𑌹𑌰𑌿𑌃 𑌓𑌮𑍍 ॥ 𑌸॒𑌹 𑌨𑌾॑ 𑌵𑌵𑌤𑍁 । 𑌸॒𑌹 𑌨𑍌॑ 𑌭𑍁𑌨𑌕𑍍𑌤𑍁 । 𑌸॒𑌹 𑌵𑍀॒𑌰𑍍𑌯𑌂॑ 𑌕𑌰𑌵𑌾𑌵𑌹𑍈 । 𑌤𑍇॒𑌜॒𑌸𑍍𑌵𑌿 𑌨𑌾॒𑌵𑌧𑍀॑𑌤𑌮𑌸𑍍𑌤𑍁॒ 𑌮𑌾 𑌵𑌿॑𑌦𑍍𑌵𑌿𑌷𑌾॒𑌵𑌹𑍈᳚ । 𑌓𑌂 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॑ ॥

𑌬𑍍𑌰॒𑌹𑍍𑌮॒𑌵𑌿𑌦𑌾᳚𑌪𑍍𑌨𑍋𑌤𑌿॒ 𑌪𑌰𑌮𑍍᳚ ॥ 𑌤𑌦𑍇॒𑌷𑌾𑌽𑌭𑍍𑌯𑍁॑𑌕𑍍𑌤𑌾 । 𑌸॒𑌤𑍍𑌯𑌂 𑌜𑍍𑌞𑌾॒𑌨𑌮॑𑌨𑌂॒𑌤𑌂 𑌬𑍍𑌰𑌹𑍍𑌮॑ । 𑌯𑍋 𑌵𑍇𑌦॒ 𑌨𑌿𑌹𑌿॑𑌤𑌂॒ 𑌗𑍁𑌹𑌾॑𑌯𑌾𑌂 𑌪𑌰॒𑌮𑍇 𑌵𑍍𑌯𑍋॑𑌮𑌨𑍍𑌨𑍍 । 𑌸𑍋᳚𑌽𑌶𑍍𑌨𑍁॒𑌤𑍇॒ 𑌸𑌰𑍍𑌵𑌾॒𑌨𑍍𑌕𑌾𑌮𑌾𑌂᳚𑌥𑍍𑌸॒𑌹 । 𑌬𑍍𑌰𑌹𑍍𑌮॑𑌣𑌾 𑌵𑌿𑌪॒𑌶𑍍𑌚𑌿𑌤𑍇𑌤𑌿॑ ॥ 𑌤𑌸𑍍𑌮𑌾॒𑌦𑍍𑌵𑌾 𑌏॒𑌤𑌸𑍍𑌮𑌾॑𑌦𑌾॒𑌤𑍍𑌮𑌨॑ 𑌆𑌕𑌾॒𑌶𑌸𑍍𑌸𑌂𑌭𑍂॑𑌤𑌃 । 𑌆॒𑌕𑌾॒𑌶𑌾𑌦𑍍𑌵𑌾॒𑌯𑍁𑌃 । 𑌵𑌾॒𑌯𑍋𑌰॒𑌗𑍍𑌨𑌿𑌃 । 𑌅॒𑌗𑍍𑌨𑍇𑌰𑌾𑌪𑌃॑ । 𑌅॒𑌦𑍍𑌭𑍍𑌯𑌃 𑌪𑍃॑𑌥𑌿॒𑌵𑍀 । 𑌪𑍃॒𑌥𑌿॒𑌵𑍍𑌯𑌾 𑌓𑌷॑𑌧𑌯𑌃 । 𑌓𑌷॑𑌧𑍀॒𑌭𑍍𑌯𑍋𑌨𑍍𑌨𑌮𑍍᳚ । 𑌅𑌨𑍍𑌨𑌾॒𑌤𑍍𑌪𑍁𑌰𑍁॑𑌷𑌃 । 𑌸 𑌵𑌾 𑌏𑌷 𑌪𑍁𑌰𑍁𑌷𑍋𑌽𑌨𑍍𑌨॑𑌰𑌸॒𑌮𑌯𑌃 । 𑌤𑌸𑍍𑌯𑍇𑌦॑𑌮𑍇𑌵॒ 𑌶𑌿𑌰𑌃 । 𑌅𑌯𑌂 𑌦𑌕𑍍𑌷𑌿॑𑌣𑌃 𑌪॒𑌕𑍍𑌷𑌃 । 𑌅𑌯𑌮𑍁𑌤𑍍𑌤॑𑌰𑌃 𑌪॒𑌕𑍍𑌷𑌃 । 𑌅𑌯𑌮𑌾𑌤𑍍𑌮𑌾᳚ । 𑌇𑌦𑌂 𑌪𑍁𑌚𑍍𑌛𑌮𑍍॑ 𑌪𑍍𑌰𑌤𑌿॒𑌷𑍍𑌠𑌾 । 𑌤𑌦𑌪𑍍𑌯𑍇𑌷 𑌶𑍍𑌲𑍋॑𑌕𑍋 𑌭॒𑌵𑌤𑌿 ॥ 1 ॥

