾𑌽𑌦𑍇॒𑌯𑌮𑍍 । 𑌶𑍍𑌰𑌿॑𑌯𑌾 𑌦𑍇॒𑌯𑌮𑍍 । 𑌹𑍍𑌰𑌿॑𑌯𑌾 𑌦𑍇॒𑌯𑌮𑍍 । 𑌭𑌿॑𑌯𑌾 𑌦𑍇॒𑌯𑌮𑍍 । 𑌸𑌂𑌵𑌿॑𑌦𑌾 𑌦𑍇॒𑌯𑌮𑍍 । 𑌅𑌥 𑌯𑌦𑌿 𑌤𑍇 𑌕𑌰𑍍𑌮𑌵𑌿𑌚𑌿𑌕𑌿𑌥𑍍𑌸𑌾 𑌵𑌾 𑌵𑍃𑌤𑍍𑌤𑌵𑌿𑌚𑌿𑌕𑌿॑𑌥𑍍𑌸𑌾 𑌵𑌾॒ 𑌸𑍍𑌯𑌾𑌤𑍍 ॥21॥ 𑌯𑍇 𑌤𑌤𑍍𑌰 𑌬𑍍𑌰𑌾𑌹𑍍𑌮𑌣𑌾᳚𑌸𑍍𑌸𑌂𑌮॒𑌰𑍍-𑌶𑌿𑌨𑌃 । 𑌯𑍁𑌕𑍍𑌤𑌾॑ 𑌆𑌯𑍁॒𑌕𑍍𑌤𑌾𑌃 । 𑌅𑌲𑍂𑌕𑍍𑌷𑌾॑ 𑌧𑌰𑍍𑌮॑𑌕𑌾𑌮𑌾॒𑌸𑍍𑌸𑍍𑌯𑍁𑌃 । 𑌯𑌥𑌾 𑌤𑍇॑ 𑌤𑌤𑍍𑌰॑ 𑌵𑌰𑍍𑌤𑍇॒𑌰𑌨𑍍𑌨𑍍 । 𑌤𑌥𑌾 𑌤𑌤𑍍𑌰॑ 𑌵𑌰𑍍𑌤𑍇॒𑌥𑌾𑌃 । 𑌅𑌥𑌾𑌭𑍍𑌯𑌾᳚𑌖𑍍𑌯𑌾𑌤𑍇॒𑌷𑍁 । 𑌯𑍇 𑌤𑌤𑍍𑌰 𑌬𑍍𑌰𑌾𑌹𑍍𑌮𑌣𑌾᳚𑌸𑍍𑌸𑌂𑌮॒𑌰𑍍-𑌶𑌿𑌨𑌃 । 𑌯𑍁𑌕𑍍𑌤𑌾॑ 𑌆𑌯𑍁॒𑌕𑍍𑌤𑌾𑌃 । 𑌅𑌲𑍂𑌕𑍍𑌷𑌾॑ 𑌧𑌰𑍍𑌮॑𑌕𑌾𑌮𑌾॒𑌸𑍍𑌸𑍍𑌯𑍁𑌃 । 𑌯𑌥𑌾 𑌤𑍇॑ 𑌤𑍇𑌷𑍁॑ 𑌵𑌰𑍍𑌤𑍇॒𑌰𑌨𑍍 । 𑌤𑌥𑌾 𑌤𑍇𑌷𑍁॑ 𑌵𑌰𑍍𑌤𑍇॒𑌥𑌾𑌃 । 𑌏𑌷॑ 𑌆𑌦𑍇॒𑌶𑌃 । 𑌏𑌷 𑌉॑𑌪𑌦𑍇॒𑌶𑌃 । 𑌏𑌷𑌾 𑌵𑍇॑𑌦𑍋𑌪॒𑌨𑌿𑌷𑌤𑍍 । 𑌏𑌤𑌦॑𑌨𑍁𑌶𑌾॒𑌸𑌨𑌮𑍍 । 𑌏𑌵𑌮𑍁𑌪𑌾॑𑌸𑌿𑌤॒𑌵𑍍𑌯𑌮𑍍 । 𑌏𑌵𑌮𑍁𑌚𑍈𑌤॑𑌦𑍁𑌪𑌾॒𑌸𑍍𑌯𑌮𑍍 ॥22॥

𑌶𑌂 𑌨𑍋॑ 𑌮𑌿॒𑌤𑍍𑌰𑌶𑍍𑌶𑌂 𑌵𑌰𑍁॑𑌣𑌃 । 𑌶𑌂 𑌨𑍋॑ 𑌭𑌵𑌤𑍍𑌵𑌰𑍍𑌯॒𑌮𑌾 । 𑌶𑌂 𑌨॒ 𑌇𑌂𑌦𑍍𑌰𑍋॒ 𑌬𑍃𑌹॒𑌸𑍍𑌪𑌤𑌿𑌃॑ । 𑌶𑌂 𑌨𑍋॒ 𑌵𑌿𑌷𑍍𑌣𑍁॑𑌰𑍁𑌰𑍁𑌕𑍍𑌰॒𑌮𑌃 । 𑌨𑌮𑍋॒ 𑌬𑍍𑌰𑌹𑍍𑌮॑𑌣𑍇 । 𑌨𑌮॑𑌸𑍍𑌤𑍇 𑌵𑌾𑌯𑍋 । 𑌤𑍍𑌵𑌮𑍇॒𑌵 𑌪𑍍𑌰॒𑌤𑍍𑌯𑌕𑍍𑌷𑌂॒ 𑌬𑍍𑌰𑌹𑍍𑌮𑌾॑𑌸𑌿 । 𑌤𑍍𑌵𑌾𑌮𑍇॒𑌵 𑌪𑍍𑌰॒𑌤𑍍𑌯𑌕𑍍𑌷𑌂॒ 𑌬𑍍𑌰𑌹𑍍𑌮𑌾𑌵𑌾॑𑌦𑌿𑌷𑌮𑍍 । 𑌋॒𑌤𑌮॑𑌵𑌾𑌦𑌿𑌷𑌮𑍍 । 𑌸॒𑌤𑍍𑌯𑌮॑𑌵𑌾𑌦𑌿𑌷𑌮𑍍 । 𑌤𑌨𑍍𑌮𑌾𑌮𑌾॑𑌵𑍀𑌤𑍍 । 𑌤𑌦𑍍𑌵॒𑌕𑍍𑌤𑌾𑌰॑𑌮𑌾𑌵𑍀𑌤𑍍 । 𑌆𑌵𑍀॒𑌨𑍍𑌮𑌾𑌮𑍍 । 𑌆𑌵𑍀᳚𑌦𑍍𑌵॒𑌕𑍍𑌤𑌾𑌰𑌮𑍍᳚ । 𑌓𑌂 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॑ ॥

॥ 𑌹𑌰𑌿𑌃॑ 𑌓𑌮𑍍 ॥
॥ 𑌶𑍍𑌰𑍀 𑌕𑍃𑌷𑍍𑌣𑌾𑌰𑍍𑌪𑌣𑌮𑌸𑍍𑌤𑍁 ॥