𑌅𑌨𑍍𑌨𑌾॒𑌦𑍍𑌵𑍈 𑌪𑍍𑌰॒𑌜𑌾𑌃 𑌪𑍍𑌰॒𑌜𑌾𑌯𑌂॑𑌤𑍇 । 𑌯𑌾𑌃 𑌕𑌾𑌶𑍍𑌚॑ 𑌪𑍃𑌥𑌿॒𑌵𑍀𑌗𑍍 𑌶𑍍𑌰𑌿॒𑌤𑌾𑌃 । 𑌅𑌥𑍋॒ 𑌅𑌨𑍍𑌨𑍇॑𑌨𑍈॒𑌵 𑌜𑍀॑𑌵𑌂𑌤𑌿। 𑌅𑌥𑍈॑𑌨॒𑌦𑌪𑌿॑ 𑌯𑌂𑌤𑍍𑌯𑌂𑌤॒𑌤𑌃 । 𑌅𑌨𑍍𑌨॒𑌗𑍍-𑌮𑍍॒ 𑌹𑌿 𑌭𑍁॒𑌤𑌾𑌨𑌾𑌂॒ 𑌜𑍍𑌯𑍇𑌷𑍍𑌠𑌮𑍍᳚ । 𑌤𑌸𑍍𑌮𑌾᳚𑌥𑍍𑌸𑌰𑍍𑌵𑍌𑌷॒𑌧𑌮𑍁॑𑌚𑍍𑌯𑌤𑍇 । 𑌸𑌰𑍍𑌵𑌂॒ 𑌵𑍈 𑌤𑍇𑌽𑌨𑍍𑌨॑𑌮𑌾𑌪𑍍𑌨𑍁𑌵𑌂𑌤𑌿 । 𑌯𑍇𑌽𑌨𑍍𑌨𑌂॒ 𑌬𑍍𑌰𑌹𑍍𑌮𑍋॒𑌪𑌾𑌸॑𑌤𑍇 । 𑌅𑌨𑍍𑌨॒𑌗𑍍-𑌮𑍍॒ 𑌹𑌿 𑌭𑍁॒𑌤𑌾𑌨𑌾𑌂॒ 𑌜𑍍𑌯𑍇𑌷𑍍𑌠𑌮𑍍᳚ । 𑌤𑌸𑍍𑌮𑌾᳚𑌥𑍍𑌸𑌰𑍍𑌵𑍌𑌷॒𑌧𑌮𑍁॑𑌚𑍍𑌯𑌤𑍇 । 𑌅𑌨𑍍𑌨𑌾᳚𑌦𑍍𑌭𑍂॒𑌤𑌾𑌨𑌿॒ 𑌜𑌾𑌯𑌂॑𑌤𑍇 । 𑌜𑌾𑌤𑌾॒𑌨𑍍𑌯𑌨𑍍𑌨𑍇𑌨॑ 𑌵𑌰𑍍𑌧𑌂𑌤𑍇 । 𑌅𑌦𑍍𑌯𑌤𑍇𑌽𑌤𑍍𑌤𑌿 𑌚॑ 𑌭𑍂𑌤𑌾॒𑌨𑌿 । 𑌤𑌸𑍍𑌮𑌾𑌦𑌨𑍍𑌨𑌂 𑌤𑌦𑍁𑌚𑍍𑌯॑𑌤 𑌇॒𑌤𑌿 । 𑌤𑌸𑍍𑌮𑌾𑌦𑍍𑌵𑌾 𑌏𑌤𑌸𑍍𑌮𑌾𑌦𑌨𑍍𑌨॑𑌰𑌸॒𑌮𑌯𑌾𑌤𑍍 । 𑌅𑌨𑍍𑌯𑍋𑌂𑌤𑌰 𑌆𑌤𑍍𑌮𑌾᳚ 𑌪𑍍𑌰𑌾𑌣॒𑌮𑌯𑌃 । 𑌤𑍇𑌨𑍈॑𑌷 𑌪𑍂॒𑌰𑍍𑌣𑌃 । 𑌸 𑌵𑌾 𑌏𑌷 𑌪𑍁𑌰𑍁𑌷𑌵𑌿॑𑌧 𑌏॒𑌵 । 𑌤𑌸𑍍𑌯 𑌪𑍁𑌰𑍁॑𑌷𑌵𑌿॒𑌧𑌤𑌾𑌮𑍍 । 𑌅𑌨𑍍𑌵𑌯𑌂॑ 𑌪𑍁𑌰𑍁𑌷॒𑌵𑌿𑌧𑌃 । 𑌤𑌸𑍍𑌯 𑌪𑍍𑌰𑌾𑌣॑ 𑌏𑌵॒ 𑌶𑌿𑌰𑌃 । 𑌵𑍍𑌯𑌾𑌨𑍋 𑌦𑌕𑍍𑌷𑌿॑𑌣𑌃 𑌪॒𑌕𑍍𑌷𑌃 । 𑌅𑌪𑌾𑌨 𑌉𑌤𑍍𑌤॑𑌰𑌃 𑌪॒𑌕𑍍𑌷𑌃 । 𑌆𑌕𑌾॑𑌶 𑌆॒𑌤𑍍𑌮𑌾 । 𑌪𑍃𑌥𑌿𑌵𑍀 𑌪𑍁𑌚𑍍𑌛𑌂॑ 𑌪𑍍𑌰𑌤𑌿॒𑌷𑍍𑌠𑌾 । 𑌤𑌦𑌪𑍍𑌯𑍇𑌷 𑌶𑍍𑌲𑍋॑𑌕𑍋 𑌭॒𑌵𑌤𑌿 ॥ 2 ॥

𑌪𑍍𑌰𑌾॒𑌣𑌂 𑌦𑍇॒𑌵𑌾 𑌅𑌨𑍁॒𑌪𑍍𑌰𑌾𑌣𑌂॑𑌤𑌿 । 𑌮॒𑌨𑍁॒𑌷𑍍𑌯𑌾𑌃᳚ 𑌪॒𑌶𑌵॑𑌶𑍍𑌚॒ 𑌯𑍇 । 𑌪𑍍𑌰𑌾॒𑌣𑍋 𑌹𑌿 𑌭𑍂॒𑌤𑌨𑌾॒𑌮𑌾𑌯𑍁𑌃॑ । 𑌤𑌸𑍍𑌮𑌾᳚𑌥𑍍𑌸𑌰𑍍𑌵𑌾𑌯𑍁॒𑌷𑌮𑍁॑𑌚𑍍𑌯𑌤𑍇 । 𑌸𑌰𑍍𑌵॑𑌮𑍇॒𑌵 𑌤॒ 𑌆𑌯𑍁॑𑌰𑍍𑌯𑌂𑌤𑌿 । 𑌯𑍇 𑌪𑍍𑌰𑌾॒𑌣𑌂 𑌬𑍍𑌰𑌹𑍍𑌮𑍋॒𑌪𑌾𑌸॑𑌤𑍇 । 𑌪𑍍𑌰𑌾𑌣𑍋 𑌹𑌿 𑌭𑍂𑌤𑌾॑𑌨𑌾𑌮𑌾॒𑌯𑍁𑌃 । 𑌤𑌸𑍍𑌮𑌾𑌥𑍍𑌸𑌰𑍍𑌵𑌾𑌯𑍁𑌷𑌮𑍁𑌚𑍍𑌯॑𑌤 𑌇॒𑌤𑌿 । 𑌤𑌸𑍍𑌯𑍈𑌷 𑌏𑌵 𑌶𑌾𑌰𑍀॑𑌰 𑌆॒𑌤𑍍𑌮𑌾 । 𑌯𑌃॑ 𑌪𑍂𑌰𑍍𑌵॒𑌸𑍍𑌯 । 𑌤𑌸𑍍𑌮𑌾𑌦𑍍𑌵𑌾 𑌏𑌤𑌸𑍍𑌮𑌾᳚𑌤𑍍-𑌪𑍍𑌰𑌾𑌣॒𑌮𑌯𑌾𑌤𑍍 । 𑌅𑌨𑍍𑌯𑍋𑌽𑌂𑌤𑌰 𑌆𑌤𑍍𑌮𑌾॑ 𑌮𑌨𑍋॒𑌮𑌯𑌃 । 𑌤𑍇𑌨𑍈॑𑌷 𑌪𑍂॒𑌰𑍍𑌣𑌃 । 𑌸 𑌵𑌾 𑌏𑌷 𑌪𑍁𑌰𑍁𑌷𑌵𑌿॑𑌧 𑌏॒𑌵। 𑌤𑌸𑍍𑌯 𑌪𑍁𑌰𑍁॑𑌷𑌵𑌿॒𑌧𑌤𑌾𑌮𑍍 । 𑌅𑌨𑍍𑌵𑌯𑌂॑ 𑌪𑍁𑌰𑍁𑌷॒𑌵𑌿𑌧𑌃 । 𑌤𑌸𑍍𑌯 𑌯𑌜𑍁॑𑌰𑍇𑌵॒ 𑌶𑌿𑌰𑌃 । 𑌋𑌗𑍍-𑌦𑌕𑍍𑌷𑌿॑𑌣𑌃 𑌪॒𑌕𑍍𑌷𑌃 । 𑌸𑌾𑌮𑍋𑌤𑍍𑌤॑𑌰𑌃 𑌪॒𑌕𑍍𑌷𑌃 । 𑌆𑌦𑍇॑𑌶 𑌆॒𑌤𑍍𑌮𑌾 । 𑌅𑌥𑌰𑍍𑌵𑌾𑌂𑌗𑌿𑌰𑌸𑌃 𑌪𑍁𑌚𑍍𑌛𑌂॑ 𑌪𑍍𑌰𑌤𑌿॒𑌷𑍍𑌠𑌾 । 𑌤𑌦𑌪𑍍𑌯𑍇𑌷 𑌶𑍍𑌲𑍋॑𑌕𑍋 𑌭॒𑌵𑌤𑌿 ॥ 3 ॥

𑌯𑌤𑍋॒ 𑌵𑌾𑌚𑍋॒ 𑌨𑌿𑌵॑𑌰𑍍𑌤𑌂𑌤𑍇 । 𑌅𑌪𑍍𑌰𑌾᳚𑌪𑍍𑌯॒ 𑌮𑌨॑𑌸𑌾 𑌸॒𑌹 । 𑌆𑌨𑌂𑌦𑌂 𑌬𑍍𑌰𑌹𑍍𑌮॑𑌣𑍋 𑌵𑌿॒𑌦𑍍𑌵𑌾𑌨𑍍 । 𑌨 𑌬𑌿𑌭𑍇𑌤𑌿 𑌕𑌦𑌾॑𑌚𑌨𑍇॒𑌤𑌿 । 𑌤𑌸𑍍𑌯𑍈𑌷 𑌏𑌵 𑌶𑌾𑌰𑍀॑𑌰 𑌆॒𑌤𑍍𑌮𑌾 । 𑌯𑌃॑ 𑌪𑍂𑌰𑍍𑌵॒𑌸𑍍𑌯 । 𑌤𑌸𑍍𑌮𑌾𑌦𑍍𑌵𑌾 𑌏𑌤𑌸𑍍𑌮𑌾᳚𑌨𑍍-𑌮𑌨𑍋॒𑌮𑌯𑌾𑌤𑍍 । 𑌅𑌨𑍍𑌯𑍋𑌽𑌂𑌤𑌰 𑌆𑌤𑍍𑌮𑌾 𑌵𑌿॑𑌜𑍍𑌞𑌾𑌨॒𑌮𑌯𑌃 । 𑌤𑍇𑌨𑍈॑𑌷 𑌪𑍂॒𑌰𑍍𑌣𑌃 । 𑌸 𑌵𑌾 𑌏𑌷 𑌪𑍁𑌰𑍁𑌷𑌵𑌿॑𑌧 𑌏॒𑌵 । 𑌤𑌸𑍍𑌯 𑌪𑍁𑌰𑍁॑𑌷𑌵𑌿॒𑌧𑌤𑌾𑌮𑍍 । 𑌅𑌨𑍍𑌵𑌯𑌂॑ 𑌪𑍁𑌰𑍁𑌷॒𑌵𑌿𑌧𑌃 । 𑌤𑌸𑍍𑌯 𑌶𑍍𑌰॑𑌦𑍍𑌧𑍈𑌵॒ 𑌶𑌿𑌰𑌃 । 𑌋𑌤𑌂 𑌦𑌕𑍍𑌷𑌿॑𑌣𑌃 𑌪॒𑌕𑍍𑌷𑌃 । 𑌸𑌤𑍍𑌯𑌮𑍁𑌤𑍍𑌤॑𑌰𑌃 𑌪॒𑌕𑍍𑌷𑌃 । 𑌯𑍋॑𑌗 𑌆॒𑌤𑍍𑌮𑌾 । 𑌮𑌹𑌃 𑌪𑍁𑌚𑍍𑌛𑌂॑ 𑌪𑍍𑌰𑌤𑌿॒𑌷𑍍𑌠𑌾 । 𑌤𑌦𑌪𑍍𑌯𑍇𑌷 𑌶𑍍𑌲𑍋॑𑌕𑍋 𑌭॒𑌵𑌤𑌿 ॥ 4 ॥

𑌵𑌿॒𑌜𑍍𑌞𑌾𑌨𑌂॑ 𑌯॒𑌜𑍍𑌞𑌂 𑌤॑𑌨𑍁𑌤𑍇 । 𑌕𑌰𑍍𑌮𑌾॑𑌣𑍀 𑌤𑌨𑍁॒𑌤𑍇𑌽𑌪𑌿॑ 𑌚 । 𑌵𑌿॒𑌜𑍍𑌞𑌾𑌨𑌂॑ 𑌦𑍇॒𑌵𑌾𑌸𑍍𑌸𑌰𑍍𑌵𑍇᳚ । 𑌬𑍍𑌰𑌹𑍍𑌮॒ 𑌜𑍍𑌯𑍇𑌷𑍍𑌠॒𑌮𑍁𑌪𑌾॑𑌸𑌤𑍇 । 𑌵𑌿॒𑌜𑍍𑌞𑌾𑌨𑌂॒ 𑌬𑍍𑌰𑌹𑍍𑌮॒ 𑌚𑍇𑌦𑍍𑌵𑍇𑌦॑ । 𑌤𑌸𑍍𑌮𑌾॒𑌚𑍍𑌚𑍇𑌨𑍍𑌨 𑌪𑍍𑌰॒𑌮𑌾𑌦𑍍𑌯॑𑌤𑌿 । 𑌶𑌰𑍀𑌰𑍇॑ 𑌪𑌾𑌪𑍍𑌮॑𑌨𑍋 𑌹𑌿॒𑌤𑍍𑌵𑌾 । 𑌸𑌰𑍍𑌵𑌾𑌨𑍍 𑌕𑌾𑌮𑌾𑌂𑌥𑍍𑌸𑌮𑌶𑍍𑌨𑍁॑𑌤 𑌇॒𑌤𑌿 । 𑌤𑌸𑍍𑌯𑍈𑌷 𑌏𑌵 𑌶𑌾𑌰𑍀॑𑌰 𑌆॒𑌤𑍍𑌮𑌾 । 𑌯𑌃॑ 𑌪𑍂𑌰𑍍𑌵॒𑌸𑍍𑌯 । 𑌤𑌸𑍍𑌮𑌾𑌦𑍍𑌵𑌾 𑌏𑌤𑌸𑍍𑌮𑌾𑌦𑍍𑌵𑌿॑𑌜𑍍𑌞𑌾𑌨॒𑌮𑌯𑌾𑌤𑍍 । 𑌅𑌨𑍍𑌯𑍋𑌽𑌂𑌤𑌰 𑌆𑌤𑍍𑌮𑌾॑𑌽𑌽𑌨𑌂𑌦॒𑌮𑌯𑌃 । 𑌤𑍇𑌨𑍈॑𑌷 𑌪𑍂॒𑌰𑍍𑌣𑌃 । 𑌸 𑌵𑌾 𑌏𑌷 𑌪𑍁𑌰𑍁𑌷𑌵𑌿॑𑌧 𑌏॒𑌵 । 𑌤𑌸𑍍𑌯 𑌪𑍁𑌰𑍁॑𑌷𑌵𑌿॒𑌧𑌤𑌾𑌮𑍍 । 𑌅𑌨𑍍𑌵𑌯𑌂॑ 𑌪𑍁𑌰𑍁𑌷॒𑌵𑌿𑌧𑌃 । 𑌤𑌸𑍍𑌯 𑌪𑍍𑌰𑌿𑌯॑𑌮𑍇𑌵॒ 𑌶𑌿𑌰𑌃 । 𑌮𑍋𑌦𑍋 𑌦𑌕𑍍𑌷𑌿॑𑌣𑌃 𑌪॒𑌕𑍍𑌷𑌃 । 𑌪𑍍𑌰𑌮𑍋𑌦 𑌉𑌤𑍍𑌤॑𑌰𑌃 𑌪॒𑌕𑍍𑌷𑌃 । 𑌆𑌨𑌂॑𑌦 𑌆॒𑌤𑍍𑌮𑌾 । 𑌬𑍍𑌰𑌹𑍍𑌮 𑌪𑍁𑌚𑍍𑌛𑌂॑ 𑌪𑍍𑌰𑌤𑌿॒𑌷𑍍𑌠𑌾 । 𑌤𑌦𑌪𑍍𑌯𑍇𑌷 𑌶𑍍𑌲𑍋॑𑌕𑍋 𑌭॒𑌵𑌤𑌿 ॥ 5 ॥

𑌅𑌸॑𑌨𑍍𑌨𑍇॒𑌵 𑌸॑ 𑌭𑌵𑌤𑌿 । 𑌅𑌸॒𑌦𑍍𑌬𑍍𑌰𑌹𑍍𑌮𑍇𑌤𑌿॒ 𑌵𑍇𑌦॒ 𑌚𑍇𑌤𑍍 । 𑌅𑌸𑍍𑌤𑌿 𑌬𑍍𑌰𑌹𑍍𑌮𑍇𑌤𑌿॑ 𑌚𑍇𑌦𑍍𑌵𑍇॒𑌦 । 𑌸𑌂𑌤𑌮𑍇𑌨𑌂 𑌤𑌤𑍋 𑌵𑌿॑𑌦𑍁𑌰𑌿॒𑌤𑌿 । 𑌤𑌸𑍍𑌯𑍈𑌷 𑌏𑌵 𑌶𑌾𑌰𑍀॑𑌰 𑌆॒𑌤𑍍𑌮𑌾 । 𑌯𑌃॑ 𑌪𑍂𑌰𑍍𑌵॒𑌸𑍍𑌯 । 𑌅𑌥𑌾𑌤𑍋॑𑌽𑌨𑍁𑌪𑍍𑌰॒𑌶𑍍𑌨𑌾𑌃 । 𑌉॒𑌤𑌾𑌵𑌿॒𑌦𑍍𑌵𑌾𑌨॒𑌮𑍁𑌂 𑌲𑍋॒𑌕𑌂 𑌪𑍍𑌰𑍇𑌤𑍍𑌯॑ । 𑌕𑌶𑍍𑌚॒𑌨 𑌗॑𑌚𑍍𑌚॒𑌤𑍀(3) । 𑌆𑌹𑍋॑ 𑌵𑌿॒𑌦𑍍𑌵𑌾𑌨॒𑌮𑍁𑌂 𑌲𑍋॒𑌕𑌂 𑌪𑍍𑌰𑍇𑌤𑍍𑌯॑ । 𑌕𑌸𑍍𑌚𑌿॒𑌥𑍍𑌸𑌮॑𑌶𑍍𑌨𑍁॒𑌤𑌾(3) 𑌉॒ । 𑌸𑍋॑𑌽𑌕𑌾𑌮𑌯𑌤 । 𑌬॒𑌹𑍁 𑌸𑍍𑌯𑌾𑌂॒ 𑌪𑍍𑌰𑌜𑌾॑𑌯𑍇॒𑌯𑍇𑌤𑌿॑ । 𑌸 𑌤𑌪𑍋॑𑌽𑌤𑌪𑍍𑌯𑌤 । 𑌸 𑌤𑌪॑𑌸𑍍𑌤॒𑌪𑍍𑌤𑍍𑌵𑌾 । 𑌇𑌦𑌗𑍍-𑌮𑍍 𑌸𑌰𑍍𑌵॑𑌮𑌸𑍃𑌜𑌤 । 𑌯𑌦𑌿॒𑌦𑌂 𑌕𑌿𑌂𑌚॑ । 𑌤𑌥𑍍𑌸𑍃॒𑌷𑍍𑌟𑍍𑌵𑌾 । 𑌤𑌦𑍇॒𑌵𑌾𑌨𑍁॒𑌪𑍍𑌰𑌾𑌵𑌿॑𑌶𑌤𑍍 । 𑌤𑌦॑𑌨𑍁𑌪𑍍𑌰॒𑌵𑌿𑌶𑍍𑌯॑ । 𑌸𑌚𑍍𑌚॒ 𑌤𑍍𑌯𑌚𑍍𑌚𑌾॑𑌭𑌵𑌤𑍍 । 𑌨𑌿॒𑌰𑍁𑌕𑍍𑌤𑌂॒ 𑌚𑌾𑌨𑌿॑𑌰𑍁𑌕𑍍𑌤𑌂 𑌚 । 𑌨𑌿॒𑌲𑌯॑𑌨𑌂॒ 𑌚𑌾𑌨𑌿॑𑌲𑌯𑌨𑌂 𑌚 । 𑌵𑌿॒𑌜𑍍𑌞𑌾𑌨𑌂॒ 𑌚𑌾𑌵𑌿॑𑌜𑍍𑌞𑌨𑌂 𑌚 । 𑌸𑌤𑍍𑌯𑌂 𑌚𑌾𑌨𑍃𑌤𑌂 𑌚 𑌸॑𑌤𑍍𑌯𑌮॒𑌭𑌵𑌤𑍍 । 𑌯𑌦𑌿॑𑌦𑌂 𑌕𑌿𑌂॒𑌚 । 𑌤𑌥𑍍𑌸𑌤𑍍𑌯𑌮𑌿॑𑌤𑍍𑌯𑌾𑌚॒𑌕𑍍𑌷𑌤𑍇 । 𑌤𑌦𑌪𑍍𑌯𑍇𑌷 𑌶𑍍𑌲𑍋॑𑌕𑍋 𑌭॒𑌵𑌤𑌿 ॥ 6 ॥

𑌅𑌸॒𑌦𑍍𑌵𑌾 𑌇॒𑌦𑌮𑌗𑍍𑌰॑ 𑌆𑌸𑍀𑌤𑍍 । 𑌤𑌤𑍋॒ 𑌵𑍈 𑌸𑌦॑𑌜𑌾𑌯𑌤 । 𑌤𑌦𑌾𑌤𑍍𑌮𑌾𑌨𑌗𑍍𑌗𑍍 𑌸𑍍𑌵𑌯॑𑌮𑌕𑍁॒𑌰𑍁𑌤 । 𑌤𑌸𑍍𑌮𑌾𑌤𑍍𑌤𑌥𑍍𑌸𑍁𑌕𑍃𑌤𑌮𑍁𑌚𑍍𑌯॑𑌤 𑌇॒𑌤𑌿 । 𑌯𑌦𑍍𑌵𑍈॑ 𑌤𑌥𑍍𑌸𑍁॒𑌕𑍃𑌤𑌮𑍍 । 𑌰॑𑌸𑍋 𑌵𑍈॒ 𑌸𑌃 । 𑌰𑌸𑌗𑍍𑌗𑍍 𑌹𑍍𑌯𑍇𑌵𑌾𑌯𑌂 𑌲𑌬𑍍𑌧𑍍𑌵𑌾𑌽𑌽𑌨𑌂॑𑌦𑍀 𑌭॒𑌵𑌤𑌿 । 𑌕𑍋 𑌹𑍍𑌯𑍇𑌵𑌾𑌨𑍍𑌯𑌾᳚𑌤𑍍𑌕𑌃 𑌪𑍍𑌰𑌾॒𑌣𑍍𑌯𑌾𑌤𑍍 । 𑌯𑌦𑍇𑌷 𑌆𑌕𑌾𑌶 𑌆𑌨𑌂॑𑌦𑍋 𑌨॒ 𑌸𑍍𑌯𑌾𑌤𑍍 । 𑌏𑌷 𑌹𑍍𑌯𑍇𑌵𑌾𑌽𑌽𑌨𑌂॑𑌦𑌯𑌾॒𑌤𑌿 । 𑌯॒𑌦𑌾 𑌹𑍍𑌯𑍇॑𑌵𑍈𑌷॒ 𑌏𑌤𑌸𑍍𑌮𑌿𑌨𑍍𑌨𑌦𑍃𑌶𑍍𑌯𑍇𑌽𑌨𑌾𑌤𑍍𑌮𑍍𑌯𑍇𑌽𑌨𑌿𑌰𑍁𑌕𑍍𑌤𑍇𑌽𑌨𑌿𑌲𑌯𑌨𑍇𑌽𑌭𑌯𑌂 𑌪𑍍𑌰𑌤𑌿॑𑌷𑍍𑌠𑌾𑌂 𑌵𑌿𑌂॒𑌦𑌤𑍇 । 𑌅𑌥 𑌸𑍋𑌽𑌭𑌯𑌂 𑌗॑𑌤𑍋 𑌭॒𑌵𑌤𑌿 । 𑌯॒𑌦𑌾 𑌹𑍍𑌯𑍇॑𑌵𑍈𑌷॒ 𑌏𑌤𑌸𑍍𑌮𑌿𑌨𑍍𑌨𑍁𑌦𑌰𑌮𑌂𑌤॑𑌰𑌂 𑌕𑍁॒𑌰𑍁𑌤𑍇 । 𑌅𑌥 𑌤𑌸𑍍𑌯 𑌭॑𑌯𑌂 𑌭॒𑌵𑌤𑌿 । 𑌤𑌤𑍍𑌵𑍇𑌵 𑌭𑌯𑌂 𑌵𑌿𑌦𑍁𑌷𑍋𑌽𑌮॑𑌨𑍍𑌵𑌾𑌨॒𑌸𑍍𑌯 । 𑌤𑌦𑌪𑍍𑌯𑍇𑌷 𑌶𑍍𑌲𑍋॑𑌕𑍋 𑌭॒𑌵𑌤𑌿 ॥ 𑍭 ॥

𑌭𑍀॒𑌷𑌾𑌽𑌸𑍍𑌮𑌾॒𑌦𑍍𑌵𑌾𑌤𑌃॑ 𑌪𑌵𑌤𑍇 । 𑌭𑍀॒𑌷𑍋𑌦𑍇॑𑌤𑌿॒ 𑌸𑍂𑌰𑍍𑌯𑌃॑ । 𑌭𑍀॒𑌷𑌾𑌽𑌸𑍍𑌮𑌾𑌦𑌗𑍍𑌨𑌿॑𑌶𑍍𑌚𑍇𑌂𑌦𑍍𑌰॒𑌶𑍍𑌚 । 𑌮𑍃𑌤𑍍𑌯𑍁𑌰𑍍𑌧𑌾𑌵𑌤𑌿 𑌪𑌂𑌚॑𑌮 𑌇॒𑌤𑌿 । 𑌸𑍈𑌷𑌾𑌽𑌽𑌨𑌂𑌦𑌸𑍍𑌯 𑌮𑍀𑌮𑌾𑌗𑍍-𑌮𑍍॑𑌸𑌾 𑌭॒𑌵𑌤𑌿 । 𑌯𑍁𑌵𑌾 𑌸𑍍𑌯𑌾𑌥𑍍𑌸𑌾𑌧𑍁𑌯𑍁॑𑌵𑌾𑌽𑌧𑍍𑌯𑌾॒𑌯𑌕𑌃 । 𑌆𑌶𑌿𑌷𑍍𑌠𑍋 𑌦𑍃𑌡𑌿𑌷𑍍𑌠𑍋॑ 𑌬𑌲𑌿॒𑌷𑍍𑌠𑌃 । 𑌤𑌸𑍍𑌯𑍇𑌯𑌂 𑌪𑍃𑌥𑌿𑌵𑍀 𑌸𑌰𑍍𑌵𑌾 𑌵𑌿𑌤𑍍𑌤𑌸𑍍𑌯॑ 𑌪𑍂𑌰𑍍𑌣𑌾॒ 𑌸𑍍𑌯𑌾𑌤𑍍 । 𑌸 𑌏𑌕𑍋 𑌮𑌾𑌨𑍁𑌷॑ 𑌆𑌨𑌂॒𑌦𑌃 । 𑌤𑍇 𑌯𑍇 𑌶𑌤𑌂 𑌮𑌾𑌨𑍁𑌷𑌾॑ 𑌆𑌨𑌂॒𑌦𑌾𑌃 । 𑌸 𑌏𑌕𑍋 𑌮𑌨𑍁𑌷𑍍𑌯𑌗𑌂𑌧𑌰𑍍𑌵𑌾𑌣𑌾॑𑌮𑌾𑌨𑌂॒𑌦𑌃 । 𑌶𑍍𑌰𑍋𑌤𑍍𑌰𑌿𑌯𑌸𑍍𑌯 𑌚𑌾𑌕𑌾𑌮॑𑌹𑌤॒𑌸𑍍𑌯 । 𑌤𑍇 𑌯𑍇 𑌶𑌤𑌂 𑌦𑍇𑌵𑌗𑌂𑌧𑌰𑍍𑌵𑌾𑌣𑌾॑𑌮𑌾𑌨𑌂॒𑌦𑌾𑌃 । 𑌸 𑌏𑌕𑌃 𑌪𑌿𑌤𑍃𑌣𑌾𑌂 𑌚𑌿𑌰𑌲𑍋𑌕𑌲𑍋𑌕𑌾𑌨𑌾॑𑌮𑌾𑌨𑌂॒𑌦𑌃 । 𑌶𑍍𑌰𑍋𑌤𑍍𑌰𑌿𑌯𑌸𑍍𑌯 𑌚𑌾𑌕𑌾𑌮॑𑌹𑌤॒𑌸𑍍𑌯 । 𑌤𑍇 𑌯𑍇 𑌶𑌤𑌂 𑌪𑌿𑌤𑍃𑌣𑌾𑌂 𑌚𑌿𑌰𑌲𑍋𑌕𑌲𑍋𑌕𑌾𑌨𑌾॑𑌮𑌾𑌨𑌂॒𑌦𑌾𑌃 । 𑌸 𑌏𑌕 𑌆𑌜𑌾𑌨𑌜𑌾𑌨𑌾𑌂 𑌦𑍇𑌵𑌾𑌨𑌾॑𑌮𑌾𑌨𑌂॒𑌦𑌃 । 𑌶𑍍𑌰𑍋𑌤𑍍𑌰𑌿𑌯𑌸𑍍𑌯 𑌚𑌾𑌕𑌾𑌮॑𑌹𑌤॒𑌸𑍍𑌯 । 𑌤𑍇 𑌯𑍇 𑌶𑌤𑌮𑌾𑌜𑌾𑌨𑌜𑌾𑌨𑌾𑌂 𑌦𑍇𑌵𑌾𑌨𑌾॑𑌮𑌾𑌨𑌂॒𑌦𑌾𑌃 । 𑌸 𑌏𑌕𑌃 𑌕𑌰𑍍𑌮𑌦𑍇𑌵𑌾𑌨𑌾𑌂 𑌦𑍇𑌵𑌾𑌨𑌾॑𑌮𑌾𑌨𑌂॒𑌦𑌃 । 𑌯𑍇 𑌕𑌰𑍍𑌮𑌣𑌾 𑌦𑍇𑌵𑌾𑌨॑𑌪𑌿 𑌯𑌂॒𑌤𑌿 । 𑌶𑍍𑌰𑍋𑌤𑍍𑌰𑌿𑌯𑌸𑍍𑌯 𑌚𑌾𑌕𑌾𑌮॑𑌹𑌤॒𑌸𑍍𑌯 । 𑌤𑍇 𑌯𑍇 𑌶𑌤𑌂 𑌕𑌰𑍍𑌮𑌦𑍇𑌵𑌾𑌨𑌾𑌂 𑌦𑍇𑌵𑌾𑌨𑌾॑𑌮𑌾𑌨𑌂॒𑌦𑌾𑌃 । 𑌸 𑌏𑌕𑍋 𑌦𑍇𑌵𑌾𑌨𑌾॑𑌮𑌾𑌨𑌂॒𑌦𑌃 । 𑌶𑍍𑌰𑍋𑌤𑍍𑌰𑌿𑌯𑌸𑍍𑌯 𑌚𑌾𑌕𑌾𑌮॑𑌹𑌤॒𑌸𑍍𑌯 । 𑌤𑍇 𑌯𑍇 𑌶𑌤𑌂 𑌦𑍇𑌵𑌾𑌨𑌾॑𑌮𑌾𑌨𑌂॒𑌦𑌾𑌃 । 𑌸 𑌏𑌕 𑌇𑌂𑌦𑍍𑌰॑𑌸𑍍𑌯𑌾𑌽𑌽𑌨𑌂𑌂॒𑌦𑌃 । 𑌶𑍍𑌰𑍋𑌤𑍍𑌰𑌿𑌯𑌸𑍍𑌯 𑌚𑌾𑌕𑌾𑌮॑𑌹𑌤॒𑌸𑍍𑌯 । 𑌤𑍇 𑌯𑍇 𑌶𑌤𑌮𑌿𑌂𑌦𑍍𑌰॑𑌸𑍍𑌯𑌾𑌽𑌽𑌨𑌂॒𑌦𑌾𑌃 । 𑌸 𑌏𑌕𑍋 𑌬𑍃𑌹𑌸𑍍𑌪𑌤𑍇॑𑌰𑌾𑌨𑌂॒𑌦𑌃 । 𑌶𑍍𑌰𑍋𑌤𑍍𑌰𑌿𑌯𑌸𑍍𑌯 𑌚𑌾𑌕𑌾𑌮॑𑌹𑌤॒𑌸𑍍𑌯 । 𑌤𑍇 𑌯𑍇 𑌶𑌤𑌂 𑌬𑍃𑌹𑌸𑍍𑌪𑌤𑍇॑𑌰𑌾𑌨𑌂॒𑌦𑌾𑌃 । 𑌸 𑌏𑌕𑌃 𑌪𑍍𑌰𑌜𑌾𑌪𑌤𑍇॑𑌰𑌾𑌨𑌂॒𑌦𑌃 । 𑌶𑍍𑌰𑍋𑌤𑍍𑌰𑌿𑌯𑌸𑍍𑌯 𑌚𑌾𑌕𑌾𑌮॑𑌹𑌤॒𑌸𑍍𑌯 । 𑌤𑍇 𑌯𑍇 𑌶𑌤𑌂 𑌪𑍍𑌰𑌜𑌾𑌪𑌤𑍇॑𑌰𑌾𑌨𑌂॒𑌦𑌾𑌃 । 𑌸 𑌏𑌕𑍋 𑌬𑍍𑌰𑌹𑍍𑌮𑌣॑ 𑌆𑌨𑌂॒𑌦𑌃 । 𑌶𑍍𑌰𑍋𑌤𑍍𑌰𑌿𑌯𑌸𑍍𑌯 𑌚𑌾𑌕𑌾𑌮॑𑌹𑌤॒𑌸𑍍𑌯 । 𑌤𑍇 𑌯𑍇 𑌶𑌤𑌂 𑌪𑌜𑌾𑌪𑌤𑍇॑𑌰𑌾𑌨𑌂॒𑌦𑌾𑌃 । 𑌸 𑌏𑌕𑍋 𑌬𑍍𑌰𑌹𑍍𑌮𑌣॑ 𑌆𑌨𑌂॒𑌦𑌃 । 𑌶𑍍𑌰𑍋𑌤𑍍𑌰𑌿𑌯𑌸𑍍𑌯 𑌚𑌾𑌕𑌾𑌮॑𑌹𑌤॒𑌸𑍍𑌯 । 𑌸 𑌯𑌶𑍍𑌚𑌾॑𑌯𑌂 𑌪𑍁॒𑌰𑍁𑌷𑍇 । 𑌯𑌶𑍍𑌚𑌾𑌸𑌾॑𑌵𑌾𑌦𑌿॒𑌤𑍍𑌯𑍇 । 𑌸 𑌏𑌕𑌃॑ । 𑌸 𑌯॑ 𑌏𑌵𑌂॒ 𑌵𑌿𑌤𑍍 । 𑌅𑌸𑍍𑌮𑌾𑌲𑍍𑌲𑍋॑𑌕𑌾𑌤𑍍𑌪𑍍𑌰𑍇॒𑌤𑍍𑌯 । 𑌏𑌤𑌮𑌨𑍍𑌨𑌮𑌯𑌮𑌾𑌤𑍍𑌮𑌾𑌨𑌮𑍁𑌪॑𑌸𑌂𑌕𑍍𑌰𑌾॒𑌮𑌤𑌿 । 𑌏𑌤𑌂 𑌪𑍍𑌰𑌾𑌣𑌮𑌯𑌮𑌾𑌤𑍍𑌮𑌾𑌨𑌮𑍁𑌪॑𑌸𑌂𑌕𑍍𑌰𑌾॒𑌮𑌤𑌿 । 𑌏𑌤𑌂 𑌮𑌨𑍋𑌮𑌯𑌮𑌾𑌤𑍍𑌮𑌾𑌨𑌮𑍁𑌪॑𑌸𑌂𑌕𑍍𑌰𑌾॒𑌮𑌤𑌿। 𑌏𑌤𑌂 𑌵𑌿𑌜𑍍𑌞𑌾𑌨𑌮𑌯𑌮𑌾𑌤𑍍𑌮𑌾𑌨𑌮𑍁𑌪॑𑌸𑌂𑌕𑍍𑌰𑌾॒𑌮𑌤𑌿 । 𑌏𑌤𑌮𑌾𑌨𑌂𑌦𑌮𑌯𑌮𑌾𑌤𑍍𑌮𑌾𑌨𑌮𑍁𑌪॑𑌸𑌂𑌕𑍍𑌰𑌾॒𑌮𑌤𑌿 । 𑌤𑌦𑌪𑍍𑌯𑍇𑌷 𑌶𑍍𑌲𑍋॑𑌕𑍋 𑌭॒𑌵𑌤𑌿 ॥ 𑍮 ॥

𑌯𑌤𑍋॒ 𑌵𑌾𑌚𑍋॒ 𑌨𑌿𑌵॑𑌰𑍍𑌤𑌂𑌤𑍇 । 𑌅𑌪𑍍𑌰𑌾᳚𑌪𑍍𑌯॒ 𑌮𑌨॑𑌸𑌾 𑌸॒𑌹 । 𑌆𑌨𑌂𑌦𑌂 𑌬𑍍𑌰𑌹𑍍𑌮॑𑌣𑍋 𑌵𑌿॒𑌦𑍍𑌵𑌾𑌨𑍍 । 𑌨 𑌬𑌿𑌭𑍇𑌤𑌿 𑌕𑍁𑌤॑𑌶𑍍𑌚𑌨𑍇॒𑌤𑌿 । 𑌏𑌤𑌗𑍍-𑌮𑍍 𑌹 𑌵𑌾𑌵॑ 𑌨 𑌤॒𑌪𑌤𑌿 । 𑌕𑌿𑌮𑌹𑌗𑍍-𑌮𑍍 𑌸𑌾𑌧𑍁॑ 𑌨𑌾𑌕॒𑌰𑌵𑌮𑍍 । 𑌕𑌿𑌮𑌹𑌂 𑌪𑌾𑌪𑌮𑌕𑌰॑𑌵𑌮𑌿॒𑌤𑌿 । 𑌸 𑌯 𑌏𑌵𑌂 𑌵𑌿𑌦𑍍𑌵𑌾𑌨𑍇𑌤𑍇 𑌆𑌤𑍍𑌮𑌾॑𑌨𑌗𑍍𑌗𑍍 𑌸𑍍𑌪𑍃॒𑌣𑍁𑌤𑍇 । 𑌉॒𑌭𑍇 𑌹𑍍𑌯𑍇॑𑌵𑍈𑌷॒ 𑌏𑌤𑍇 𑌆𑌤𑍍𑌮𑌾॑𑌨𑌗𑍍𑌗𑍍 𑌸𑍍𑌪𑍃॒𑌣𑍁𑌤𑍇 । 𑌯 𑌏॒𑌵𑌂 𑌵𑍇𑌦॑ । 𑌇𑌤𑍍𑌯𑍁॑𑌪॒𑌨𑌿𑌷॑𑌤𑍍 ॥ 𑍯 ॥

𑌸॒𑌹 𑌨𑌾॑ 𑌵𑌵𑌤𑍁 । 𑌸॒𑌹 𑌨𑍌॑ 𑌭𑍁𑌨𑌕𑍍𑌤𑍁 । 𑌸॒𑌹 𑌵𑍀॒𑌰𑍍𑌯𑌂॑ 𑌕𑌰𑌵𑌾𑌵𑌹𑍈 । 𑌤𑍇॒𑌜॒𑌸𑍍𑌵𑌿 𑌨𑌾॒𑌵𑌧𑍀॑𑌤𑌮𑌸𑍍𑌤𑍁॒ 𑌮𑌾 𑌵𑌿॑𑌦𑍍𑌵𑌿𑌷𑌾॒𑌵𑌹𑍈᳚ । 𑌓𑌂 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॒ 𑌶𑌾𑌂𑌤𑌿𑌃॑ ॥

॥ 𑌹𑌰𑌿𑌃॑ 𑌓𑌮𑍍 ॥
॥ 𑌶𑍍𑌰𑍀 𑌕𑍃𑌷𑍍𑌣𑌾𑌰𑍍𑌪𑌣𑌮𑌸𑍍𑌤𑍁 ॥